Lir. 25
25
Lisaaye lia Aburahamu liliindi
(1 Ke Ch. 1.32-33)
1Aburahamu areera omukhasi okundi lisina liewe bali Ketura. 2Amusaalila Simurani, Yokisiani, Metani, Midiani, Isibaki ne Siua. 3Yokisiani aaba raraawe owa Sheba ne Dedani. Babaana ba Dedani baaba Asiurimu, Letusimu ne Leumimu. 4Ba okhwa Midiani baaba Efa, Eferi, Hanoki, Abida, ne Elida. Bano boosi baaba babaana ba Ketura.
5Aburahamu aelesia Isaaka bioosi nibio aaba nabio. 6Ne babaana be bakhasi bewe babaandi nibo aamenyia busa nga basaale, abaelesia biianwa, mala ne asiili omulamu abarusia niio omwana wewe Isaaka aaba bache mu sibala sie bukwe.
Lifwa ne lisiikhwa lia Aburahamu
7Chino nicho chindaalo che kimiiko kie bukhulu bwa Aburahamu, emia ndala kamakhumi saba ne kiraano. 8Aburahamu akwiisia kumwoyo, mala afwa bulayi ne akofuule. Afwa acha khu baandu bewe. 9Basoleeli bewe, Isaaka ne Ishimaeli bamusiikha mu libina lia Makipela ebukwe we Mamure, mu maloba ka Efuroni okhwa Soari Omuhiti. 10#Lir. 23.3-16 Ako niko ka kaaba kamaloba niko Aburahamu akula khukhwama khu Bahiti. Aburahamu no mukhasi wewe Sara basiikhwa abwenao. 11Enyuma we lifwa lia Aburahamu, Wele aelesia chikhabi Isaaka omwana wewe. Mala Isaaka amenya e Beeri-lahai-roi.
Lisaaye lia Ishimaeli
(1 Ke Ch. 1.28-31)
12Lino nilio lisaaye lia Ishimaeli okhwa Aburahamu, niye Hakari omukhaana Mumisiri, nasioobi owa Sara, asaala khu Aburahamu, 13khuloondekhana ne lisaalwa liabwe: Naboati, omubele owa Ishimaeli, Kedari, Atibeeli, Mibusamu, 14Mishima, Tuma, Masa, 15Hatati, Tema, Yeturi, Nafisi ne Ketema. 16Abo nibo ba okhwa Ishimaeli, ne ako niko kamasina kaabwe khuloondekhana ne birekere ne abuundu niio bamenyanga. Babaana ekhumi na babili be bubwami khuloondekhana ne chikholo chabwe. 17Kino nikio kimiiko kie bulamu bwa Ishimaeli, kimiiko emia ndala, ne kamakhumi kataru ne saba mala akwiisia kumwoyo, afwa mala acha khu baandu bewe. 18Lisaaye lia Ishimaeli liamenya mu sibala siili akari owa Habila ne Suri, sibala sisialolelelalana ne Misiri lubeka lwe Ashuru. Baba be busiku bukali khu bawandaaye.
Lisaalwa lia Esau ne Yakobo
19Lino lili lisaaye lia Isaaka okhwa Aburahamu: Aburahamu aaba raraawe owa Isaaka. 20Isaaka ne ali bukhulu bwe kimiiko kamakhumi kane, areera Rabeka nga omukhasi wewe, omukhaana owa Betueli Omusiami owe Padani-aramu, omukooko owa Labani Omusiami. 21Ne Isaaka asaabila omukhasi wewe khu Wele Omunyali Owa Bioosi sikila aaba omukuumba. Wele Omunyali Owa Bioosi aulila lisaba liewe mala Rabeka omukhasi wewe aesia. 22Babaana barekanila munda mwewe. Rabeka aloma ali, “Siina sikila ne menya?” Nio acha areeba Wele Omunyali Owa Bioosi.
23 #
Bar. 9.12
Wele Omunyali Owa Bioosi amuboolela ali,
“Bibala bibili bili munda mwowo,
okhasaale babaandu babili mala bakhabiilane,
mulala akhabe owe kamaani khukhilakho okundi,
omukhulu akhakholele omukeekhe.”
