Lucas 2
2
Jesús yurishqan
Mateo 1.18-25
1Tsay witsanmi Augusto César wilakatsirqan mandashqan nacionkunacho lapan runakuna censakärinanpaq. 2Tsay punta kaq censakuy karqan Cirenio jutiyuq runa Siria provinciacho gobernador kaykaptinmi. 3Tsawraqa lapan runakuna unay aylunkunapa markankunaman aywapäkurqan censakärinanpaq.
4Unay aylun rey David Beléncho yurishqa kaptinmi Josépis Galileacho kaykaq Nazaretpita Judeacho kaykaq Belénman censakuq aywarqan. 5Warmin kananpaq parlashqana karmi Maríatapis pusharqan. Tsay junaqkuna Maríaqa wachakunanpaqnami kaykarqan. 6Beléncho kaykaptinnami wachay nanay tsarikuykurqan. 7Tsaychönami qechpa wawanta wachakurqan. Qorpakuna punukunancho posäda mana kaptinmi inchanawan piturkur uywakuna mikukunalaman punuykatsirqan.#2.7 Tsay witsan wayikuna ishkay cuartuyuqlami karqan. Juk cuartu karqan qorpakuna patsakunanpaq y juk cuartunami karqan wayiyuq aylunkunawan pununanpaq. Tsay wayiyuqpa cuartun juk kuchunchömi uywakuna mikunanpis karqan. Tsaymanmi nïñu Jesústa punuykatsirqan.
Uysha täpaqkunata angilkuna yuripashqan
8Tsay tsakaymi Belén marka washa läduncho uyshayuqkuna uyshankunata täparkaykarqan. 9Tsayman ángel yuriparkuptin Tayta Diospa chipchipyaynin atsikyapaykurqan. Tsayta rikaykurmi uysha täpaqkuna fiyupa mantsakarqan. 10Tsaymi ángel kayno nirqan: <<Ama mantsakäriytsu. Lapan runakuna kushikärinanpaqmi ali wilakuyta apamushqä. 11Kananmi rey Davidpa markancho juk salvador yurishqa. ¡Payqa Señornintsi Cristumi! 12Tsay ititami taripäkunkipaq uywakuna mikukunalancho inchanawan pitushqa punuraykaqta. Tsayno kaykaqta tarirmi niykashqäkuna rasunpa kashqanta musyapäkunkipaq>>.
13Ángel tsayno niykaptinmi tsaytsika angilkuna elaqpita yurirkur Tayta Diosta alabar kayno nirqan:
14<<¡Jana patsacho kaqkuna Tayta Diosta alabaykulätsun!
¡Kay patsachöpis Tayta Dios kuyashqan runakunapaq ali kaway kaykulätsun!>>
15Angilkuna jana patsaman kutikäriptinmi uysha täpaqkuna juknin jukninpis kayno parlapäkurqan: <<Tayta Dios wilakatsimashqantsita rikanantsipaq Belénman jukla aywashun>>.
16Tsayno nir apurädu aywarmi itita taripäkurqan uywakuna mikukunalancho punuraykaqta. Josépis, Maríapis tsaychömi kaykarqan. 17Tariykurmi wilapäkurqan itipita ángel wilapashqankunata. 18Tsaymi lapan mayaqkuna kushikärirqan. 19Maríanami shonqulancho lapanta yarpararqan. 20Ángel wilashqannöla lapantapis tariykurmi uysha täpaqkuna rikashqanpita y mayashqanpita Tayta Diosta alabaraykar kutikärirqan.
Jesústa templuman apashqan
21Tsaypita pusaq junaqniyuq kaykaptinmi itipa penqaynincho señalatsirqan. María manaraq qeshyaq kaptin ángel nishqannölami jutinta churaparqan Jesús jutin kananpaq.
22 Moisés qelqashqan leykunacho nishqannölami María wachashqanpita purificakunan junaq chayamuptin#Lev. 12.2-8. Joséwan María Jerusalén templuman itita apapäkurqan Tayta Diospa munayninman churapäkunanpaq. 23Tsayno apananpaqmi Diospa leynincho kayno nir qelqaraykan: <<Qechpa olqu tsuriki Tayta Diospami kanqa>>.#Éxo. 13.2, 12-13; Núm. 3.11-13, 45-47; 18.15-16.
24Tsaynöpis Diospa leynincho kaynömi qelqaraykan: <<Ishkay kulkushta o ishkay pushapa palumata apamunqa>>.#Lev. 12.8. Tsay nishqantapis cumplinanpaqmi templuman aywapäkurqan.
