LUKA 23
23
Yesu ayilwa imbeli wa Pilato
(Mat. 27:1-2,11-14; Mrk. 15:1-5; Yoh. 18:28-38)
1Mana abandu boosi nibayila Yesu imbeli wa Pilato. 2Nibachaaka okhumwinjilila itookho nibaboola bari, “Khwanyoolile omundu uno nakoyasinjia abandu befwe nabakaninjia mbu balarunga obushuru bwomuruchi wa Roma tawe. Khandi naboolanga mbu, ye niye Kristo, Omuruchi.” 3Naye Pilato nareeba Yesu ari, “Niwe omuruchi wa Abayahudi noho?”
Yesu nakalusia ari, “Niwe ouboolile.” 4Mana Pilato naboolela abakhulundu abesaaliisi nende abemikanda ari, “Shiendoola omundu uno nali neshikha shiosi shiosi eshichila akhalachilwe eshiina tawe.”
5Nabo nibatsiililila okhumulunyia bari, “Mukhwechesiakhwe, ayakululanga abandu okhuchaaka indiri mu Yudea mwosi. Yachaachila Galilaya, ne bulano witsile hano.”
Yesu ayilwa khu Herode
6Ne olwa Pilato yahulila ario, yareeba ari, “Omundu uno nomugalilaya noho?” 7Ne olwa yamanya mbu Yesu yali owomuburuchi bwa Herode, yamuhaana khu Herode, owali nali yesi mu Yerusalemu munyanga etsio. 8Olwa Herode yalola Yesu, yatsaatsahala muno, shichila yali niyahulila ifuma ya Yesu oluhoono olurambi. Ne yekombanga okhumulolakhwo shichila yali nanaayanga mbu, Yesu amukholelekhwo eshilolelo shiamakana. 9Kho Herode nachaaka okhumureba amareebo amanji, nebutswa Yesu shiyamukalusiakhwo likhuwa liosi liosi tawe. 10Kho abakhulundu babesaaliisi nende abeechesia bamalako nibasinjila nibaboola amakhuwa amabi muno khu Yesu. 11Mana Herode halala nabelihebe nibatseshelela Yesu, khandi nibamukholela akalakwanile tawe. Nibamufwala ikanzu ying'inang'ina, mana nibamukalusia ewa Pilato. 12Mana khunyanga eyo, Herode nende Pilato nibekhola abeetsa, nebutswa ako nikashili okhwikholekha balinji abasuku.
Yesu akhalachilwa okhufwa
(Mat. 27:15-26; Mrk. 15:6-15; Yoh. 18:39–19:16)
13Kho Pilato nakhung'asia halala abakhulundu babesaaliisi nende abaruchi nende abandu boosi, 14nababoolela ari, “Mureelire omundu uno ewanje nimuboola mbu akosinjia abandu. Nasi enonelesiye amakhuwake, ne shinyolilekhwo eshikha shiosi mumundu uno khumakhuwa aka mumwinjililekhwo itookho tawe. 15Kata Herode yesi shiamunyoolile neshika ta, niko akachilile namukalusia khwifwe. Ne lole, libulaho likhuwa liosi liosi elia yakholile elichila akhalachilwe okhufwa tawe. 16Khulweshio ndalalaka abelihe banje bamunyweshe mana emulekhuule.”
[ 17Buli olwa lisabo lia Pasaka liolanga, Pilato yabalekhulilanga omubohe mulala owabachama mbu abololwe.]
18Nebutswa omukanda kwosi halala nibaboola nomwoyo omukhongo bari, “Omundu uno yeerwe! Okhulekhuulile Baraba!” 19(Baraba yali niyabohwa khulwa obwiiri, khandi yali niyarela induli mwitookho).
20Pilato yenya okhulekhuula Yesu kho nareeba omukanda khandi. 21Nebutswa nibayiiba nibakalusia bari, “Mubambe! Mubambe!”
22Pilato naboola ninabo olwakhataru ari, “Ne nilibi shiina liakholile? Shinyoolanga muye eshikha shiosi shiosi eshichila yerwe ta! Ndalalaka abelihe banje bamunyweshe mana emulekhuule!”
