JENESIS 27
27
U Jakob u ïoh pdiang ka jingkyrkhu na u Isaak
1Ka la jia ruh, ba haba la tymmen u Isaak, bad ba ki khmat jong u ki la byrngut, katba um imat shynna shuh, ba u la khot ïa u Iso u khun u banyngkong jong u, bad u la ong ha u, “Ko khun”; u te u la ong ha u, “Ha khmih, ma nga.” 2Bad u la ong, “Ha khmih mynta, nga la tymmen, bad ïa ka sngi ka jingïap jong nga ngam tip. 3Bad mynta te, to shim, nga kyrpad ïa me, ïa la ki atiar, ïa la ka ryngkap bad ïa la ka ryntieh keiñ, bad to khie leit sha ka lyngkha, bad to kem ka doh skei ïa nga, 4bad to shet ïa nga ïa ka jingbam ka babang, katba nga sngewbrai hi ban bam, bad to wallam ruh ha nga, ba ngan ïoh bam ba ka mynsiem jong nga kan ïoh kyrkhu ïa me mynshuwa ba ngan ïap noh.”
5 #
Jen. 12:3; Jkñ. 24:9. Te ka Rebekka ka la ïohsngew mynba u Isaak u la kren ha u Iso u khun jong u. Bad u Iso u la leit noh sha ka lyngkha ïa ka ban beh skei, ba un ïoh wallam. 6Ynda kumta, ka Rebekka ka la ong ha u Jakob u khun jong ka, ka da ong, “Ha khmih, nga la ïohsngew ïa u kpa jong me ba u da kren ha u Iso u hynmen jong me, u da ong, 7‘To wallam ha nga ïa ka doh mrad, bad to shet ïa nga ïa ka jingbam ka babang, ba ngan ïoh bam, bad ba ngan ïoh kyrkhu ïa me ha khmat U Trai shuwa ba ngan ïap noh.’ 8Te mynta, ko khun, to sngew ïa ka ktien jong nga shaphang kata ïa kaba ngan sa hukum ïa me. 9To khie leit mynta sha ka kynhun blang, bad to wallam nangta ha nga ïa ar tylli ki khun blang shynrang ki basngaid bha; bad nga ruh ngan shet ïa ka jingbam ka babang da ki, ïa u kpa jong me, katba u sngewbha eh hi keiñ; 10bad me men leit ai ïa ka ha u kpa jong me, ba un ïoh bam, bad ba un ïoh kyrkhu ïa me mynshuwa ba u ïap noh.” 11Te u Jakob u la ong ha ka Rebekka ka kmie jong u, “Ha khmih, u Iso u hynmen jong nga u long u briew ba-mih shñiuh eh ha u, haba ma nga, nga long u briew u bajlih: 12u kpa jong nga lehse un tba ïa nga, te ngan long kum u nongshukor ha khmat jong u; kumta, ngan pynwan hiar halor jong nga hi ïa ka jingtim, bad ym ïa ka jingkyrkhu.” 13Hynrei, ka kmie jong u ka la ong ha u, “To ai ba ka jingtim jong me kan long halor jong nga ko khun: tang ba men shahshkor ïa ka ktien jong nga, bad to khie leit wallam ïa ki ha nga.” 14U te u la leit, bad u la shim ïa ki khun blang, bad u la wallam ïa ki sha la ka kmie: bad ka kmie jong u ka la shet ïa ka jingbam ka babang, katba u sngewbha eh hi u kpa jong u. 15Bad ka Rebekka ka la shim ïa ki jaiñkup kiba itynnad eh ki jong u Iso u khun banyngkong jong ka kiba la don bad ka ha ïing, bad ka la pynkup ïa ki ha u Jakob u khun bakhatduh jong ka; 16bad ha ki kti jong u, bad ha ka bajlih ka ryndang jong u, ka la buh ïa ki snieh jong kita ki khun blang; 17bad ka la ai ïa kata ka jingbam ka babang bad ïa u kpu ïa kiba ka la lah shet lypa, ha ka kti u Jakob u khun jong ka.