25Tsay witsanmi Jerusaléncho tarqan Simeón jutiyuq runa. Paymi alilata rurashpan Tayta Diosman yärakur kawarqan. Tsaynöpis Israel runakuna nakaykashqanpita Cristo jorqunanpaq kashqantami shuyaraykarqan. Payqa Espíritu Santupa munayninchömi kawaq. 26Paytami Espíritu Santu musyatsirqan Tayta Dios kachamushqan Cristuta rikaykurraq wanunanpaq kashqanta. 27Tsayno tantiyatsiptinmi templuman Simeón aywarqan. Tsaymanmi Tayta Diospa leynincho nishqanta cumplipäkunanpaq María y José Jesústa chayatsipäkurqan. 28Tsaychömi Simeónqa itita marqarkur Tayta Diosta alabarqan kayno nir:
29<<Tayta Dios, nimashqaykita cumplishqankinami.
Kanan kushishqanami wanukushaq.
30Kachamushqayki salvadorta rikashqänami.
31Payta kachamushqanki maytsaycho taq runakunata salvanaykipaqmi.
32Mana Israel runakunapaqpis atskimi kanqa.
Paypitami kuyashqayki Israel runakunapis reqishqa kanqa>>.
33Simeón nishqankunata mayarmi José y María kushikärirqan. 34Tsawraqa Tayta Diosta Simeón manakurqan bendicionninta paykunaman churamunanpaq. Nirkurna Jesúspa maman Maríata kayno nirqan: <<Kay itita Tayta Dios churamushqa wakin Israel mayintsikunata salvananpaq y wakintana juzgananpaq. Paytaqa atska runakunami chikipäkunqa. 35Tsaynöpami runakuna alita o mana alita yarpashqanpis musyakanqa. Qampa shonquykiqa espädawan tuksishqanöraqmi lakikuypita nananqapaq>>.
36Templu patiuchömi Tayta Diospa profëtan Ana jutiyuq chakwanpis kaykarqan. Paypa taytanmi Aser trïbupita Fanuel karqan. Payqa qanchis watalami runanwan tarqan. 37Tsaypita pusaq chunka chusku (84) watanami viüdala täkurqan. Templu patiupita mana yarquypami paqasta junaqta ayunashpan Tayta Diosta manakuq. 38Itita Simeón bendicionta qoshqan hörami Anapis Jesús kaykashqan kaqman chayaykur Tayta Diosta agradëcikurqan. Nirkurmi Tayta Dios kachamushqan Cristuta shuyaraykaq runakunata kayno nirqan: <<Kay itimi shuyaraykashqantsi salvakuq kaykan>>.
39Tayta Diospa leynincho nishqanno cumplirkurnami José y María Galileacho kaykaq Nazaret markanman kutikärirqan. 40Tayta Dios yanapaptinmi Jesúsqa winashqan tupu yachaq y kalpayuq rikakurqan.
Templucho Jesústa taripäkushqan
41Cada watami Jesúspa taytan y maman Pascua fiestapaq Jerusalénman aywapäkuq. 42Chunka ishkay watayuq Jesús kaykaptinmi Israel runakunapa costumbrin kashqanno Pascua fiestaman Jesústapis pushapäkurqan. 43Fiesta ushaynami Joséwan María markanpana kutikärirqan. Jerusaléncho Jesús quëdakushqantaqa manami cuentata qokärirqantsu. 44Tsaymi paykunaqa wakin runakunawan Jesús aywaykashqanta yarpashpan juk junaq qoyayta aywaykashqanchöraq Jesústa watukurqan. Tsaymi aylunkunacho y reqinakushqanchöpis ashipäkurqan. 45Mana tariykurmi Jerusalénman ashiq kutipäkurqan.
46Kimsa junaqtaraqmi templucho kaykaqta Jesústa taripäkurqan. Tsaychömi ley yachatsiqkunawan tapunakur jamaraykarqan. 47Ali yachaq kar tapupäkushqanta contestaptinmi mayaqkuna espantashqa rikakurqan. 48Tsaycho tariykurmi taytan y maman pasaypa mantsakashqa rikakurqan. Tsaymi maman kayno nirqan: <<¿Imanirtaq kaycho quëdakurqayki, hïju? Pasaypa lakishqami ashir puripäkushqä>>.
49Tsawraqa Jesús kayno nirqan: <<¿Imanirtaq ashipäkamanki? ¿Manaku musyapäkunki Taytäpa wayincho kanäpaq kashqanta?>>
50Paykunaqa manami tantiyapäkurqantsu imanir tsayno niykashqantapis.
51Tsaypitanami paykunawan Nazaretman Jesús kutikur mandashqankunata rurarqan. Mamanqa lapan ima pasashqankunatapis shonqulanchömi yarpararqan. 52Winaylan tupumi Jesús mas yachaq rikakurqan. Tsaymi Tayta Diospis y runakunapis kuyarqan.
