LUKA 24
24
Sihnak Kungkaa Tho Ba Ci
(Mt 28:1-10; Mk 16:1-8; Jn 20:1-10)
1Ak hnüüp ät hnüüp kho ngawi hta ah, kho kä thai pha sei, hnumi gui cu ami pyan m’tham ah tuing’ui gui hteh püi ne, ng’cim hmun ah hteit ci gui. 2Ng’phuh hmun khui m’kawt ami khai nak ah lungnu cu m’hnawn ah kia sei hmu u netah, khui kyong ah lut ci gui. 3Cun ung phi Bawipa Jesuh ah a gook cu kä hmuk ci gui. 4Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi. 5Cun ah hnumi gui cu kyi ne kawp u khätah, cun ah chang goi naw, “A i ah kyasei ghing ne om cicu aksi ah om nak ah nami shui ang? 6Ani shin ung kä om ba ci, ghing ne tho ba pyi ci nei. Kalile kho ah a om yah ung; 7“Chang ah Htapa cu katnak bik ciah chang gui ah kut ung ap khai gui. Kutlamtung ung tai ne ngawn khai gui, cun kawn ah ak hnüüp thum hnüüp ghing ne tho ba khai, cine a pyein cu ngai ba shüm vä,” cine pyen na gui ci.
8Cun kawn ah hnumi gui cu Bawipa Jesuh ah ng’thu gui man shüm law ba u netah; 9Ng’cim hmun ah kaa im ah dawng ba u ne, ang düihpüi gha-lei-ät la, ang khahpüi gui ami van-am, a mawng avan cu m’thein tu gui ci gui. 10Ang düihpüi gui-am cun ah m’thein law ba ciah hnumi gui cu, Mari Makdale, Joanna la James ah nu Mari la a hei hnumi gui ah kiak ci. 11Ang düihpüi gui naw hnumi gui ah pyein cu, kä yum veih ci gui. 12Cun ung phi Peter cu dawng ne ng’cim hmun ah hteit netah, ng’phuh hmun cu m’kein ne teng ci. Hlawp nak ah yih akawn ah a i phi kä om khätah, ang htei ah cacät ne im ah dawng law ba ci.
Emmaus Pigaw ah Hteit Ci Gui
(Mk 16:12-13)
13A cu hnüüp ung ang düihpüi hnih goi cu Emmaus pigaw ah hteit ci goi. Cun ah pigaw cu Jerusalem ungka naw mü chih shou ci. 14Ngani cu acun ah a mawng gui pyein ne ng’htau ne lawk ci goi. 15Cun ah ng’htau ne ani hteh yah ung Bawipa Jesuh amät ani pei ah gawk law ne, ngani awn a täng ah ng’gui law tu ci. 16Ngani naw, ani cu hmu ni ne phi Bawipa Jesuh bä ah kä hmat ci goi. 17Bawipa Jesuh naw, “Nangni lam na ni hteh ah k’phei ah a i ang nani pyein” cine ng’shi goi ci.
Cun kawn ah ngami cu, ani hmai m’kiuum ne ng’düi ni netah, 18ngani ungka Kleopas naw, “Jerusalem ah gawk lawk ciah khin gui ung kaa, nang bäng vah shin ah kho hnüüp gui ah kyong ung, Jerusalem ah hmu ng’yak ah a mawng gui cu kä na hmat tu phak ciah kiak ci,” cine kyak nak ci.
19 Bawipa Jesuh naw, “A i ah a mawng gui ang?” cine ng’shi goi ci.
Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei. 20Keimi ah taigü ng’vai gui la uk ci gui naw ami ngawn vai ah ap u sei, ani cu kutlamtung ung tai ne ami ngawn nei. 21Ani cu Israel chang gui k’phiawn gui khai ciah ami ngaih u ah kiak ci. Cun gui ah a kyak law ah a mawng gui cu, tuh ngaw awn hnüüp thum law lawk ci nei. 22Keimi ah kami paw gui hnumi gui cu kho ngawihta ah ng’cim hmun ah hteit ci gui. 23Ngami naw a gook kä hmu ba ci gui. Khankho chang gui bäng kami hmuk ci, cine pyein law ba ci gui. Cun ah khankho chang gui naw, Bawipa Jesuh cu ghing ba ne om ci nei, cik ci gui, cine pyein ci gui. Cun ah kyasei kami ngai khit ci. 24Keimi ungka amshah gui cun phi ng’cim hmun ah hteit tu u ne, hnumi gui ah hmuh ah mäih bä ah hmu tuk ci gui. Bawipa Jesuh läi kä hmuh nei, cik ci gui.
25Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw, 26Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci. 27Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.
28Ami hteh nak vai ah pigaw k’et law u netah, Bawipa cu ng’täi ne hteit khai pawng ci. 29Cun ung phi ngani naw, “Tuhbäi kho mü lawk khai kyak ci, keimi awn a täng ah mi ip tu kaw, cine khü tuk ci goi. Bawipa Jesuh cu ngani awn a täng ah ip tuk khai ah läk tu goi ci. 30Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci. 31Cun kawn ah ngani cu ani mik m’dei law sei, Bawipa Jesuh cu hmat lawk ci goi. Cun ung phi Bawipa cu ani mik ah hmuh ge ah maih ba ci. 32Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.
33Ngani cu acun vai-am ng’düi law ba ne Jerusalem ah hteit ba ci goi. Acu ah ang düihpüi gha-lei-ät la ang khahpüi gui cu ng’bum ne ana om u sei hmuk ci gui. 34Ng’bum ne ana om ciah chang gui naw, “Bawipa cu akcang ah tho ba pyi ci nei, Simon Peter ah ma ah ng’dang ba ci nei” cine kiak ci gui.
35Cun kawn ah ngami naw phi, lam ah ami ng’gui ah mawng, m’htut akbou law yah ung Bawipa ah ami hmat law ah mang gui cu, m’thein tu gui ci goi.
Ang Düihpüi Gui ah Ma ah Dang Ba ci
(Mt 28:16-20; Mk 16:14-18; Jn 20:19-23; Lt 1:6-8)
36Cun ah a mawng gui cu ang düihpüi goi naw ami m’thein tu gui yah ung, Bawipa Jesuh cu ami lung ah dang law netah, “Nangmi ung Ding gei nak om sä” cine pyein ci.
37Ngami cu mumcha naw m’kyih gui ciah ngai ne kyikyawk ci gui. 38Bawipa Jesuh naw, “A i ah kyasei nami kyihkyawk ang? A i ah kia sei m’lung kä üp, ngaih kä gep sei nami kyak ang? Kei ah ka kut la ka kho gui cu na teng vä. 39Tuhbäi nami hmuh cu kei ka mät ah kyak ci nei. Kei cu na tawn shüm vä, nami hmuh ah mäih ah kei ung ka sa la ka guh gui om ci nei.
40Cun kawn ah a kut la a kho gui cu ang düihpüi gui-am m’hnuh gui ci. 41Cun ung phi ngami cu cäi aih u netah, kä yum hlawt ne ami kiak yah ung, “Nangmi ung ei vai om ne ang?” cine ng’shi gui ci. 42Ngami naw ngai ng’shai am cawt cu pek ci gui. 43Bawipa naw cun cu la netah ami ma ah ei tuk ci.
44Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.
45Cun kawn ah ang düihpüi gui naw cacim ami hmat vai ah ami m’lung cu hmawn pe gui netah, 46Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai. 47Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei. 48Nangmi cu acun ah mawng gui nami mik awn nami hmuk ciah saksi ah nami kyak ci. 49Kapa ah shaitaak ah mäih ah nami khan ah ka gawk law sak khai nei. Cun ung phi nangmi cu, khankho ah kaa hlüngtai nak kä nami gah phaa ah chuih Jerusalem ah om ne nami gin vai nei” ci ne m’cäi gui ci.
Khankho ah akai ah Mawng
(Mk 16:19-20; Lt 1:9-11)
50 Bawipa Jesuh naw ang düihpüi gui cu Bethani pigaw pei ah khüt ne hteh püi gui netah, a kut k’phiat ne hrilham pe gui ci. 51Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci. 52Ang düihpüi gui cu ang htei ah yeikyai ne Bawipa Jesuh ah taigü u netah, Jerusalem ah hteit ba u ne; 53Taigüim ung angtäi sei Khanpughi ah ming m’hlüngtai ne om ci gui.
