Génesis 40
40
Ishkay runakuna sueñushqanta José tantiyatsishqan
1Tsaypitanami vïnu ruraqkunapa y tanta ruraqkunapa mandaqninkuna lutanta rurar 2Egipto nacionpa mandaqnin rey Faraónta fiyupa rabyatsirqan. 3Tsaymi paykunata prësu apatsirqan wardiakunapa capitanninpa wayincho kaykaq carcilman. Tsay carcilchömi Josépis wichqararqan. 4Paykunatami wardiakunapa capitanninqa Josépa makinman churarqan. Tsay ishkay runakunami atska killa carcilcho wichqararqan.
5Juk tsakaymi vïnu ruraqkunapa y tanta ruraqkunapa mandaqninkuna sueñupäkurqan imapis pasananpaq kashqanta. 6Josémi tuta tutala watukuq aywar pasaypa lakishqa karkaykaqta tarirqan. 7Tsawraqa tapurqan kayno nir: <<¿Imanirtaq pasaypa lakishqa karkaykanki?>>
8Tsawraqa kayno nipäkurqan: <<Mana alitami sueñushqä. Manami pipis kantsu sueñushqä imapaq kashqantapis tantiyatsimänanpaq>>.
Tsayno niptin José kayno nirqan: <<Tsay sueñushqayki imapaq kashqantapis Tayta Dioslami tantiyatsimäshun. Mä, wilapäkamay imata sueñushqaykitapis>>.
9Tsayno niptinmi vïnu ruraqkunapa mandaqnin kayno wilaparqan: <<Sueñuynïchömi rikashqä juk üva yöra 10kimsa rämayuq kaykaqta. Tsay rämakunami tsintsimur tuktushpan poquraykaq üvakunaman tikrashqa. 11Tsay poqushqa üvata Faraónpa väsunta aptaraykashqäman qapirkurmi Faraónta makyaykashqä>>.
12Tsayno wilaptinmi José kayno nirqan: <<Sueñuynikicho kimsa rämakunata rikashqaykiqa kimsa junaqmi kaykan. 13Kananpita kimsa junaqtami kay carcilpita Faraón jorqushushpayki puntata arushqaykiman kutitsishunkipaq. Tsaymi väsuwan vïnuta yapay sirvinkipaq. 14Nishqänöla arushqaykiman kutiykur noqatapis yarparkalämanki ari. Kuyapämashpayki tayta Faraónta ruwakuykulanki kaypita jorqamänanpaq. 15Hebreo runakuna tashqanpitami liyarkur kay markaman apamashqa. Jutsaynaq kaykarmi kaycho wataraykä>>.
16Alipaq sueñushqanta wilaptinmi tanta ruraqkunapa mandaqninpis Joséta kayno nir wilaparqan: <<Sueñuynïchömi kimsa taksha canastakunawan janak janak umächo tantakunata puriykätsishqä. 17Janan kaq canastachömi tukuy niraq böllukuna kaykashqa Faraón mikunanpaq. Tsay böllukunatami pishqukuna shamur mikukurkushqa>>.
18Tsayno wilapaptinmi paytapis José kayno nirqan: <<Sueñuynikicho rikashqayki kimsa taksha canastakunaqa kaykan kimsa junaqmi. 19Kananpita kimsa junaqtami umaykita roquratsir Faraónqa qeruman warkutsishuptiki ayaykita wiskulkuna mikunqapaq>>.
20Tsaypita kimsa junaqtanami Faraónpa diyan karqan. Tsawraqa Faraón mandäshiqninkunawan fiestata rurar mikur y upur qoyarqan. Tsay junaqmi carcilpita jorqatsimurqan tanta ruraqkunapa y vïnu ruraqkunapa mandaqninkunata. 21Nirkurmi vïnu ruraqkunapa mandaqninta yapay churarqan nawpata arushqanman. Tsaymi vïnuta väsuwan Faraónta yapay sirvirqan. 22Tanta ruraqkunapa mandaqnintami itsanqa José wilashqannöla wanurkatsir ayanta qeruman warkutsirqan. 23Vïnu ruraqkunapa mandaqninqa José ruwakushqanta manami yarparqantsu.