Currently Selected:
Lucas 2: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Lucas 2
2
Jesús yurishqan
Mateo 1.18-25
1Tsay witsanmi Augusto César wilakatsirqan mandashqan nacionkunacho lapan runakuna censakärinanpaq. 2Tsay punta kaq censakuy karqan Cirenio jutiyuq runa Siria provinciacho gobernador kaykaptinmi. 3Tsawraqa lapan runakuna unay aylunkunapa markankunaman aywapäkurqan censakärinanpaq.
4Unay aylun rey David Beléncho yurishqa kaptinmi Josépis Galileacho kaykaq Nazaretpita Judeacho kaykaq Belénman censakuq aywarqan. 5Warmin kananpaq parlashqana karmi Maríatapis pusharqan. Tsay junaqkuna Maríaqa wachakunanpaqnami kaykarqan. 6Beléncho kaykaptinnami wachay nanay tsarikuykurqan. 7Tsaychönami qechpa wawanta wachakurqan. Qorpakuna punukunancho posäda mana kaptinmi inchanawan piturkur uywakuna mikukunalaman punuykatsirqan.#2.7 Tsay witsan wayikuna ishkay cuartuyuqlami karqan. Juk cuartu karqan qorpakuna patsakunanpaq y juk cuartunami karqan wayiyuq aylunkunawan pununanpaq. Tsay wayiyuqpa cuartun juk kuchunchömi uywakuna mikunanpis karqan. Tsaymanmi nïñu Jesústa punuykatsirqan.
Uysha täpaqkunata angilkuna yuripashqan
8Tsay tsakaymi Belén marka washa läduncho uyshayuqkuna uyshankunata täparkaykarqan. 9Tsayman ángel yuriparkuptin Tayta Diospa chipchipyaynin atsikyapaykurqan. Tsayta rikaykurmi uysha täpaqkuna fiyupa mantsakarqan. 10Tsaymi ángel kayno nirqan: <<Ama mantsakäriytsu. Lapan runakuna kushikärinanpaqmi ali wilakuyta apamushqä. 11Kananmi rey Davidpa markancho juk salvador yurishqa. ¡Payqa Señornintsi Cristumi! 12Tsay ititami taripäkunkipaq uywakuna mikukunalancho inchanawan pitushqa punuraykaqta. Tsayno kaykaqta tarirmi niykashqäkuna rasunpa kashqanta musyapäkunkipaq>>.
13Ángel tsayno niykaptinmi tsaytsika angilkuna elaqpita yurirkur Tayta Diosta alabar kayno nirqan:
14<<¡Jana patsacho kaqkuna Tayta Diosta alabaykulätsun!
¡Kay patsachöpis Tayta Dios kuyashqan runakunapaq ali kaway kaykulätsun!>>
15Angilkuna jana patsaman kutikäriptinmi uysha täpaqkuna juknin jukninpis kayno parlapäkurqan: <<Tayta Dios wilakatsimashqantsita rikanantsipaq Belénman jukla aywashun>>.
16Tsayno nir apurädu aywarmi itita taripäkurqan uywakuna mikukunalancho punuraykaqta. Josépis, Maríapis tsaychömi kaykarqan. 17Tariykurmi wilapäkurqan itipita ángel wilapashqankunata. 18Tsaymi lapan mayaqkuna kushikärirqan. 19Maríanami shonqulancho lapanta yarpararqan. 20Ángel wilashqannöla lapantapis tariykurmi uysha täpaqkuna rikashqanpita y mayashqanpita Tayta Diosta alabaraykar kutikärirqan.
Jesústa templuman apashqan
21Tsaypita pusaq junaqniyuq kaykaptinmi itipa penqaynincho señalatsirqan. María manaraq qeshyaq kaptin ángel nishqannölami jutinta churaparqan Jesús jutin kananpaq.
22 Moisés qelqashqan leykunacho nishqannölami María wachashqanpita purificakunan junaq chayamuptin#Lev. 12.2-8. Joséwan María Jerusalén templuman itita apapäkurqan Tayta Diospa munayninman churapäkunanpaq. 23Tsayno apananpaqmi Diospa leynincho kayno nir qelqaraykan: <<Qechpa olqu tsuriki Tayta Diospami kanqa>>.#Éxo. 13.2, 12-13; Núm. 3.11-13, 45-47; 18.15-16.
24Tsaynöpis Diospa leynincho kaynömi qelqaraykan: <<Ishkay kulkushta o ishkay pushapa palumata apamunqa>>.#Lev. 12.8. Tsay nishqantapis cumplinanpaqmi templuman aywapäkurqan.
