Akisiakinet 25
25
Ngalesea a Aburaam ngache
1Kuut Aburaam aberu ache na anyaritae Ketura. 2Kidoik Ketura Aburaam ngide lu anyaritae Simuran, ka Yokichan, ka Medan, ka Midian, ka Ichibak, ta Chua. 3Touriu Yokichan Cheba ka Dedan. Ngalesea a Dedan kesi Ngiachurim, ka Ngiletuch, ta Ngileum. 4Ngalesea a Midian kesi ta Epa, ka Eper, ka Anok, ka Abida, ta Elidaa. Araakasi ngulu daang ngalesea a Ketura.
5Kimiekinea Aburaam Isaka ngiboro keng daang. 6Nakaneni inanak Aburaam talokookeng a ngapesur keng ana a ngabwes ngainakinet. Ani ngirwa lu aringaakar ngesi eyari, kitwarak kesi totena nakwap na ayei kide, tachadaros ani ayei lokookeng lo anyaritae Isaka.
Atoanet a Aburaam
7Araakasi ngikaru lu ayarea Aburaam amiat apei ka ngitomwon-kaarei ka ngikan. 8Totoan Aburaam akitu ajokon, erai ekasukout lo amojongit noi. 9Apot talokookeng a Aburaam lu anyaritae Isaka ka Ichimael, tonukakis apakech naburibur a Makipela, na ayei mana a Epiron alo arai lokookeng a Soar alo arai eka ekitela a Ngiiti. Arai neni kide a Mamure. 10Amana ngina ngesi nasek agieluni Aburaam alotunga a Ngiiti. Neni ngesi anukakinio Aburaam ka aberu keng na anyaritae Sara. 11#Siak 25:23 Ani ketoana Aburaam kerumor, topia Akuj Isaka lo arai lokookeng a Aburaam. Alomit Isaka Beer-laai-roi
Ngalesea a Ichimael
(1 Ngakiro a Ngirwa 1:28-31)
12Ichimael lo edoikini Agar Namisirit na arai akasuban etich a Sara, kidoik Aburaam, 13ayakasi talokookeng. Ngirora a talokookeng a Ichimael kesi lugu, iwapap a eger alo kolong edounere kesi. Anyaritae lo ekingaren Nebayos. Ngirora aluche kesi ta Kedar, ka Adibeel, ka Mibisam, 14ka Michima, ka Duma, ka Masa, 15ka Adad, ka Tema, ka Yetur, ka Napich, ta Kedema. 16Eraakasi ngulu talokookeng a Ichimael, lu erai nikech etorunete ngitela lutomon ka ngiarei, anyaritae ngirerea kech ka ngadakarin, a ngirora kech. 17Araakasi ngikaru a Ichimael amiat apei ka ngitomwon-uni ka ngikan-kaarei na atoanea. 18Alomito ngalesea a Ichimael nakwap na ayei nakidingos a Apila ka Chur, kide a Misiri, lowae lo etenere Asiria. Tachadaros kesi toloma nikalonan ani eyakasi ngalesea a Aburaam nache.
Akidounet a Esau ka Yakobo
19Eraakasi nugu ngakiro a Isaka, alo erai lokookeng a Aburaam. 20Araakasi ngikaru a Isaka ngitomwon-omwon na eusea ngesi Rebeka, na arai nakookeng a Besuel, alo arai Emaramit a akwap a Mesopotamia. Arai Rebeka nakaatokeng a Laban. 21Kotere ni araakar Rebeka akolup, kilip Isaka Ekapolon Akuj. Kiik Ekapolon Akuj akilip keng, sodi topoti Rebeka. 22Topotiu ngesi ngimuu. Tobolokin ngide anakook keng, tolim ngesi tama, “Ani kikote ngakiro nege a, nyoni ayarea ayong?” Sodi tolot ngesi akingit Ekapolon Akuj eger a ngakiro kanguna. 23#Rom 9:12 Tolimok Ekapolon Akuj ngesi tama,
“Eyakasi ngibukui ngiarei nakook kon,
ngitela ngiarei lu idouni iyong,
etiakasi.
Eliwor epei lokajwon noi akidwang loche.
Eliwor loapolon ekasuban etich aloochi.”
