Génesis 50
50
Jacobta pampashqan
1Papänin wanuykuptinmi Joséqa makalakur waqar mutsarqan. 2Nirkurnami Joséqa makincho kaykaq mëdicukunata nirqan papäninpa ayanta chukrutsipänanpaq.#50.2 Unay Egipto runakuna ayata chukrutsinanpaqqa toqshunta, pachanta, aqishninkunata, shonqunta, natinninta y puywanninta jorqurir ali asyaq jachakunata tsayman jinchiq. Nirkurnami cuerpunman winapaq natrón nishqan kachita. Atska junaq tsayno tsakirkatsirnami yakuwan shumaq maylaq. Tsaypita lïnu tëlawan shumaq wankurkurmi cajonman winapäkuq. José nishqannölami mëdicukunaqa rurarqan. 3Tsaymi mëdicukunaqa imaypis chukrutsishqanno chusku chunka (40) junaq Israelpa ayanta chukrutsirqan. Jacobtami Egipto runakunapis qanchis chunka (70) junaq lüturqan.
4Lütuyta usharkurnami Joséqa Faraónpa palaciuncho mandäshiqninkunata kayno nirqan: <<Qamkuna kuyapämashpaykiqa Faraónta kayno nir ruwapaykalämay: 5<Josépa papäninqa manaraq wanurshi Diosninpa jutincho juratsirqan Canaánman apaykur kikin uchkushqan sepultüranman pampananpaq.#Gén. 47.29-31. Tsayshi kachaykulanki papäninta pampaq aywananpaq. Pamparkularshi jukla kutikamunqapaq> >>.
6José ruwakushqanta wilaptinmi Faraón kayno nirqan: <<Aywatsun papäninta promitishqannöla pampamunanpaq>>.
7Tsayno niptinmi papäninta pampananpaq José aywarqan. Aywaptinmi Faraónpa mandäshiqninkuna, Israel mayor runakuna y Egiptucho wakin mandaqkunapis yanaqarqan. 8Tsaynöpis Josépa tsurinkuna, wilkankuna, wawqinkuna y lapan aylunkunami aywapäkurqan. Gosénchöqa uywakunata täpar wamrankunalami quëdarqan. 9Tsaymi Joséta yanaqar atska runakuna carrëtankunawan y cawallunkunawan aywapäkurqan.
10Jordán mayu tsimpan Goren-ha-atad pampaman chayaykurmi lapan runakuna lakikur waqapäkurqan. Tsaychömi Josépis qanchis junaq pasaypa waqar papäninta lütur qoyarqan. 11Tsayno lütupäkushqanta rikarmi tsaycho taq cananeo runakuna kayno nipäkurqan: <<Egipto runakunaqa fiyupa waqarmi lüturkaykan>>.
Tsaypitami tsay partipa jutinta churaparqan Abel-mizraim#50.11 Abel-mizraim ninanqa Egipto runakuna lütushqan ninanmi. jutin kananpaq. Tsayqa kaykan Jordán mayu tsimpanchömi.
12Jacobpa tsurinkunaqa lapantapis rurarqan papänin manakushqannölami. 13Tsaymi Canaánman apaykur Macpela machayman pampapäkurqan. Tsaylaman lapan aylunkunawan pampakunanpaqmi tsay machayta chakrantinta Abraham rantishqa karqan heteo aylu Efrón runapita. Tsay chakraqa kaykan Mamre tsimpanchömi.#Gén. 23.19-20; Hech. 7.16. 14Papäninta pampaykurnami lapan wawqinkunawan y yanaqaq runakunawanpis Egiptuman José kutikurqan.
Wawqinkuna mana mantsakunanpaq José nishqan
15Jacob wanuykuptinnami Josépa wawqinkuna pasaypa mantsakushpan kayno nipäkurqan: <<Joséqa chikishqantsipita kananqa vengarpis vengakamäshunchari>>.
16Tsaymi juk wawqinta Joséman kachapäkurqan kayno ninanpaq: <<Papänintsiqa manaraq wanurmi noqakunata nimarqan qamta kayno ninäpaq: 17<Nawpata wawqikikuna mana tantiyakuypa chikishushqaykipita perdonaykulay, hïju>. Papänintsi nishqannölami noqakunapis ruwakärï mana ali rikashqäpita perdonamänaykipaq, tayta. Noqakunapis karkaykä papänintsi yärakushqan Diosman yärakuqmi>>.
