MAKUH 5
5
Bawipa Jesuh Naw Chang Tumat ungka Khoshe gui K’täm ci
(Mt 8:28-34; Lk 8:28-39)
1 Bawipa Jesuh la ang düihpüi gui cu Kalile tuili ah vang ga, Keras kho ah gawk ci gui. 2Bawipa Jesuh hleiko ungka a kyum law vai-am, khoshe ah kai chang tumat cu, ng’cim hmun ungka lut law ne, 3Bawipa Jesuh cu hmu lawk ci. Ani cu ng’cim hmun gui ah lung ah om ci. Ani cu a u naw phi m’si gui awn khit ne kä pawng m’khüt ci. 4Ani cu akda vei a kut akho m’si gui awn khit ne, ami pawn man te, cun ung phi ami khih nak ah m’si gui düt pit yawp ci ci. Ani cu a u naw pang ne kä am khüt vai ah gaigawng ci. 5Ani cu ng’cim hmun gui ah ng’lung la khomhtung yung ah, amü ak hnüüp viik ne m’lau ne, amät ah sa amät naw lung awn shudeng ne om ci.
6Cun ah chang naw Bawipa Jesuh cu ang shawng ah a hmuh vai-am, dawng law ne ama ah kawp netah, 7“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.
8(Cun ah am lau cu, Bawipa Jesuh naw, khoshe kha, shin ah chang ung kaa lut law ne maih ä’ cine khämtam ne ak täm ah phäh ah kyak ci)
9Cun kawn ah Bawipa Jesuh naw, “Nang ming a u ang” cine ng’shik ci. Cun ah chang naw, “Kei ka ming cu Mob nei, keimi cu ang htei ah kami da aih ci nei,” cine m’thein netah; 10ngami gui cu cun ah kho ungka kä aktäm gui vai ah ng’huipa ne ng’yoi ci.
11Cun yah ung khomhtung nawi ah lum ci gui ah vawk mak gui cu om ci gui. 12Khoshe gui naw, “Keimi vawk ung kami luh vai ah nam gein gui ä” ci ne ng’yoi ci gui. 13Bawipa Jesuh naw yum khätah, khoshe gui cu, chang ung kaa lut law u ne, vawk gui ung lut ci gui. Phia m’ku vai lawk ciah vawk khli cu tuikam k’täi ung dawng law u ne, tuili ung lut ne di yawp ci gui.
14Vawk shäm ci gui cu dawng yawp u ne, gawnu gawhta avan ung acun ah mawng cu ngak ne pyein ci gui. Cun ah mawng ng’yak ciahchang gui naw law ne teng law tuk ci gui. 15Chang gui cu Bawipa Jesuh ah pei ah ami gawk law ung, khoshe ah kai te ah Mob cu, akni ah ng’sui ng’sak ne, chang k’ni ah kya ne ngoh sei hmu u netah, kyikyawk ci gui. 16Acun gui hmu tuk ciah chang gui naw, khoshe ah kai te ah chang la vawk gui ah mawng cu, lawk ciah chang gui-am m’thein tu gui ci gui.
17Cun ah kyasei chang gui naw, Bawipa Jesuh cu, ami kho ung kaa naw a hei ah a hteh ba vai ah k’thäh ci gui.
18 Bawipa Jesuh cu hleiko ung a hang kai vü ba yah ung, khoshe ah kai te ah chang naw, a hnu ah läk tuk khai ah pyein ne ng’yoi ci.
19 Bawipa Jesuh naw maa nah netah, “Na im ah hteit ba ne, Khanpughi naw nang ah khan ah a i hlawk ah bi abi ah mawng la nang a ning m’gein ah mawng cu nak kyong ungka gui-am m’thein tu ba gui ä” ci ne pyen nak ci.
20Cun ah chang cu hteit ba ne Dekapoli kho gawnu gha avan ung hteit ne, Bawipa Jesuh naw ani ak khan ah abi lawh ah mawng gui cu ngak ne pyein ci. Ng’ya tuk cia chang gui cu cäicat ci gui.
