Maaruku 11
11
Yinsa onvira na oshintta Yeruzaleemu
1Wakathi aattameliyeevo Yeruzaleemu, khufiya Betifwaaje na Betaaniya, kharipu ya mwaako wa oluveera, Yinsa khuwaaruma anakhiyoni awe awiri, 2khuwooza yoori: “Mwilawe nti opo mwinoonaaye omaasho weenu okho, mwifiyaka mwininsikana mwaana wa puuru afukeleliwe ahinaweliweke ti hatha ntthu. Mwinfukule mwintiise. 3Amana apuwa ntthu awuuzelani yoori: ‘Mwaasa niini mwirettaka vitthu epo?’ Mwinjipu yoori: ‘Mbwana ontta onhithajiya na oninrutisa nasaapi.’ ”
4Yo khulawa khunsikana mwaana wa puuru afukeleliwe, vanlako nwulu wa ntarikhi ya vaje, na khunfukula. 5Atthu aari attaaphale khuwoozela araka: “Eto mwinrettaaye niini ya onfukula mwaana wa puuru oto?” 6Anakhiyoni apale khujipu etthiipile Yinsa awooziyeeyo, na ye khuwaalikha onlawana.
7Khuntiisela mwaana wa puuru otule Yinsa, yo khutthaavo kuwo zawe na ye khuwela. 8Atthu awaatta khusala attattikha kuwo zaya ntarikhi na akina khusala atthaamo virapi aashijiyeeyo ntthuttu. 9Apale aalokoziyeeyo na apale aari onlottaaye khusala anyakula araka:
“Hosaana!
Wooparikhiyiwa ti otule antaaye khwa nzina la Mbwana!
10Wooparikhiyiwa saana ofwalume ontaaye wa papeetthu Daawuuda!
Hosaana pinkuuni!”
11Yinsa khufiya Yeruzaleemu na khulawa mpakha nnyupa woosifwiwamo. Khoona zooshi na wiiya waaripiye, khulawa Betaaniya na anakhiyoni awe apale khumi na awiri.
Yinsa ontwaharesha nyuupa yoosifwiwamo
12Mmeesho mwaya, wakathi aari olankhaaye Betaaniya, Yinsa khunkhola jala. 13Ari peetiwene, khoona muutthi wa mfikeera wooripelela mathapa, khulawa woona nkhama aari osikanamo nshumo. Wakathi aattameliyeeyo, khuhisikanimo hatha etthu, woohiiyi mathapa, maana khawaari wakathi wa wiima fiiku. 14Aphano khuuza mfikeera opule yoori: “Khina anttelaaye oja theenya mishumo khwa weeyo.” Anakhiyoni awe khusiila alupaka mattakhuzi apale.
15Yinsa khufiya Yeruzaleemu, khuvira nnyupa woosifwiwamo na khwaaza oweekara apale aari wuuzanyisaaye na apale aari wuuzanyaaye. Khupwalula khukulu za anamapatilisa nzurukhu na za apale aari wuuzanyisaaye jiwa. 16Khaari ontakhela ntthu oviranamo etthu yawuuzanyisa nnyupa woosifwiwamo. 17Khusala asomisa araka: “Khayaatikhiweeni yoori: ‘Nyuupa yaka enttela wiiya nyuupa yoolompiwamo khwa atthu ooshi ila mweeyo mwarettisa wiiya likurakuza la manantarawu.’ ”
18Mahaakhimu a tiini na anamanozela a kano khusiila mattakhuzi apale na khwaaza weekesa nanna ya omuula, maana eetta omoova, mwaasa wa khuntti khuluyeene yaari yooshankisiwa pi masomi awe. 19Weettelaka oripa, yo khulaamo nsitati mphule.