18Bad u la leit bsut sha la u kpa, bad u la ong, “Ko kpa”: u te u la ong, “Ha khmih ma nga; me long uei, ko khun?” 19Bad u Jakob u la ong ha la u kpa, “Nga long u Iso u khun uba la kha nyngkong jong me; nga la leh keiñ kumba me la bthah ha nga: to da khie, nga kyrpad ïa me, to shong to bam ruh na ka doh beh mrad jong nga, ba ka mynsiem jong me kan ïoh kyrkhu ïa nga.” 20Bad u Isaak u la ong ha la u khun, “Kumno ko khun, ba me la shem ïa ka shen katta katta?” U te u la ong, “Namar ba U Trai uba U Blei jong me u la pynwan ïa ka ha khmat jong nga.” 21Te u Isaak u la ong ha u Jakob, “To ale kham hajan mynta, ba ngan ïoh tba ïa me ko khun, la shisha me long u Iso u khun jong nga ne em.” 22Bad u Jakob u la leit kham hajan u Isaak u kpa jong u; u te u la tba ïa u, bad u la ong, “Ka ktien ka long ka ktien u Jakob, hynrei, ki kti ki long ki kti u Iso keiñ.” 23Te um shym lah ithuh ïa u, namar ba ki kti jong u ki la long kiba shñiuh, kum ki kti u Iso: namar kata, u la kyrkhu ïa u. 24U la ong ruh, “Shisha me long u Iso u khun jong nga hi?” U ruh u la ïathuh, “Nga long keiñ.” 25Ynda kumta, u la ong, “To wallam hajan jong nga bad to ai ba ngan bam na ka doh skei u khun jong nga, ba ka mynsiem jong nga kan ïoh kyrkhu ïa me.” Te u la wallam hajan jong u bad u la bam: bad u la wallam ïa ka umsoh Waiñ ha u bad u la dih. 26Ynda kumta, u Isaak u kpa jong u, u la ong ha u, “To ale hajan mynta, bad to doh ïa nga ko khun.” 27#Heb. 11:20.Bad u la wan hajan, bad u la doh ïa u: bad u la iw ïa ka jingiw ki jaiñkup jong u, bad u la kyrkhu ruh ïa u, bad u da ong,
“Ha khmih,
ka jingiw u khun jong nga
ka long kum ka jingiw
ka lyngkha
ïa kaba U Trai
u la kyrkhu!
28Kumta, to long
ba U Blei un da ai ha me
na ka umjer bneng,
bad na ka jingsngaid
ka khyndew,
bad ka bun byrhien
na u Kew
bad ka umsoh Waiñ:
29 #
Jen. 12:3. to long ba ki paidlang
kin ïashakri ïa me,
bad ki jaid bynriew
kin ïadem khrup ha me:
to long u trai halor
la ki para,
bad to long
ba ki khun shynrang
ka kmie jong me
kin dem khrup ha me:
uta uba tim ïa me
un long uba
la shah tim hi,
bad uta uba kyrkhu ïa me
un long uba
la shah kyrkhu hi.”
