JOHAN 11
11
Lazaruh a Sih ah Mawng
1Bethani gawnu ah om ciah Lazaruh cu gaw ci. Bethani cu Mari la Mahta ni ami om nak ah gawnu ah kyak ci. 2(Shin ah Mari cu Bawipa Jesuh akho, tui ng’ui awn shawi ne alusam awn m’si ciah kyak ci, gaw ciah Lazaruh cu ani ah be ah kyak ci.) 3Cun ah ng’pai nau goi naw, “Bawipa, nang naw nam hni ah chang cu gaw ci nei” cine chang m’cäi lawk ci goi.
4 Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.
5 Bawipa Jesuh naw Mahta la Mari ni Lazaruh ni cu m’hni gui ci.
6 Bawipa Jesuh cu Lazaruh ah gaw ang yak kawn ah a om nak ah hnüüp goi om ba ci. 7Cun kawn ah “Judea kho ah mi hteit ba khai nei” ci ne ang düihpüi gui pyen na gui ci.
8Angdüihpüi gui naw, “Zasapa, chang gui naw lung awn ami ning vawih hlü nak kä shou phak ci maw, acun ah kho bä ah na hteit ba khai ma?” cik ci gui.
9 Bawipa Jesuh naw, “Hnüüp ät ung nayi gha-lei-goi om ciah kä kia ne ang? Kho hnüüp ung hteit cicu akdei hmuk ci kya ne, kä m’thuih shawng ne akni ah hteit ci. 10Khomü ung hteit cicu akdei kä hmuk ci kya ne m’thuihshawng ne ng’täng man ci” cik ci. 11Bawipa Jesuh cu cun ah a pyein kawn ah, “Mi teihpüi Lazaruh cu ip ci nei, ani kam tho ba khai ah ka hteit khai” cik ci.
12Angdüihpüi gui naw, “Ani ip ciah a kyak ung gai law ba khai nei” cik ci gui.
13 Bawipa Jesuh naw Lazaruh asih cu a pyein ah kyak ci, cun ung phi angdüihpüi gui naw ih man ah a ih a mawng a pyein ah ngai ci gui.
14Cun ah kyasei Bawipa Jesuh naw, “Layaruh sik ci nei; 15Ani a gaw yah ung kei kä ka gawk law cu nangmi naw nami yum vai ah phäh ah kyasei, nangmi ah phäh ah ka yei ci, ani ah mi hteit khai” cik ci.
16(Ang phi ah ming ciah) Thoma naw, “Sayapa awn a täng ah sih vai ah mi van mi hteit tuk khai” cik ne apaw gui pyen na gui ci.
Bawipa Jesuh cu Thawhnak Ba La Ghinnak ah kyak ci
17 Bawipa Jesuh a gawk law yah ung Lazaruh ami m’cim nak cu hnüüp hli lüng pyi ciah kyak ci. 18Bethani cu Jerusalem awn maing goi phi kä ng’lak nak ci. 19Jew chang gui akda cu Mari la Mahta ani be ah sih nak ah law u ne thüi tu püi ci gui.
20Mahta cu Bawipa Jesuh a law ng’ya netah, “va dou khai ah hteit ci, Mari cu im ah om shüt ci. 21Mahta naw, “Bawipa, nang na om vai sü ung kabe kä sik khai süte; 22Cun ung phi nang Bawipa naw nang yoih ung, Khanpughi naw ning pek khai ah, kei naw ka hmat ci nei,” cik ci.
23 Bawipa Jesuh naw, “Nabe cu ghing ba khai nei” cik ci. 24Mahta naw, “Ak hnubäih kho hnüüp sik ci gui ami thawh law ba ung, tho ba ne ghing ba khai ah ka hmat ci nei” cine pyein ci.
25 Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai; 26Kei na yum ne tuhbäi ghing ciah chang cu, a i yah ung phi kä sik khai, kang thu na yum ci ang?” ci nak ci.
27Mahta naw, “Ka yum ci nei Bawipa, nang cu khomdek khan ung kyum lawk ciah Khanpughi ah Htapa, Messiah ah na kyak cu, ka yum ci nei” cine pyein ci.
