Akisiakinet 21
21
Akidounet a Isaka
1Topia Ekapolon Akuj Sara loger losek echikakinitor. 2Abu Sara topoti, sodi kidou ikoku nisapat ngirwa lu amojongitor Aburaam. Kidounoe idia ngini ngirwa lusek abalar Akuj idounere. 3Tolimok Aburaam ekiro keng Isaka. 4Ani enangete ngirwa a Isaka ngikan-kauni, kilenger Aburaam ngesi, loger lo adungokinitor Akuj. 5Araakasi ngikaru a Aburaam amiat apei na edounere Isaka. 6Tolim Sara tama, “Kainu Akuj ayong alakara ka akiena,#21:6 akiena; eger a ekiro be Isaka a Ngaeburaniae ngesi atamar “ekiena ngesi.” itwaan daang ni iirari ngakiro nugu, kikieni ka ayong.” 7#Ebura 11:11 Kiatak ngesi tama, “Kerai ngae epedori alimokin Aburaam atamar itanaki Sara ngide? Nakaneni edou ayong ikoku nisapat ngirwa lu amojongea ngesi.” #Siak 17:12; Tich 7:8
8Topolou ikoku, sodi kitapalikinae akitanak ngisikin. Tosubak Aburaam akimuj nakaalan akolongit na etapalikinere Isaka akinak.
Etwarakinio Agar ka Ichimael
9Akolongit apei taanyunga Sara idia ni aurikini Aburaam Agar Namisirit eboliasi#21:9 eboliasi; kori ekianar. ka Isaka lo arai lokookeng. 10Tolimok Sara Aburaam tama, “Kitwarak aberu nakedalan naga ka lokookeng, kainyo nyirumete lokookeng a aberu anakedalan kana ngibaren aapei ka lokookang Isaka.” 11Kialolong Aburaam noi kotere ngakiro nguna, kainyo arai Ichimael dang lokookeng. 12Nakaneni tolimok Akuj Aburaam tama, “Wara nyiialolong kotere idia ka akedalan kon Agar. Tosub ngakiro daang nakilimokini iyong Sara, kainyo nia Isaka ngesi ianyunea iyong ngalesea nakechikak ayong iyong. 13#Gal 4:29-30 Ani ikoni dang, ainakini ayong tani lokookeng a aberu anakedalan ngide lukaalak, sodi toliworos kesi ngibukui. Erai ngesi dang lokookon.” #Rom 9:7; Ebura 11:18
14Sodi tonyou Aburaam nataparach elilim, tolem amugati ka echue a ngakipi nak Agar. Kitanap Aburaam Agar idia sodi kitwarak. Torotok Agar tolot akilare anariet a Beer-cheba.
15Ani na adaunotor ngakipi na ayakasi lochue, kimiek ngesi idia alotooma amoni, 16tolot ngesi kiboikin ni erai aoyau keng ngamitae amiat apei. Kitamana ngesi ebala, “Nyanaikini ayong akitere ikoku kang etoani.” Ani na ebooyo ngesi kaneni, tolomak ikoku#21:16 ikoku; igiritae nakitab ache atamar Agar. akigoro lokojokon. 17Kiira Akuj idia igoro, sodi kiruorik emalaikat anadis tolimok Agar tama, “Agar, nyo ialolongio iyong? Wara nyikibul. Eira Akuj idia igoro. 18Tonyou, tolot sodi tadaku ngesi kisililing. Etiliwori ayong ngalesea keng ngibukui lu eyenikinitae.” 19Sodi tangaa Akuj ngakonyen a Agar, taanyunga ngesi akar. Tolot ngesi kilelebik echue lo atingit ngakipi, sodi nak idia ngakipi. 20Arukito Akuj ka idia na apolounio, kiboi ngesi anariet a Paran, toliwor irikae a ngimalea a amod. 21Tasakak itiokeng ngesi aberu anakwap a Misiri.