30Ka la jia ruh, ynda u Isaak u la lah wai noh ban kyrkhu ïa u Jakob, bad tang shu lah mih noh shabar u Jakob na khmat u Isaak u kpa jong u, ba u Iso ruh, u hynmen jong u, u la wan na la kaba beh mrad. 31Bad u ruh de u la lah shet ïa ka jingbam ka babang bad u la wallam ïa ka ha la u kpa, bad u la ong ha la u kpa, “To ai ba un khie u kpa jong nga, ba un bam ruh na ka doh skei u khun jong u, ba ka mynsiem jong me kan ïoh kyrkhu ïa nga.” 32Bad u Isaak u kpa jong u, u la ong ha u, “Me uei?” U te u la ïathuh, “Nga long u khun jong me, uba la kha nyngkong jong me keiñ, u Iso.” 33Te u Isaak u la sngewkhynñiuh da ka jingkhynñiuh bakhraw eh, bad u la kylli, “Uei? Ha-ei uta uba la beh ïa ka doh skei, bad ba la wallam ha nga, ma nga te nga la bam na ka baroh mynshuwa ba la poi ma me, bad nga la kyrkhu ïa u? shisha keiñ, un long ruh uta ïa uba la kyrkhu.” 34Bad u Iso ynda u la ïohsngew ïa ki ktien jong u kpa, u la kyang da ka jingkyang kaba khraw bad ka bakthang eh, bad u la ong ha la u kpa, “To kyrkhu ïa nga, ho-oid keiñ ïa nga ruh, ko kpa.” 35Te u la ïathuh, “U para jong me u la wan da ka jingshukor, bad u la shim noh ïa ka jingkyrkhu jong me.” 36#Jen. 25:29-34.U Iso te u la ïathuh, “Kam long kaba dei eh ba la khot kyrteng ïa u, ‘u Jakob’ mo? Naba u la shukor ïa nga mynta la ar sien: ïa ka hok ka jinglong hynmen jong nga u la lah shim noh; bad ha khmih, mynta pat, u la knieh noh ïa ka jingkyrkhu jong nga.” Bad u la ong, “Mem shym la buh kyrpang ïa nga ruh ïa ka jingkyrkhu?” 37Bad u Isaak u la ïathuh, u da ong ha u Iso, “Ha khmih, nga la pynlong u trai ïa u halor jong me, bad nga la ai ha u ïa ki hynmen hynbew baroh jong u ba kin long ki shakri jong u; bad da u Kew bad ka umsoh Waiñ nga la kyrshan ïa u: te ha me mynta, ngan leh aïu pat ko khun?” 38#Heb. 12:17.Bad u Iso u la kylli ha la u kpa, “Me don tang kawei ka jingkyrkhu, ko kpa? To kyrkhu ïa nga, ho-oid keiñ ïa nga ruh de, ko kpa.” Bad u Iso u la kyang eh, bad u la ïam ruh. 39#Heb. 11:20.Te u Isaak u kpa jong u, u la ïathuh bad u la ong ha u,
“Ha khmih,
ka jaka shong sah
jong me
kan long na ka jingsngaid
ka khyndew
bad na kaba hap ka umjer
ki bneng na jrong;
40 #
Jen. 36:8; 2 Syiem. 8:20; 2 Khrn. 21:8. bad da la ka waitlam
men im,
bad ïa la u para
men shakri;
kan jia ruh haba
la ïoh jop ma me,
ba men pynkheiñ
ïa ka lyngkor jong u
na la ka ryndang.”
U Isaak u phah noh ïa u Jakob sha Haran
41Te u Iso u la isih ïa u Jakob namar kata ka jingkyrkhu da kaba u kpa jong u, u lah kyrkhu ïa u: bad u Iso u la ong ha la ka dohnud, “Ki sngi ban ïambriew ïa i pa ki la jan; hadien kata, nga, ngan da pynïap noh ïa u Jakob u para jong nga.” 42Ynda kumta, la ïathuh ha ka Rebekka ïa kine ki ktien u Iso u khun banyngkong jong ka: te ka la phah khot ïa u Jakob u khun bakhatduh jong ka, bad ka la ong ha u, “Ha khmih, u Iso u hynmen jong me, u pynshngain ïa lade shaphang jong me, ha ka jingkyrmen ba un ïoh pynïap noh ïa me. 43Te mynta, ko khun, to sngew ïa ka ktien jong nga; to da mih noh, to da phet rieh sha u Laban u hynmen jong nga, sha Haran 44bad to da shong lem bad u khyndiat sngi tad ynda ka phai noh ka jingkhih bitar u hynmen jong me; 45tad ynda ka jingbitar u hynmen jong me ka phai noh keiñ na me, bad ba u la klet noh ïa kata ïa kaba me la leh ïa u: hadien kata, ngan phah shaw pat ïa me nangta shane: hato balei yn shim noh na nga ïa phi baroh ar ngut ruh ha kawei ka sngi?”
46Bad ka Rebekka ka la ong ha u Isaak, “Nga pynkhuslai ïa la ka jingim namar kita ki khun kynthei u Heth: lada u Jakob un shim ka tnga ïa lade na ki khun kynthei u Heth, kumba long kine ki khun kynthei jong kane ka ri, nga dang donkam aïu shuh ïa la ka jingim?”
