Lk. 3
3
Lililwacha lia Yoana Omubatiisi
(Mat. 3.1-12; Mk. 1.1-8; Yn. 1.19-28)
1Kwaba kumwiiko kukhola likhumi lilala na kiraano kie buruki bwo mwami Tiberia; Pondio Pilato aaba omuruki we Ebuyuda, Herodi aba omwami owe Kalilaya ne wandaaye Filipo aaba omwami mu sibala sia Iturea ne Trakoniti, Lusania naye aaba omwami owe Abilini. 2Anasi ne Kayafa baba basaayi bakhulu mu ndaalo nicho elomo eya Wele yecha khu Yoana okhwa Sakaria mu sichiimi. 3Nio Yoana acha mu lukoongo lwe luluuchi lwa Yoritani ne elwacha ali, “Yekanila bubwoni bwenywe mala mubatiisibwe, ne Wele alamubeela enywe.” 4#Isa. 40.3-5 Nga kaandikwa mu sitabu sio mung'oosi Isaya bali,
“Kumumilo kwo mundu kulikho kulomela mu sichiimi kuli,
‘Rekekha kumwiila kwo Mwami,
kololosia engila abirirekho.
5Yichusia buli litooma, yaasia chingulu ne bikulu,
luungisia kimiila kikiekotakota,
ne khukwalaasia chingila che kamatikwi;
6buli mundu alibona buonia bwa Wele!’ ”
7 #
Mat. 12.34; 23.33 Baandu bakali becha khu Yoana ababatiisie. Nio aababoolela ali, “Enywe lisaaye lia Nafwo! Naanu wamubooleele mwemusie khukhwama khu siiukuumo sia Wele nisio ali siimbi khureera? 8#Yn. 8.33 Khola bikholwa bibiokesia bili enywe mwekanile bubwoni bwenywe. Ne mukharakikha khuloma muli Aburahamu ali kuuka wenywe tawe. Muboolela ndi Wele anyala khubukula kamabaale kano mala akakhole kabe babaana ba Aburahamu! 9#Mat. 7.19 Eaywa yerekekhe khurema bisina bie kimirongooro, buli murongooro kukhaama kamatuunda kamalayi tawe kularemwa mala kumwaatwe mu mulilo.”
10Nio babaandu bamureeba bali, “Nono khukhole siina?” 11Abakobosia ali, “Buli mundu oli ne chingubo chibili akhoyeele aelesiekho ndala omundu okhalikho nayo tawe, ne buli mundu oli ne siakhulia akhoyeele akabekho owasie.” 12#Lk. 7.29 Barosia busuuru balala becha babatiisibwe, mala bamureeba bali, “Omwekisia, efwe khukhole siina?” 13Ababoolela ali, “Mukharoosia busuuru bukali khukhila bubwalakwa tawe.” 14Banamae balala bosi bamureeba bali, “Nefwe nafwe khukhole siina?” Abakobosia ali, “Mukhanuula omundu yesi yesi chirupia chewe tawe, namwe mwasitaka omundu yesi yesi mu bubeeyi tawe. Munyalikhe ne kumuruungo kwenywe.”
15Lilieyikina lie babaandu liarakikha khubonekha, mala barakikha khukhwibaasia bali wakana Yoana niye Masiiya. 16Nio Yoana ababoolela boosi ali, “Ese mubatiisia enywe ne kameechi, ne kakhali okundi alikho echa oli omukali khu khuukhila ese. Ese se nolaana akhaba khukangulula biraaro biewe tawe. Alimubatiisia enywe ne Roho Omutakatifu ne kumulilo. 17Ali ne euuma eye khuubisia engaanu khuluya mala auule engaanu yoosi abunge mu sirara; ne aliosia likhuuchi mu mulilo kukhasimanga tawe.”
18Yoana elwacha Elomo Endayi khu baandu mu ngila chingali ne abekoonjelela bakaluukhane mu ngila chabwe. 19#Mat. 14.3-4; Mk. 6.17-18 Ne Yoana arafwira omwami Herodi sikila aaba abeyisie Herotia mukha wandaaye, lundi abele akholile kamabi kakaandi kamakali. 20Khwako Herodi akhola sisiindu sisiindi sibi lukali, khulwe khura Yoana mu siboe.
Khubatiisibwa khwa Yesu
(Mat. 3.13-17; Mk. 1.9-11)
21Enyuma we babaandu boosi ne babatiisibwe, Yesu yesi abatiisibwa. Nga ne aaba ne alikho nasaba, likulu liekukha, 22#Lir. 22.2; Chiny. 2.7; Isa. 42.1; Mat. 3.17; Mk. 1.11; Lk. 9.35 mala Roho Omutakatifu amwichakho mu sifwaanane sie liuusi. Kumumilo kwama mwikulu kuli, “Ewe oli Omwana wase Omusiime ousiimisia lukali.”
