Yn. 20
20
Siliindwa sili busa
(Mat. 28.1-8; Mk. 16.1-8; Lk. 24.1-12)
1Khu ndaalo eya Chumapili enje ne siili mabwibwi, Maria Makatalena acha khu siliindwa mala abona libaale liarusiibwe emuliango we siliindwa. 2Atima acha ola khu Simoni Petero no mweka okundi, niye Yesu asiima, mala ababoolela ali, “Barusiisie Omwami mu siliindwa, mala se khwamanyile niio bamuyilile tawe!”
3Nio Petero no mweka okundi oyo bacha khu siliindwa 4Bombi baba balikho batima, omweeka okundi oyo atima lukali khukhila Petero, mala anyoa oola asiliindwa. 5Enama mala abona chisuuka cha katani, ne se acha mukari tawe. 6Simoni Petero echa enyuma wewe, mala acha khangu mu siliindwa. Abona chisuuka cha katani chili ao chong'ene. 7Ne chingubo nicho yaba bamuboa emurwe, nacho se chaba alala ne cha katani tawe, chaba cheulukuuse chong'ene. 8Nio omweeka okundi chana owanyoa oola asiliindwa yesi engilamo, abona mala asuubila. 9(Baba basiili khumanyilisia liiandiko liboola lili, khukhwola alamukhe mu lifwa tawe.) 10Mala babeeka bakobola engo.
Yesu abonekhela Maria Makatalena
(Mat. 28.9-10; Mk. 16.9-11)
11Maria eema enje we siliindwa nalililao. Nga aba nasilila, enama mala alola mu siliindwa, 12abona malaika babili bafwarire chingubo chiwaanga, bekhaale niio yaba kumubili kwa Yesu kwaba, mulala emurwe ne okundi ebikele. 13Bamureeba bali, “Mukhasiwe olalilanga siina?” Abakobosia ali, “Babukule Omwami wase mala se manya niio bamuyilile tawe!” 14Nio ekhebukha abona Yesu emileo, ne se amanya nali Yesu tawe. 15Yesu amureeba ali, “Mukhasiwe, olalilanga siina? Olikho oyiima naanu?”
Maria ebaasia ali manya ali omulimi we khalundu, nio amuboolela ali, “Omwami waaba ne omubukuule, mboolele niio omuyilile ne ndacha mala mu bukule.”
16Yesu amulaanga ali, “Maria!” Nio Maria, ekhebukha Yesu mala aboola mu Lueburania ali, “Raboni!” (Lino liboola lili, “Omwekisia.”)
17Yesu amuboolela ali, “Okhandilakho tawe.” Sikila khaniina nakobola niye Paapa ali tawe. Ne kakhali khoche khu bawandaayase mala obaboolele oli, ese ndikho ngobola khuyo oli Paapa wase lundi Paapa wabwe, Wele wase lundi Wele wabwe.
18Nio Maria Makatalena acha aboolela babeeka ali, abone Omwami, mala ababoolela niko Yesu aaba ne amuboleele.
Yesu abonekhana khu beeka bewe
(Mat. 28.16-20; Mk. 16.14-18; Lk. 24.36-49)
19Yaba Chumapili ekolooba, babeeka baba bebuusiisie alala munju mala bakhomekhe kimiliango, sikila baba barire Bayaudi be bunyali. Nio Yesu echa mala eema akari wabwe, aloma ali, “kumuleembe kube nanywe.” 20Enyuma we khuloma kano, abekesia kamakhono kewe ne mumbafu. Babeeka be khoya lukali nga babona Omwami. 21Yesu ababoolela lundi ali, “kumuleembe kube nanywe. Nga Paapa ne anduma ese, sesi ndikho muruma enywe.” 22Abafuakho kumuuya mala aloma ali, “Khemunyoole Roho Omutakatifu. 23#Mat. 16.19; 18.18 Ne mubeela babaandu bubwoni bwabwe, aba balabeelwa, ne mwaba ne mukhababeela tawe, aba se balabeelwa tawe.”
Yesu ne Tomasi
24Mulala khu beeka ekhumi na babili, Tomasi (Owalaangwa Mukhwana) se aba ne nabo nga Yesu ne echa tawe. 25Nio babeeka babaandi bamuboolela bali, “Khwaboone Omwami!” Tomasi ababoolela ali, “Ese ne khabone chimbala che kimisimari mukhono mwewe, mala nde lulwala lwase khu mbala chewe, ne kumukhono kwase mu mbala che mumbafu, se suubila tawe.” 26Enyuma we lichuuma, babeeka baba lundi alala munju mala bakhomekhe kimiliango. Tomasi aba ne nabo, Yesu echa mala eema akari wabwe aloma ali, “kumuleembe kube nanywe.” 27Nio aboolela Tomasi ali, “Ra ano lulwala lwowo, mala olole mukhono mwase, ne reera kumukhono kwowo ore mu mbafu mwase lekha khuayaaya khube mala osuubile!”
28Tomasi amukobosia ali, “Omwami wase, lundi Wele wase!”
29Yesu amuboolela ali, “Ewe wasuubiile sikila wamboone? Bali ne khabi abo basuubile ne bakhaboone tawe.”
Sifuno sie sitabu sino
30Yesu akhola kamayia kakaandi kamakali ebweeni we babeeka bewe kakhaandikwa mu sitabu sino tawe. 31Ne kano kaandikwe nio mwole khusuubila muli Yesu ali Kristo, Omwana owa Wele, ne khubirira mu lisuubila mu niye mwoole khuba ne bulamu.