24Ani enangi ngirwa keng lu idounio, kidou Rebeka ngide lusapa lumuu. 25Areng lo ekingaren, ekoni akwaan keng eleu lo eyakasi ngajul, sodi tolimokinae ekiro keng Esau.#25:25 Esau; ekiro eche a Seir ana erai akwap na alomete ngalesea a Esau ekisidi; ikwaan Seir ka akiroit a Ngaeburaniae na erai eger keng atamar “ngini elalak ngajul.” 26Kidounoe loa ngiarei etingit atitinyo a Esau, sodi tolimokinae ekiro keng Yakobo.#25:26 Yakobo; ikwaan ekiro logo ka akiroit a Ngaeburaniae na erai eger keng atamar “atitinyo.” Araakasi ngikaru a Isaka ngitomwon-kapei na edounere Esau ka Yakobo.
Agielari Esau apolou keng
27Topolout ngide lusapa ngulu. Toliwor Esau lo ayenikinitae kotere akirikare ngitieng, lo amina eboyor loa lomoding. Tarai Yakobo itwaan nikelilingan, ni amina akiboi anawi. 28Sodi tominak Isaka Esau ani aminar akinyam ngitieng lu aareene ngesi alorika, nakaneni tominak Rebeka Yakobo.
29Akolongit apei, esaa lo epoo Yakobo ngimare, tobongu Esau nawi ebunit alorika. Anyamit Esau akoro lokojokon noi. 30Sodi tolimok ngesi Yakobo tama, “Kanyam akoro atoana, toodokinoe kare akimuj naarengan ngina adio.” (Ngakiro nguna kesi alimokinere ekiro keng Edom.#25:30 Edom; ikwaan ekiro logo ka akiroit a Ngaeburaniae na erai eger keng atamar “areng.”) 31Tatachak Yakobo ngesi tama, “Tajalakinae iyong ayong mono apolou na iraakar iyong ikoku ni ekingaren.”
32Tolim Esau tama, “Mam ngakiro. Edikino tokona ayong atoani, nyoni ketaanyuni apolou kang na araakar ikoku ni ekingaren?” 33Tolimok Yakobo ngesi tama, “Kikong mono atamar kijalakini iyong ayong apolou na iraakar iyong ikoku ni ekingaren.” Abu Esau kikong, tajalak Yakobo apolou na araakar ngesi ikoku ni ekingaren. 34#Ebura 12:16 Sodi nak Yakobo Esau amugati ka ngimare epewae. Kimuj Esau nabo tamat ngakipi, ani erumor, tonyou tolot. Kikok Esau imenyari apolou na araakar ikoku ni ekingaren neni.
Currently Selected:
Akisiakinet 25: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999
Akisiakinet 25
25
Ngalesea a Aburaam ngache
1Kuut Aburaam aberu ache na anyaritae Ketura. 2Kidoik Ketura Aburaam ngide lu anyaritae Simuran, ka Yokichan, ka Medan, ka Midian, ka Ichibak, ta Chua. 3Touriu Yokichan Cheba ka Dedan. Ngalesea a Dedan kesi Ngiachurim, ka Ngiletuch, ta Ngileum. 4Ngalesea a Midian kesi ta Epa, ka Eper, ka Anok, ka Abida, ta Elidaa. Araakasi ngulu daang ngalesea a Ketura.
5Kimiekinea Aburaam Isaka ngiboro keng daang. 6Nakaneni inanak Aburaam talokookeng a ngapesur keng ana a ngabwes ngainakinet. Ani ngirwa lu aringaakar ngesi eyari, kitwarak kesi totena nakwap na ayei kide, tachadaros ani ayei lokookeng lo anyaritae Isaka.
Atoanet a Aburaam
7Araakasi ngikaru lu ayarea Aburaam amiat apei ka ngitomwon-kaarei ka ngikan. 8Totoan Aburaam akitu ajokon, erai ekasukout lo amojongit noi. 9Apot talokookeng a Aburaam lu anyaritae Isaka ka Ichimael, tonukakis apakech naburibur a Makipela, na ayei mana a Epiron alo arai lokookeng a Soar alo arai eka ekitela a Ngiiti. Arai neni kide a Mamure. 10Amana ngina ngesi nasek agieluni Aburaam alotunga a Ngiiti. Neni ngesi anukakinio Aburaam ka aberu keng na anyaritae Sara. 11#Siak 25:23 Ani ketoana Aburaam kerumor, topia Akuj Isaka lo arai lokookeng a Aburaam. Alomit Isaka Beer-laai-roi
Ngalesea a Ichimael
(1 Ngakiro a Ngirwa 1:28-31)
12Ichimael lo edoikini Agar Namisirit na arai akasuban etich a Sara, kidoik Aburaam, 13ayakasi talokookeng. Ngirora a talokookeng a Ichimael kesi lugu, iwapap a eger alo kolong edounere kesi. Anyaritae lo ekingaren Nebayos. Ngirora aluche kesi ta Kedar, ka Adibeel, ka Mibisam, 14ka Michima, ka Duma, ka Masa, 15ka Adad, ka Tema, ka Yetur, ka Napich, ta Kedema. 16Eraakasi ngulu talokookeng a Ichimael, lu erai nikech etorunete ngitela lutomon ka ngiarei, anyaritae ngirerea kech ka ngadakarin, a ngirora kech. 17Araakasi ngikaru a Ichimael amiat apei ka ngitomwon-uni ka ngikan-kaarei na atoanea. 18Alomito ngalesea a Ichimael nakwap na ayei nakidingos a Apila ka Chur, kide a Misiri, lowae lo etenere Asiria. Tachadaros kesi toloma nikalonan ani eyakasi ngalesea a Aburaam nache.
