ATÜNNAK 42
42
Joseph ah Phäi gui Ei ng’Yoi Khai gui ah Egypt Khaw ah Hteit ci gui
1Egypt khaw ah ei vai a om cu Jakob naw ng’ya neta, a hta gui am, “A i ah kyasei a i kä bi ne nami om ang? 2Egypt khaw ah htang om ciah ka ng’yak ci nei, cawi ne kä mi sih vai ah hteit ne hleih tu vä” cik ci. 3Cun ah kyasei Joseph ah phäi gui chang sing gha cu ei hleih khai gui ah Egypt khaw ah hteit ci gui. 4Cun ung phi Joseph ah nau ng’lüng Benjamin cu apa naw ng’ä na neta kä tüi tuk ci.
5Kanaan khaw ah ei khaw shek ci kyasei, Jakob ah hta gui cu a hei chang gui awn a täng ah ei hleih khai gui ah lawk ci gui. 6Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui. 7Joseph naw a phäi gui cu hmu gui ne hmat gui ci. Cun ung phi kä hmat gui hlawk ciah ng’shei neta, “Nangmi a hawi ka gui ang?” cine akgai ah ng’shi gui ci.
Ngami naw, “Keimi cu Kaanan khaw ah ka ei hleih vai ah kami lawk ci nei” cik ci gui.
8Joseph naw a phäi gui cu hmat gui ci, cun ung phi ngami naw kä hmat ci gui. 9Ani naw ngami ah mawng ang mang cu shüm ba neta, “Nangmi cu ng’tä ciah nami kyak ci, kami khaw ung kä näng nak lam nami k’tä khai ah nami lawk ci” cine kyak na gui ci.
10Ngami naw, “Bawi aw, keimi cu na na chang gui nei, ei kami khleih khai ah kami lawk ci nei. 11Keimi kami van ng’phäi nau gui nei, keimi chang ni gui nei, kä kami ng’tä ci nei” cik ci gui.
12Joseph naw, “Kä kyak khai, nang mi cu kami khaw ah kä näng nak nami k’tä khai ah nami lawk ci nei” cine kyak na gui ci.
13Ngami naw, “Bawi aw, keimi cu ng’phäi nau gha lei goi kami lawk ci, Kanaan khaw ah ka tumat ah na hta gui nei. Kami nau tumat cu sik ci, a hmaw pi tumat cu kami pa awn om ci goi” cine pyen ci gui.
14Joseph naw, “Ka pyen pyi ah mäih ah nangmi cu ng’tä ciah nami kyak ci. 15Tuhbäi nangmi ning m’nüm nak gui ah ghangpughang ah ming awn ning khen gui ah kyak ci, nami nau a hmawpi kä a gawk law ung kä nami hteit ba khai. 16Tumat hteit ba ne la tuba sä. Nami om shüt ci gui cu nami ng’thu akcang ah a kyak la kä cun ah kä m’nüm pha a chuih ning ngäng gui vai, ghangpughang akcang ah ghing ne a om ah mäih ah nangmi cu ng’tä ciah nami kyak khai. 17Cun ci neta ani naw ngami cu hnüüp thum thawng ung chum gui ci.
18A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai. 19Nami düng nak a dang vai ah tumat cu nami om nak te ah thawng ung kium shüt sä, k’pawih ba ci gui cu cawi ciah nami paw gui ah hmawk ah htang nami khleih cu phui ne hteit ba u sä. 20Cun kawn ah nami nau a hmawpi cu kei ah nami law püi vai nei. Cun ung nami cang nak dang sei, kei naw kä ka ning sih sak gui khai” cine pyen na gui ci.
Cun cu ngami naw yum ci gui. 21Ngami ami mät ng’thu u ne, “Mi nau mi hma nak ah hmawk ah tuhbäi mi khüikha ciah kyak ci, a geinvai nak mi hmu lang ne, mi m’htei vai ah na ng’paa na gui sei phi, mikmi naw kä mi ngaih pek ci, acun ah hmawk ah tuhbäi mi yaica ah kyak ci” cik ci gui.
22Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci. 23Ami ng’thu cu Joseph naw hmat ci, cun ung phi ngami naw kä hmat ci gui, a i ah kyasei ci ung Joseph naw thu k’phlan tha ne ang thu püi gui ah hmawk ah kyak ci. 24Joseph cu va lut ba neta kyap ci. Büiba neta lut law ba ne ami ma ah Simeon cu khit ne k’pawn sak gui ci.