Currently Selected:
Génesis 40: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Génesis 40
40
Ishkay runakuna sueñushqanta José tantiyatsishqan
1Tsaypitanami vïnu ruraqkunapa y tanta ruraqkunapa mandaqninkuna lutanta rurar 2Egipto nacionpa mandaqnin rey Faraónta fiyupa rabyatsirqan. 3Tsaymi paykunata prësu apatsirqan wardiakunapa capitanninpa wayincho kaykaq carcilman. Tsay carcilchömi Josépis wichqararqan. 4Paykunatami wardiakunapa capitanninqa Josépa makinman churarqan. Tsay ishkay runakunami atska killa carcilcho wichqararqan.
5Juk tsakaymi vïnu ruraqkunapa y tanta ruraqkunapa mandaqninkuna sueñupäkurqan imapis pasananpaq kashqanta. 6Josémi tuta tutala watukuq aywar pasaypa lakishqa karkaykaqta tarirqan. 7Tsawraqa tapurqan kayno nir: <<¿Imanirtaq pasaypa lakishqa karkaykanki?>>
8Tsawraqa kayno nipäkurqan: <<Mana alitami sueñushqä. Manami pipis kantsu sueñushqä imapaq kashqantapis tantiyatsimänanpaq>>.
Tsayno niptin José kayno nirqan: <<Tsay sueñushqayki imapaq kashqantapis Tayta Dioslami tantiyatsimäshun. Mä, wilapäkamay imata sueñushqaykitapis>>.
9Tsayno niptinmi vïnu ruraqkunapa mandaqnin kayno wilaparqan: <<Sueñuynïchömi rikashqä juk üva yöra 10kimsa rämayuq kaykaqta. Tsay rämakunami tsintsimur tuktushpan poquraykaq üvakunaman tikrashqa. 11Tsay poqushqa üvata Faraónpa väsunta aptaraykashqäman qapirkurmi Faraónta makyaykashqä>>.
12Tsayno wilaptinmi José kayno nirqan: <<Sueñuynikicho kimsa rämakunata rikashqaykiqa kimsa junaqmi kaykan. 13Kananpita kimsa junaqtami kay carcilpita Faraón jorqushushpayki puntata arushqaykiman kutitsishunkipaq. Tsaymi väsuwan vïnuta yapay sirvinkipaq. 14Nishqänöla arushqaykiman kutiykur noqatapis yarparkalämanki ari. Kuyapämashpayki tayta Faraónta ruwakuykulanki kaypita jorqamänanpaq. 15Hebreo runakuna tashqanpitami liyarkur kay markaman apamashqa. Jutsaynaq kaykarmi kaycho wataraykä>>.
16Alipaq sueñushqanta wilaptinmi tanta ruraqkunapa mandaqninpis Joséta kayno nir wilaparqan: <<Sueñuynïchömi kimsa taksha canastakunawan janak janak umächo tantakunata puriykätsishqä. 17Janan kaq canastachömi tukuy niraq böllukuna kaykashqa Faraón mikunanpaq. Tsay böllukunatami pishqukuna shamur mikukurkushqa>>.
18Tsayno wilapaptinmi paytapis José kayno nirqan: <<Sueñuynikicho rikashqayki kimsa taksha canastakunaqa kaykan kimsa junaqmi. 19Kananpita kimsa junaqtami umaykita roquratsir Faraónqa qeruman warkutsishuptiki ayaykita wiskulkuna mikunqapaq>>.
20Tsaypita kimsa junaqtanami Faraónpa diyan karqan. Tsawraqa Faraón mandäshiqninkunawan fiestata rurar mikur y upur qoyarqan. Tsay junaqmi carcilpita jorqatsimurqan tanta ruraqkunapa y vïnu ruraqkunapa mandaqninkunata. 21Nirkurmi vïnu ruraqkunapa mandaqninta yapay churarqan nawpata arushqanman. Tsaymi vïnuta väsuwan Faraónta yapay sirvirqan. 22Tanta ruraqkunapa mandaqnintami itsanqa José wilashqannöla wanurkatsir ayanta qeruman warkutsirqan. 23Vïnu ruraqkunapa mandaqninqa José ruwakushqanta manami yarparqantsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.