Génesis 27
27
Jacobta Isaac bendicionta qoshqan
1Pasaypa awkinna karmi Isaacqa mana reqikurqannatsu. Juk kutimi qechpa tsurin Esaúta qayarqan. Tsaymi kayno nirqan: <<¿Imapaqtaq qayaykämanki, papä?>>
2Tsaymi Isaacqa kayno nirqan: <<Noqaqa pasaypa awkinnami kaykä. Tsayno kaykarqa capazchari elaqpita wanukushaqnapis. 3Flëchaykita apakurkur jirkapa ayway ima uywalatapis tsarirkamur 4yachashqä mikuyta yanupämänaykipaq. Tsayta mikurkurnami manaraq wanushpä bendicionta qoykushaykipaq>>.
5Esaúta papänin tsayno nishqantami Rebeca mayaykarqan. Tsaymi jirka uywata tsarimuq Esaú aywashqanyaq 6Jacobta Rebeca kayno nirqan: <<Wawqiki Esaúta papäniki parlapashqantami mayashqä. 7Paytami manakushqa jirka uywata tsarirkamur yachashqan mikuyta yanupänanpaq. Tsayta mikurkurnashi Tayta Diospa jutincho bendicionta qonqa. 8Kanan yätsishqäta shumaq wiyamay, hïju. 9Jukla aywaykur cabrantsikunapita ishkay alinnin manta cabrata apamuy. Tsay aytsapitami papäniki yachashqan mikuyta yanupäshaq. 10Yanukuriptïnami papäniki kaqman apanki. Tsayta mikurkurnami manaraq wanushpan bendicionta qoshunkipaq>>.
11Tsayno niptinmi mamanta Jacob kayno nirqan: <<Noqapaqa manami wawqï Esaúpanötsu cuerpü shapra kaykan.#Gén. 25.25. 12Papänï yatamar imarqa tantiyanqachari engañaykashqäta. Tantiyamarqa bendicionta qomänanpa trukan maldicionamanqachari>>.
13Tsawraqa maman kayno nirqan: <<Papäniki maldicionashuptikiqa noqaman chayamätsun, hïju. Nishqänöla manta cabrakunata jukla apamuy>>.
14Maman tsayno niptinmi Jacobqa ishkay manta cabrata apamurqan. Tsaytanami Isaac yachashqan mikuyta Rebeca yanukurqan. 15Nirkurmi Esaúpa churaraykaq alinnin röpanta Jacobta jatiparqan. 16Tsaynöpis papänin mana tantiyananpaq manta cabrakunapa qaratsanta pituparqan rikranman y kunkanmanpis. 17Yanukurirnami tantata y mikuyta ayaparqan papäninman apananpaq.
18Tsawraqa papänin kaqman chayaykur Jacob kayno nirqan: <<¡Papä!>>
Tsayno niptin Isaac nirqan: <<¿Mayqan kaq tsurïtaq kaykanki, hïju?>>
19Tsawraqa Jacob kayno nirqan: <<Noqaqa mayor tsuriki Esaúmi kaykä, papä. Nimashqaykita yanukamushqänami. Sharkamuy tsarimushqä uywapa aytsanta mikurkur bendicionnikita qomänaykipaq>>.
20Tsawraqa Isaac kayno tapurqan: <<¿Imanöpataq rätulaqa tsarimushqanki jirka uywata, hïju?>>
Tsayno niptin Jacob nirqan: <<Tayta Diosniki yanapamaptinmi rasla tsarimushqä>>.
21Tsaymi Isaac kayno nirqan: <<Rasunpa Esaú kashqaykita musyanäpaq witimuy yataykunäpaq>>.
22Tsayno niptinmi papäninpa nawpanman Jacob witirqan. Yataykurmi papänin kayno nirqan: <<Rimakuyninqa Jacobpanömi. Rikranmi itsanqa Esaúpano>>.
