JENESIS 29
29
U Jakob u shakri ïa u Laban na ka bynta ka Rakhel bad ka Leah
1Te u Jakob u la nang leit la ka jingleit, bad u la leit poi sha ka ri ki khun ka ri mihngi. 2Bad u la khmih, te ha khmih kawei ka pukri ha ka lyngkha, bad ha khmih, la don lai ki kynhun langbrot kiba dem hajan jong ka; naba na kata ka pukri ki la ju ai um ïa kita ki kynhun langbrot: bad la don u maw bakhraw ha ka shyntur kata ka pukri. 3Bad hangta la ïalang kita ki kynhun langbrot baroh: bad ki#29:3 ki: Hangne ka mut ïa ki nongaplangbrot. la ïa-pyntyllun noh ïa uta u maw na ka shyntur kata ka pukri, ïa ka ban ai um ïa kita ki langbrot, bad ynda kumta, ki la ïabuh biang pat ïa uta u maw ha la ka jaka ha ka shyntur kata ka pukri.
4Te u Jakob u la ong ha ki, “Ko ki para, phi kiba na-ei?” Ki te ki la ïathuh, “Ngi long na Haran.” 5Te u la kylli ha ki, “Phi ithuh ïa u Laban u khun u Nahor?” Ki te ki la ïathuh, “Ngi ithuh keiñ ïa u.” 6Bad u la kylli ha ki, “U koit?” Ki ruh ki la ïathuh, “U koit: bad ha khmih, ka Rakhel ka khun jong u ka wan bad kita ki langbrot.” 7Bad u la ong pat, “Ha khmih, ka dang don bun ka sngi, lymne ym pat biang ka por ïa ka ban pynïalang ïa ki jingri: to phin ai um ïa ki langbrot, bad to phin khie leit ap ïa ki.” 8Ki te ki la ong, “Ngim lah, tad ynda la pynïalang ïa ki kynhun langbrot baroh, bad ba ki la ïa-pyntyllun ïa uta u maw na ka shyntur ka pukri; ynda kumta, ngin sa ai um ïa kita ki langbrot.”
9Katba u dang kren bad ki, ka Rakhel ruh ka la wan bad ki langbrot u kpa jong ka: naba ka la ju sharai ïa ki. 10Ka la jia ruh, haba u Jakob u la ïohi ïa ka Rakhel ka khun u Laban u hynmen ka kmie jong u, bad ïa ki langbrot u Laban u hynmen ka kmie jong u, ba u Jakob u la shur hajan, bad u la pyntyllun noh ïa uta u maw na ka shyntur ka pukri, bad u la ai um ruh de ïa ka kynhun langbrot jong u Laban u hynmen ka kmie jong u. 11Bad u Jakob u la doh ïa ka Rakhel, bad u la kyang bad u la ïam de. 12Bad u Jakob u la ïathuh ha ka Rakhel ba u long u para u kpa jong ka, bad ba u long u khun ka Rebekka: ka te ka la phet soit ïa ka ban ïathuh ha la u kpa.
13Ka la jia ruh, haba u Laban u la bna shaphang u Jakob u khun ka para jong u, ba u la phet soit ban tan ïa u, bad u la kdup ïa u, bad u la doh ïa u, bad u la ïalam ïa u sha la ïing. Bad u Jakob u la ïathuhkhana ha u Laban ïa kine kiei kiei baroh. 14Te u Laban u la ong ha u, “Shisha me long ka shyieng bad ka doh jong nga.” Te u la shong bad u shi bnai.
15Bad u Laban u la ong ha u Jakob, “Hato namar ba me long u para jong nga, namar kata, ka dei ba men shakri ïa nga khlem da ïoh bainong ei ei? To ïathuh ha nga, kaei kan long ka bainong jong me?” 16Te u Laban u la don ar ngut ki khun kynthei: ka kyrteng kaba kham san ka la long “ka Leah” bad ka kyrteng kaba hadien “ka Rakhel”. 17Te ka Leah ka la long ka bapang jawaid khmat; hynrei, ka Rakhel ka la long kaba ibhabriew, bad kaba itynnad. 18Te u Jakob u la ieit eh ïa ka Rakhel, bad u la ong, “Ngan shakri ïa me hynñiew snem na ka bynta ka Rakhel ka khun bakhatduh jong me.” 19Bad u Laban u la ïathuh, “Ka kham bha ban ai ïa ka ha me, ban ïa kaba ngan da ai ïa ka ha uwei pat u briew: to shong sah bad nga.” 20Kumta, u Jakob u la shakri na ka bynta ka Rakhel hynñiew snem; hynrei, ki la imat ha u tang kum kiba khyndiat sngi namar ka jingieit eh jong u ïa ka keiñ.