24Nga siise sie khusaala siola, asaala bukhwana. 25Mukhwana asaalwa omubesemu pe. Aaba ne kamaswa kumubili kwosi nga engubo eye bufuumbo, khwako, bamutiuukha bali Esau. 26Enyuma wewe, Mulongo asaalwa ne atiilile ekhukunyu eya Esau nio lisina liewe liaba Yakobo. Nga Rabeka ne abasaala, Isaaka aaba ne bukhulu bwe kimiiko kamakhumi sita.
Esau akusia kumukabwa kwe bubele bwewe
27Nga basoleeli bano bachoa, Esau aaba omuaayi owamanya lukali buaayi, omundu owasiima limenya lienje, ne Yakobo aaba omundu owasila mala ekhalanga mungo. 28Isaaka asiima Esau, sikila alichanga chinyama che mu buaayi bwewe, ne Rabeka asiima Yakobo.
29Endaalo ndala Yakobo aba afuluke sifuluko sie kamakaanda, Esau aloota khukhwama mu lukoongo, mala enjala yaba yamukhayile. 30Esau asaba Yakobo ali, “Nosiima lekha ekhombekho sifuluko sibesemu sino sikila enjala yakhayile lukali!” (Khwako bamutiuukha lisina bali Edomu.)
31Yakobo amukobosia ali, “Nyoa ungusie kumukabwa kwe bubele bwowo nio.”
32Esau aloma ali, “Ese ndi siimbi khufwa, kumukabwa kwe khuba omubele kuli na bukhala siina khwise?”
33 #
Baeb. 12.16
Yakobo amukobosia ali, “njichubile nio.” Esau amwichubila mala akusia kumukabwa kwe khuba omubele khu Yakobo. 34Yakobo amua kumukaati ne sifuluko sibesemu alia, mala enyokha arekukha. Esau alekelesia ario kumukabwa kwewe kwe khuba omubele.
Currently Selected:
Lir. 25: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Lir. 25
25
Lisaaye lia Aburahamu liliindi
(1 Ke Ch. 1.32-33)
1Aburahamu areera omukhasi okundi lisina liewe bali Ketura. 2Amusaalila Simurani, Yokisiani, Metani, Midiani, Isibaki ne Siua. 3Yokisiani aaba raraawe owa Sheba ne Dedani. Babaana ba Dedani baaba Asiurimu, Letusimu ne Leumimu. 4Ba okhwa Midiani baaba Efa, Eferi, Hanoki, Abida, ne Elida. Bano boosi baaba babaana ba Ketura.
5Aburahamu aelesia Isaaka bioosi nibio aaba nabio. 6Ne babaana be bakhasi bewe babaandi nibo aamenyia busa nga basaale, abaelesia biianwa, mala ne asiili omulamu abarusia niio omwana wewe Isaaka aaba bache mu sibala sie bukwe.
Lifwa ne lisiikhwa lia Aburahamu
7Chino nicho chindaalo che kimiiko kie bukhulu bwa Aburahamu, emia ndala kamakhumi saba ne kiraano. 8Aburahamu akwiisia kumwoyo, mala afwa bulayi ne akofuule. Afwa acha khu baandu bewe. 9Basoleeli bewe, Isaaka ne Ishimaeli bamusiikha mu libina lia Makipela ebukwe we Mamure, mu maloba ka Efuroni okhwa Soari Omuhiti. 10#Lir. 23.3-16 Ako niko ka kaaba kamaloba niko Aburahamu akula khukhwama khu Bahiti. Aburahamu no mukhasi wewe Sara basiikhwa abwenao. 11Enyuma we lifwa lia Aburahamu, Wele aelesia chikhabi Isaaka omwana wewe. Mala Isaaka amenya e Beeri-lahai-roi.