Bawipa Jesuh Kyap Ci
28Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci. 29Cun ang yak vai-am Mari cu ng’düi law ne, Bawipa Jesuh ah om nak ah lawk ci. 30Bawipa Jesuh cu pigaw kyong ah kä gawk phak ci. 31Mahta naw ava dou nak ung om yah ci. Mari ngoh püi ne im ah om ciah chang gui naw, Mari ak yaang ah ng’düi law ne hteit khätah, ng’ciim hmun ah hteit khai ah ngai ne läk tuk ci gui.
32Mari cu Bawipa Jesuh ah om nak ah gawk ne, Bawipa Jesuh cu hmu law netah, “Bawipa, nang na om vai sü ung kabe kä sik khai süte nei” cik ci.
33 Bawipa Jesuh naw, Mari la ani awn lawk ci gui ah chang gui ami van kyap u sei hmu gui netah, ang htei ah thüi ne am lung kyong ah ayä ci. 34Bawipa Jesuh naw, “A hawi ang nami m’ciim?” cine ng’shi gui ci. Ngami naw, “Bawipa, law ne teng law ä” cik ci gui.
35 Bawipa Jesuh cu kyap ci. Cun hmu u netah, Bawipa Jesuh akchang gui naw, 36“Teng tu vä, ani naw Lazaruh cu ang htei ah m’hni ci nei” cik ci gui. 37Chang amshah gui naw, amik m’dauh hngaw m’dei ba sak ciah chang naw, Lazaruh cu käm ghin ba hlawt ne ma?” cik ci gui.
Lazaruh cu M’ghin Ba Ci
38 Bawipa Jesuh cu ang htei ah ayä aih netah, ng’ciim hmun ah hteit ci. 39Phuh hmun cu lung awn khai ci gui. Bawipa Jesuh naw, “Lungnu cu m’hnawn vä” cik ci.
Sik ciah pai Mahta naw, “tuhta läi thu lawk khai nei, asih nak hnüüp phli law pyi ci” cik ci.
40 Bawipa Jesuh naw, “Nang naw na yum ah a kyak ung Khanpughi ah bämang nak na hmuk khai nei, cine ka pyein ciah kä kya ne ma? cik ci. 41Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei; 42Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci. 43Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne, 44a hmai phi hlawp nak naw uk sei tho ne lut lawk ci. Bawipa Jesuh naw, “Ang hlawp nak ah yih cu k’phian pe vä” cine pyen na gui ci.
Bawipa Jesuh cu Ngawn Vai ah Pawngpüi ci Gui
(Mt 26:1-5; Mk 14:1-2; Lk 22:1-2)
45Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui. 46Amshah naw, Pharise gui ah hteit ne, Bawipa Jesuh ah bilawh gui cu m’thein tu gui ci gui. 47Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma? 48Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.
49Ngami ung kaacun ah khokum ung taigütung ah kyak ciah Kaiaphas naw, 50“Nangmi nami ang ci nei, Jew pakhui avan didap ah k’dam ah, pakhui avan ah hamwk ah chang tumat asih ung bä pi khai ah kä nami hmat ci ma? cine pyen na gui ci. 51(Cun aci cu ani amät ah ngaih düt ah a pyein ah kä kyak ci, ani cu acu kum taigütung ah kyak ciah kya ne, Jew chang avan ah hmawk ah Bawipa Jesuh asih vai ah mawng la, 52akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)
53Cun ah hnüüp ung tün ne Jew chang vai gui cu, Bawipa Jesuh ngawn vai ah tängpang ne pawngpüi ci gui. 54Cun ah kyasei Bawipa Jesuh cu Judea kho ung ang ngaih ah kä hteit hton ba ci. Cun ungka ng’düi ba ne, kho ng’gau kho ah pei Ephaim gawnu ah hteit ne, ang düihpüi gui awn a täng ah om ci gui.
55Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui. 56Ngami naw Bawipa Jesuh cu shui ci gui. Ngami cu taigü im ah ng’bum law u netah, “Ani cu shin ah pawi ung kä law tuk khai ah hmatphyak ci nei, a i ah nami ngai tuk ci ang?” cine ami mät ng’cecäk ci gui. 57Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.