23Nabo nibatsililila butswa okhuyiiba obutinyu mbu, okhuula Yesu abambwe, ne mukhumalilikha okhuyochela khwabwe okhwo khwamala nikhuhula. 24Kho Pilato nakhalachila Yesu eshiina shiokhufwa shinga olwa bali nibenyile. 25Namala nalekhuula omundu watsana owali niyabohwa khulwa induli nende obwiiri, ne nahaana Yesu khubo mbu bamukholele shinga olwa benya.
Yesu abambwa khumusalaba
(Mat. 27:32-44; Mrk. 15:21-32; Yoh. 19:17-27)
26Abelihe babukula Yesu nibarula ninaye, ne olwa bali nibatsitsanga, banyoola omusaatsa undi oulangwa mbu Simoni, owokhurula Kirene, owali niyenjilanga mwitookho. Bamutiila nibamutukha omusalaba kwa Yesu nibamulunyia okhukuchinga nalonda khu Yesu.
27Omukanda omukhongo kwabandu kwamulondakhwo, ne balala khubo bali abakhasi abali nibekhulanga nibamulilila. 28Ne Yesu yashiukhana nababoolela ari, “Inywe abakhasi ba Yerusalemu! Mulandilile isie ta, nebutswa mwililile inywe abeene nende abaana benywe. 29Okhuba lole tsinyanga tsitsanga olwa abandu baliboola mbu, ‘Nabeikhabi abakhasi abakumba nende abo abalayebulakhwo abaana nibanuniakhwo tawe!’ 30#Hos. 10:8; Obufw. 6:16Ebise ebio, abandu baliboolela tsingulu bari, ‘Khukwile!’ Khandi khu bikulu bari, ‘Khufwiimbe!’ 31Okhuba nibaba nibakhola kano omusaala nikushili omubisi, nakaleena akabalakhola omusaala nikwakhoma?”
32Khandi abandu bandi babili abali nibafunache amalako bosi bayilwa mbu batsie berwe halala nende Yesu. 33Ne olwa boola habundu halangwa mbu, “Eshihanganga,” abelihe Abaroma babambilaho Yesu nende abali nibafunache amalako abo, mulala khumukhono musaatsa kwa Yesu, naye oundi khumukhonokwe mukhasi. 34#Tsits. 22:18Yesu naboola ari, “Papa, obaleshele, shichila shibamanyile eshiabakholanga tawe.” . Mana abelihe Abaroma abo nibakhupa ikha khulwa okhukabana ebifwalobie. 35#Tsits. 22:7Abandu basinjilaho nibahenganga, nebutswa abemilisi aba Abayahudi bamunyokhoosia nibaboola bari, “Yahonia abandi, kho lekha yehonie omwene naba nali ye Kristo wa Nyasaye, owa yalobola!”
36 #
Tsits. 69:21
Abelihe bosi nibamunyokhoosia ne nibamuhelesia idivai eyiranyile, 37nibaboola bari, “Noba noli omuruchi wa Abayahudi, wihonie omwene!”
38Khandi hekuluwe bahandiko amakhuwa mbu, “Uno niye Yesu Omuruchi wa Abayahudi.” 39Ne mulala khubali nibafunache amalako abo, owabambwa nende Yesu, yanyeka Yesu naboola ari, “Shioli niwe Kristo watsana? Wihonie omwene khandi okhuhonie ifwe.”
40Nebutswa oundi oyo yamuhalabila naboola ari, “Shiohelesiakhwo Nyasaye oluyali ta, ne okhalachiilwe eshiina shilala ninaye? 41Ifwe khukhoyile okhukhalachilwa eshiina, okhuba khunyoolanga omurungo khulwa ebikhole biefwe ebibi, nebutswa omundu uno shiakholilekhwo libi liosi liosi tawe.” 42Mana naboolela Yesu ari, “Unzitsulile lwolitsa noli Omuruchi.”
43Yesu namuboolela ari, “Ekhuboolela toto mbu, leelo luno olaba ninasi mu Paradiso.”
Okhufwa khwa Yesu
(Mat. 27:45-56; Mrk. 15:33-41; Yoh. 19:28-30)
44 #
Okhur. 26:31-33
Ne yali ahambi isaa yakhasasaba eshiteere, olwa eshialo shiosi shieliima okhuula khusaa yashienda. 45Ne ingubo eyashinganga muhekalu niyirandukhamwo ebitonye bibili. 46#Tsits. 31:5Naye Yesu nayiiba nomwoyo omukhongo naboola ari, “Papa! Ehaana omwoyo kwanje mumakhonoko!” Ne olwa yali niyakhaboola ario, yakwisia omwoyo nafwa.