Tsayno nishqanta wilaptinmi José waqarqan.
18Tsaypita José kaqman chayaykurmi wawqinkuna pasaypa mantsakärishpan nawpanman lätakuykur kayno nipäkurqan: <<Kananqa qampa makiki chakikichömi karkaykä>>.
19Tsawraqa José kayno nirqan: <<Ama mantsakamaytsu. Noqa manami Diostsu kaykä mantsakamänaykipaq. 20Qamkunaqa chikimar rantikamashqa kaptikipis Tayta Diosmi kamakätsishqa ali kananpaq. Tsaymi rikashqantsinöpis muchuy kaptinpis runakuna mana wanushqatsu. 21Tsayno kaykaptinqa ama mantsakamaytsu. Noqami mikuyta kamaripäshayki qamkunapaq y tsurikikunapaqpis>>.
Tsayno ali shimilanpa parlaparmi wawqinkunata shakyätsirqan.
José wanushqan
22Lapan wawqinkunawanmi Joséqa Egiptucho tarqan. Payqa kawarqan pachak chunka (110) watayuq kashqanyaqmi. 23Tsaymi tsurin Efraínpa wilkanpa tsurintapis rikarqanraq. Tsaynölami Manaséspa tsurin Maquirpa tsurinkuna yuriptin Joséman apaparqan legitimakunanpaq.
24Tsaypita juk kutichönami wawqinkunata José kayno nirqan: <<Noqaqa wanukushaqnami. Wanukuptïpis Tayta Diosmi yanapashunkipaq kay nacionpita yarqupäkunaykipaq. Nirkurmi pushashunkipaq Abrahamta, Isaacta y Jacobta rikatsishqan Canaánman>>.
25Nirkurna lapan wawqinkunata Tayta Diospa jutincho juratsishpan José kayno nirqan: <<Canaánman kutipäkunaykipaq Tayta Dios shamurmi jorqushunki. Kaypita aywakurqa tulükunatapis apakarkärinkipaq>>.#Éxo. 13.19; Jos. 24.32; Heb. 11.22.
26Egiptucho José wanurqan pachak chunka (110) watayuq kaykarmi. Josépa ayantami mëdicukuna chukrurkatsir cajonman winapäkurqan.
Currently Selected:
Génesis 50: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Génesis 50
50
Jacobta pampashqan
1Papänin wanuykuptinmi Joséqa makalakur waqar mutsarqan. 2Nirkurnami Joséqa makincho kaykaq mëdicukunata nirqan papäninpa ayanta chukrutsipänanpaq.#50.2 Unay Egipto runakuna ayata chukrutsinanpaqqa toqshunta, pachanta, aqishninkunata, shonqunta, natinninta y puywanninta jorqurir ali asyaq jachakunata tsayman jinchiq. Nirkurnami cuerpunman winapaq natrón nishqan kachita. Atska junaq tsayno tsakirkatsirnami yakuwan shumaq maylaq. Tsaypita lïnu tëlawan shumaq wankurkurmi cajonman winapäkuq. José nishqannölami mëdicukunaqa rurarqan. 3Tsaymi mëdicukunaqa imaypis chukrutsishqanno chusku chunka (40) junaq Israelpa ayanta chukrutsirqan. Jacobtami Egipto runakunapis qanchis chunka (70) junaq lüturqan.
4Lütuyta usharkurnami Joséqa Faraónpa palaciuncho mandäshiqninkunata kayno nirqan: <<Qamkuna kuyapämashpaykiqa Faraónta kayno nir ruwapaykalämay: 5<Josépa papäninqa manaraq wanurshi Diosninpa jutincho juratsirqan Canaánman apaykur kikin uchkushqan sepultüranman pampananpaq.#Gén. 47.29-31. Tsayshi kachaykulanki papäninta pampaq aywananpaq. Pamparkularshi jukla kutikamunqapaq> >>.
6José ruwakushqanta wilaptinmi Faraón kayno nirqan: <<Aywatsun papäninta promitishqannöla pampamunanpaq>>.
7Tsayno niptinmi papäninta pampananpaq José aywarqan. Aywaptinmi Faraónpa mandäshiqninkuna, Israel mayor runakuna y Egiptucho wakin mandaqkunapis yanaqarqan. 8Tsaynöpis Josépa tsurinkuna, wilkankuna, wawqinkuna y lapan aylunkunami aywapäkurqan. Gosénchöqa uywakunata täpar wamrankunalami quëdarqan. 9Tsaymi Joséta yanaqar atska runakuna carrëtankunawan y cawallunkunawan aywapäkurqan.