Sikuuka sia Yesu
(Mat. 1.1-17)
23Nga Yesu ne arakikha kimilimo kiewe, aaba embi bukhulu bwe kimiiko kamakhumi kataru. (Okhwa Yosefu nga baandu ne bebaasianga). Yosefu aaba okhwa Heli, 24Ne Heli aaba okhwa Matati, owaba okhwa Lawi, owaba okhwa Meliki, owaba okhwa Yanai, owaba okhwa Yosefu, 25owaba okhwa Matatia, owaba okhwa Amosi, owaba okhwa Nahumu, owaba okhwa Esili, owaba okhwa Nakai, 26owaba okhwa Maati, owaba okhwa Matatia, owaba okhwa Semeini, owaba okhwa Yoseki, owaba okhwa Yota, 27owaba okhwa Yoanani, owaba okhwa Resa, owaba okhwa Serubabeli, owaba okhwa Shealitieli owaba okhwa Neri, 28owaba okhwa Meliki, owaba okhwa Ati, owaba okhwa Kosamu, owaba okhwa elimatamu, owaba okhwa Eri, 29owaba okhwa Yosia, owaba okhwa Elieseri, owaba okhwa Yorimu, owaba okhwa Matati, owaba okhwa Lawi, 30owaba okhwa Simioni, owaba okhwa Yuda, owaba okhwa Yosefu, owaba okhwa Yonamu, owaba okhwa Eliakimu, 31owaba okhwa Melea, owaba okhwa Mena, owaba okhwa Matatia, owaba okhwa Nasani, owaba okhwa Daudi, 32owaba okhwa Chesi, okhwa Obeti, okhwa Boasi, okhwa Salimoni okhwa Nashoni, 33owaba okhwa Aminatabu, owaba okhwa Atimini, owaba okhwa Arini, okhwa Hesironi, okhwa Peresi owaba okhwa Yuda, 34owaba okhwa Yakobo, owaba okhwa Isaaka, owaba okhwa Aburahamu, okhwa Tera, okhwa Nahori, owaba okhwa 35Seruki, owaba okhwa Reu, owaba okhwa Peleki, owaba okhwa Eberi, owaba okhwa Shela, 36owaba okhwa Kainani, owaba okhwa Arifasati, owaba okhwa Shemu, owaba okhwa Noa, owaba okhwa Lameki, 37owaba okhwa Metusela, owaba okhwa Enoka, owaba okhwa Yareti, owaba okhwa Mahalaleli, owaba okhwa Kenani, 38owaba okhwa Enosi, owaba okhwa Seti, owaba okhwa Adamu, owaba Omwana owa Wele.
Currently Selected:
Lk. 3: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Lk. 3
3
Lililwacha lia Yoana Omubatiisi
(Mat. 3.1-12; Mk. 1.1-8; Yn. 1.19-28)
1Kwaba kumwiiko kukhola likhumi lilala na kiraano kie buruki bwo mwami Tiberia; Pondio Pilato aaba omuruki we Ebuyuda, Herodi aba omwami owe Kalilaya ne wandaaye Filipo aaba omwami mu sibala sia Iturea ne Trakoniti, Lusania naye aaba omwami owe Abilini. 2Anasi ne Kayafa baba basaayi bakhulu mu ndaalo nicho elomo eya Wele yecha khu Yoana okhwa Sakaria mu sichiimi. 3Nio Yoana acha mu lukoongo lwe luluuchi lwa Yoritani ne elwacha ali, “Yekanila bubwoni bwenywe mala mubatiisibwe, ne Wele alamubeela enywe.” 4#Isa. 40.3-5 Nga kaandikwa mu sitabu sio mung'oosi Isaya bali,
“Kumumilo kwo mundu kulikho kulomela mu sichiimi kuli,
‘Rekekha kumwiila kwo Mwami,
kololosia engila abirirekho.
5Yichusia buli litooma, yaasia chingulu ne bikulu,
luungisia kimiila kikiekotakota,
ne khukwalaasia chingila che kamatikwi;
6buli mundu alibona buonia bwa Wele!’ ”
7 #
Mat. 12.34; 23.33 Baandu bakali becha khu Yoana ababatiisie. Nio aababoolela ali, “Enywe lisaaye lia Nafwo! Naanu wamubooleele mwemusie khukhwama khu siiukuumo sia Wele nisio ali siimbi khureera? 8#Yn. 8.33 Khola bikholwa bibiokesia bili enywe mwekanile bubwoni bwenywe. Ne mukharakikha khuloma muli Aburahamu ali kuuka wenywe tawe. Muboolela ndi Wele anyala khubukula kamabaale kano mala akakhole kabe babaana ba Aburahamu! 9#Mat. 7.19 Eaywa yerekekhe khurema bisina bie kimirongooro, buli murongooro kukhaama kamatuunda kamalayi tawe kularemwa mala kumwaatwe mu mulilo.”