Zairus ah Htahnumi la Bawipa Jesuh ah Sui Tawn ciah Hnumi
(Mt 9:18-26)
21 Bawipa Jesuh cu hleiko awn tuili vang ga ah vang kat ba khätah, chang gui akda cu a pei ah law ne ng’bum lawk ci gui. 22Tuikem ung a om yah ung Zairus ming nak ciah pum im uk ciah chang vai tumat cu gawk lawk ci. 23Ani naw Bawipa Jesuh cu hmu netah, akho pei ah kawp ne, “Kei ah ka htahnumi hta cu gaw ne si law ge vai ci nei, na bä ni, law ne ak khan ah na kut taih ne, nak taigü law pe ä, cun ung gai ba ne ghing ba khai nei” cine ng’huipa ne ng’yoi ci.
24Cun ah kyasei Bawipa Jesuh cu Zairus awn a täng ah hteit tuk ci. Chang khli naw a hnu ah läk law u ne, Bawipa Jesuh cu net hngaw ne hteit ci gui.
25Acun yah ung kho kum gha-lei-goi ung asi ng’chawt sei gaw ciah hnumi tumat om ci. 26Ani cu seibawi akda naw phi ami m’htei tu khit, a khawcham akda ng’pyi khai ah phi ng’pün khit ci, cun ung phi kä gai hlawt ne ka law piktäi ci. 27Cun ah hnumi cu Bawipa Jesuh ah a mawng ng’ya tu netah, 28“Bawipa ah a sui pang ka tawn ung ka gai khai” ci ne, amät ng’htau ne, chang gui ah ng’lung ah ng’tawn tu ne, Bawipa ah hnu ah gawk lawk netah;
29 Bawipa Jesuh ah asui cu va tawk ci, acun vai-am asi cu kik ne a gaw nak maih sei a gai ah mawng cu ang ghit ah hmat ci. 30Acun vai-am Bawipa Jesuh naw amät ung a huham lut lawk ciah hmat netah, chang gui lam ah ng’hlat ne, “Kei ah ka suinu a u naw ang a tawn” cine ng’shi gui ci.
31Ang düihpüi gui naw, “Nang ning tawn ne, ning net ne, hteit ciah chang khli cu hmu lang ne, Kei u naw ang a na tawn’ cine na na ng’shi gui ci ma?” cik ci gui.
32Cun ung phi Bawipa Jesuh naw, a u naw a tawn ah a hmat vai ah mang shüi ne teng ci. 33A suinu tawn ciah hnumi cu amät ah gai ah mawng hmat netah, ng’khlet ne kyi ne, ama ah law ne kawp netah, amawng avan akcang cu m’thein yawp ci. 34Bawipa Jesuh naw, “Kahta hnumi na yum nak naw ning gai sak pyi ci, dimdeeih nak awn hteit baä, na katnak maih yawp sä” ci ne kiak nak ci.
35Cun yah ung Zairus ah im ah kaa chang gui cu law u netah, “Na hta hnumi si pyi ci nei, Bawipa kä khü ling ä” cine kyak nak ci gui.
36 Bawipa Jesuh naw cun ah ami pyein law cu ng’ya netah, “Kä ng’ä ai yä, a yum bäng ah yum ä” cine pum im uk ciah ang vai-am kiak nak ci. 37Cun kawn ah Peter, James la anau Johan gui bäng khah püi gui ne hteit ci. 38Zairus ah im ah ami gawk ung chang gui cu, kyap ne m’lau ci ni, cäicat ui cai ci ni ah kyak ci gui. 39Bawipa Jesuh cu im kyong ah va lut netah, cun ah chang gui-am, “A i ah kyasei nami ung-cang dük-chaak ang? A i ah kya sei nami thüi kyah ang? Shin ah hnumi hta cu sik ciah kä kyak ci, ip ci nei” cine pyein ci.
40Cun ci khätah chang gui naw Bawipa Jesuh cu päipih ci gui. Bawipa Jesuh naw chang gui avan ak pung ah hteh sak gui netah, cun ah hnumi hta ah anu la apa ni, ang düihpüi chang sing thum bäng khü gui ne, hnumi hta ami m’shän nak ah kyong ah va lut ci gui. 41Bawipa Jesuh naw hnumi hta cu a kut ung k’pang netah, “Talitha, koum” cine kyak nak ci (Cun cu hnumi hta, na thawh law vai, kei naw ka pyein ci, a ciah kyak ci.)
42 Bawipa Jesuh naw cun a ci vai-am, hnumi hta cu tho law ne hteit ci. (Cun ah hnumi hta cu akho kum gha-lei-goi lawk ci), Cun hmu netah chang gui cu ang htei ah cäicat ci gui. 43Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.
