LAMKTU 2
2
Mumcha Theing Akyum Law ah Mawng
1Pentekos hnüüp ung yum ciah chang gui cu hmun ät ung a täng ah ng’bum ci gui. 2A cun yah ung khankho ah ka, khaw khi nu ah mäih ah ng’hmum ciah k’aw cu ami om nak ah kyawng khui ah gawk law ne be ci. 3Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci. 4Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.
5Cun yah ung khomdek ah khan, khaw nüng ah ka lawk ciah yum nak om ci guiah Judah chang gui cu Jerusalem ah om yah ci gui. 6Cun ah k’aw cu ng’yak u ne tah, chang khli gui cu ng’bum lawk ci gui. Ang düipüi gui ah ng’thu pyein cu, chang päng naw ami mät ah ng’thu phäh phäh awn ng’yah u ne tah cäicat ci gui. 7Cun ah cäicat ne ngai khit u ne tah, “Shin ah ng’thu pyein ci gui cu Kalile chang gui ah maw? 8a i hawkcha ah, mikmi van naw mi ng’tüi püi ah ng’thu phäh phäh awn mi ng’yak hning ang? 9Mik mi cu Parthia, Media, lah Elam; Mesopotamia, Judea, lah Kappadocia, 10Pontus lah Asia; Phrikia lah Pamphilia; Egypt lah Sairin ah pei Libya ah ka gui ah mi kyak ci. 11Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui. 12Ngah mi cu ang’htei ah cäicat u ne tah, “Shin ah mawng cu a i hawk cha leng leng ang? cine ami mät ng’ce cäk ci gui.
13Cun ung phi amshah gui naw, “shin ah chang gui awk tat ci gui nei” cu ne päipih ci gui.
Peter ah Ng’thu Pyein
14Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai. 15Shin ah chang gui cu nang mi ah pyein ah mäih ah awk tat ci gui ah kä kyak ci nei, tuk bäi cu ngawi lam nayi kaw ah vah kiah phak ci. 16Shin gui cu prophet Joel ah ng’thu a khüm nak ah kyak ci. Cun ah prophet ah pyein cu:
17“Ak hnu bäih ah khaw hnüp gui ung,
Chang nüng ah khan ah Mumcha Theing cu ka yuk chah khai,
Na mi hta gui kei ah ng’thu ng’shäu khai gui,
Ak hmaw chang gui mik hmuk khai gui,
aghi ng’vai gui ng’mui mang mah khai gui.
18Cun ah khaw hnüüp gui ung,
Ka chang gui hnumi’ pami van ah khan ah,
Ka Mumcha Theing ka yuk chah lawk khai,
ngah mi naw kei ah ng’thu ng’shäu khai gui.
19Ak khan ah om ciah khankho ah,
cäi aih gui vai kam dang khai,
ak ka ah om ciah m’dek khan ah, ngaih khit gui vai kam dang khai.
Si ng’hlui ng’huk khai, mei m’lei taut neh, mei khu thet khai.
20Hngi yin mü seih kho hnüüp khai,
cha si ng’hlui ah ng’lat neh sen khai,
Hlüng tai neh bä khäk ciah Bawipa ah kyum law nak vai ah hnüüp
kä ah gawk law pha ung cun gui cu küm lawk khai.
21Cun yah ung Khanpughi ah ng’hui neh k’tai gü ci gui cu,
hun nak gah khai gui” ciah Khanpughi naw pyein ci.
22“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci. 23Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci. 24Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci. 25Ani ah mawng cu David naw:
“Khanpughi cu angtäi seih ka hmuk ci;
Ani cu kei ah pei ah om seih, kei cu ng’ä ai nak kä om ci.
26Cun ah kyak sei kei cu yeikyai nak awn küm be neh,
kang thu m’gawng ung phi yeikyai nak ah ng’thu be ci.
Kei cu sih nak ma nak ciah chang ah ka kyak ung phi,
ngaih u nak awn dim deeih nak om khai nei.