10Nio babaandu bamureeba bali, “Nono khukhole siina?” 11Abakobosia ali, “Buli mundu oli ne chingubo chibili akhoyeele aelesiekho ndala omundu okhalikho nayo tawe, ne buli mundu oli ne siakhulia akhoyeele akabekho owasie.” 12#Lk. 7.29 Barosia busuuru balala becha babatiisibwe, mala bamureeba bali, “Omwekisia, efwe khukhole siina?” 13Ababoolela ali, “Mukharoosia busuuru bukali khukhila bubwalakwa tawe.” 14Banamae balala bosi bamureeba bali, “Nefwe nafwe khukhole siina?” Abakobosia ali, “Mukhanuula omundu yesi yesi chirupia chewe tawe, namwe mwasitaka omundu yesi yesi mu bubeeyi tawe. Munyalikhe ne kumuruungo kwenywe.”
15Lilieyikina lie babaandu liarakikha khubonekha, mala barakikha khukhwibaasia bali wakana Yoana niye Masiiya. 16Nio Yoana ababoolela boosi ali, “Ese mubatiisia enywe ne kameechi, ne kakhali okundi alikho echa oli omukali khu khuukhila ese. Ese se nolaana akhaba khukangulula biraaro biewe tawe. Alimubatiisia enywe ne Roho Omutakatifu ne kumulilo. 17Ali ne euuma eye khuubisia engaanu khuluya mala auule engaanu yoosi abunge mu sirara; ne aliosia likhuuchi mu mulilo kukhasimanga tawe.”
18Yoana elwacha Elomo Endayi khu baandu mu ngila chingali ne abekoonjelela bakaluukhane mu ngila chabwe. 19#Mat. 14.3-4; Mk. 6.17-18 Ne Yoana arafwira omwami Herodi sikila aaba abeyisie Herotia mukha wandaaye, lundi abele akholile kamabi kakaandi kamakali. 20Khwako Herodi akhola sisiindu sisiindi sibi lukali, khulwe khura Yoana mu siboe.
Khubatiisibwa khwa Yesu
(Mat. 3.13-17; Mk. 1.9-11)
21Enyuma we babaandu boosi ne babatiisibwe, Yesu yesi abatiisibwa. Nga ne aaba ne alikho nasaba, likulu liekukha, 22#Lir. 22.2; Chiny. 2.7; Isa. 42.1; Mat. 3.17; Mk. 1.11; Lk. 9.35 mala Roho Omutakatifu amwichakho mu sifwaanane sie liuusi. Kumumilo kwama mwikulu kuli, “Ewe oli Omwana wase Omusiime ousiimisia lukali.”
Sikuuka sia Yesu
(Mat. 1.1-17)
23Nga Yesu ne arakikha kimilimo kiewe, aaba embi bukhulu bwe kimiiko kamakhumi kataru. (Okhwa Yosefu nga baandu ne bebaasianga). Yosefu aaba okhwa Heli, 24Ne Heli aaba okhwa Matati, owaba okhwa Lawi, owaba okhwa Meliki, owaba okhwa Yanai, owaba okhwa Yosefu, 25owaba okhwa Matatia, owaba okhwa Amosi, owaba okhwa Nahumu, owaba okhwa Esili, owaba okhwa Nakai, 26owaba okhwa Maati, owaba okhwa Matatia, owaba okhwa Semeini, owaba okhwa Yoseki, owaba okhwa Yota, 27owaba okhwa Yoanani, owaba okhwa Resa, owaba okhwa Serubabeli, owaba okhwa Shealitieli owaba okhwa Neri, 28owaba okhwa Meliki, owaba okhwa Ati, owaba okhwa Kosamu, owaba okhwa elimatamu, owaba okhwa Eri, 29owaba okhwa Yosia, owaba okhwa Elieseri, owaba okhwa Yorimu, owaba okhwa Matati, owaba okhwa Lawi, 30owaba okhwa Simioni, owaba okhwa Yuda, owaba okhwa Yosefu, owaba okhwa Yonamu, owaba okhwa Eliakimu, 31owaba okhwa Melea, owaba okhwa Mena, owaba okhwa Matatia, owaba okhwa Nasani, owaba okhwa Daudi, 32owaba okhwa Chesi, okhwa Obeti, okhwa Boasi, okhwa Salimoni okhwa Nashoni, 33owaba okhwa Aminatabu, owaba okhwa Atimini, owaba okhwa Arini, okhwa Hesironi, okhwa Peresi owaba okhwa Yuda, 34owaba okhwa Yakobo, owaba okhwa Isaaka, owaba okhwa Aburahamu, okhwa Tera, okhwa Nahori, owaba okhwa 35Seruki, owaba okhwa Reu, owaba okhwa Peleki, owaba okhwa Eberi, owaba okhwa Shela, 36owaba okhwa Kainani, owaba okhwa Arifasati, owaba okhwa Shemu, owaba okhwa Noa, owaba okhwa Lameki, 37owaba okhwa Metusela, owaba okhwa Enoka, owaba okhwa Yareti, owaba okhwa Mahalaleli, owaba okhwa Kenani, 38owaba okhwa Enosi, owaba okhwa Seti, owaba okhwa Adamu, owaba Omwana owa Wele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019