25Tsay witsanmi Jerusaléncho tarqan Simeón jutiyuq runa. Paymi alilata rurashpan Tayta Diosman yärakur kawarqan. Tsaynöpis Israel runakuna nakaykashqanpita Cristo jorqunanpaq kashqantami shuyaraykarqan. Payqa Espíritu Santupa munayninchömi kawaq. 26Paytami Espíritu Santu musyatsirqan Tayta Dios kachamushqan Cristuta rikaykurraq wanunanpaq kashqanta. 27Tsayno tantiyatsiptinmi templuman Simeón aywarqan. Tsaymanmi Tayta Diospa leynincho nishqanta cumplipäkunanpaq María y José Jesústa chayatsipäkurqan. 28Tsaychömi Simeónqa itita marqarkur Tayta Diosta alabarqan kayno nir:
29<<Tayta Dios, nimashqaykita cumplishqankinami.
Kanan kushishqanami wanukushaq.
30Kachamushqayki salvadorta rikashqänami.
31Payta kachamushqanki maytsaycho taq runakunata salvanaykipaqmi.
32Mana Israel runakunapaqpis atskimi kanqa.
Paypitami kuyashqayki Israel runakunapis reqishqa kanqa>>.
33Simeón nishqankunata mayarmi José y María kushikärirqan. 34Tsawraqa Tayta Diosta Simeón manakurqan bendicionninta paykunaman churamunanpaq. Nirkurna Jesúspa maman Maríata kayno nirqan: <<Kay itita Tayta Dios churamushqa wakin Israel mayintsikunata salvananpaq y wakintana juzgananpaq. Paytaqa atska runakunami chikipäkunqa. 35Tsaynöpami runakuna alita o mana alita yarpashqanpis musyakanqa. Qampa shonquykiqa espädawan tuksishqanöraqmi lakikuypita nananqapaq>>.
36Templu patiuchömi Tayta Diospa profëtan Ana jutiyuq chakwanpis kaykarqan. Paypa taytanmi Aser trïbupita Fanuel karqan. Payqa qanchis watalami runanwan tarqan. 37Tsaypita pusaq chunka chusku (84) watanami viüdala täkurqan. Templu patiupita mana yarquypami paqasta junaqta ayunashpan Tayta Diosta manakuq. 38Itita Simeón bendicionta qoshqan hörami Anapis Jesús kaykashqan kaqman chayaykur Tayta Diosta agradëcikurqan. Nirkurmi Tayta Dios kachamushqan Cristuta shuyaraykaq runakunata kayno nirqan: <<Kay itimi shuyaraykashqantsi salvakuq kaykan>>.
39Tayta Diospa leynincho nishqanno cumplirkurnami José y María Galileacho kaykaq Nazaret markanman kutikärirqan. 40Tayta Dios yanapaptinmi Jesúsqa winashqan tupu yachaq y kalpayuq rikakurqan.
Templucho Jesústa taripäkushqan
41Cada watami Jesúspa taytan y maman Pascua fiestapaq Jerusalénman aywapäkuq. 42Chunka ishkay watayuq Jesús kaykaptinmi Israel runakunapa costumbrin kashqanno Pascua fiestaman Jesústapis pushapäkurqan. 43Fiesta ushaynami Joséwan María markanpana kutikärirqan. Jerusaléncho Jesús quëdakushqantaqa manami cuentata qokärirqantsu. 44Tsaymi paykunaqa wakin runakunawan Jesús aywaykashqanta yarpashpan juk junaq qoyayta aywaykashqanchöraq Jesústa watukurqan. Tsaymi aylunkunacho y reqinakushqanchöpis ashipäkurqan. 45Mana tariykurmi Jerusalénman ashiq kutipäkurqan.
46Kimsa junaqtaraqmi templucho kaykaqta Jesústa taripäkurqan. Tsaychömi ley yachatsiqkunawan tapunakur jamaraykarqan. 47Ali yachaq kar tapupäkushqanta contestaptinmi mayaqkuna espantashqa rikakurqan. 48Tsaycho tariykurmi taytan y maman pasaypa mantsakashqa rikakurqan. Tsaymi maman kayno nirqan: <<¿Imanirtaq kaycho quëdakurqayki, hïju? Pasaypa lakishqami ashir puripäkushqä>>.
49Tsawraqa Jesús kayno nirqan: <<¿Imanirtaq ashipäkamanki? ¿Manaku musyapäkunki Taytäpa wayincho kanäpaq kashqanta?>>
50Paykunaqa manami tantiyapäkurqantsu imanir tsayno niykashqantapis.
51Tsaypitanami paykunawan Nazaretman Jesús kutikur mandashqankunata rurarqan. Mamanqa lapan ima pasashqankunatapis shonqulanchömi yarpararqan. 52Winaylan tupumi Jesús mas yachaq rikakurqan. Tsaymi Tayta Diospis y runakunapis kuyarqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.