23Esaúpa rikranno shaprasapa kaptinmi yataykarpis mana tantiyarqantsu Jacob kashqanta. Bendicionta qonanpaq kaykarnami 24yapay kayno tapurqan: <<¿Rasunpaku tsurï Esaú kaykanki?>>
<<Rasunpami Esaú kaykä, papä>> nirqan.
25Tsayno niptin papänin kayno nirqan: <<Tsarimushqayki uywapa aytsanta qaraykalämay, hïju. Mikurkurnami bendicionnïta qoshaykipaq>>.
Tsaymi mikuyta y vïnuta Jacob qaraptin Isaac mikurqan y upurqan. 26Mikuyta usharkurnami kayno nirqan: <<Witimuy hïju, mutsamänaykipaq>>.
27Tsayno niptinmi witiykur mutsarqan. Mutsaptinmi Esaúpa röpanpa asyayninta Isaac mayarqan. Esaú kashqanta yarparmi bendicionta qoshpan kayno nirqan:
<<Kayqa tsurïpa asyayninmi.
Tayta Dios bendicionninta churashqan chakranömi ali asyaykan#27.27 Wakin runakunaqa mushkuykan nipäkun..
28Qam taykashqaykimanqa Tayta Dios tamyaykatsimutsun.
Shuntaytapis mana atipashqaykiyaq murushqayki wayuykulätsun.
Trïguykipis vïnuykipis tsaytsika kaykulätsun.
29Qamtaqa atska runakunami sirvishunki.
Tsaynöpis lapan nación runakuna nawpaykiman qonqurpakamutsun.
Ayluykikunapis munaynikicho katsun.
Paykunapis nawpaykiman qonqurpakamutsun.
Qamta maldicionashuqnikiqa maldicionashqami kanqa.
Bendisishuqnikiqa bendisishqami kanqa>>.#Gén. 12.3; Heb. 11.20.
30Bendicionta chaskirkur Jacob yarqurishqalantanami Esaúqa chayarqan tsarimushqan munti uywan aparishqa. 31Paypis papänin yachashqan mikuyta yanukurir aparmi kayno nirqan: <<Sharkamuy, papä, yanukamushqä aytsata mikunaykipaq. Nirkur bendicionnikita jukla qoykalämay>>.
32Tsayno niptinmi Isaac tapurqan kayno nir: <<¿Mayqan tsurïtaq kaykanki, hïju?>>
Niptin Esaúqa nirqan: <<Qechpa tsuriki Esaúmi kaykä, papä>>.
33Tsayno niptinmi Isaac pasaypa siksikyashpan kayno nirqan: <<Tsawraqa ¿pitaq jirka uywapa aytsanta yanukurir mikuyta apapämashqa? Tsay mikuyta lapantami mikushqä manaraqpis chayamuptiki. Paynami lapan bendicionta chaskishqa>>.
34Papänin tsayno niptinmi Esaúqa fiyupa waqashpan kayno nirqan: <<Papä, noqatapis bendicionnikita qoykalämay>>.
35Tsayno niptinmi Isaac kayno nirqan: <<Wawqikimi chaykamur engañamashqa. Qamta qonäpaq kaq bendicionta paytanami qoykushqä>>.
36Tsawraqa Esaú kayno nirqan: <<Tsayno kaptinchari Jacob#27.36 Jacob ninanqa talunta aptan ninan y engañakuq ninanmi. jutin kananpaq churaparqayki. Kananwanqa ishkay kutinami engañaman. Nawpatapis qechpa kay derëchüta qechumashqa.#Gén. 25.29-34. Kanan noqapaq kaq bendicionta chaskishqa. ¿Manaku walkalapis bendición noqapaq kanraq?>>
37Tsayno niptinmi Isaac kayno nirqan: <<Jacobtanami nishqä munaynincho tsararäshunaykipaq y qampita miraqkunapis paypa munaynincho kananpaq y trïgunpis üvanpis atska kananpaq. Kanan ¿ima bendicionlataraq qamta qoykushaykipis, hïju?>>
38Tsawraqa Esaúqa yapay kayno nirqan: <<Noqapaqqa ¿manaku juk bendicionlapis kan, papä? Noqatapis bendicionta qoykalämay, ari>>.