Currently Selected:
LUKA 24: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
LUKA 24
24
Sihnak Kungkaa Tho Ba Ci
(Mt 28:1-10; Mk 16:1-8; Jn 20:1-10)
1Ak hnüüp ät hnüüp kho ngawi hta ah, kho kä thai pha sei, hnumi gui cu ami pyan m’tham ah tuing’ui gui hteh püi ne, ng’cim hmun ah hteit ci gui. 2Ng’phuh hmun khui m’kawt ami khai nak ah lungnu cu m’hnawn ah kia sei hmu u netah, khui kyong ah lut ci gui. 3Cun ung phi Bawipa Jesuh ah a gook cu kä hmuk ci gui. 4Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi. 5Cun ah hnumi gui cu kyi ne kawp u khätah, cun ah chang goi naw, “A i ah kyasei ghing ne om cicu aksi ah om nak ah nami shui ang? 6Ani shin ung kä om ba ci, ghing ne tho ba pyi ci nei. Kalile kho ah a om yah ung; 7“Chang ah Htapa cu katnak bik ciah chang gui ah kut ung ap khai gui. Kutlamtung ung tai ne ngawn khai gui, cun kawn ah ak hnüüp thum hnüüp ghing ne tho ba khai, cine a pyein cu ngai ba shüm vä,” cine pyen na gui ci.
8Cun kawn ah hnumi gui cu Bawipa Jesuh ah ng’thu gui man shüm law ba u netah; 9Ng’cim hmun ah kaa im ah dawng ba u ne, ang düihpüi gha-lei-ät la, ang khahpüi gui ami van-am, a mawng avan cu m’thein tu gui ci gui. 10Ang düihpüi gui-am cun ah m’thein law ba ciah hnumi gui cu, Mari Makdale, Joanna la James ah nu Mari la a hei hnumi gui ah kiak ci. 11Ang düihpüi gui naw hnumi gui ah pyein cu, kä yum veih ci gui. 12Cun ung phi Peter cu dawng ne ng’cim hmun ah hteit netah, ng’phuh hmun cu m’kein ne teng ci. Hlawp nak ah yih akawn ah a i phi kä om khätah, ang htei ah cacät ne im ah dawng law ba ci.
Emmaus Pigaw ah Hteit Ci Gui
(Mk 16:12-13)
13A cu hnüüp ung ang düihpüi hnih goi cu Emmaus pigaw ah hteit ci goi. Cun ah pigaw cu Jerusalem ungka naw mü chih shou ci. 14Ngani cu acun ah a mawng gui pyein ne ng’htau ne lawk ci goi. 15Cun ah ng’htau ne ani hteh yah ung Bawipa Jesuh amät ani pei ah gawk law ne, ngani awn a täng ah ng’gui law tu ci. 16Ngani naw, ani cu hmu ni ne phi Bawipa Jesuh bä ah kä hmat ci goi. 17Bawipa Jesuh naw, “Nangni lam na ni hteh ah k’phei ah a i ang nani pyein” cine ng’shi goi ci.
Cun kawn ah ngami cu, ani hmai m’kiuum ne ng’düi ni netah, 18ngani ungka Kleopas naw, “Jerusalem ah gawk lawk ciah khin gui ung kaa, nang bäng vah shin ah kho hnüüp gui ah kyong ung, Jerusalem ah hmu ng’yak ah a mawng gui cu kä na hmat tu phak ciah kiak ci,” cine kyak nak ci.
19 Bawipa Jesuh naw, “A i ah a mawng gui ang?” cine ng’shi goi ci.
Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei. 20Keimi ah taigü ng’vai gui la uk ci gui naw ami ngawn vai ah ap u sei, ani cu kutlamtung ung tai ne ami ngawn nei. 21Ani cu Israel chang gui k’phiawn gui khai ciah ami ngaih u ah kiak ci. Cun gui ah a kyak law ah a mawng gui cu, tuh ngaw awn hnüüp thum law lawk ci nei. 22Keimi ah kami paw gui hnumi gui cu kho ngawihta ah ng’cim hmun ah hteit ci gui. 23Ngami naw a gook kä hmu ba ci gui. Khankho chang gui bäng kami hmuk ci, cine pyein law ba ci gui. Cun ah khankho chang gui naw, Bawipa Jesuh cu ghing ba ne om ci nei, cik ci gui, cine pyein ci gui. Cun ah kyasei kami ngai khit ci. 24Keimi ungka amshah gui cun phi ng’cim hmun ah hteit tu u ne, hnumi gui ah hmuh ah mäih bä ah hmu tuk ci gui. Bawipa Jesuh läi kä hmuh nei, cik ci gui.
25Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw, 26Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci. 27Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.
28Ami hteh nak vai ah pigaw k’et law u netah, Bawipa cu ng’täi ne hteit khai pawng ci. 29Cun ung phi ngani naw, “Tuhbäi kho mü lawk khai kyak ci, keimi awn a täng ah mi ip tu kaw, cine khü tuk ci goi. Bawipa Jesuh cu ngani awn a täng ah ip tuk khai ah läk tu goi ci. 30Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci. 31Cun kawn ah ngani cu ani mik m’dei law sei, Bawipa Jesuh cu hmat lawk ci goi. Cun ung phi Bawipa cu ani mik ah hmuh ge ah maih ba ci. 32Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.
33Ngani cu acun vai-am ng’düi law ba ne Jerusalem ah hteit ba ci goi. Acu ah ang düihpüi gha-lei-ät la ang khahpüi gui cu ng’bum ne ana om u sei hmuk ci gui. 34Ng’bum ne ana om ciah chang gui naw, “Bawipa cu akcang ah tho ba pyi ci nei, Simon Peter ah ma ah ng’dang ba ci nei” cine kiak ci gui.
35Cun kawn ah ngami naw phi, lam ah ami ng’gui ah mawng, m’htut akbou law yah ung Bawipa ah ami hmat law ah mang gui cu, m’thein tu gui ci goi.
Ang Düihpüi Gui ah Ma ah Dang Ba ci
(Mt 28:16-20; Mk 16:14-18; Jn 20:19-23; Lt 1:6-8)
36Cun ah a mawng gui cu ang düihpüi goi naw ami m’thein tu gui yah ung, Bawipa Jesuh cu ami lung ah dang law netah, “Nangmi ung Ding gei nak om sä” cine pyein ci.
37Ngami cu mumcha naw m’kyih gui ciah ngai ne kyikyawk ci gui. 38Bawipa Jesuh naw, “A i ah kyasei nami kyihkyawk ang? A i ah kia sei m’lung kä üp, ngaih kä gep sei nami kyak ang? Kei ah ka kut la ka kho gui cu na teng vä. 39Tuhbäi nami hmuh cu kei ka mät ah kyak ci nei. Kei cu na tawn shüm vä, nami hmuh ah mäih ah kei ung ka sa la ka guh gui om ci nei.
40Cun kawn ah a kut la a kho gui cu ang düihpüi gui-am m’hnuh gui ci. 41Cun ung phi ngami cu cäi aih u netah, kä yum hlawt ne ami kiak yah ung, “Nangmi ung ei vai om ne ang?” cine ng’shi gui ci. 42Ngami naw ngai ng’shai am cawt cu pek ci gui. 43Bawipa naw cun cu la netah ami ma ah ei tuk ci.
44Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.
45Cun kawn ah ang düihpüi gui naw cacim ami hmat vai ah ami m’lung cu hmawn pe gui netah, 46Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai. 47Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei. 48Nangmi cu acun ah mawng gui nami mik awn nami hmuk ciah saksi ah nami kyak ci. 49Kapa ah shaitaak ah mäih ah nami khan ah ka gawk law sak khai nei. Cun ung phi nangmi cu, khankho ah kaa hlüngtai nak kä nami gah phaa ah chuih Jerusalem ah om ne nami gin vai nei” ci ne m’cäi gui ci.
Khankho ah akai ah Mawng
(Mk 16:19-20; Lt 1:9-11)
50 Bawipa Jesuh naw ang düihpüi gui cu Bethani pigaw pei ah khüt ne hteh püi gui netah, a kut k’phiat ne hrilham pe gui ci. 51Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci. 52Ang düihpüi gui cu ang htei ah yeikyai ne Bawipa Jesuh ah taigü u netah, Jerusalem ah hteit ba u ne; 53Taigüim ung angtäi sei Khanpughi ah ming m’hlüngtai ne om ci gui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.