Mfikeera wa wuuma
20Mmeesho mwaya supuyeene, khoona mfikeera opule ori wawuuma mpakha na mitathaari zaya. 21Pheeturu khuupuwela na khumuuza Yinsa yoori: “Mwaaliimu! Woone mfikeera opu waalaaniyeeyo wooma.” 22Yinsa khujipu yoori: “Wiiyane amini khwa Nluku. 23Miiyo kiniwuuzani khweele yoori, wakhula otule anttelaaye wuuza mwaako opu yoori okhuleye ojeeselele mpahari, na khuhiina hatha nshikili nroho mwawo, ila khukhupalela yoori enrettikhana etile olupiyeeyo, entta oretteya. 24Apho, miiyo kiniwuuza yoori, zooshi weeyo onvekaazo khwa lompa, khukhupalela yoori wapwekherela, onteela opattha. 25Na amana olompaka, khwiiyana nzaawo okosiyeeyo, onswaamihi, yoori naye Paapa wa pinkuuni oswaamihi twampi zawo. 26Ila mweeyo amana mwihiswaamihi, na mweeyo Paapa wa pinkuuni kanswamihi twampi zenu.”
Ofwalume wa Yinsa na woosa wa Yaahaya
27Khufiya theenya Yeruzaleemu, wakathi Yinsa aari oviraaye nnyupa woosifwiwamo, khususeliwa ti mahaakhimu a tiini, anamanozela a kano na attunkhulu a tiini, 28khusala amuuzela yoori: “Vitthu epi, onrettana ofwalume waani? Paani awinkhiyeeyo ofwalume wa orettana?” 29Yinsa khujipu yoori: “Miiyo kintakha kiwuuzele, amana okijipu, kintta owuuza ofwalume kinrettanaaye vitthu epi. 30Nkakuuzeni, woosa wa Yaahaya waari wa pinkuuni ama waari wa anaatamu?”
31Yo khusala anyakulisana araka: “Amana niri ‘pi wa pinkuuni,’ ontta onuuzela yoori: ‘Aphano mwaasa aya niini mwihinkhupalelaka?’ 32Ila amana nilupa yoori waari wa anaatamu! Otakhaliwa, pu weetthu!” Maana yo aari owoova atthu, weekhweele atthu aari ookhupali yoori Yaahaya aari napiyu. 33Yo khunjipu Yinsa araka: “Khanijuweeni.” Yinsa zwaamu yawe khujipu yoori: “Hatha vattitthiiru, miiyo akiniwuuzani owahi kinrettanaaye vitthu epi.”
Currently Selected:
Maaruku 11: eko
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Maaruku 11
11
Yinsa onvira na oshintta Yeruzaleemu
1Wakathi aattameliyeevo Yeruzaleemu, khufiya Betifwaaje na Betaaniya, kharipu ya mwaako wa oluveera, Yinsa khuwaaruma anakhiyoni awe awiri, 2khuwooza yoori: “Mwilawe nti opo mwinoonaaye omaasho weenu okho, mwifiyaka mwininsikana mwaana wa puuru afukeleliwe ahinaweliweke ti hatha ntthu. Mwinfukule mwintiise. 3Amana apuwa ntthu awuuzelani yoori: ‘Mwaasa niini mwirettaka vitthu epo?’ Mwinjipu yoori: ‘Mbwana ontta onhithajiya na oninrutisa nasaapi.’ ”
4Yo khulawa khunsikana mwaana wa puuru afukeleliwe, vanlako nwulu wa ntarikhi ya vaje, na khunfukula. 5Atthu aari attaaphale khuwoozela araka: “Eto mwinrettaaye niini ya onfukula mwaana wa puuru oto?” 6Anakhiyoni apale khujipu etthiipile Yinsa awooziyeeyo, na ye khuwaalikha onlawana.
7Khuntiisela mwaana wa puuru otule Yinsa, yo khutthaavo kuwo zawe na ye khuwela. 8Atthu awaatta khusala attattikha kuwo zaya ntarikhi na akina khusala atthaamo virapi aashijiyeeyo ntthuttu. 9Apale aalokoziyeeyo na apale aari onlottaaye khusala anyakula araka:
“Hosaana!
Wooparikhiyiwa ti otule antaaye khwa nzina la Mbwana!
10Wooparikhiyiwa saana ofwalume ontaaye wa papeetthu Daawuuda!
Hosaana pinkuuni!”
11Yinsa khufiya Yeruzaleemu na khulawa mpakha nnyupa woosifwiwamo. Khoona zooshi na wiiya waaripiye, khulawa Betaaniya na anakhiyoni awe apale khumi na awiri.