Currently Selected:
JOHAN 11: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
JOHAN 11
11
Lazaruh a Sih ah Mawng
1Bethani gawnu ah om ciah Lazaruh cu gaw ci. Bethani cu Mari la Mahta ni ami om nak ah gawnu ah kyak ci. 2(Shin ah Mari cu Bawipa Jesuh akho, tui ng’ui awn shawi ne alusam awn m’si ciah kyak ci, gaw ciah Lazaruh cu ani ah be ah kyak ci.) 3Cun ah ng’pai nau goi naw, “Bawipa, nang naw nam hni ah chang cu gaw ci nei” cine chang m’cäi lawk ci goi.
4 Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.
5 Bawipa Jesuh naw Mahta la Mari ni Lazaruh ni cu m’hni gui ci.
6 Bawipa Jesuh cu Lazaruh ah gaw ang yak kawn ah a om nak ah hnüüp goi om ba ci. 7Cun kawn ah “Judea kho ah mi hteit ba khai nei” ci ne ang düihpüi gui pyen na gui ci.
8Angdüihpüi gui naw, “Zasapa, chang gui naw lung awn ami ning vawih hlü nak kä shou phak ci maw, acun ah kho bä ah na hteit ba khai ma?” cik ci gui.
9 Bawipa Jesuh naw, “Hnüüp ät ung nayi gha-lei-goi om ciah kä kia ne ang? Kho hnüüp ung hteit cicu akdei hmuk ci kya ne, kä m’thuih shawng ne akni ah hteit ci. 10Khomü ung hteit cicu akdei kä hmuk ci kya ne m’thuihshawng ne ng’täng man ci” cik ci. 11Bawipa Jesuh cu cun ah a pyein kawn ah, “Mi teihpüi Lazaruh cu ip ci nei, ani kam tho ba khai ah ka hteit khai” cik ci.
12Angdüihpüi gui naw, “Ani ip ciah a kyak ung gai law ba khai nei” cik ci gui.
13 Bawipa Jesuh naw Lazaruh asih cu a pyein ah kyak ci, cun ung phi angdüihpüi gui naw ih man ah a ih a mawng a pyein ah ngai ci gui.
14Cun ah kyasei Bawipa Jesuh naw, “Layaruh sik ci nei; 15Ani a gaw yah ung kei kä ka gawk law cu nangmi naw nami yum vai ah phäh ah kyasei, nangmi ah phäh ah ka yei ci, ani ah mi hteit khai” cik ci.
16(Ang phi ah ming ciah) Thoma naw, “Sayapa awn a täng ah sih vai ah mi van mi hteit tuk khai” cik ne apaw gui pyen na gui ci.
Bawipa Jesuh cu Thawhnak Ba La Ghinnak ah kyak ci
17 Bawipa Jesuh a gawk law yah ung Lazaruh ami m’cim nak cu hnüüp hli lüng pyi ciah kyak ci. 18Bethani cu Jerusalem awn maing goi phi kä ng’lak nak ci. 19Jew chang gui akda cu Mari la Mahta ani be ah sih nak ah law u ne thüi tu püi ci gui.
20Mahta cu Bawipa Jesuh a law ng’ya netah, “va dou khai ah hteit ci, Mari cu im ah om shüt ci. 21Mahta naw, “Bawipa, nang na om vai sü ung kabe kä sik khai süte; 22Cun ung phi nang Bawipa naw nang yoih ung, Khanpughi naw ning pek khai ah, kei naw ka hmat ci nei,” cik ci.
23 Bawipa Jesuh naw, “Nabe cu ghing ba khai nei” cik ci. 24Mahta naw, “Ak hnubäih kho hnüüp sik ci gui ami thawh law ba ung, tho ba ne ghing ba khai ah ka hmat ci nei” cine pyein ci.
25 Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai; 26Kei na yum ne tuhbäi ghing ciah chang cu, a i yah ung phi kä sik khai, kang thu na yum ci ang?” ci nak ci.
27Mahta naw, “Ka yum ci nei Bawipa, nang cu khomdek khan ung kyum lawk ciah Khanpughi ah Htapa, Messiah ah na kyak cu, ka yum ci nei” cine pyein ci.
