Juan 12

Jesúspa chakinman perfümita María winapashqan

Mateo 26.6-13; Marcos 14.3-9

1 Pascua fiestapaq soqta junaq pishiykaptinmi Betania markaman Jesús aywarqan. Tsaychömi wanushqanpita kawarimuq Lázaro tarqan. 2Jesús chayaykuptinmi kushikuypita cënata yanukärirqan. Wakin runakunawan mësaman Jesús jamaykuptinmi Lázarupis jamakurqan. Paykunatami mikuyta Marta qararqan.

3Tsaycho mikurkaykaptinmi nardupita rurashqa chanin cuestaq perfümita mediu litrutano María apamurqan. Tsay perfümitami Jesúspa chakinman winaparkur aqtsanwan tsakitsiparqan.#12.3a Tsay witsanqa runakuna pampaman wequykurmi mikuq. Tsayno mikuykaptinmi Jesúspa chakinta María aqtsanwan tsakitsiparqan.#Luc. 7.37-38. Tsay perfümimi wayi junta ali asyarqan#12.3b Wakin runakunaqa mushkurqan nipäkun.. 4Tsaymi Jesústa rantikunanpaq kaq discïpulun Judas Iscariote kayno nirqan: 5<<¿Imapaqtaq tsay perfümita perditsishqa? Tsaypa trukanqa juk wata aruypa chaninchömi#12.5 Griëgucho niykan kimsa pachak (300) denariucho rantikunanpaq kashqanta. Juk denariuqa juk junaq aruypa chaninmi karqan. rantikushwan karqan. Nirkur tsay qellaywanna waktsakunata yanapashwan karqan>>.

6Tsayno nirpis manami waktsakunata yanapayta munartsu nirqan, sinöqa suwakunan kashqami. Shuntashqan qellayta tsararaq karmi imaypis pakaylapa jorquq.

7Tsayno niptinmi Jesús kayno nirqan: <<Tsay perfümita pampakunä junaqpaqmi churaraykätsishqa. Tsayno kaykaptinqa winapämashqanpita ama jamurpaytsu. 8Waktsakunaqa qamkunawanmi imaypis karkaykanqa.#Deut. 15.11. Noqami itsanqa qamkunawan mana kashaqnatsu>>.

Lázaruta wanutsiyta munashqan

9Betania markacho Jesús kaykashqanta musyaykurmi atskaq runakuna tsayman aywapäkurqan. Manami Jesústa rikanalanpaqtsu aywapäkurqan, sinöqa kawarimuq Lázaruta rikananpaqwanmi. 10Tsaymi mandaq cürakuna Lázarutapis wanutsiyta munarqan. 11Mandaq cürakunata cäsukärinanpa trukanqa Lázaruta kawaritsimushqanpitami atska runakuna Jesúsmanna criyipäkurqan.

Jerusalénman Jesús yaykushqan

Mateo 21.1-11; Marcos 11.1-11; Lucas 19.28-40

12Tsaypita jukaqnin junaqnami fiestaman aywaq atskaq runakuna mayapäkurqan Jerusalénman Jesús yaykuykashqanta. 13Tsawraqa palmakunapa rämankunata apakurkur Jesústa chaskikunanpaq yarqupäkurqan. Jesústa rikarmi qayaraypa kayno nipäkurqan: <<¡Hosana!#12.13 Israel runakuna Hosana nirqan Tayta Diosta alabarmi. ¡Tayta Diospa jutincho shamuq runa alabashqa kaykulätsun! ¡Qamqa Israel runakunapa mandaqnin reymi kaykanki!>>#Sal. 118.25-26.

14Jerusalénman Jesús yaykurqan malwa bürru muntashqami. Tsayno yaykunanpaqmi Tayta Diospa palabranchöpis kayno qelqaraykan:

15<<Sión runakuna, ama mantsakäriytsu.

Rikapäkuy mandaqniki rey malwa bürrun muntashqa aywaykämuqta>>.#Zac. 9.9.

16Tsay höraqa discïpulunkuna manami tantiyarqantsu imanir Jerusalénman tsayno yaykushqanta. Wanushqanpita kawarirkamuptinraqmi tantiyapäkurqan Jesús rurashqankuna Tayta Diospa palabrancho nishqannöla kashqanta.