Currently Selected:
JENESIS 27: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 27
27
U Jakob u ïoh pdiang ka jingkyrkhu na u Isaak
1Ka la jia ruh, ba haba la tymmen u Isaak, bad ba ki khmat jong u ki la byrngut, katba um imat shynna shuh, ba u la khot ïa u Iso u khun u banyngkong jong u, bad u la ong ha u, “Ko khun”; u te u la ong ha u, “Ha khmih, ma nga.” 2Bad u la ong, “Ha khmih mynta, nga la tymmen, bad ïa ka sngi ka jingïap jong nga ngam tip. 3Bad mynta te, to shim, nga kyrpad ïa me, ïa la ki atiar, ïa la ka ryngkap bad ïa la ka ryntieh keiñ, bad to khie leit sha ka lyngkha, bad to kem ka doh skei ïa nga, 4bad to shet ïa nga ïa ka jingbam ka babang, katba nga sngewbrai hi ban bam, bad to wallam ruh ha nga, ba ngan ïoh bam ba ka mynsiem jong nga kan ïoh kyrkhu ïa me mynshuwa ba ngan ïap noh.”
5 #
Jen. 12:3; Jkñ. 24:9. Te ka Rebekka ka la ïohsngew mynba u Isaak u la kren ha u Iso u khun jong u. Bad u Iso u la leit noh sha ka lyngkha ïa ka ban beh skei, ba un ïoh wallam. 6Ynda kumta, ka Rebekka ka la ong ha u Jakob u khun jong ka, ka da ong, “Ha khmih, nga la ïohsngew ïa u kpa jong me ba u da kren ha u Iso u hynmen jong me, u da ong, 7‘To wallam ha nga ïa ka doh mrad, bad to shet ïa nga ïa ka jingbam ka babang, ba ngan ïoh bam, bad ba ngan ïoh kyrkhu ïa me ha khmat U Trai shuwa ba ngan ïap noh.’ 8Te mynta, ko khun, to sngew ïa ka ktien jong nga shaphang kata ïa kaba ngan sa hukum ïa me. 9To khie leit mynta sha ka kynhun blang, bad to wallam nangta ha nga ïa ar tylli ki khun blang shynrang ki basngaid bha; bad nga ruh ngan shet ïa ka jingbam ka babang da ki, ïa u kpa jong me, katba u sngewbha eh hi keiñ; 10bad me men leit ai ïa ka ha u kpa jong me, ba un ïoh bam, bad ba un ïoh kyrkhu ïa me mynshuwa ba u ïap noh.” 11Te u Jakob u la ong ha ka Rebekka ka kmie jong u, “Ha khmih, u Iso u hynmen jong nga u long u briew ba-mih shñiuh eh ha u, haba ma nga, nga long u briew u bajlih: 12u kpa jong nga lehse un tba ïa nga, te ngan long kum u nongshukor ha khmat jong u; kumta, ngan pynwan hiar halor jong nga hi ïa ka jingtim, bad ym ïa ka jingkyrkhu.” 13Hynrei, ka kmie jong u ka la ong ha u, “To ai ba ka jingtim jong me kan long halor jong nga ko khun: tang ba men shahshkor ïa ka ktien jong nga, bad to khie leit wallam ïa ki ha nga.” 14U te u la leit, bad u la shim ïa ki khun blang, bad u la wallam ïa ki sha la ka kmie: bad ka kmie jong u ka la shet ïa ka jingbam ka babang, katba u sngewbha eh hi u kpa jong u. 15Bad ka Rebekka ka la shim ïa ki jaiñkup kiba itynnad eh ki jong u Iso u khun banyngkong jong ka kiba la don bad ka ha ïing, bad ka la pynkup ïa ki ha u Jakob u khun bakhatduh jong ka; 16bad ha ki kti jong u, bad ha ka bajlih ka ryndang jong u, ka la buh ïa ki snieh jong kita ki khun blang; 17bad ka la ai ïa kata ka jingbam ka babang bad ïa u kpu ïa kiba ka la lah shet lypa, ha ka kti u Jakob u khun jong ka.