10Jordán mayu tsimpan Goren-ha-atad pampaman chayaykurmi lapan runakuna lakikur waqapäkurqan. Tsaychömi Josépis qanchis junaq pasaypa waqar papäninta lütur qoyarqan. 11Tsayno lütupäkushqanta rikarmi tsaycho taq cananeo runakuna kayno nipäkurqan: <<Egipto runakunaqa fiyupa waqarmi lüturkaykan>>.
Tsaypitami tsay partipa jutinta churaparqan Abel-mizraim#50.11 Abel-mizraim ninanqa Egipto runakuna lütushqan ninanmi. jutin kananpaq. Tsayqa kaykan Jordán mayu tsimpanchömi.
12Jacobpa tsurinkunaqa lapantapis rurarqan papänin manakushqannölami. 13Tsaymi Canaánman apaykur Macpela machayman pampapäkurqan. Tsaylaman lapan aylunkunawan pampakunanpaqmi tsay machayta chakrantinta Abraham rantishqa karqan heteo aylu Efrón runapita. Tsay chakraqa kaykan Mamre tsimpanchömi.#Gén. 23.19-20; Hech. 7.16. 14Papäninta pampaykurnami lapan wawqinkunawan y yanaqaq runakunawanpis Egiptuman José kutikurqan.
Wawqinkuna mana mantsakunanpaq José nishqan
15Jacob wanuykuptinnami Josépa wawqinkuna pasaypa mantsakushpan kayno nipäkurqan: <<Joséqa chikishqantsipita kananqa vengarpis vengakamäshunchari>>.
16Tsaymi juk wawqinta Joséman kachapäkurqan kayno ninanpaq: <<Papänintsiqa manaraq wanurmi noqakunata nimarqan qamta kayno ninäpaq: 17<Nawpata wawqikikuna mana tantiyakuypa chikishushqaykipita perdonaykulay, hïju>. Papänintsi nishqannölami noqakunapis ruwakärï mana ali rikashqäpita perdonamänaykipaq, tayta. Noqakunapis karkaykä papänintsi yärakushqan Diosman yärakuqmi>>.
Tsayno nishqanta wilaptinmi José waqarqan.
18Tsaypita José kaqman chayaykurmi wawqinkuna pasaypa mantsakärishpan nawpanman lätakuykur kayno nipäkurqan: <<Kananqa qampa makiki chakikichömi karkaykä>>.
19Tsawraqa José kayno nirqan: <<Ama mantsakamaytsu. Noqa manami Diostsu kaykä mantsakamänaykipaq. 20Qamkunaqa chikimar rantikamashqa kaptikipis Tayta Diosmi kamakätsishqa ali kananpaq. Tsaymi rikashqantsinöpis muchuy kaptinpis runakuna mana wanushqatsu. 21Tsayno kaykaptinqa ama mantsakamaytsu. Noqami mikuyta kamaripäshayki qamkunapaq y tsurikikunapaqpis>>.
Tsayno ali shimilanpa parlaparmi wawqinkunata shakyätsirqan.
José wanushqan
22Lapan wawqinkunawanmi Joséqa Egiptucho tarqan. Payqa kawarqan pachak chunka (110) watayuq kashqanyaqmi. 23Tsaymi tsurin Efraínpa wilkanpa tsurintapis rikarqanraq. Tsaynölami Manaséspa tsurin Maquirpa tsurinkuna yuriptin Joséman apaparqan legitimakunanpaq.
24Tsaypita juk kutichönami wawqinkunata José kayno nirqan: <<Noqaqa wanukushaqnami. Wanukuptïpis Tayta Diosmi yanapashunkipaq kay nacionpita yarqupäkunaykipaq. Nirkurmi pushashunkipaq Abrahamta, Isaacta y Jacobta rikatsishqan Canaánman>>.
25Nirkurna lapan wawqinkunata Tayta Diospa jutincho juratsishpan José kayno nirqan: <<Canaánman kutipäkunaykipaq Tayta Dios shamurmi jorqushunki. Kaypita aywakurqa tulükunatapis apakarkärinkipaq>>.#Éxo. 13.19; Jos. 24.32; Heb. 11.22.
26Egiptucho José wanurqan pachak chunka (110) watayuq kaykarmi. Josépa ayantami mëdicukuna chukrurkatsir cajonman winapäkurqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.