Tsayno nirmi pasaypa qaparayparaq papäninta waqaparqan.#Heb. 12.17.
39Tsawraqa Esaúta Isaac kayno nirqan:
<<Mikuy mana wayushqan chakracho y tamya mana kashqanchömi tankipaq.
40Espädaykiwan defiendikurmi kawankipaq.
Wawqikipa munayninchömi kankipaq.
Tsayno karpis munayniyuq rikakurmi makinpita yarqukunkipaq>>.#Heb. 11.20.
Esaúpita Jacob qeshpir aywakushqan
41Papänin bendicionta qoshqan junaqpita patsami Esaúqa Jacobta pasaypa chikirqan. Tsaymi shonqulancho kayno yarparqan: <<Papänï wanunalantami shuyaraykä. Pay wanuptinqa wawqï kaptinpis supaynintami apatsishaq>>.
42Esaú tsayno yarpaykashqanta musyaykurmi Rebecaqa Jacobta qayaykatsir kayno nirqan: <<Wawqiki Esaúmi wanutsishunaykipaq juraykan. 43Tsayno yarpaykaptinqa yätsishqäta shumaq wiyamay, hïju. Haráncho turï Labán kaqman jukla qeshpikuy.#Gén. 24.28-30; 28.1-2. 44Pay kaqcho täkuy wawqikipa rabyaynin pasananyaq. 45Rabyaynin pasarkuptinnami qayatsimushayki kutimunaykipaq. ¡Noqa manami munätsu ishkan wawäta juk junaqlacho oqraykuyta!>>
46Tsaypitanami runan Isaacta Rebeca kayno nirqan: <<Esaúpa warminkunata mana rikanä kashqa jina wanukümanpis. Kay Canaáncho heteo warmiwan Jacobpis taptin imaptinqa ¿imapaqnataq kawashaqpis?>>
Currently Selected:
Génesis 27: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Génesis 27
27
Jacobta Isaac bendicionta qoshqan
1Pasaypa awkinna karmi Isaacqa mana reqikurqannatsu. Juk kutimi qechpa tsurin Esaúta qayarqan. Tsaymi kayno nirqan: <<¿Imapaqtaq qayaykämanki, papä?>>
2Tsaymi Isaacqa kayno nirqan: <<Noqaqa pasaypa awkinnami kaykä. Tsayno kaykarqa capazchari elaqpita wanukushaqnapis. 3Flëchaykita apakurkur jirkapa ayway ima uywalatapis tsarirkamur 4yachashqä mikuyta yanupämänaykipaq. Tsayta mikurkurnami manaraq wanushpä bendicionta qoykushaykipaq>>.
5Esaúta papänin tsayno nishqantami Rebeca mayaykarqan. Tsaymi jirka uywata tsarimuq Esaú aywashqanyaq 6Jacobta Rebeca kayno nirqan: <<Wawqiki Esaúta papäniki parlapashqantami mayashqä. 7Paytami manakushqa jirka uywata tsarirkamur yachashqan mikuyta yanupänanpaq. Tsayta mikurkurnashi Tayta Diospa jutincho bendicionta qonqa. 8Kanan yätsishqäta shumaq wiyamay, hïju. 9Jukla aywaykur cabrantsikunapita ishkay alinnin manta cabrata apamuy. Tsay aytsapitami papäniki yachashqan mikuyta yanupäshaq. 10Yanukuriptïnami papäniki kaqman apanki. Tsayta mikurkurnami manaraq wanushpan bendicionta qoshunkipaq>>.
11Tsayno niptinmi mamanta Jacob kayno nirqan: <<Noqapaqa manami wawqï Esaúpanötsu cuerpü shapra kaykan.#Gén. 25.25. 12Papänï yatamar imarqa tantiyanqachari engañaykashqäta. Tantiyamarqa bendicionta qomänanpa trukan maldicionamanqachari>>.