Bawipa Jesuh Kyap Ci
28Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci. 29Cun ang yak vai-am Mari cu ng’düi law ne, Bawipa Jesuh ah om nak ah lawk ci. 30Bawipa Jesuh cu pigaw kyong ah kä gawk phak ci. 31Mahta naw ava dou nak ung om yah ci. Mari ngoh püi ne im ah om ciah chang gui naw, Mari ak yaang ah ng’düi law ne hteit khätah, ng’ciim hmun ah hteit khai ah ngai ne läk tuk ci gui.
32Mari cu Bawipa Jesuh ah om nak ah gawk ne, Bawipa Jesuh cu hmu law netah, “Bawipa, nang na om vai sü ung kabe kä sik khai süte nei” cik ci.
33 Bawipa Jesuh naw, Mari la ani awn lawk ci gui ah chang gui ami van kyap u sei hmu gui netah, ang htei ah thüi ne am lung kyong ah ayä ci. 34Bawipa Jesuh naw, “A hawi ang nami m’ciim?” cine ng’shi gui ci. Ngami naw, “Bawipa, law ne teng law ä” cik ci gui.
35 Bawipa Jesuh cu kyap ci. Cun hmu u netah, Bawipa Jesuh akchang gui naw, 36“Teng tu vä, ani naw Lazaruh cu ang htei ah m’hni ci nei” cik ci gui. 37Chang amshah gui naw, amik m’dauh hngaw m’dei ba sak ciah chang naw, Lazaruh cu käm ghin ba hlawt ne ma?” cik ci gui.
Lazaruh cu M’ghin Ba Ci
38 Bawipa Jesuh cu ang htei ah ayä aih netah, ng’ciim hmun ah hteit ci. 39Phuh hmun cu lung awn khai ci gui. Bawipa Jesuh naw, “Lungnu cu m’hnawn vä” cik ci.
Sik ciah pai Mahta naw, “tuhta läi thu lawk khai nei, asih nak hnüüp phli law pyi ci” cik ci.
40 Bawipa Jesuh naw, “Nang naw na yum ah a kyak ung Khanpughi ah bämang nak na hmuk khai nei, cine ka pyein ciah kä kya ne ma? cik ci. 41Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei; 42Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci. 43Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne, 44a hmai phi hlawp nak naw uk sei tho ne lut lawk ci. Bawipa Jesuh naw, “Ang hlawp nak ah yih cu k’phian pe vä” cine pyen na gui ci.
Bawipa Jesuh cu Ngawn Vai ah Pawngpüi ci Gui
(Mt 26:1-5; Mk 14:1-2; Lk 22:1-2)
45Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui. 46Amshah naw, Pharise gui ah hteit ne, Bawipa Jesuh ah bilawh gui cu m’thein tu gui ci gui. 47Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma? 48Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.
49Ngami ung kaacun ah khokum ung taigütung ah kyak ciah Kaiaphas naw, 50“Nangmi nami ang ci nei, Jew pakhui avan didap ah k’dam ah, pakhui avan ah hamwk ah chang tumat asih ung bä pi khai ah kä nami hmat ci ma? cine pyen na gui ci. 51(Cun aci cu ani amät ah ngaih düt ah a pyein ah kä kyak ci, ani cu acu kum taigütung ah kyak ciah kya ne, Jew chang avan ah hmawk ah Bawipa Jesuh asih vai ah mawng la, 52akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)
53Cun ah hnüüp ung tün ne Jew chang vai gui cu, Bawipa Jesuh ngawn vai ah tängpang ne pawngpüi ci gui. 54Cun ah kyasei Bawipa Jesuh cu Judea kho ung ang ngaih ah kä hteit hton ba ci. Cun ungka ng’düi ba ne, kho ng’gau kho ah pei Ephaim gawnu ah hteit ne, ang düihpüi gui awn a täng ah om ci gui.
55Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui. 56Ngami naw Bawipa Jesuh cu shui ci gui. Ngami cu taigü im ah ng’bum law u netah, “Ani cu shin ah pawi ung kä law tuk khai ah hmatphyak ci nei, a i ah nami ngai tuk ci ang?” cine ami mät ng’cecäk ci gui. 57Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.