Achamakin na achamunotor Aburaam ka Abimelek
22Ngirwa ngulu, toloto Abimelek ka ekarikon a ngasigerea keng lo anyaritae Pikol, tolimokis Aburaam tamasi, “Irukito iyong ka Akuj anakiro kadaang ana isubi. 23Nakaneni kikong tokona ani a Akuj atamar nyikimodi iyong ayong, ka ngide kang, ta ngalesea kang. Kona kolong kasubea ayong iyong ngakiro naajokak, kikong atamar kisubea iyong ayong dang ka akwap na tokona ilomit iyong naga ngakiro naajokak.” 24#Siak 26:26 Tolim Aburaam tama, “Ekongi ayong.”
25Ani na engisea Aburaam Abimelek ngakiro a akar ana alemarete ngikasubak etich a Abimelek, tolim 26Abimelek tama, “Nyayeni ayong itwaan ni kesubi ngakiro nugu. Nyelimokina iyong ayong ngakiro nguna, erai akolongit daang eirarea ayong ngesi naga.” 27Sodi tomek Aburaam Abimelek ngamesekin ka ngaatuk, tachamunos kesi. 28Kitegelia Aburaam ngamesekin naberu ngakan-kaarei totiak ka nache. 29Kingit Abimelek Aburaam tama, “Nyo tokona eger a ngamesekin anakan-kaarei itegelia iyong kanu?” 30Tatachu Aburaam tama, “Kainakini ayong iyong ngamesekin nakan-kaarei nugu, toliwor iyong ngesi itwaan ni ianyuni atamar ayong ngesi aboki akar naga.” 31Sodi tolimokinae neni ekiro be Beer-cheba,#21:31 Beer-cheba; eger keng a Ngaeburaniae ngesi atamar “Akar nakikongiet” kori “Akar na a ngakan-kaarei” (kingolik tani 26:33). kainyo neni ngesi ekongioto kesi. 32Tachamakin kesi alo Beer-cheba. Sodi tonyout Abimelek ka ekapolon a ngasigerea keng enyaritae Pikol tobongosi nakwap a Ngipilisti. 33Kitak Aburaam epeduru nakwap enyaritae Beer-cheba, sodi kilip ngesi elimit ekiro a Ekapolon Akuj, ana erai Akuj nakajik. 34Tolom Aburaam nakwap a Ngipilisti nikooyen.
Currently Selected:
Akisiakinet 21: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999
Akisiakinet 21
21
Akidounet a Isaka
1Topia Ekapolon Akuj Sara loger losek echikakinitor. 2Abu Sara topoti, sodi kidou ikoku nisapat ngirwa lu amojongitor Aburaam. Kidounoe idia ngini ngirwa lusek abalar Akuj idounere. 3Tolimok Aburaam ekiro keng Isaka. 4Ani enangete ngirwa a Isaka ngikan-kauni, kilenger Aburaam ngesi, loger lo adungokinitor Akuj. 5Araakasi ngikaru a Aburaam amiat apei na edounere Isaka. 6Tolim Sara tama, “Kainu Akuj ayong alakara ka akiena,#21:6 akiena; eger a ekiro be Isaka a Ngaeburaniae ngesi atamar “ekiena ngesi.” itwaan daang ni iirari ngakiro nugu, kikieni ka ayong.” 7#Ebura 11:11 Kiatak ngesi tama, “Kerai ngae epedori alimokin Aburaam atamar itanaki Sara ngide? Nakaneni edou ayong ikoku nisapat ngirwa lu amojongea ngesi.” #Siak 17:12; Tich 7:8
8Topolou ikoku, sodi kitapalikinae akitanak ngisikin. Tosubak Aburaam akimuj nakaalan akolongit na etapalikinere Isaka akinak.
Etwarakinio Agar ka Ichimael
9Akolongit apei taanyunga Sara idia ni aurikini Aburaam Agar Namisirit eboliasi#21:9 eboliasi; kori ekianar. ka Isaka lo arai lokookeng. 10Tolimok Sara Aburaam tama, “Kitwarak aberu nakedalan naga ka lokookeng, kainyo nyirumete lokookeng a aberu anakedalan kana ngibaren aapei ka lokookang Isaka.” 11Kialolong Aburaam noi kotere ngakiro nguna, kainyo arai Ichimael dang lokookeng. 12Nakaneni tolimok Akuj Aburaam tama, “Wara nyiialolong kotere idia ka akedalan kon Agar. Tosub ngakiro daang nakilimokini iyong Sara, kainyo nia Isaka ngesi ianyunea iyong ngalesea nakechikak ayong iyong. 13#Gal 4:29-30 Ani ikoni dang, ainakini ayong tani lokookeng a aberu anakedalan ngide lukaalak, sodi toliworos kesi ngibukui. Erai ngesi dang lokookon.” #Rom 9:7; Ebura 11:18
14Sodi tonyou Aburaam nataparach elilim, tolem amugati ka echue a ngakipi nak Agar. Kitanap Aburaam Agar idia sodi kitwarak. Torotok Agar tolot akilare anariet a Beer-cheba.