13Tsawraqa maman kayno nirqan: <<Papäniki maldicionashuptikiqa noqaman chayamätsun, hïju. Nishqänöla manta cabrakunata jukla apamuy>>.
14Maman tsayno niptinmi Jacobqa ishkay manta cabrata apamurqan. Tsaytanami Isaac yachashqan mikuyta Rebeca yanukurqan. 15Nirkurmi Esaúpa churaraykaq alinnin röpanta Jacobta jatiparqan. 16Tsaynöpis papänin mana tantiyananpaq manta cabrakunapa qaratsanta pituparqan rikranman y kunkanmanpis. 17Yanukurirnami tantata y mikuyta ayaparqan papäninman apananpaq.
18Tsawraqa papänin kaqman chayaykur Jacob kayno nirqan: <<¡Papä!>>
Tsayno niptin Isaac nirqan: <<¿Mayqan kaq tsurïtaq kaykanki, hïju?>>
19Tsawraqa Jacob kayno nirqan: <<Noqaqa mayor tsuriki Esaúmi kaykä, papä. Nimashqaykita yanukamushqänami. Sharkamuy tsarimushqä uywapa aytsanta mikurkur bendicionnikita qomänaykipaq>>.
20Tsawraqa Isaac kayno tapurqan: <<¿Imanöpataq rätulaqa tsarimushqanki jirka uywata, hïju?>>
Tsayno niptin Jacob nirqan: <<Tayta Diosniki yanapamaptinmi rasla tsarimushqä>>.
21Tsaymi Isaac kayno nirqan: <<Rasunpa Esaú kashqaykita musyanäpaq witimuy yataykunäpaq>>.
22Tsayno niptinmi papäninpa nawpanman Jacob witirqan. Yataykurmi papänin kayno nirqan: <<Rimakuyninqa Jacobpanömi. Rikranmi itsanqa Esaúpano>>.
23Esaúpa rikranno shaprasapa kaptinmi yataykarpis mana tantiyarqantsu Jacob kashqanta. Bendicionta qonanpaq kaykarnami 24yapay kayno tapurqan: <<¿Rasunpaku tsurï Esaú kaykanki?>>
<<Rasunpami Esaú kaykä, papä>> nirqan.
25Tsayno niptin papänin kayno nirqan: <<Tsarimushqayki uywapa aytsanta qaraykalämay, hïju. Mikurkurnami bendicionnïta qoshaykipaq>>.
Tsaymi mikuyta y vïnuta Jacob qaraptin Isaac mikurqan y upurqan. 26Mikuyta usharkurnami kayno nirqan: <<Witimuy hïju, mutsamänaykipaq>>.
27Tsayno niptinmi witiykur mutsarqan. Mutsaptinmi Esaúpa röpanpa asyayninta Isaac mayarqan. Esaú kashqanta yarparmi bendicionta qoshpan kayno nirqan:
<<Kayqa tsurïpa asyayninmi.
Tayta Dios bendicionninta churashqan chakranömi ali asyaykan#27.27 Wakin runakunaqa mushkuykan nipäkun..
28Qam taykashqaykimanqa Tayta Dios tamyaykatsimutsun.
Shuntaytapis mana atipashqaykiyaq murushqayki wayuykulätsun.
Trïguykipis vïnuykipis tsaytsika kaykulätsun.
29Qamtaqa atska runakunami sirvishunki.
Tsaynöpis lapan nación runakuna nawpaykiman qonqurpakamutsun.
Ayluykikunapis munaynikicho katsun.
Paykunapis nawpaykiman qonqurpakamutsun.
Qamta maldicionashuqnikiqa maldicionashqami kanqa.
Bendisishuqnikiqa bendisishqami kanqa>>.#Gén. 12.3; Heb. 11.20.
30Bendicionta chaskirkur Jacob yarqurishqalantanami Esaúqa chayarqan tsarimushqan munti uywan aparishqa. 31Paypis papänin yachashqan mikuyta yanukurir aparmi kayno nirqan: <<Sharkamuy, papä, yanukamushqä aytsata mikunaykipaq. Nirkur bendicionnikita jukla qoykalämay>>.