Joseph ah Phäi gui Kanaan Kho ah Hteit Ba ci gui
25Joseph naw k’bäi ne a phäi gui ah ng’ip avan ung htang be sei m’khäh sak gui ne, ami ei vai phi m’sho sak gui sei, a chang gui naw a cun ah bik ci gui. 26A phäi gui cu ami laa gui ung htang ip taih u ne hteit ba ci gui. 27Lam ah ami ih nak ah tumat naw ang ip phian ne laa am a vuh vai htang la neta, ang ip khui ah ngui om sei hmuk ci. 28Ani naw aphäi nau gui khü gui neta, “Ngui cu law püi ba en ah kyak ci nei, ka ng’ip khui ah om ei ci nei” cik ci. Ngami cu ng’hlet ne cäicat u neta, “Khanpughi naw mikmi ah khan ah a i hawkcha bii a bi ang?” cine ng’htau ci gui.
29Kanaan khaw ami pa ah gawk ba u neta, a mawng avan cu m’thein tuk ci gui. 30Egypt khaw uk ciah bawi naw akgat ah na ng’thu püi gui ne, ami khaw kami k’tä ciah na k’bäi gui ci nei. 31Keimi naw, “Keimi cu ng’tä ciah kä kami kyak ci, chang ni gui nei. 32Keimi cu pa ät ah na hta gui, sing gha lei goi kami lawk ci, kami nau tumat cu sik ci, a hmawpi cu Kanaan khaw ah kami pa awn om ci goi” cine kami pyen ci. 33Ani naw, “Nangmi chang ni ah nami kyak ka hmat nak vai ah tumat cu kei awn om shüt sä, cun kawn ah ka gui cu cawi ciah nami chu hta gui ah hmawk ah htang phui ne hteit ba vä. 34Nami nau a hmawpi cu kei ah nami law püi vai, cun ung nangmi cu ng’tä ciah kä kya ne, chang ni ah nami kyak ciah ka hmat khai. Nami nau phi ka ning pe ba gui khai, nangmi phi a shia ah sumlei ne nami om tu hning ci, cik ci” cine m’thein tuk ci gui.
35Ami van naw ami htang ip phian law u khäta, ami ng’ip phäh phäh ung ami ngui om bäng bäng sei hmu u neta, ami pa mah ah ami van cäi ne kyik ci gui. 36Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.
37Reuben naw apa am, “Benjamin cu kä ka law püi ba ah a kyak ung ka hta gui cu na ngawn gui vai nei, kei am na ap ä, ka law püi ba khai nei” cik ci.
38Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.
Currently Selected:
ATÜNNAK 42: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
ATÜNNAK 42
42
Joseph ah Phäi gui Ei ng’Yoi Khai gui ah Egypt Khaw ah Hteit ci gui
1Egypt khaw ah ei vai a om cu Jakob naw ng’ya neta, a hta gui am, “A i ah kyasei a i kä bi ne nami om ang? 2Egypt khaw ah htang om ciah ka ng’yak ci nei, cawi ne kä mi sih vai ah hteit ne hleih tu vä” cik ci. 3Cun ah kyasei Joseph ah phäi gui chang sing gha cu ei hleih khai gui ah Egypt khaw ah hteit ci gui. 4Cun ung phi Joseph ah nau ng’lüng Benjamin cu apa naw ng’ä na neta kä tüi tuk ci.
5Kanaan khaw ah ei khaw shek ci kyasei, Jakob ah hta gui cu a hei chang gui awn a täng ah ei hleih khai gui ah lawk ci gui. 6Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui. 7Joseph naw a phäi gui cu hmu gui ne hmat gui ci. Cun ung phi kä hmat gui hlawk ciah ng’shei neta, “Nangmi a hawi ka gui ang?” cine akgai ah ng’shi gui ci.
Ngami naw, “Keimi cu Kaanan khaw ah ka ei hleih vai ah kami lawk ci nei” cik ci gui.
8Joseph naw a phäi gui cu hmat gui ci, cun ung phi ngami naw kä hmat ci gui. 9Ani naw ngami ah mawng ang mang cu shüm ba neta, “Nangmi cu ng’tä ciah nami kyak ci, kami khaw ung kä näng nak lam nami k’tä khai ah nami lawk ci” cine kyak na gui ci.
10Ngami naw, “Bawi aw, keimi cu na na chang gui nei, ei kami khleih khai ah kami lawk ci nei. 11Keimi kami van ng’phäi nau gui nei, keimi chang ni gui nei, kä kami ng’tä ci nei” cik ci gui.
12Joseph naw, “Kä kyak khai, nang mi cu kami khaw ah kä näng nak nami k’tä khai ah nami lawk ci nei” cine kyak na gui ci.
13Ngami naw, “Bawi aw, keimi cu ng’phäi nau gha lei goi kami lawk ci, Kanaan khaw ah ka tumat ah na hta gui nei. Kami nau tumat cu sik ci, a hmaw pi tumat cu kami pa awn om ci goi” cine pyen ci gui.