18Bad u la leit bsut sha la u kpa, bad u la ong, “Ko kpa”: u te u la ong, “Ha khmih ma nga; me long uei, ko khun?” 19Bad u Jakob u la ong ha la u kpa, “Nga long u Iso u khun uba la kha nyngkong jong me; nga la leh keiñ kumba me la bthah ha nga: to da khie, nga kyrpad ïa me, to shong to bam ruh na ka doh beh mrad jong nga, ba ka mynsiem jong me kan ïoh kyrkhu ïa nga.” 20Bad u Isaak u la ong ha la u khun, “Kumno ko khun, ba me la shem ïa ka shen katta katta?” U te u la ong, “Namar ba U Trai uba U Blei jong me u la pynwan ïa ka ha khmat jong nga.” 21Te u Isaak u la ong ha u Jakob, “To ale kham hajan mynta, ba ngan ïoh tba ïa me ko khun, la shisha me long u Iso u khun jong nga ne em.” 22Bad u Jakob u la leit kham hajan u Isaak u kpa jong u; u te u la tba ïa u, bad u la ong, “Ka ktien ka long ka ktien u Jakob, hynrei, ki kti ki long ki kti u Iso keiñ.” 23Te um shym lah ithuh ïa u, namar ba ki kti jong u ki la long kiba shñiuh, kum ki kti u Iso: namar kata, u la kyrkhu ïa u. 24U la ong ruh, “Shisha me long u Iso u khun jong nga hi?” U ruh u la ïathuh, “Nga long keiñ.” 25Ynda kumta, u la ong, “To wallam hajan jong nga bad to ai ba ngan bam na ka doh skei u khun jong nga, ba ka mynsiem jong nga kan ïoh kyrkhu ïa me.” Te u la wallam hajan jong u bad u la bam: bad u la wallam ïa ka umsoh Waiñ ha u bad u la dih. 26Ynda kumta, u Isaak u kpa jong u, u la ong ha u, “To ale hajan mynta, bad to doh ïa nga ko khun.” 27#Heb. 11:20.Bad u la wan hajan, bad u la doh ïa u: bad u la iw ïa ka jingiw ki jaiñkup jong u, bad u la kyrkhu ruh ïa u, bad u da ong,
“Ha khmih,
ka jingiw u khun jong nga
ka long kum ka jingiw
ka lyngkha
ïa kaba U Trai
u la kyrkhu!
28Kumta, to long
ba U Blei un da ai ha me
na ka umjer bneng,
bad na ka jingsngaid
ka khyndew,
bad ka bun byrhien
na u Kew
bad ka umsoh Waiñ:
29 #
Jen. 12:3. to long ba ki paidlang
kin ïashakri ïa me,
bad ki jaid bynriew
kin ïadem khrup ha me:
to long u trai halor
la ki para,
bad to long
ba ki khun shynrang
ka kmie jong me
kin dem khrup ha me:
uta uba tim ïa me
un long uba
la shah tim hi,
bad uta uba kyrkhu ïa me
un long uba
la shah kyrkhu hi.”
