Juan 10
10
Uyshayuq runaman Jesús tinkutsikushqan
1Mastapis Jesús kayno nirqan: <<Rasunpami kayno nï: Uysha corralman punkupa mana yaykuq kaqqa suwami kaykan. 2Punkupa yaykuq kaqmi itsanqa uyshapa ämun kaykan. 3Paytami uysha täpaq runa punkuta kichapan yaykunanpaq. Uyshapa ämunqa jutinpa jutinpa qayarmi#10.3 Jesucristo kawashqan witsan atska runakunapa uyshankuna juk corrallachömi talukashqa punuq. Tsaychömi uysha täpaq runa punkuta kichapaptin uyshayuq runa uyshankunata jutinpa jutinpa qayaq. corralpita jorqun. 4Uyshakuna yarqurnami ämunpa vozninta reqishpan qepanta aywapäkun. 5Jäpa runapa vozninta mayarmi itsanqa qepanta mana aywantsu, sinöqa qeshpirmi aywakärin>>.
6Tinkutsiypa Jesús tsayno yachatsiptinmi runakuna mana tantiyarqantsu imata nishqantapis. 7Tsaymi Jesús kayno nirqan: <<Rasunpami kayno nï: Noqami uysha corralpa punkun kaykä. 8Manaraq shamuptï punta shamuqkunaqa lapanpis suwami#10.8 Tsayno parlar Jesucristo tantiyatsirqan Cristo tukuqkunapaqmi. karqan. Tsaymi uyshakuna paykunata mana cäsurqantsu. 9Noqami itsanqa corral punku kaykä. Punkupa yaykuq kaqqa salvakunqami. Paykunaqa yaykur y yarqurpis ali qewatami taripäkunqa. 10Suwaqa shamun suwakunanpaq, wanutsinanpaq y ushakätsinanpaqmi. Noqami itsanqa shamushqä runakuna ali kawayta taripäkunanpaq.
11<<Noqami ali mitsikuq runa kaykä. Ali mitsikuqqa uyshankuna raykumi wanuytapis tarinman. 12Pägu raykula mitsipakuq kaqmi itsanqa löbu shamuqta rikar uyshakunata kacharir qeshpir aywakun. Tsayno aywakun ämun mana kashpanmi. Tsaymi löbu yaykur tsariptin wakin uyshakuna maytsaypapis qeshpir aywakärin. 13Pägu kashqala mitsipakuq runaqa uyshakunata mana kuyaparmi qeshpir aywakun.
14-15<<Noqami itsanqa ali mitsikuq runa kaykä.#Isa. 40.11; Eze. 34; Luc. 15.4-5; Heb. 13.20. Taytäta reqishqäno y pay reqimashqannömi#Mat. 11.27; Luc. 10.22. noqapis uyshäkunata reqï y uyshäkunapis noqata reqipäkaman. Tsaymi uyshäkuna rayku wanushaqpis. 16Manami kaylachötsu uyshäkuna kaykan, sinöqa juk läduchöpis kaykanmi. Paykunapis voznïta reqirmi cäsukamanqa. Tsaymi paykunatapis shuntamushaq juk corrallachöna kananpaq. Tsaynöpami juklaylana mitsikuqnin kanqa.#Efe. 2.11-22.
17<<Uyshäkuna rayku wanunäpaq kaptï y kawarimunäpaq kaptïmi Taytä kuyaman. 18Noqa munayniyuqmi kaykä wanunäpaq y kawarimunäpaqpis. Tsaymi kikï mana munaptïqa pipis mana wanutsimanqatsu. Wanunäpaq y kawarimunäpaqmi Taytä nimashqa>>.
19Jesús tsayno parlaptinmi Israel runakuna yapay kikinpura rabyanätsinakurqan.#Juan 7.12-13, 40-43. 20Tsaymi wakin kayno nipäkurqan: <<Paytaqa supaymi löcutaykätsin. ¿Imapaqtaq mayashunpis?>>
21Wakinnami kayno nipäkurqan: <<Supay löcutätsiptinqa manami tsayno parlanmantsu. Tsaynöpis qapra runata manami aliyätsinmantsu karqan>>.