47Ne lwomwimilisi wabelihe yalola akali nikekholeeshe, yetsoomia Nyasaye naboola ari, “Omundu uno toto abeele omulunjishi!”
48Ne abomukanda abali nibakhung'anileho, olwa balola akekholekha, boosi bakalukha ingo nibekhupanga butswa khubilifu nibabeleele. 49#Luka 8:2,3Boosi abali nibamumanya Yesu halala nende abakhasi okhurula Galilaya abali nibamulondangakhwo, basinjila ehalekhwo nibalola amakhuwa ako.
Yesu ayabilwa
(Mat. 27:57-61; Mrk. 15:42-47; Yoh. 19:38-42)
50Ne omundu undi yaliho owalangwa mbu, Yosefu, owomwitookho lia Arimatsaya liomulukongo lwa Yudea. Yali omundu omulayi khandi omulunjishi owali nalindililanga okhwitsa okhwa Obwami bwa Nyasaye. 51Yali mulala khubeshiina eshia Abayahudi, nebutswa shiyafuchilisania ninabo khubukhalachi bwabwe nende akabakhola ako tawe. 52Omundu oyo natsia khu Pilato namusaba omubili kwa Yesu. 53Mana nakurusia khumusalaba, nakufimbakhwo isanda yeikitani, ne nakuyabila mung'ani, eyali niyayabwa mulwanda, yomundu yesi yali nashili okhuyabilwamwo tawe. 54Yali inyanga yokhwirechekha khulwa inyanga eya Isabato, eyali niyili ahambi okhuchaaka. 55Abakhasi abali nibalondile khu Yesu okhurula Galilaya balonda khu Yosefu nibalola ing'ani nende shinga lwomubili kwa Yesu kwarebwamwo. 56#Okhur. 20:10; Okhuk. 5:14Nibakalukha nibakaasia emisaala chieshing'ari nende amafura kokhubakha omubilikwe.
Ne khunyanga eya Isabato bahuluukha, shinga olwa eshiima shiabwe shiali.
Currently Selected:
LUKA 23: OLUDC
Highlight
Share
Copy
Want to have your highlights saved across all your devices? Sign up or sign in
LUKA 23
23
Yesu ayilwa imbeli wa Pilato
(Mat. 27:1-2,11-14; Mrk. 15:1-5; Yoh. 18:28-38)
1Mana abandu boosi nibayila Yesu imbeli wa Pilato. 2Nibachaaka okhumwinjilila itookho nibaboola bari, “Khwanyoolile omundu uno nakoyasinjia abandu befwe nabakaninjia mbu balarunga obushuru bwomuruchi wa Roma tawe. Khandi naboolanga mbu, ye niye Kristo, Omuruchi.” 3Naye Pilato nareeba Yesu ari, “Niwe omuruchi wa Abayahudi noho?”
Yesu nakalusia ari, “Niwe ouboolile.” 4Mana Pilato naboolela abakhulundu abesaaliisi nende abemikanda ari, “Shiendoola omundu uno nali neshikha shiosi shiosi eshichila akhalachilwe eshiina tawe.”
5Nabo nibatsiililila okhumulunyia bari, “Mukhwechesiakhwe, ayakululanga abandu okhuchaaka indiri mu Yudea mwosi. Yachaachila Galilaya, ne bulano witsile hano.”
Yesu ayilwa khu Herode
6Ne olwa Pilato yahulila ario, yareeba ari, “Omundu uno nomugalilaya noho?” 7Ne olwa yamanya mbu Yesu yali owomuburuchi bwa Herode, yamuhaana khu Herode, owali nali yesi mu Yerusalemu munyanga etsio. 8Olwa Herode yalola Yesu, yatsaatsahala muno, shichila yali niyahulila ifuma ya Yesu oluhoono olurambi. Ne yekombanga okhumulolakhwo shichila yali nanaayanga mbu, Yesu amukholelekhwo eshilolelo shiamakana. 9Kho Herode nachaaka okhumureba amareebo amanji, nebutswa Yesu shiyamukalusiakhwo likhuwa liosi liosi tawe. 10Kho abakhulundu babesaaliisi nende abeechesia bamalako nibasinjila nibaboola amakhuwa amabi muno khu Yesu. 11Mana Herode halala nabelihebe nibatseshelela Yesu, khandi nibamukholela akalakwanile tawe. Nibamufwala ikanzu ying'inang'ina, mana nibamukalusia ewa Pilato. 12Mana khunyanga eyo, Herode nende Pilato nibekhola abeetsa, nebutswa ako nikashili okhwikholekha balinji abasuku.
