Mwanzo 16
16
Ovokoliwa wa Esumayila
1Wakathi aya opo, Suhuriiya muukha wa Eburamu khaari ovokola. Ye aarina njaazi mmote wa Misuri aari wiitthiwaaye Hajira. 2Siikhu moote, Suhuriiya khumuuza mannawe Eburamu yoori: “Nnyizinku khanikinkha mwaana, apho orapalelane njaazi aka, khinjuweya kimpatthaka mwaana khwa ye.” Asiiliyeevo toole, Eburamu khukhupalela mattakhuzi apale a muukhaawe. 3Suhuriiya khunthuula njaazi otule khumwinkha Eburamu yoori eeye muukhaawe wa phiiri. Vitthu epi zaarettikhaniye Eburamu arina nyaakha khumi eekhalaka tuniya ya Kanaani. 4Eburamu khurapalelana Hajira, ye khwiiya wa wiimittha. Ooniyeevo yoori eemittha khwaaza ontwayifu n'hano awe. 5Aphano Suhuriiya khumuuza Eburamu yoori: “Miiyo kanthuula njaazi aka khuwinkha, ye noojuwa yoori eemittha aaza okitwayifu. Okitwayifusha opu anikirettelaaye Hajira, khahi etthu ya shariya, ti weeyo onintakhelaaye. Nnyizinku ti aniphuke miiyo na weeyo.”
6Eburamu khunjipu Suhuriiya yoori: “Ye nalelo njaazi awo, onrettele khwa nanna ontakhaazo.” Aphano Suhuriiya khwaaza omwiina Hajira mpakha khufiyelela otthira.
7Nlayikha la Nnyizinku khunsikana Hajira n'yaara eemeliye kharipu na naattuuttu wa maati aattameliyeeyo tarikhi ya Shuuri. 8Nlayikha ntthile khumuuzela liraka: “Weeyo Hajira njaazi wa Suhuriiya! Onlankha vayi wala ontta vayi?” Ye khujipu: “Kinintthira nhano aka Suhuriiya.”
9Nlayikha la Nnyizinku khumuuza yoori: “Orutele wa nhano awo na wanshututele.” 10Khumuuza theenya yoori: “Kinteela waattisa ojama awo khwa nanna ohinaalakeyaaye.”
11Khumuuza theenya nlayikha la Mbwana yoori:
“Weemittha onteela ompattha mwaana
ontthaje nzina la Esumayila,
mwaasa yoori Nnyizinku oona ohoowa wawo.
12Ye onteela wiiya nkhama puuru wa ntthuttu;
onteela wiiya muumani wa atthu ooshi,
na yo anteela wuumana na ye,
na onteela wiiya wa waattuwana na attwiize.”
13Ntthi laari nzina Hajira amwinkhiyeeyo Nnyizinku, otule anttakhulaniyeeyo yoori: “Weeyo o Nluku onikoonaaye,” maana aalupiye yoori: “Miiyo kamoona otule anikoonaaye?” 14Tiito nlipu aya opule oniitthiwaaye Beeri-Laayi-Rooyi#16:14 Nzina ntthi la Beeri-Laayi-Rooyi khwa luuka ya Meepereewu lina maana a nlipu wa Mweenyewe oohaayi anikoonaaye.. Nlipu aya opu ori enakatthi ya Kateeshi na Peereti.
15Hajira khumpattha mwaana wa Eburamu, na Eburamu khuntthaja nzina la Esumayila. 16Wakathi Hajira ampatthiyeevo mwaana otule, Eburamu aarettiye arina nyaakha thamaaniini na sitha.
Currently Selected:
Mwanzo 16: eko
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