Jesústa mana chaskikärishqan
22Tamya killachömi Jerusaléncho templupa fiestan karqan. 23Tsaymi templuman yaykur Salomón nishqan alarpa Jesús puriykaptin 24Israel runakuna juntapaykur kayno nipäkurqan: <<¿Imayyaqtaq shuyäshayki rasun kaqta wilamänaykipaq? Tayta Dios kachamushqan Cristo karqa jukla wilapäkamay>>.
25Tsayno niptinmi Jesús kayno nirqan: <<Maynami qamkunata wilashqä. Wilaptïpis y Taytäpa jutincho milagrukunata ruraykaptïpis manami criyipäkamankitsu. 26Tsayno mana criyipäkamankitsu uyshäkuna mana kashpaykimi.
27<<Uyshäkunami itsanqa voznïta reqir qatiräman. Noqapis paykunata reqïmi. 28Mana ushakaq kawaytami paykunata qoykushaq. Tsaymi imaypis mana ushakanqatsu.#10.28 Imaypis mana ushakanqatsu nishqanqa infiernuman mana qaykushqatsu kanqa ninanmi (Mat. 10.28; Juan 3.16; Apoc. 20.14; 21.8). Paykunata makïpita manami pipis qechumanqatsu. 29Taytämi paykunata makïman churamushqa. Lapanpaq munayniyuq kaptinmi ni pipis Taytäpa makinpita qechunqatsu. 30Taytäwan noqaqa juklaylami kaykä>>.
31Tsayno niptinmi tsay autoridäkuna Jesústa yapay saqmayta munapäkurqan. 32Tsaymi Jesús kayno nirqan: <<Qamkuna rikashqankimi atska milagrukunata Taytäpa munayninwan rurashqäta. ¿Mayqan milagruta rurashqäpitataq saqmamayta munarkaykanki?>>
33Tsawraqa kayno nipäkurqan: <<Manami alita rurashqaykipitatsu saqmayta munarkaykä, sinöqa Diospa contran parlashqaykipitami.#Lev. 24.16. Qamqa runala kaykarmi Dios tukuykanki>>.
34Jesúsnami kayno nirqan: <<Leynikichöpis kaynömi niykan: <Noqami nirqä: <<Qamkunaqa dioskunami#10.34 Runakunata juzgananpaq Tayta Dios churaptinmi hebreo idiömacho autoridäkunata aybësis dios kashqanta nipäkuq. karkaykanki>> >.#Sal. 82.6. 35Tayta Diospa palabran nishqankunaqa rasun kaqlami kaykan. Unay runakunata tantiyatsir Tayta Dios tsayno niykaptinqa 36¿imanirtaq <Diospa Tsurinmi kaykä> niptï manakaqkunata niykashqäta yarpapäkunki? Kikin Tayta Diosmi kay patsaman kachamashqa.
37<<Rurashqäkuna Taytä munashqanno mana kaptinqa ama criyipäkamaytsu. 38Pay munashqanno kaptinqa criyipäkamay. Nishqäkunata mayaykarpis mana criyirqa milagru rurashqäkunapita criyipäkamay. Tsaynöpami tantiyapäkunki noqacho Taytä kashqanta y paycho noqa kashqäta>>.
39Tsayno niptinmi yapay prësu tsaritsiyta munapäkurqan. Tsaymi qeshpir 40kutikurqan Jordán mayu tsimpanman. Tsaychömi nawpata Juan bautizarqan.#Juan 1.28. 41Jesús tsaycho kashqanta mayarmi atska runakuna tsayman aywaykur kayno nipäkurqan: <<Juanqa manami ima milagrutapis rurarqantsu. Jesúspita nishqankunami itsanqa lapanpis rasun kaq kaykan>>.
42Tsaychömi atska runakuna Jesúsman criyipäkurqan.
Currently Selected:
Juan 10: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