Yesu akhalachilwa okhufwa
(Mat. 27:15-26; Mrk. 15:6-15; Yoh. 18:39–19:16)
13Kho Pilato nakhung'asia halala abakhulundu babesaaliisi nende abaruchi nende abandu boosi, 14nababoolela ari, “Mureelire omundu uno ewanje nimuboola mbu akosinjia abandu. Nasi enonelesiye amakhuwake, ne shinyolilekhwo eshikha shiosi mumundu uno khumakhuwa aka mumwinjililekhwo itookho tawe. 15Kata Herode yesi shiamunyoolile neshika ta, niko akachilile namukalusia khwifwe. Ne lole, libulaho likhuwa liosi liosi elia yakholile elichila akhalachilwe okhufwa tawe. 16Khulweshio ndalalaka abelihe banje bamunyweshe mana emulekhuule.”
[ 17Buli olwa lisabo lia Pasaka liolanga, Pilato yabalekhulilanga omubohe mulala owabachama mbu abololwe.]
18Nebutswa omukanda kwosi halala nibaboola nomwoyo omukhongo bari, “Omundu uno yeerwe! Okhulekhuulile Baraba!” 19(Baraba yali niyabohwa khulwa obwiiri, khandi yali niyarela induli mwitookho).
20Pilato yenya okhulekhuula Yesu kho nareeba omukanda khandi. 21Nebutswa nibayiiba nibakalusia bari, “Mubambe! Mubambe!”
22Pilato naboola ninabo olwakhataru ari, “Ne nilibi shiina liakholile? Shinyoolanga muye eshikha shiosi shiosi eshichila yerwe ta! Ndalalaka abelihe banje bamunyweshe mana emulekhuule!”
23Nabo nibatsililila butswa okhuyiiba obutinyu mbu, okhuula Yesu abambwe, ne mukhumalilikha okhuyochela khwabwe okhwo khwamala nikhuhula. 24Kho Pilato nakhalachila Yesu eshiina shiokhufwa shinga olwa bali nibenyile. 25Namala nalekhuula omundu watsana owali niyabohwa khulwa induli nende obwiiri, ne nahaana Yesu khubo mbu bamukholele shinga olwa benya.
Yesu abambwa khumusalaba
(Mat. 27:32-44; Mrk. 15:21-32; Yoh. 19:17-27)
26Abelihe babukula Yesu nibarula ninaye, ne olwa bali nibatsitsanga, banyoola omusaatsa undi oulangwa mbu Simoni, owokhurula Kirene, owali niyenjilanga mwitookho. Bamutiila nibamutukha omusalaba kwa Yesu nibamulunyia okhukuchinga nalonda khu Yesu.
27Omukanda omukhongo kwabandu kwamulondakhwo, ne balala khubo bali abakhasi abali nibekhulanga nibamulilila. 28Ne Yesu yashiukhana nababoolela ari, “Inywe abakhasi ba Yerusalemu! Mulandilile isie ta, nebutswa mwililile inywe abeene nende abaana benywe. 29Okhuba lole tsinyanga tsitsanga olwa abandu baliboola mbu, ‘Nabeikhabi abakhasi abakumba nende abo abalayebulakhwo abaana nibanuniakhwo tawe!’ 30#Hos. 10:8; Obufw. 6:16Ebise ebio, abandu baliboolela tsingulu bari, ‘Khukwile!’ Khandi khu bikulu bari, ‘Khufwiimbe!’ 31Okhuba nibaba nibakhola kano omusaala nikushili omubisi, nakaleena akabalakhola omusaala nikwakhoma?”
32Khandi abandu bandi babili abali nibafunache amalako bosi bayilwa mbu batsie berwe halala nende Yesu. 33Ne olwa boola habundu halangwa mbu, “Eshihanganga,” abelihe Abaroma babambilaho Yesu nende abali nibafunache amalako abo, mulala khumukhono musaatsa kwa Yesu, naye oundi khumukhonokwe mukhasi. 34#Tsits. 22:18Yesu naboola ari, “Papa, obaleshele, shichila shibamanyile eshiabakholanga tawe.” . Mana abelihe Abaroma abo nibakhupa ikha khulwa okhukabana ebifwalobie. 35#Tsits. 22:7Abandu basinjilaho nibahenganga, nebutswa abemilisi aba Abayahudi bamunyokhoosia nibaboola bari, “Yahonia abandi, kho lekha yehonie omwene naba nali ye Kristo wa Nyasaye, owa yalobola!”