Akidounet a Esau ka Yakobo
19Eraakasi nugu ngakiro a Isaka, alo erai lokookeng a Aburaam. 20Araakasi ngikaru a Isaka ngitomwon-omwon na eusea ngesi Rebeka, na arai nakookeng a Besuel, alo arai Emaramit a akwap a Mesopotamia. Arai Rebeka nakaatokeng a Laban. 21Kotere ni araakar Rebeka akolup, kilip Isaka Ekapolon Akuj. Kiik Ekapolon Akuj akilip keng, sodi topoti Rebeka. 22Topotiu ngesi ngimuu. Tobolokin ngide anakook keng, tolim ngesi tama, “Ani kikote ngakiro nege a, nyoni ayarea ayong?” Sodi tolot ngesi akingit Ekapolon Akuj eger a ngakiro kanguna. 23#Rom 9:12 Tolimok Ekapolon Akuj ngesi tama,
“Eyakasi ngibukui ngiarei nakook kon,
ngitela ngiarei lu idouni iyong,
etiakasi.
Eliwor epei lokajwon noi akidwang loche.
Eliwor loapolon ekasuban etich aloochi.”
24Ani enangi ngirwa keng lu idounio, kidou Rebeka ngide lusapa lumuu. 25Areng lo ekingaren, ekoni akwaan keng eleu lo eyakasi ngajul, sodi tolimokinae ekiro keng Esau.#25:25 Esau; ekiro eche a Seir ana erai akwap na alomete ngalesea a Esau ekisidi; ikwaan Seir ka akiroit a Ngaeburaniae na erai eger keng atamar “ngini elalak ngajul.” 26Kidounoe loa ngiarei etingit atitinyo a Esau, sodi tolimokinae ekiro keng Yakobo.#25:26 Yakobo; ikwaan ekiro logo ka akiroit a Ngaeburaniae na erai eger keng atamar “atitinyo.” Araakasi ngikaru a Isaka ngitomwon-kapei na edounere Esau ka Yakobo.
Agielari Esau apolou keng
27Topolout ngide lusapa ngulu. Toliwor Esau lo ayenikinitae kotere akirikare ngitieng, lo amina eboyor loa lomoding. Tarai Yakobo itwaan nikelilingan, ni amina akiboi anawi. 28Sodi tominak Isaka Esau ani aminar akinyam ngitieng lu aareene ngesi alorika, nakaneni tominak Rebeka Yakobo.
29Akolongit apei, esaa lo epoo Yakobo ngimare, tobongu Esau nawi ebunit alorika. Anyamit Esau akoro lokojokon noi. 30Sodi tolimok ngesi Yakobo tama, “Kanyam akoro atoana, toodokinoe kare akimuj naarengan ngina adio.” (Ngakiro nguna kesi alimokinere ekiro keng Edom.#25:30 Edom; ikwaan ekiro logo ka akiroit a Ngaeburaniae na erai eger keng atamar “areng.”) 31Tatachak Yakobo ngesi tama, “Tajalakinae iyong ayong mono apolou na iraakar iyong ikoku ni ekingaren.”
32Tolim Esau tama, “Mam ngakiro. Edikino tokona ayong atoani, nyoni ketaanyuni apolou kang na araakar ikoku ni ekingaren?” 33Tolimok Yakobo ngesi tama, “Kikong mono atamar kijalakini iyong ayong apolou na iraakar iyong ikoku ni ekingaren.” Abu Esau kikong, tajalak Yakobo apolou na araakar ngesi ikoku ni ekingaren. 34#Ebura 12:16 Sodi nak Yakobo Esau amugati ka ngimare epewae. Kimuj Esau nabo tamat ngakipi, ani erumor, tonyou tolot. Kikok Esau imenyari apolou na araakar ikoku ni ekingaren neni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999