27A i ah kiah sei ci ung nang Bawipa naw kei cu,
sih nak ah khaw ung kä nah na nawng düt khai;
Nang ung ng’düng ciah na chang cun phi,
Ng’cim hmun ung kä na thu kat sak düt khai ah kyak ci.
28Ghin nak ah lam cu nah na m’shüm pyi ci,
atäng ah nah na om püi nak naw na yei kiai sak khai nei” ci neh pyein ci.
29“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci. 30Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci. 31David naw ngawi ah Khanpughi naw a i bi lawk khai cicu hmuh hmat ne tah, Messiah a thawh ba vai ah mawng cu ng’daut ne apyein nak ung;
“Ani naw Bawipa cu sih nak ah khaw ung kä nawng düt khai, apum sa phi ng’cim hmun ung kä thu kah düt khai” cine pyein ci.
32Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci. 33Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.
34David cu Bawipa Jesuh ah mäih ah Khankho ah kai ciah kä kyak ci; Cun ung phi ani naw:
“Bawipa naw ka Bawipa am,
35‘Na ga gui avan cu na khaw leh nak gui vai ah, Na khaw ka ah kä kam khäm gui pha ah chuih, kak pat lam ah na ngawh vai’ ci neh kyak nak ci” ci neh pyein ci.
36Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.
37Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.
38Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai. 39Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.
40Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci. 41Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui. 42Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.
Yum Ci Gui ah Ghin Om Nak
43Ang düihpüi gui naw cäi aih gui vai lah ngaih khit gui vai ak da m’dang u khähtah chang gui cu kyikyawk yawp ci gui. 44Zum ciah chang gui cu kawng ät neh om u neh ami khawh cham gui phi ng’tei ng’pai neh ei mang ci gui. 45Ngah mi cu ami khawh cham yawi tuh u neh pyamtham ci am ami ng’yak hlü ah ciah tei pai ci gui. 46Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui. 47Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.
Currently Selected:
LAMKTU 2: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
LAMKTU 2
2
Mumcha Theing Akyum Law ah Mawng
1Pentekos hnüüp ung yum ciah chang gui cu hmun ät ung a täng ah ng’bum ci gui. 2A cun yah ung khankho ah ka, khaw khi nu ah mäih ah ng’hmum ciah k’aw cu ami om nak ah kyawng khui ah gawk law ne be ci. 3Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci. 4Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.
5Cun yah ung khomdek ah khan, khaw nüng ah ka lawk ciah yum nak om ci guiah Judah chang gui cu Jerusalem ah om yah ci gui. 6Cun ah k’aw cu ng’yak u ne tah, chang khli gui cu ng’bum lawk ci gui. Ang düipüi gui ah ng’thu pyein cu, chang päng naw ami mät ah ng’thu phäh phäh awn ng’yah u ne tah cäicat ci gui. 7Cun ah cäicat ne ngai khit u ne tah, “Shin ah ng’thu pyein ci gui cu Kalile chang gui ah maw? 8a i hawkcha ah, mikmi van naw mi ng’tüi püi ah ng’thu phäh phäh awn mi ng’yak hning ang? 9Mik mi cu Parthia, Media, lah Elam; Mesopotamia, Judea, lah Kappadocia, 10Pontus lah Asia; Phrikia lah Pamphilia; Egypt lah Sairin ah pei Libya ah ka gui ah mi kyak ci. 11Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui. 12Ngah mi cu ang’htei ah cäicat u ne tah, “Shin ah mawng cu a i hawk cha leng leng ang? cine ami mät ng’ce cäk ci gui.
13Cun ung phi amshah gui naw, “shin ah chang gui awk tat ci gui nei” cu ne päipih ci gui.