Currently Selected:
MAKUH 5: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
MAKUH 5
5
Bawipa Jesuh Naw Chang Tumat ungka Khoshe gui K’täm ci
(Mt 8:28-34; Lk 8:28-39)
1 Bawipa Jesuh la ang düihpüi gui cu Kalile tuili ah vang ga, Keras kho ah gawk ci gui. 2Bawipa Jesuh hleiko ungka a kyum law vai-am, khoshe ah kai chang tumat cu, ng’cim hmun ungka lut law ne, 3Bawipa Jesuh cu hmu lawk ci. Ani cu ng’cim hmun gui ah lung ah om ci. Ani cu a u naw phi m’si gui awn khit ne kä pawng m’khüt ci. 4Ani cu akda vei a kut akho m’si gui awn khit ne, ami pawn man te, cun ung phi ami khih nak ah m’si gui düt pit yawp ci ci. Ani cu a u naw pang ne kä am khüt vai ah gaigawng ci. 5Ani cu ng’cim hmun gui ah ng’lung la khomhtung yung ah, amü ak hnüüp viik ne m’lau ne, amät ah sa amät naw lung awn shudeng ne om ci.
6Cun ah chang naw Bawipa Jesuh cu ang shawng ah a hmuh vai-am, dawng law ne ama ah kawp netah, 7“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.
8(Cun ah am lau cu, Bawipa Jesuh naw, khoshe kha, shin ah chang ung kaa lut law ne maih ä’ cine khämtam ne ak täm ah phäh ah kyak ci)
9Cun kawn ah Bawipa Jesuh naw, “Nang ming a u ang” cine ng’shik ci. Cun ah chang naw, “Kei ka ming cu Mob nei, keimi cu ang htei ah kami da aih ci nei,” cine m’thein netah; 10ngami gui cu cun ah kho ungka kä aktäm gui vai ah ng’huipa ne ng’yoi ci.
11Cun yah ung khomhtung nawi ah lum ci gui ah vawk mak gui cu om ci gui. 12Khoshe gui naw, “Keimi vawk ung kami luh vai ah nam gein gui ä” ci ne ng’yoi ci gui. 13Bawipa Jesuh naw yum khätah, khoshe gui cu, chang ung kaa lut law u ne, vawk gui ung lut ci gui. Phia m’ku vai lawk ciah vawk khli cu tuikam k’täi ung dawng law u ne, tuili ung lut ne di yawp ci gui.
14Vawk shäm ci gui cu dawng yawp u ne, gawnu gawhta avan ung acun ah mawng cu ngak ne pyein ci gui. Cun ah mawng ng’yak ciahchang gui naw law ne teng law tuk ci gui. 15Chang gui cu Bawipa Jesuh ah pei ah ami gawk law ung, khoshe ah kai te ah Mob cu, akni ah ng’sui ng’sak ne, chang k’ni ah kya ne ngoh sei hmu u netah, kyikyawk ci gui. 16Acun gui hmu tuk ciah chang gui naw, khoshe ah kai te ah chang la vawk gui ah mawng cu, lawk ciah chang gui-am m’thein tu gui ci gui.
17Cun ah kyasei chang gui naw, Bawipa Jesuh cu, ami kho ung kaa naw a hei ah a hteh ba vai ah k’thäh ci gui.
18 Bawipa Jesuh cu hleiko ung a hang kai vü ba yah ung, khoshe ah kai te ah chang naw, a hnu ah läk tuk khai ah pyein ne ng’yoi ci.
19 Bawipa Jesuh naw maa nah netah, “Na im ah hteit ba ne, Khanpughi naw nang ah khan ah a i hlawk ah bi abi ah mawng la nang a ning m’gein ah mawng cu nak kyong ungka gui-am m’thein tu ba gui ä” ci ne pyen nak ci.
20Cun ah chang cu hteit ba ne Dekapoli kho gawnu gha avan ung hteit ne, Bawipa Jesuh naw ani ak khan ah abi lawh ah mawng gui cu ngak ne pyein ci. Ng’ya tuk cia chang gui cu cäicat ci gui.