15Ani na adaunotor ngakipi na ayakasi lochue, kimiek ngesi idia alotooma amoni, 16tolot ngesi kiboikin ni erai aoyau keng ngamitae amiat apei. Kitamana ngesi ebala, “Nyanaikini ayong akitere ikoku kang etoani.” Ani na ebooyo ngesi kaneni, tolomak ikoku#21:16 ikoku; igiritae nakitab ache atamar Agar. akigoro lokojokon. 17Kiira Akuj idia igoro, sodi kiruorik emalaikat anadis tolimok Agar tama, “Agar, nyo ialolongio iyong? Wara nyikibul. Eira Akuj idia igoro. 18Tonyou, tolot sodi tadaku ngesi kisililing. Etiliwori ayong ngalesea keng ngibukui lu eyenikinitae.” 19Sodi tangaa Akuj ngakonyen a Agar, taanyunga ngesi akar. Tolot ngesi kilelebik echue lo atingit ngakipi, sodi nak idia ngakipi. 20Arukito Akuj ka idia na apolounio, kiboi ngesi anariet a Paran, toliwor irikae a ngimalea a amod. 21Tasakak itiokeng ngesi aberu anakwap a Misiri.
Achamakin na achamunotor Aburaam ka Abimelek
22Ngirwa ngulu, toloto Abimelek ka ekarikon a ngasigerea keng lo anyaritae Pikol, tolimokis Aburaam tamasi, “Irukito iyong ka Akuj anakiro kadaang ana isubi. 23Nakaneni kikong tokona ani a Akuj atamar nyikimodi iyong ayong, ka ngide kang, ta ngalesea kang. Kona kolong kasubea ayong iyong ngakiro naajokak, kikong atamar kisubea iyong ayong dang ka akwap na tokona ilomit iyong naga ngakiro naajokak.” 24#Siak 26:26 Tolim Aburaam tama, “Ekongi ayong.”
25Ani na engisea Aburaam Abimelek ngakiro a akar ana alemarete ngikasubak etich a Abimelek, tolim 26Abimelek tama, “Nyayeni ayong itwaan ni kesubi ngakiro nugu. Nyelimokina iyong ayong ngakiro nguna, erai akolongit daang eirarea ayong ngesi naga.” 27Sodi tomek Aburaam Abimelek ngamesekin ka ngaatuk, tachamunos kesi. 28Kitegelia Aburaam ngamesekin naberu ngakan-kaarei totiak ka nache. 29Kingit Abimelek Aburaam tama, “Nyo tokona eger a ngamesekin anakan-kaarei itegelia iyong kanu?” 30Tatachu Aburaam tama, “Kainakini ayong iyong ngamesekin nakan-kaarei nugu, toliwor iyong ngesi itwaan ni ianyuni atamar ayong ngesi aboki akar naga.” 31Sodi tolimokinae neni ekiro be Beer-cheba,#21:31 Beer-cheba; eger keng a Ngaeburaniae ngesi atamar “Akar nakikongiet” kori “Akar na a ngakan-kaarei” (kingolik tani 26:33). kainyo neni ngesi ekongioto kesi. 32Tachamakin kesi alo Beer-cheba. Sodi tonyout Abimelek ka ekapolon a ngasigerea keng enyaritae Pikol tobongosi nakwap a Ngipilisti. 33Kitak Aburaam epeduru nakwap enyaritae Beer-cheba, sodi kilip ngesi elimit ekiro a Ekapolon Akuj, ana erai Akuj nakajik. 34Tolom Aburaam nakwap a Ngipilisti nikooyen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999