32Tsayno niptinmi Isaac tapurqan kayno nir: <<¿Mayqan tsurïtaq kaykanki, hïju?>>
Niptin Esaúqa nirqan: <<Qechpa tsuriki Esaúmi kaykä, papä>>.
33Tsayno niptinmi Isaac pasaypa siksikyashpan kayno nirqan: <<Tsawraqa ¿pitaq jirka uywapa aytsanta yanukurir mikuyta apapämashqa? Tsay mikuyta lapantami mikushqä manaraqpis chayamuptiki. Paynami lapan bendicionta chaskishqa>>.
34Papänin tsayno niptinmi Esaúqa fiyupa waqashpan kayno nirqan: <<Papä, noqatapis bendicionnikita qoykalämay>>.
35Tsayno niptinmi Isaac kayno nirqan: <<Wawqikimi chaykamur engañamashqa. Qamta qonäpaq kaq bendicionta paytanami qoykushqä>>.
36Tsawraqa Esaú kayno nirqan: <<Tsayno kaptinchari Jacob#27.36 Jacob ninanqa talunta aptan ninan y engañakuq ninanmi. jutin kananpaq churaparqayki. Kananwanqa ishkay kutinami engañaman. Nawpatapis qechpa kay derëchüta qechumashqa.#Gén. 25.29-34. Kanan noqapaq kaq bendicionta chaskishqa. ¿Manaku walkalapis bendición noqapaq kanraq?>>
37Tsayno niptinmi Isaac kayno nirqan: <<Jacobtanami nishqä munaynincho tsararäshunaykipaq y qampita miraqkunapis paypa munaynincho kananpaq y trïgunpis üvanpis atska kananpaq. Kanan ¿ima bendicionlataraq qamta qoykushaykipis, hïju?>>
38Tsawraqa Esaúqa yapay kayno nirqan: <<Noqapaqqa ¿manaku juk bendicionlapis kan, papä? Noqatapis bendicionta qoykalämay, ari>>.
Tsayno nirmi pasaypa qaparayparaq papäninta waqaparqan.#Heb. 12.17.
39Tsawraqa Esaúta Isaac kayno nirqan:
<<Mikuy mana wayushqan chakracho y tamya mana kashqanchömi tankipaq.
40Espädaykiwan defiendikurmi kawankipaq.
Wawqikipa munayninchömi kankipaq.
Tsayno karpis munayniyuq rikakurmi makinpita yarqukunkipaq>>.#Heb. 11.20.
Esaúpita Jacob qeshpir aywakushqan
41Papänin bendicionta qoshqan junaqpita patsami Esaúqa Jacobta pasaypa chikirqan. Tsaymi shonqulancho kayno yarparqan: <<Papänï wanunalantami shuyaraykä. Pay wanuptinqa wawqï kaptinpis supaynintami apatsishaq>>.
42Esaú tsayno yarpaykashqanta musyaykurmi Rebecaqa Jacobta qayaykatsir kayno nirqan: <<Wawqiki Esaúmi wanutsishunaykipaq juraykan. 43Tsayno yarpaykaptinqa yätsishqäta shumaq wiyamay, hïju. Haráncho turï Labán kaqman jukla qeshpikuy.#Gén. 24.28-30; 28.1-2. 44Pay kaqcho täkuy wawqikipa rabyaynin pasananyaq. 45Rabyaynin pasarkuptinnami qayatsimushayki kutimunaykipaq. ¡Noqa manami munätsu ishkan wawäta juk junaqlacho oqraykuyta!>>
46Tsaypitanami runan Isaacta Rebeca kayno nirqan: <<Esaúpa warminkunata mana rikanä kashqa jina wanukümanpis. Kay Canaáncho heteo warmiwan Jacobpis taptin imaptinqa ¿imapaqnataq kawashaqpis?>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.