Yinsa ontwaharesha nyuupa yoosifwiwamo
12Mmeesho mwaya, wakathi aari olankhaaye Betaaniya, Yinsa khunkhola jala. 13Ari peetiwene, khoona muutthi wa mfikeera wooripelela mathapa, khulawa woona nkhama aari osikanamo nshumo. Wakathi aattameliyeeyo, khuhisikanimo hatha etthu, woohiiyi mathapa, maana khawaari wakathi wa wiima fiiku. 14Aphano khuuza mfikeera opule yoori: “Khina anttelaaye oja theenya mishumo khwa weeyo.” Anakhiyoni awe khusiila alupaka mattakhuzi apale.
15Yinsa khufiya Yeruzaleemu, khuvira nnyupa woosifwiwamo na khwaaza oweekara apale aari wuuzanyisaaye na apale aari wuuzanyaaye. Khupwalula khukulu za anamapatilisa nzurukhu na za apale aari wuuzanyisaaye jiwa. 16Khaari ontakhela ntthu oviranamo etthu yawuuzanyisa nnyupa woosifwiwamo. 17Khusala asomisa araka: “Khayaatikhiweeni yoori: ‘Nyuupa yaka enttela wiiya nyuupa yoolompiwamo khwa atthu ooshi ila mweeyo mwarettisa wiiya likurakuza la manantarawu.’ ”
18Mahaakhimu a tiini na anamanozela a kano khusiila mattakhuzi apale na khwaaza weekesa nanna ya omuula, maana eetta omoova, mwaasa wa khuntti khuluyeene yaari yooshankisiwa pi masomi awe. 19Weettelaka oripa, yo khulaamo nsitati mphule.
Mfikeera wa wuuma
20Mmeesho mwaya supuyeene, khoona mfikeera opule ori wawuuma mpakha na mitathaari zaya. 21Pheeturu khuupuwela na khumuuza Yinsa yoori: “Mwaaliimu! Woone mfikeera opu waalaaniyeeyo wooma.” 22Yinsa khujipu yoori: “Wiiyane amini khwa Nluku. 23Miiyo kiniwuuzani khweele yoori, wakhula otule anttelaaye wuuza mwaako opu yoori okhuleye ojeeselele mpahari, na khuhiina hatha nshikili nroho mwawo, ila khukhupalela yoori enrettikhana etile olupiyeeyo, entta oretteya. 24Apho, miiyo kiniwuuza yoori, zooshi weeyo onvekaazo khwa lompa, khukhupalela yoori wapwekherela, onteela opattha. 25Na amana olompaka, khwiiyana nzaawo okosiyeeyo, onswaamihi, yoori naye Paapa wa pinkuuni oswaamihi twampi zawo. 26Ila mweeyo amana mwihiswaamihi, na mweeyo Paapa wa pinkuuni kanswamihi twampi zenu.”
Ofwalume wa Yinsa na woosa wa Yaahaya
27Khufiya theenya Yeruzaleemu, wakathi Yinsa aari oviraaye nnyupa woosifwiwamo, khususeliwa ti mahaakhimu a tiini, anamanozela a kano na attunkhulu a tiini, 28khusala amuuzela yoori: “Vitthu epi, onrettana ofwalume waani? Paani awinkhiyeeyo ofwalume wa orettana?” 29Yinsa khujipu yoori: “Miiyo kintakha kiwuuzele, amana okijipu, kintta owuuza ofwalume kinrettanaaye vitthu epi. 30Nkakuuzeni, woosa wa Yaahaya waari wa pinkuuni ama waari wa anaatamu?”
31Yo khusala anyakulisana araka: “Amana niri ‘pi wa pinkuuni,’ ontta onuuzela yoori: ‘Aphano mwaasa aya niini mwihinkhupalelaka?’ 32Ila amana nilupa yoori waari wa anaatamu! Otakhaliwa, pu weetthu!” Maana yo aari owoova atthu, weekhweele atthu aari ookhupali yoori Yaahaya aari napiyu. 33Yo khunjipu Yinsa araka: “Khanijuweeni.” Yinsa zwaamu yawe khujipu yoori: “Hatha vattitthiiru, miiyo akiniwuuzani owahi kinrettanaaye vitthu epi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.