30Ka la jia ruh, ynda u Isaak u la lah wai noh ban kyrkhu ïa u Jakob, bad tang shu lah mih noh shabar u Jakob na khmat u Isaak u kpa jong u, ba u Iso ruh, u hynmen jong u, u la wan na la kaba beh mrad. 31Bad u ruh de u la lah shet ïa ka jingbam ka babang bad u la wallam ïa ka ha la u kpa, bad u la ong ha la u kpa, “To ai ba un khie u kpa jong nga, ba un bam ruh na ka doh skei u khun jong u, ba ka mynsiem jong me kan ïoh kyrkhu ïa nga.” 32Bad u Isaak u kpa jong u, u la ong ha u, “Me uei?” U te u la ïathuh, “Nga long u khun jong me, uba la kha nyngkong jong me keiñ, u Iso.” 33Te u Isaak u la sngewkhynñiuh da ka jingkhynñiuh bakhraw eh, bad u la kylli, “Uei? Ha-ei uta uba la beh ïa ka doh skei, bad ba la wallam ha nga, ma nga te nga la bam na ka baroh mynshuwa ba la poi ma me, bad nga la kyrkhu ïa u? shisha keiñ, un long ruh uta ïa uba la kyrkhu.” 34Bad u Iso ynda u la ïohsngew ïa ki ktien jong u kpa, u la kyang da ka jingkyang kaba khraw bad ka bakthang eh, bad u la ong ha la u kpa, “To kyrkhu ïa nga, ho-oid keiñ ïa nga ruh, ko kpa.” 35Te u la ïathuh, “U para jong me u la wan da ka jingshukor, bad u la shim noh ïa ka jingkyrkhu jong me.” 36#Jen. 25:29-34.U Iso te u la ïathuh, “Kam long kaba dei eh ba la khot kyrteng ïa u, ‘u Jakob’ mo? Naba u la shukor ïa nga mynta la ar sien: ïa ka hok ka jinglong hynmen jong nga u la lah shim noh; bad ha khmih, mynta pat, u la knieh noh ïa ka jingkyrkhu jong nga.” Bad u la ong, “Mem shym la buh kyrpang ïa nga ruh ïa ka jingkyrkhu?” 37Bad u Isaak u la ïathuh, u da ong ha u Iso, “Ha khmih, nga la pynlong u trai ïa u halor jong me, bad nga la ai ha u ïa ki hynmen hynbew baroh jong u ba kin long ki shakri jong u; bad da u Kew bad ka umsoh Waiñ nga la kyrshan ïa u: te ha me mynta, ngan leh aïu pat ko khun?” 38#Heb. 12:17.Bad u Iso u la kylli ha la u kpa, “Me don tang kawei ka jingkyrkhu, ko kpa? To kyrkhu ïa nga, ho-oid keiñ ïa nga ruh de, ko kpa.” Bad u Iso u la kyang eh, bad u la ïam ruh. 39#Heb. 11:20.Te u Isaak u kpa jong u, u la ïathuh bad u la ong ha u,
“Ha khmih,
ka jaka shong sah
jong me
kan long na ka jingsngaid
ka khyndew
bad na kaba hap ka umjer
ki bneng na jrong;
40 #
Jen. 36:8; 2 Syiem. 8:20; 2 Khrn. 21:8. bad da la ka waitlam
men im,
bad ïa la u para
men shakri;
kan jia ruh haba
la ïoh jop ma me,
ba men pynkheiñ
ïa ka lyngkor jong u
na la ka ryndang.”
U Isaak u phah noh ïa u Jakob sha Haran
41Te u Iso u la isih ïa u Jakob namar kata ka jingkyrkhu da kaba u kpa jong u, u lah kyrkhu ïa u: bad u Iso u la ong ha la ka dohnud, “Ki sngi ban ïambriew ïa i pa ki la jan; hadien kata, nga, ngan da pynïap noh ïa u Jakob u para jong nga.” 42Ynda kumta, la ïathuh ha ka Rebekka ïa kine ki ktien u Iso u khun banyngkong jong ka: te ka la phah khot ïa u Jakob u khun bakhatduh jong ka, bad ka la ong ha u, “Ha khmih, u Iso u hynmen jong me, u pynshngain ïa lade shaphang jong me, ha ka jingkyrmen ba un ïoh pynïap noh ïa me. 43Te mynta, ko khun, to sngew ïa ka ktien jong nga; to da mih noh, to da phet rieh sha u Laban u hynmen jong nga, sha Haran 44bad to da shong lem bad u khyndiat sngi tad ynda ka phai noh ka jingkhih bitar u hynmen jong me; 45tad ynda ka jingbitar u hynmen jong me ka phai noh keiñ na me, bad ba u la klet noh ïa kata ïa kaba me la leh ïa u: hadien kata, ngan phah shaw pat ïa me nangta shane: hato balei yn shim noh na nga ïa phi baroh ar ngut ruh ha kawei ka sngi?”
46Bad ka Rebekka ka la ong ha u Isaak, “Nga pynkhuslai ïa la ka jingim namar kita ki khun kynthei u Heth: lada u Jakob un shim ka tnga ïa lade na ki khun kynthei u Heth, kumba long kine ki khun kynthei jong kane ka ri, nga dang donkam aïu shuh ïa la ka jingim?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India