Lisaaye lia Ishimaeli
(1 Ke Ch. 1.28-31)
12Lino nilio lisaaye lia Ishimaeli okhwa Aburahamu, niye Hakari omukhaana Mumisiri, nasioobi owa Sara, asaala khu Aburahamu, 13khuloondekhana ne lisaalwa liabwe: Naboati, omubele owa Ishimaeli, Kedari, Atibeeli, Mibusamu, 14Mishima, Tuma, Masa, 15Hatati, Tema, Yeturi, Nafisi ne Ketema. 16Abo nibo ba okhwa Ishimaeli, ne ako niko kamasina kaabwe khuloondekhana ne birekere ne abuundu niio bamenyanga. Babaana ekhumi na babili be bubwami khuloondekhana ne chikholo chabwe. 17Kino nikio kimiiko kie bulamu bwa Ishimaeli, kimiiko emia ndala, ne kamakhumi kataru ne saba mala akwiisia kumwoyo, afwa mala acha khu baandu bewe. 18Lisaaye lia Ishimaeli liamenya mu sibala siili akari owa Habila ne Suri, sibala sisialolelelalana ne Misiri lubeka lwe Ashuru. Baba be busiku bukali khu bawandaaye.
Lisaalwa lia Esau ne Yakobo
19Lino lili lisaaye lia Isaaka okhwa Aburahamu: Aburahamu aaba raraawe owa Isaaka. 20Isaaka ne ali bukhulu bwe kimiiko kamakhumi kane, areera Rabeka nga omukhasi wewe, omukhaana owa Betueli Omusiami owe Padani-aramu, omukooko owa Labani Omusiami. 21Ne Isaaka asaabila omukhasi wewe khu Wele Omunyali Owa Bioosi sikila aaba omukuumba. Wele Omunyali Owa Bioosi aulila lisaba liewe mala Rabeka omukhasi wewe aesia. 22Babaana barekanila munda mwewe. Rabeka aloma ali, “Siina sikila ne menya?” Nio acha areeba Wele Omunyali Owa Bioosi.
23 #
Bar. 9.12
Wele Omunyali Owa Bioosi amuboolela ali,
“Bibala bibili bili munda mwowo,
okhasaale babaandu babili mala bakhabiilane,
mulala akhabe owe kamaani khukhilakho okundi,
omukhulu akhakholele omukeekhe.”
24Nga siise sie khusaala siola, asaala bukhwana. 25Mukhwana asaalwa omubesemu pe. Aaba ne kamaswa kumubili kwosi nga engubo eye bufuumbo, khwako, bamutiuukha bali Esau. 26Enyuma wewe, Mulongo asaalwa ne atiilile ekhukunyu eya Esau nio lisina liewe liaba Yakobo. Nga Rabeka ne abasaala, Isaaka aaba ne bukhulu bwe kimiiko kamakhumi sita.
Esau akusia kumukabwa kwe bubele bwewe
27Nga basoleeli bano bachoa, Esau aaba omuaayi owamanya lukali buaayi, omundu owasiima limenya lienje, ne Yakobo aaba omundu owasila mala ekhalanga mungo. 28Isaaka asiima Esau, sikila alichanga chinyama che mu buaayi bwewe, ne Rabeka asiima Yakobo.
29Endaalo ndala Yakobo aba afuluke sifuluko sie kamakaanda, Esau aloota khukhwama mu lukoongo, mala enjala yaba yamukhayile. 30Esau asaba Yakobo ali, “Nosiima lekha ekhombekho sifuluko sibesemu sino sikila enjala yakhayile lukali!” (Khwako bamutiuukha lisina bali Edomu.)
31Yakobo amukobosia ali, “Nyoa ungusie kumukabwa kwe bubele bwowo nio.”
32Esau aloma ali, “Ese ndi siimbi khufwa, kumukabwa kwe khuba omubele kuli na bukhala siina khwise?”
33 #
Baeb. 12.16
Yakobo amukobosia ali, “njichubile nio.” Esau amwichubila mala akusia kumukabwa kwe khuba omubele khu Yakobo. 34Yakobo amua kumukaati ne sifuluko sibesemu alia, mala enyokha arekukha. Esau alekelesia ario kumukabwa kwewe kwe khuba omubele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019