JENESIS 11
11
Ka jingtei ïa ka Babel
1Bad ka pyrthei baroh ka la long kawei ka ktien, bad kawei ka jingkren. 2Ka la jia ruh, haba ki nang ïaleit kynriah noh na mihngi, ba ki la shem ïa ka 'dewmadan heh ha ka ri Shinar; bad hangta ki la ïashong duh. 3Bad ki la ïa-ong paralok hi, “Ïa, ngin ïathaw ïa ki maw-it, bad ngin ïathang bha ïa ki.” Te ki maw-it ki la don ha ka jaka ki maw, bad ka bsiang ka la don ha ka jaka ka sorki. 4Ki la ïa-ong ruh, “Ïa, ngin ïatei ïa ka nongbah kawei ïa lade bad ïa ka kut ruh kawei, kaba ka kliar jong ka kan kot haduh ka bneng; bad to ngin ïathaw nam ïa lade, ba ïoh yn pynsakma kylleng ïa ngi ha khmat ka pyrthei baroh.” 5Bad U Trai u la wan hiar ïa ka ban khmih ïa kata ka nongbah bad ïa kata ka kut, ïa kaba ki la lah ïatei ki khun bynriew. 6U Trai u la ong ruh, “Ha khmih, ki briew ki long uwei u paidlang, bad ki don baroh tang kawei ka ktien; bad ïa kane ki ïasdang ban leh: te mynta kaei kaei ruh em kan ym khang ïa ki ban leh, ïa kaba ki la lah ïathmu keiñ. 7Ïa, ngin ïaleit hiar, bad ngin ïa-pynbakla ïa ka ktien jong ki hangta, ba kin ym ïasngewthuh shuh ïa ka ktien paralok hi.” 8Kumta, U Trai u la pynsakma ïa ki kylleng nangta ha khmat ka pyrthei baroh; te ki la ïapep noh na ka ban ïatei ïa kata ka nongbah. 9Namar kata, la khot “Babel” ïa ka; naba U Trai u la pynbakla hangta ïa ka ktien ka pyrthei baroh: bad nangta ruh U Trai u la pynsakma ïa ki kylleng ha khmat ka pyrthei baroh.
Kiba hiar pateng na u Shem
(1 Khrn. 1:24-27)
10Kine ki long ki jinghiar pateng jong u Shem: u Shem u la long shispah snem ka rta, bad u la pynkha ïa u Arphakshad ar snem hadien kata ka jingshlei: 11bad u Shem u la im hadien ba u la pynkha ïa u Arphakshad, sanspah snem, bad u la pynkha ïa ki khun shynrang bad ïa ki khun kynthei.
12Bad u Arphakshad u la im laiphew san snem, bad u la pynkha ïa u Shelah: 13bad u Arphakshad u la im hadien ba u la pynkha ïa u Shelah, sawspah lai snem, bad u la pynkha ïa ki khun shynrang bad ïa ki khun kynthei.
14Bad u Shelah u la im laiphew snem, bad u la pynkha ïa u Eber: 15bad u Shelah u la im hadien ba u la pynkha ïa u Eber, sawspah lai snem, bad u la pynkha ïa ki khun shynrang bad ïa ki khun kynthei.
16Bad u Eber u la im laiphew saw snem, bad u la pynkha ïa u Peleg: 17bad u Eber u la im hadien ba u la pynkha ïa u Peleg, sawspah laiphew snem, bad u la pynkha ïa ki khun shynrang bad ïa ki khun kynthei.
18Bad u Peleg u la im laiphew snem, bad u la pynkha ïa u Reu: 19bad u Peleg u la im hadien ba u la pynkha ïa u Reu, arspah khyndai snem, bad u la pynkha ïa ki khun shynrang bad ïa ki khun kynthei.
20Bad u Reu u la im laiphew ar snem, bad u la pynkha ïa u Serug: 21bad u Reu u la im hadien ba u la pynkha ïa u Serug, arspah hynñiew snem bad u la pynkha ïa ki khun shynrang bad ïa ki khun kynthei.