Peter ah Ng’thu Pyein
14Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai. 15Shin ah chang gui cu nang mi ah pyein ah mäih ah awk tat ci gui ah kä kyak ci nei, tuk bäi cu ngawi lam nayi kaw ah vah kiah phak ci. 16Shin gui cu prophet Joel ah ng’thu a khüm nak ah kyak ci. Cun ah prophet ah pyein cu:
17“Ak hnu bäih ah khaw hnüp gui ung,
Chang nüng ah khan ah Mumcha Theing cu ka yuk chah khai,
Na mi hta gui kei ah ng’thu ng’shäu khai gui,
Ak hmaw chang gui mik hmuk khai gui,
aghi ng’vai gui ng’mui mang mah khai gui.
18Cun ah khaw hnüüp gui ung,
Ka chang gui hnumi’ pami van ah khan ah,
Ka Mumcha Theing ka yuk chah lawk khai,
ngah mi naw kei ah ng’thu ng’shäu khai gui.
19Ak khan ah om ciah khankho ah,
cäi aih gui vai kam dang khai,
ak ka ah om ciah m’dek khan ah, ngaih khit gui vai kam dang khai.
Si ng’hlui ng’huk khai, mei m’lei taut neh, mei khu thet khai.
20Hngi yin mü seih kho hnüüp khai,
cha si ng’hlui ah ng’lat neh sen khai,
Hlüng tai neh bä khäk ciah Bawipa ah kyum law nak vai ah hnüüp
kä ah gawk law pha ung cun gui cu küm lawk khai.
21Cun yah ung Khanpughi ah ng’hui neh k’tai gü ci gui cu,
hun nak gah khai gui” ciah Khanpughi naw pyein ci.
22“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci. 23Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci. 24Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci. 25Ani ah mawng cu David naw:
“Khanpughi cu angtäi seih ka hmuk ci;
Ani cu kei ah pei ah om seih, kei cu ng’ä ai nak kä om ci.
26Cun ah kyak sei kei cu yeikyai nak awn küm be neh,
kang thu m’gawng ung phi yeikyai nak ah ng’thu be ci.
Kei cu sih nak ma nak ciah chang ah ka kyak ung phi,
ngaih u nak awn dim deeih nak om khai nei.
27A i ah kiah sei ci ung nang Bawipa naw kei cu,
sih nak ah khaw ung kä nah na nawng düt khai;
Nang ung ng’düng ciah na chang cun phi,
Ng’cim hmun ung kä na thu kat sak düt khai ah kyak ci.
28Ghin nak ah lam cu nah na m’shüm pyi ci,
atäng ah nah na om püi nak naw na yei kiai sak khai nei” ci neh pyein ci.
29“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci. 30Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci. 31David naw ngawi ah Khanpughi naw a i bi lawk khai cicu hmuh hmat ne tah, Messiah a thawh ba vai ah mawng cu ng’daut ne apyein nak ung;
“Ani naw Bawipa cu sih nak ah khaw ung kä nawng düt khai, apum sa phi ng’cim hmun ung kä thu kah düt khai” cine pyein ci.
32Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci. 33Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.
34David cu Bawipa Jesuh ah mäih ah Khankho ah kai ciah kä kyak ci; Cun ung phi ani naw:
“Bawipa naw ka Bawipa am,
35‘Na ga gui avan cu na khaw leh nak gui vai ah, Na khaw ka ah kä kam khäm gui pha ah chuih, kak pat lam ah na ngawh vai’ ci neh kyak nak ci” ci neh pyein ci.
36Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.
37Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.
38Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai. 39Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.
40Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci. 41Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui. 42Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.
Yum Ci Gui ah Ghin Om Nak
43Ang düihpüi gui naw cäi aih gui vai lah ngaih khit gui vai ak da m’dang u khähtah chang gui cu kyikyawk yawp ci gui. 44Zum ciah chang gui cu kawng ät neh om u neh ami khawh cham gui phi ng’tei ng’pai neh ei mang ci gui. 45Ngah mi cu ami khawh cham yawi tuh u neh pyamtham ci am ami ng’yak hlü ah ciah tei pai ci gui. 46Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui. 47Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.