36 #
Tsits. 69:21
Abelihe bosi nibamunyokhoosia ne nibamuhelesia idivai eyiranyile, 37nibaboola bari, “Noba noli omuruchi wa Abayahudi, wihonie omwene!”
38Khandi hekuluwe bahandiko amakhuwa mbu, “Uno niye Yesu Omuruchi wa Abayahudi.” 39Ne mulala khubali nibafunache amalako abo, owabambwa nende Yesu, yanyeka Yesu naboola ari, “Shioli niwe Kristo watsana? Wihonie omwene khandi okhuhonie ifwe.”
40Nebutswa oundi oyo yamuhalabila naboola ari, “Shiohelesiakhwo Nyasaye oluyali ta, ne okhalachiilwe eshiina shilala ninaye? 41Ifwe khukhoyile okhukhalachilwa eshiina, okhuba khunyoolanga omurungo khulwa ebikhole biefwe ebibi, nebutswa omundu uno shiakholilekhwo libi liosi liosi tawe.” 42Mana naboolela Yesu ari, “Unzitsulile lwolitsa noli Omuruchi.”
43Yesu namuboolela ari, “Ekhuboolela toto mbu, leelo luno olaba ninasi mu Paradiso.”
Okhufwa khwa Yesu
(Mat. 27:45-56; Mrk. 15:33-41; Yoh. 19:28-30)
44 #
Okhur. 26:31-33
Ne yali ahambi isaa yakhasasaba eshiteere, olwa eshialo shiosi shieliima okhuula khusaa yashienda. 45Ne ingubo eyashinganga muhekalu niyirandukhamwo ebitonye bibili. 46#Tsits. 31:5Naye Yesu nayiiba nomwoyo omukhongo naboola ari, “Papa! Ehaana omwoyo kwanje mumakhonoko!” Ne olwa yali niyakhaboola ario, yakwisia omwoyo nafwa.
47Ne lwomwimilisi wabelihe yalola akali nikekholeeshe, yetsoomia Nyasaye naboola ari, “Omundu uno toto abeele omulunjishi!”
48Ne abomukanda abali nibakhung'anileho, olwa balola akekholekha, boosi bakalukha ingo nibekhupanga butswa khubilifu nibabeleele. 49#Luka 8:2,3Boosi abali nibamumanya Yesu halala nende abakhasi okhurula Galilaya abali nibamulondangakhwo, basinjila ehalekhwo nibalola amakhuwa ako.
Yesu ayabilwa
(Mat. 27:57-61; Mrk. 15:42-47; Yoh. 19:38-42)
50Ne omundu undi yaliho owalangwa mbu, Yosefu, owomwitookho lia Arimatsaya liomulukongo lwa Yudea. Yali omundu omulayi khandi omulunjishi owali nalindililanga okhwitsa okhwa Obwami bwa Nyasaye. 51Yali mulala khubeshiina eshia Abayahudi, nebutswa shiyafuchilisania ninabo khubukhalachi bwabwe nende akabakhola ako tawe. 52Omundu oyo natsia khu Pilato namusaba omubili kwa Yesu. 53Mana nakurusia khumusalaba, nakufimbakhwo isanda yeikitani, ne nakuyabila mung'ani, eyali niyayabwa mulwanda, yomundu yesi yali nashili okhuyabilwamwo tawe. 54Yali inyanga yokhwirechekha khulwa inyanga eya Isabato, eyali niyili ahambi okhuchaaka. 55Abakhasi abali nibalondile khu Yesu okhurula Galilaya balonda khu Yosefu nibalola ing'ani nende shinga lwomubili kwa Yesu kwarebwamwo. 56#Okhur. 20:10; Okhuk. 5:14Nibakalukha nibakaasia emisaala chieshing'ari nende amafura kokhubakha omubilikwe.
Ne khunyanga eya Isabato bahuluukha, shinga olwa eshiima shiabwe shiali.
Currently Selected:
:
Highlight
Share
Copy
Want to have your highlights saved across all your devices? Sign up or sign in