22Bad u Serug u la im laiphew snem, bad u la pynkha ïa u Nahor: 23bad u Serug u la im hadien ba u la pynkha ïa u Nahor, arspah snem, bad u la pynkha ïa ki khun shynrang bad ïa ki khun kynthei.
24Bad u Nahor u la im arphew khyndai snem, bad u la pynkha ïa u Terah: 25bad u Nahor u la im hadien ba u la pynkha ïa u Terah, shispah khatkhyndai snem, bad u la pynkha ïa ki khun shynrang bad ïa ki khun kynthei. 26Bad u Terah u la im hynñiewphew snem, bad u la pynkha ïa u Abram, ïa u Nahor, bad ïa u Haran.
Kiba hiar pateng na u Terah
27Bad kine ki long ki jinghiar pateng bynriew jong u Terah: u Terah u la pynkha ïa u Abram, ïa u Nahor, bad ïa u Haran; bad u Haran u la pynkha ïa u Lot. 28Te u Haran u la ïap mynshuwa ïa u Terah u kpa jong u ha ka ri ba kha ïa u, ha ka shnong Ur kaba ha ka ri ki Khaldi. 29Bad u Abram bad u Nahor ki la ïoh ïa la ka tnga ka tnga: ka kyrteng ka tnga u Abram ka la long “ka Sarai”: bad ka kyrteng ka tnga u Nahor ka la long “ka Milkah”, ka khun u Haran, u kpa ka Milkah, bad u kpa ka Iskah. 30Bad ka Sarai ka la long kaba lyngki; kam shym ïoh khun.
31Bad u Terah u la shim ïa u Abram u khun jong u, bad ïa u Lot u khun u Haran, u ksiew jong u, bad ïa ka Sarai ka pyrsa kurim jong u, ka tnga u Abram u khun jong u; bad ki la ïaleit mih noh lang na ka shnong Ur, kaba ha ka ri ki Khaldi, ïa ka ban leit sha ka ri Kanaan; bad ki la ïawan poi sha Haran, bad ki la ïashong sah hangta. 32Te ki sngi jong u Terah ki la long arspah san snem: bad u Terah u la ïap ha Haran.
Currently Selected:
JENESIS 11: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 11
11
Ka jingtei ïa ka Babel
1Bad ka pyrthei baroh ka la long kawei ka ktien, bad kawei ka jingkren. 2Ka la jia ruh, haba ki nang ïaleit kynriah noh na mihngi, ba ki la shem ïa ka 'dewmadan heh ha ka ri Shinar; bad hangta ki la ïashong duh. 3Bad ki la ïa-ong paralok hi, “Ïa, ngin ïathaw ïa ki maw-it, bad ngin ïathang bha ïa ki.” Te ki maw-it ki la don ha ka jaka ki maw, bad ka bsiang ka la don ha ka jaka ka sorki. 4Ki la ïa-ong ruh, “Ïa, ngin ïatei ïa ka nongbah kawei ïa lade bad ïa ka kut ruh kawei, kaba ka kliar jong ka kan kot haduh ka bneng; bad to ngin ïathaw nam ïa lade, ba ïoh yn pynsakma kylleng ïa ngi ha khmat ka pyrthei baroh.” 5Bad U Trai u la wan hiar ïa ka ban khmih ïa kata ka nongbah bad ïa kata ka kut, ïa kaba ki la lah ïatei ki khun bynriew. 6U Trai u la ong ruh, “Ha khmih, ki briew ki long uwei u paidlang, bad ki don baroh tang kawei ka ktien; bad ïa kane ki ïasdang ban leh: te mynta kaei kaei ruh em kan ym khang ïa ki ban leh, ïa kaba ki la lah ïathmu keiñ. 7Ïa, ngin ïaleit hiar, bad ngin ïa-pynbakla ïa ka ktien jong ki hangta, ba kin ym ïasngewthuh shuh ïa ka ktien paralok hi.” 8Kumta, U Trai u la pynsakma ïa ki kylleng nangta ha khmat ka pyrthei baroh; te ki la ïapep noh na ka ban ïatei ïa kata ka nongbah. 9Namar kata, la khot “Babel” ïa ka; naba U Trai u la pynbakla hangta ïa ka ktien ka pyrthei baroh: bad nangta ruh U Trai u la pynsakma ïa ki kylleng ha khmat ka pyrthei baroh.