14Joseph naw, “Ka pyen pyi ah mäih ah nangmi cu ng’tä ciah nami kyak ci. 15Tuhbäi nangmi ning m’nüm nak gui ah ghangpughang ah ming awn ning khen gui ah kyak ci, nami nau a hmawpi kä a gawk law ung kä nami hteit ba khai. 16Tumat hteit ba ne la tuba sä. Nami om shüt ci gui cu nami ng’thu akcang ah a kyak la kä cun ah kä m’nüm pha a chuih ning ngäng gui vai, ghangpughang akcang ah ghing ne a om ah mäih ah nangmi cu ng’tä ciah nami kyak khai. 17Cun ci neta ani naw ngami cu hnüüp thum thawng ung chum gui ci.
18A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai. 19Nami düng nak a dang vai ah tumat cu nami om nak te ah thawng ung kium shüt sä, k’pawih ba ci gui cu cawi ciah nami paw gui ah hmawk ah htang nami khleih cu phui ne hteit ba u sä. 20Cun kawn ah nami nau a hmawpi cu kei ah nami law püi vai nei. Cun ung nami cang nak dang sei, kei naw kä ka ning sih sak gui khai” cine pyen na gui ci.
Cun cu ngami naw yum ci gui. 21Ngami ami mät ng’thu u ne, “Mi nau mi hma nak ah hmawk ah tuhbäi mi khüikha ciah kyak ci, a geinvai nak mi hmu lang ne, mi m’htei vai ah na ng’paa na gui sei phi, mikmi naw kä mi ngaih pek ci, acun ah hmawk ah tuhbäi mi yaica ah kyak ci” cik ci gui.
22Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci. 23Ami ng’thu cu Joseph naw hmat ci, cun ung phi ngami naw kä hmat ci gui, a i ah kyasei ci ung Joseph naw thu k’phlan tha ne ang thu püi gui ah hmawk ah kyak ci. 24Joseph cu va lut ba neta kyap ci. Büiba neta lut law ba ne ami ma ah Simeon cu khit ne k’pawn sak gui ci.
Joseph ah Phäi gui Kanaan Kho ah Hteit Ba ci gui
25Joseph naw k’bäi ne a phäi gui ah ng’ip avan ung htang be sei m’khäh sak gui ne, ami ei vai phi m’sho sak gui sei, a chang gui naw a cun ah bik ci gui. 26A phäi gui cu ami laa gui ung htang ip taih u ne hteit ba ci gui. 27Lam ah ami ih nak ah tumat naw ang ip phian ne laa am a vuh vai htang la neta, ang ip khui ah ngui om sei hmuk ci. 28Ani naw aphäi nau gui khü gui neta, “Ngui cu law püi ba en ah kyak ci nei, ka ng’ip khui ah om ei ci nei” cik ci. Ngami cu ng’hlet ne cäicat u neta, “Khanpughi naw mikmi ah khan ah a i hawkcha bii a bi ang?” cine ng’htau ci gui.
29Kanaan khaw ami pa ah gawk ba u neta, a mawng avan cu m’thein tuk ci gui. 30Egypt khaw uk ciah bawi naw akgat ah na ng’thu püi gui ne, ami khaw kami k’tä ciah na k’bäi gui ci nei. 31Keimi naw, “Keimi cu ng’tä ciah kä kami kyak ci, chang ni gui nei. 32Keimi cu pa ät ah na hta gui, sing gha lei goi kami lawk ci, kami nau tumat cu sik ci, a hmawpi cu Kanaan khaw ah kami pa awn om ci goi” cine kami pyen ci. 33Ani naw, “Nangmi chang ni ah nami kyak ka hmat nak vai ah tumat cu kei awn om shüt sä, cun kawn ah ka gui cu cawi ciah nami chu hta gui ah hmawk ah htang phui ne hteit ba vä. 34Nami nau a hmawpi cu kei ah nami law püi vai, cun ung nangmi cu ng’tä ciah kä kya ne, chang ni ah nami kyak ciah ka hmat khai. Nami nau phi ka ning pe ba gui khai, nangmi phi a shia ah sumlei ne nami om tu hning ci, cik ci” cine m’thein tuk ci gui.
35Ami van naw ami htang ip phian law u khäta, ami ng’ip phäh phäh ung ami ngui om bäng bäng sei hmu u neta, ami pa mah ah ami van cäi ne kyik ci gui. 36Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.
37Reuben naw apa am, “Benjamin cu kä ka law püi ba ah a kyak ung ka hta gui cu na ngawn gui vai nei, kei am na ap ä, ka law püi ba khai nei” cik ci.
38Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.