17Lázaruta Jesús kawaritsimushqanta rikaq runakuna maytsaycho wilakuptinmi 18Jesústa chaskikuq atskaq runakuna aywapäkurqan. 19Tsayta rikarmi fariseukuna kayno nipäkurqan: <<Kananqa ¿imatataq rurashun? ¡Lapan runakunami payta qatirpaykan!>>

Mana Israel runakuna Jesústa ashishqan

20 Pascua fiestacho Tayta Diosta adorananpaqmi mana Israel runakunapis Jerusaléncho kaykarqan. 21Paykunapita wakin runakunami Felipiman aywaykushpan ruwakurqan kayno nir: <<Jesústa reqiykatsilämay, tayta>>.

Felipe karqan Galileacho Betsaida markapitami.

22Tsayno ruwakuptinmi Felipiqa Andrésta wilarqan. Nirkurnami ishkan aywaykur Jesústa wilarqan. 23Jesúsnami kayno nirqan: <<Runapa Tsurin glorificashqa kananpaq kaq höra chayamushqanami.#12.23 Glorificashqa kananpaq nishqanqa kaykan Jesucristo wanunanpaq kashqan, wanurkur kawarimunanpaq kashqan, Tayta Diosman kutikunanpaq kashqan y lapanpaqpis munayniyuq kananpaq kashqanmi. 24Rasunpami kayno nï: Trïguta murur mana pampaptintsiqa manami jeqamuntsu. Pampaptintsimi itsanqa jeqamur ali wayun.#Mat. 10.38; 16.24; Mar. 8.34; Luc. 9.23. 25Kawayninta salvayta munaqkunaqa kawayninta oqranqami. Kawayninta kay patsacho oqraqkunami itsanqa kawayninta salvar mana ushakaq kawayta tarinqa.#12.25 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 10.39; 16.25; Mar. 8.35; Luc. 9.24; 17.33. 26Pipis sirvimayta munaq kaqqa qatirämätsun. Qatirämarqa noqa kaykashqächömi kanqa. Sirvimaq kaqtaqa Taytäpis kuyanqami.

Wanunanpaq kashqanta Jesús wilakushqan

27<<Pasaypa lakishqami kaykä. Tsayno lakikurpis manami Taytäta manakümantsu wanuypita salvamänanpaq. Wanunäpaqmi kay patsaman shamushqä>>.

28Tsayno nishpanmi Tayta Diosta manakur kayno nirqan: <<Papä, munayniyuq kashqaykita tantiyakärinanpaq qam munashqaykino kaykulätsun>>.

Tsawraqa jana patsapita Tayta Dios kayno nimurqan: <<Munayniyuq kashqäta musyatsishqänömi yapaypis musyatsishaq>>.

29Tsayta mayaykurmi tsaycho wakin runakuna nipäkurqan räyu kashqanta. Wakinnami nipäkurqan ángel parlamushqanta.

30Tsaymi Jesús kayno nirqan: <<Parlamuqta mayashqayki manami noqapaqtsu kashqa, sinöqa Tayta Dios kachamashqanta qamkuna tantiyakärinaykipaqmi. 31Runakuna juzgashqa kananpaq kaq höra chayaykämunnami.#Juan 3.18-19; 9.39. Tsaynölami kay patsapa mandaqninta#12.31 Kay patsapa mandaqninpaq parlarqa Satanáspaqmi Jesús parlarqan. qarqunanpaq höran chayaykämunna.#Juan 16.11; Col. 2.15. 32Kay patsapita joqarimaptinmi#12.32 Tsayno nirmi Jesús tinkutsiypa nirqan cruzman clävashqa kananpaq kashqanta y kay patsapita Tayta Dios shuntakunanpaq kashqantapis.#Juan 3.14; 8.28. maytsay nación runakunata makïman shuntakushaq>>.

33Tsayno nirmi Jesús tantiyatsirqan imanöpa wanunanpaq kashqantapis.

