Bikh. 6
6
Bayeeti saba
1Enyuma we siise sitiiti, nga esaabu eye babeeka yachiililila khu kucha, bulomani bwabao akari we Bayaudi ba balomalomanga Lukiriki ne Bayaudi babalomalomanga lulwabwe. Bayaudi babalomalomanga Lukiriki belila bali banamulekhwa babwe balebililwanga mu buaani bwe chirupia cha buli ndaalo. 2Khwako barumwa ekhumi na babili balaanga basuubili boosi alala mala bababoolela bali, “Se buli bulayi khulekhe bubwilwachi bwe elomo eya Wele mala khwile khukaba chirupia tawe. 3Nono bawandaayase, robora babaandu saba mwinywe bamanyikhaane, babechula Roho Omutakatifu ne limanya, ne efwe khulabara mu bwimeelesi bwe bibiindu bino. 4Ne efwe fwabeene buli khase khulasaba ne khukhola kimilimo kie bubwilwachi.”
5Babaandu boosi basangaalila lilibaasia lie barumwa elio, nio barobora Sitefano, omundu owechula lisuubila ne Roho Omutakatifu, Filipo, Porokoro, Nikanori, Timona, Parimena, ne Nikolao owe Chikholo khukhwama e Andioka owaba lutaayi ne engiile mu dini eye Bayaudi. 6Basuubili ba bareera ebweeni we barumwa, mala ba basabila ne khubarakho kamakhono kabwe.
7Nio elomo eya Wele yachiililila khusalanila. Esaabu eye babeeka yakucha lukali mu Yerusalemu, ne basaayi bakali bafukiilila lisuubila.
Khuaambwa khwa Sitefano
8Sitefano, aaba ne kumwalaalo kumukali ne bunyali mala aakhola kamayia kamaboofu lukali ne bibiindu bie khuukia mu baandu. 9Ne kakhali akhingiililwa ne babaandu ba baaba basaangi be sinakooki niyo balaanganga bali eye Balekhuule, Bayaudi khukhwama Kireni, ne Alekisanduria. Nibo ne Bayaudi babaandi khukhwama mu sibala sia Silisia ne Esia barakikha khuyingana ne Sitefano. 10Ne kakhali se baanyala limanya ne Roho nibio Sitefano aaba nabio mu khulomaloma tawe. 11Khwako baonga babaandu balala khuloma bubeeyi bali, “Khumuulile ne aloma kamakhuwa ke mbelekeu khu Musa ne Wele!” 12Mu ngila yino baachilisia babaandu, babemeelesi ne baandiki be lilaka. Bafwakhila Sitefano mala bamuila ebweeni we kumuse. 13Nio bareera babaandu babaandi khumubeela bali, “Omundu yuno busiele alomanga kamabi khu Lukaangu lwefwe lutakatifu ne khu Lilaka lia Musa. 14Khwauliile ne aloma ali Yesu owa Nasareti yuno alonakila elala Lukaangu luno ne khurusiao kimiima nikio khwaebwa ne Musa!” 15Abo boosi ba baaba ne bekhaale mu muse baunguusa chimoni chabwe khu Sitefano, babona mumoni mwewe mwafwaanana nga mwa malaika.
Currently Selected:
Bikh. 6: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Bikh. 6
6
Bayeeti saba
1Enyuma we siise sitiiti, nga esaabu eye babeeka yachiililila khu kucha, bulomani bwabao akari we Bayaudi ba balomalomanga Lukiriki ne Bayaudi babalomalomanga lulwabwe. Bayaudi babalomalomanga Lukiriki belila bali banamulekhwa babwe balebililwanga mu buaani bwe chirupia cha buli ndaalo. 2Khwako barumwa ekhumi na babili balaanga basuubili boosi alala mala bababoolela bali, “Se buli bulayi khulekhe bubwilwachi bwe elomo eya Wele mala khwile khukaba chirupia tawe. 3Nono bawandaayase, robora babaandu saba mwinywe bamanyikhaane, babechula Roho Omutakatifu ne limanya, ne efwe khulabara mu bwimeelesi bwe bibiindu bino. 4Ne efwe fwabeene buli khase khulasaba ne khukhola kimilimo kie bubwilwachi.”
5Babaandu boosi basangaalila lilibaasia lie barumwa elio, nio barobora Sitefano, omundu owechula lisuubila ne Roho Omutakatifu, Filipo, Porokoro, Nikanori, Timona, Parimena, ne Nikolao owe Chikholo khukhwama e Andioka owaba lutaayi ne engiile mu dini eye Bayaudi. 6Basuubili ba bareera ebweeni we barumwa, mala ba basabila ne khubarakho kamakhono kabwe.
7Nio elomo eya Wele yachiililila khusalanila. Esaabu eye babeeka yakucha lukali mu Yerusalemu, ne basaayi bakali bafukiilila lisuubila.
Khuaambwa khwa Sitefano
8Sitefano, aaba ne kumwalaalo kumukali ne bunyali mala aakhola kamayia kamaboofu lukali ne bibiindu bie khuukia mu baandu. 9Ne kakhali akhingiililwa ne babaandu ba baaba basaangi be sinakooki niyo balaanganga bali eye Balekhuule, Bayaudi khukhwama Kireni, ne Alekisanduria. Nibo ne Bayaudi babaandi khukhwama mu sibala sia Silisia ne Esia barakikha khuyingana ne Sitefano. 10Ne kakhali se baanyala limanya ne Roho nibio Sitefano aaba nabio mu khulomaloma tawe. 11Khwako baonga babaandu balala khuloma bubeeyi bali, “Khumuulile ne aloma kamakhuwa ke mbelekeu khu Musa ne Wele!” 12Mu ngila yino baachilisia babaandu, babemeelesi ne baandiki be lilaka. Bafwakhila Sitefano mala bamuila ebweeni we kumuse. 13Nio bareera babaandu babaandi khumubeela bali, “Omundu yuno busiele alomanga kamabi khu Lukaangu lwefwe lutakatifu ne khu Lilaka lia Musa. 14Khwauliile ne aloma ali Yesu owa Nasareti yuno alonakila elala Lukaangu luno ne khurusiao kimiima nikio khwaebwa ne Musa!” 15Abo boosi ba baaba ne bekhaale mu muse baunguusa chimoni chabwe khu Sitefano, babona mumoni mwewe mwafwaanana nga mwa malaika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019