Zairus ah Htahnumi la Bawipa Jesuh ah Sui Tawn ciah Hnumi
(Mt 9:18-26)
21 Bawipa Jesuh cu hleiko awn tuili vang ga ah vang kat ba khätah, chang gui akda cu a pei ah law ne ng’bum lawk ci gui. 22Tuikem ung a om yah ung Zairus ming nak ciah pum im uk ciah chang vai tumat cu gawk lawk ci. 23Ani naw Bawipa Jesuh cu hmu netah, akho pei ah kawp ne, “Kei ah ka htahnumi hta cu gaw ne si law ge vai ci nei, na bä ni, law ne ak khan ah na kut taih ne, nak taigü law pe ä, cun ung gai ba ne ghing ba khai nei” cine ng’huipa ne ng’yoi ci.
24Cun ah kyasei Bawipa Jesuh cu Zairus awn a täng ah hteit tuk ci. Chang khli naw a hnu ah läk law u ne, Bawipa Jesuh cu net hngaw ne hteit ci gui.
25Acun yah ung kho kum gha-lei-goi ung asi ng’chawt sei gaw ciah hnumi tumat om ci. 26Ani cu seibawi akda naw phi ami m’htei tu khit, a khawcham akda ng’pyi khai ah phi ng’pün khit ci, cun ung phi kä gai hlawt ne ka law piktäi ci. 27Cun ah hnumi cu Bawipa Jesuh ah a mawng ng’ya tu netah, 28“Bawipa ah a sui pang ka tawn ung ka gai khai” ci ne, amät ng’htau ne, chang gui ah ng’lung ah ng’tawn tu ne, Bawipa ah hnu ah gawk lawk netah;
29 Bawipa Jesuh ah asui cu va tawk ci, acun vai-am asi cu kik ne a gaw nak maih sei a gai ah mawng cu ang ghit ah hmat ci. 30Acun vai-am Bawipa Jesuh naw amät ung a huham lut lawk ciah hmat netah, chang gui lam ah ng’hlat ne, “Kei ah ka suinu a u naw ang a tawn” cine ng’shi gui ci.
31Ang düihpüi gui naw, “Nang ning tawn ne, ning net ne, hteit ciah chang khli cu hmu lang ne, Kei u naw ang a na tawn’ cine na na ng’shi gui ci ma?” cik ci gui.
32Cun ung phi Bawipa Jesuh naw, a u naw a tawn ah a hmat vai ah mang shüi ne teng ci. 33A suinu tawn ciah hnumi cu amät ah gai ah mawng hmat netah, ng’khlet ne kyi ne, ama ah law ne kawp netah, amawng avan akcang cu m’thein yawp ci. 34Bawipa Jesuh naw, “Kahta hnumi na yum nak naw ning gai sak pyi ci, dimdeeih nak awn hteit baä, na katnak maih yawp sä” ci ne kiak nak ci.
35Cun yah ung Zairus ah im ah kaa chang gui cu law u netah, “Na hta hnumi si pyi ci nei, Bawipa kä khü ling ä” cine kyak nak ci gui.
36 Bawipa Jesuh naw cun ah ami pyein law cu ng’ya netah, “Kä ng’ä ai yä, a yum bäng ah yum ä” cine pum im uk ciah ang vai-am kiak nak ci. 37Cun kawn ah Peter, James la anau Johan gui bäng khah püi gui ne hteit ci. 38Zairus ah im ah ami gawk ung chang gui cu, kyap ne m’lau ci ni, cäicat ui cai ci ni ah kyak ci gui. 39Bawipa Jesuh cu im kyong ah va lut netah, cun ah chang gui-am, “A i ah kyasei nami ung-cang dük-chaak ang? A i ah kya sei nami thüi kyah ang? Shin ah hnumi hta cu sik ciah kä kyak ci, ip ci nei” cine pyein ci.
40Cun ci khätah chang gui naw Bawipa Jesuh cu päipih ci gui. Bawipa Jesuh naw chang gui avan ak pung ah hteh sak gui netah, cun ah hnumi hta ah anu la apa ni, ang düihpüi chang sing thum bäng khü gui ne, hnumi hta ami m’shän nak ah kyong ah va lut ci gui. 41Bawipa Jesuh naw hnumi hta cu a kut ung k’pang netah, “Talitha, koum” cine kyak nak ci (Cun cu hnumi hta, na thawh law vai, kei naw ka pyein ci, a ciah kyak ci.)
42 Bawipa Jesuh naw cun a ci vai-am, hnumi hta cu tho law ne hteit ci. (Cun ah hnumi hta cu akho kum gha-lei-goi lawk ci), Cun hmu netah chang gui cu ang htei ah cäicat ci gui. 43Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.