Kiba hiar pateng na u Shem
(1 Khrn. 1:24-27)
10Kine ki long ki jinghiar pateng jong u Shem: u Shem u la long shispah snem ka rta, bad u la pynkha ïa u Arphakshad ar snem hadien kata ka jingshlei: 11bad u Shem u la im hadien ba u la pynkha ïa u Arphakshad, sanspah snem, bad u la pynkha ïa ki khun shynrang bad ïa ki khun kynthei.
12Bad u Arphakshad u la im laiphew san snem, bad u la pynkha ïa u Shelah: 13bad u Arphakshad u la im hadien ba u la pynkha ïa u Shelah, sawspah lai snem, bad u la pynkha ïa ki khun shynrang bad ïa ki khun kynthei.
14Bad u Shelah u la im laiphew snem, bad u la pynkha ïa u Eber: 15bad u Shelah u la im hadien ba u la pynkha ïa u Eber, sawspah lai snem, bad u la pynkha ïa ki khun shynrang bad ïa ki khun kynthei.
16Bad u Eber u la im laiphew saw snem, bad u la pynkha ïa u Peleg: 17bad u Eber u la im hadien ba u la pynkha ïa u Peleg, sawspah laiphew snem, bad u la pynkha ïa ki khun shynrang bad ïa ki khun kynthei.
18Bad u Peleg u la im laiphew snem, bad u la pynkha ïa u Reu: 19bad u Peleg u la im hadien ba u la pynkha ïa u Reu, arspah khyndai snem, bad u la pynkha ïa ki khun shynrang bad ïa ki khun kynthei.
20Bad u Reu u la im laiphew ar snem, bad u la pynkha ïa u Serug: 21bad u Reu u la im hadien ba u la pynkha ïa u Serug, arspah hynñiew snem bad u la pynkha ïa ki khun shynrang bad ïa ki khun kynthei.
22Bad u Serug u la im laiphew snem, bad u la pynkha ïa u Nahor: 23bad u Serug u la im hadien ba u la pynkha ïa u Nahor, arspah snem, bad u la pynkha ïa ki khun shynrang bad ïa ki khun kynthei.
24Bad u Nahor u la im arphew khyndai snem, bad u la pynkha ïa u Terah: 25bad u Nahor u la im hadien ba u la pynkha ïa u Terah, shispah khatkhyndai snem, bad u la pynkha ïa ki khun shynrang bad ïa ki khun kynthei. 26Bad u Terah u la im hynñiewphew snem, bad u la pynkha ïa u Abram, ïa u Nahor, bad ïa u Haran.
Kiba hiar pateng na u Terah
27Bad kine ki long ki jinghiar pateng bynriew jong u Terah: u Terah u la pynkha ïa u Abram, ïa u Nahor, bad ïa u Haran; bad u Haran u la pynkha ïa u Lot. 28Te u Haran u la ïap mynshuwa ïa u Terah u kpa jong u ha ka ri ba kha ïa u, ha ka shnong Ur kaba ha ka ri ki Khaldi. 29Bad u Abram bad u Nahor ki la ïoh ïa la ka tnga ka tnga: ka kyrteng ka tnga u Abram ka la long “ka Sarai”: bad ka kyrteng ka tnga u Nahor ka la long “ka Milkah”, ka khun u Haran, u kpa ka Milkah, bad u kpa ka Iskah. 30Bad ka Sarai ka la long kaba lyngki; kam shym ïoh khun.
31Bad u Terah u la shim ïa u Abram u khun jong u, bad ïa u Lot u khun u Haran, u ksiew jong u, bad ïa ka Sarai ka pyrsa kurim jong u, ka tnga u Abram u khun jong u; bad ki la ïaleit mih noh lang na ka shnong Ur, kaba ha ka ri ki Khaldi, ïa ka ban leit sha ka ri Kanaan; bad ki la ïawan poi sha Haran, bad ki la ïashong sah hangta. 32Te ki sngi jong u Terah ki la long arspah san snem: bad u Terah u la ïap ha Haran.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India