Yesu abonekha khu beeka saba
Currently Selected:
Yn. 20: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Yn. 20
20
Siliindwa sili busa
(Mat. 28.1-8; Mk. 16.1-8; Lk. 24.1-12)
1Khu ndaalo eya Chumapili enje ne siili mabwibwi, Maria Makatalena acha khu siliindwa mala abona libaale liarusiibwe emuliango we siliindwa. 2Atima acha ola khu Simoni Petero no mweka okundi, niye Yesu asiima, mala ababoolela ali, “Barusiisie Omwami mu siliindwa, mala se khwamanyile niio bamuyilile tawe!”
3Nio Petero no mweka okundi oyo bacha khu siliindwa 4Bombi baba balikho batima, omweeka okundi oyo atima lukali khukhila Petero, mala anyoa oola asiliindwa. 5Enama mala abona chisuuka cha katani, ne se acha mukari tawe. 6Simoni Petero echa enyuma wewe, mala acha khangu mu siliindwa. Abona chisuuka cha katani chili ao chong'ene. 7Ne chingubo nicho yaba bamuboa emurwe, nacho se chaba alala ne cha katani tawe, chaba cheulukuuse chong'ene. 8Nio omweeka okundi chana owanyoa oola asiliindwa yesi engilamo, abona mala asuubila. 9(Baba basiili khumanyilisia liiandiko liboola lili, khukhwola alamukhe mu lifwa tawe.) 10Mala babeeka bakobola engo.
Yesu abonekhela Maria Makatalena
(Mat. 28.9-10; Mk. 16.9-11)
11Maria eema enje we siliindwa nalililao. Nga aba nasilila, enama mala alola mu siliindwa, 12abona malaika babili bafwarire chingubo chiwaanga, bekhaale niio yaba kumubili kwa Yesu kwaba, mulala emurwe ne okundi ebikele. 13Bamureeba bali, “Mukhasiwe olalilanga siina?” Abakobosia ali, “Babukule Omwami wase mala se manya niio bamuyilile tawe!” 14Nio ekhebukha abona Yesu emileo, ne se amanya nali Yesu tawe. 15Yesu amureeba ali, “Mukhasiwe, olalilanga siina? Olikho oyiima naanu?”
Maria ebaasia ali manya ali omulimi we khalundu, nio amuboolela ali, “Omwami waaba ne omubukuule, mboolele niio omuyilile ne ndacha mala mu bukule.”
16Yesu amulaanga ali, “Maria!” Nio Maria, ekhebukha Yesu mala aboola mu Lueburania ali, “Raboni!” (Lino liboola lili, “Omwekisia.”)
17Yesu amuboolela ali, “Okhandilakho tawe.” Sikila khaniina nakobola niye Paapa ali tawe. Ne kakhali khoche khu bawandaayase mala obaboolele oli, ese ndikho ngobola khuyo oli Paapa wase lundi Paapa wabwe, Wele wase lundi Wele wabwe.
18Nio Maria Makatalena acha aboolela babeeka ali, abone Omwami, mala ababoolela niko Yesu aaba ne amuboleele.
Yesu abonekhana khu beeka bewe
(Mat. 28.16-20; Mk. 16.14-18; Lk. 24.36-49)
19Yaba Chumapili ekolooba, babeeka baba bebuusiisie alala munju mala bakhomekhe kimiliango, sikila baba barire Bayaudi be bunyali. Nio Yesu echa mala eema akari wabwe, aloma ali, “kumuleembe kube nanywe.” 20Enyuma we khuloma kano, abekesia kamakhono kewe ne mumbafu. Babeeka be khoya lukali nga babona Omwami. 21Yesu ababoolela lundi ali, “kumuleembe kube nanywe. Nga Paapa ne anduma ese, sesi ndikho muruma enywe.” 22Abafuakho kumuuya mala aloma ali, “Khemunyoole Roho Omutakatifu. 23#Mat. 16.19; 18.18 Ne mubeela babaandu bubwoni bwabwe, aba balabeelwa, ne mwaba ne mukhababeela tawe, aba se balabeelwa tawe.”
Yesu ne Tomasi
24Mulala khu beeka ekhumi na babili, Tomasi (Owalaangwa Mukhwana) se aba ne nabo nga Yesu ne echa tawe. 25Nio babeeka babaandi bamuboolela bali, “Khwaboone Omwami!” Tomasi ababoolela ali, “Ese ne khabone chimbala che kimisimari mukhono mwewe, mala nde lulwala lwase khu mbala chewe, ne kumukhono kwase mu mbala che mumbafu, se suubila tawe.” 26Enyuma we lichuuma, babeeka baba lundi alala munju mala bakhomekhe kimiliango. Tomasi aba ne nabo, Yesu echa mala eema akari wabwe aloma ali, “kumuleembe kube nanywe.” 27Nio aboolela Tomasi ali, “Ra ano lulwala lwowo, mala olole mukhono mwase, ne reera kumukhono kwowo ore mu mbafu mwase lekha khuayaaya khube mala osuubile!”
28Tomasi amukobosia ali, “Omwami wase, lundi Wele wase!”
29Yesu amuboolela ali, “Ewe wasuubiile sikila wamboone? Bali ne khabi abo basuubile ne bakhaboone tawe.”
Sifuno sie sitabu sino
30Yesu akhola kamayia kakaandi kamakali ebweeni we babeeka bewe kakhaandikwa mu sitabu sino tawe. 31Ne kano kaandikwe nio mwole khusuubila muli Yesu ali Kristo, Omwana owa Wele, ne khubirira mu lisuubila mu niye mwoole khuba ne bulamu.
Yesu abonekha khu beeka saba
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019