34Tsaymi runakuna kayno nipäkurqan: <<Tayta Diospa palabrancho niykan salvamaqnintsi Cristo imayyaqpis kawananpaq kashqantami.#Sal. 110.4; Isa. 9.7; Eze. 37.25; Dan. 7.14. Tsayno niykaptinqa ¿imanirtaq niykanki Runapa Tsurin wanunanpaq kashqanta? Tsayno kaptinqa ¿pitaq tsay Runapa Tsurinqa?>>

35Tsayno niptinmi Jesús kayno nirqan: <<Walka junaqlanami qamkunawan atski kaykanqa. Manaraq tsakäpakur atski kaykashqanyaq puripäkuy. Tsakaypana purirqa maypa aywashqaykitapis manami tantiyankipaqtsu.#12.35 Tsayno Jesús parlarqan kikinta atskiman tinkutsikurmi. Tsaymi tsakäpakushqa kaqkuna Jesústa mana chaskikuqkuna kaykan.#Sal. 27.1; 119.105; Prov. 6.23; Isa. 49.6; Juan 9.5. 36Tsayno kaykaptinqa atski qamkunawan kaykashqanyaq atskiman criyipäkuy. Tsaynöpami qamkunapis atskino kapäkunkipaq>>.

Tsayno nirkur pakaylapa aywakuptinnami pipis mana rikarqannatsu.

Runakuna Jesúsman mana criyishqan

37Atska milagrukunata ruraykashqanta rikarpis runakuna Jesúsman manami criyipäkurqantsu. 38Tsayno mana criyinanpaq kashqantami profëta Isaías kayno nirqan:

<<Tayta Dios, wilakärishqäta ¿piraq chaskikushqa?

Salvakuq kashqaykita musyatsiptikipis ¿piraq tantiyakushqa?>>#Isa. 53.1.

39Tsay nishqannölami Jesúsmanpis mana criyirqantsu. Tayta Dios nishqanta mastapis Isaías kaynömi nirqan:

40<<Tsay runakunapa nawinkunata qaprayätsishqami.#12.40a Nawinkunata qaprayätsishqa nishqanqa yarpayninta pantakätsishqa ninanmi.

Paykunapa shonquntapis chukruyätsishqami.

Tsaynöpami mana rikar y mana tantiyar cäsukärinqatsu.

Tsayno kaptinmi noqapis mana aliyätsishaqtsu>>.#12.40b Manami qeshyalapita aliyätsinanpaqtsu niykan, sinöqa nakaykunapita, lakikuykunapita y jutsa ruraykunapita salvananpaqmi niykan.#Isa. 6.10.

41Isaías Jesucristupita tsayno qelqarqan gloriacho munayniyuq kaykaqta rikarmi.#Isa. 6.1-4.

42Jesústa wakin runakuna mana chaskikuptinpis atskaqmi payman criyipäkurqan. Wakin Israel autoridäkunapis payman criyirqanmi. Tsayno criyiykarpis sinagögapita fariseukuna qarqunanta mantsakushpanmi wilakärirqantsu. 43Paykunaqa Tayta Diospita ali rikashqa kananpa trukanqa mas munarqan runakunalapita ali rikashqa kaytami.

Jesúsman criyiqkuna Tayta Diosmanpis criyishqan

44Tsaypitanami fuertipa Jesús kayno nirqan: <<Noqata criyimaq kaqqa kachamaqnïtapis criyinmi. 45Tsaynöpis noqata reqimaq kaqqa kachamaqnïtapis reqinmi. 46Noqami atski kaykä.#12.46 Atski kashqanta nirqa runakunata salvaq kashqanta y Dios munashqanno kawananpaq tantiyatsikuq kashqantami Jesús nirqan.#Sal. 27.1; 119.105; Prov. 6.23; Isa. 49.6; Juan 9.5. Kay patsaman shamushqä noqata criyimaqkuna tsakäpakushqano mana kawananpaqmi.

47<<Manami runakunata condenanäpaqtsu kay patsaman shamushqä, sinöqa runakunata salvanäpaqmi. Tsayno kaykaptinqa nishqäkunata musyaykar mana cäsukuqkunata manami noqatsu condenashaq, 48sinöqa wilakuynïkunami juiciu final junaqcho condenanqa. 49Noqaqa manami kikïpa yarpayniläpitatsu wilakuykä, sinöqa kachamaqnï Taytä nimashqankunalatami. 50Pay nimashqankunata cäsukuqkunaqa mana ushakaq kawaytami taripäkunqa. Tsayta musyarmi Taytä nimashqannöla lapantapis wilakuykä>>.

Currently Selected:

Juan 12: qvmB

Highlight

Copy