21Bad u Jakob u la ong ha u Laban, “To ai ha nga ïa ka tnga jong nga, naba la dep ki sngi jong nga, ba ngan ïoh leit sha ka.” 22Bad u Laban u la ïalum ïa ki rangbah baroh jong kata ka jaka, bad u la thaw ïa ka jingkhawai. 23Hynrei, ka la jia ynda miet ba u la shim ïa ka Leah ka khun jong u bad u la wallam ïa ka sha u; te u la leit bsut sha ka. 24Bad u Laban u la ai ha ka ïa ka Silpah ka shakri jong u ban long ka shakri ka Leah ka khun jong u. 25Hynrei, ka la jia, ba la step, ha khmih, ka la long ka Leah: u te u la kylli ha u Laban, “Hato kaei kane ba me la leh ïa nga? Ngam shym la shakri ïa me na ka bynta ka Rakhel mo? Te balei ba me la leh phon ïa nga?” 26Bad u Laban u la ïathuh, “Kam bit keiñ ban leh kumta ha ka ri jong nga, ban ai ïa kaba kham poh mynshuwa ïa ka hynmen. 27To pyndep noh ïa ka shi taïew jong kane ka Leah, bad ngin ïa-ai ha me ïa kane ruh, namar kata ka jingshakri ïa kaba men shakri biang bad nga sa hynñiew snem kiwei pat.” 28Bad u Jakob u la leh kumta, bad u la pyndep noh ïa ka shi taïew jong ka: bad u Laban u la ai ha u ïa ka Rakhel ka khun jong u ïa ka ban long ka tnga jong u ruh. 29U Laban ruh u la ai ïa ka Bilhah ka shakri jong u ha ka Rakhel ïa ka ban long ka shakri jong ka hi. 30Bad u la leit bsut ruh sha ka Rakhel, bad u la ieit ruh ïa ka Rakhel kham tam ïa ka Leah, te u la shong shakri bad u sa hynñiew snem kiwei pat.
Ki khun ki kti u Jakob
31Te U Trai ynda u la ïohi ba la isih ïa ka Leah, u la plie ïa ka kpoh jong ka: hynrei, ka Rakhel ka la long kaba lyngki. 32Bad ka Leah ka la punkhun bad ka la kha ïa u khun, bad ka la khot kyrteng “u Reuben” ïa u: naba ka la ong, “Shisha U Trai u la khmih ïa ka jingsngewshitom jong nga; namar kata, mynta u tnga jong nga un ieit ïa nga.” 33Bad ka la punkhun biang pat, bad ka la kha ïa u khun, bad ka la ong, “Naba U Trai u la ïohsngew ba la isih ïa nga, namar kata, u la ai pat ïa une ruh;” te ka la khot kyrteng “u Simeon” ïa u. 34Bad ka la punkhun pat, bad ka la kha ïa u khun, bad ka la ong, “Mynta shisha u tnga jong nga un da ïasoh ieit ha nga, naba nga la kha ïa lai ngut ki khun shynrang ïa u:” namar kata, ka la khot kyrteng “u Lebi” ïa u. 35Bad ka la punkhun pat sa shi sien, bad ka la kha ïa u khun, bad ka la ong, “Mynta shi sien ngan ïaroh ïa U Trai”: namar kata, ka la khot kyrteng “u Judah” ïa u; bad ka la sangeh teng na ka ban kha khun.
Currently Selected:
JENESIS 29: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 29
29
U Jakob u shakri ïa u Laban na ka bynta ka Rakhel bad ka Leah
1Te u Jakob u la nang leit la ka jingleit, bad u la leit poi sha ka ri ki khun ka ri mihngi. 2Bad u la khmih, te ha khmih kawei ka pukri ha ka lyngkha, bad ha khmih, la don lai ki kynhun langbrot kiba dem hajan jong ka; naba na kata ka pukri ki la ju ai um ïa kita ki kynhun langbrot: bad la don u maw bakhraw ha ka shyntur kata ka pukri. 3Bad hangta la ïalang kita ki kynhun langbrot baroh: bad ki#29:3 ki: Hangne ka mut ïa ki nongaplangbrot. la ïa-pyntyllun noh ïa uta u maw na ka shyntur kata ka pukri, ïa ka ban ai um ïa kita ki langbrot, bad ynda kumta, ki la ïabuh biang pat ïa uta u maw ha la ka jaka ha ka shyntur kata ka pukri.
4Te u Jakob u la ong ha ki, “Ko ki para, phi kiba na-ei?” Ki te ki la ïathuh, “Ngi long na Haran.” 5Te u la kylli ha ki, “Phi ithuh ïa u Laban u khun u Nahor?” Ki te ki la ïathuh, “Ngi ithuh keiñ ïa u.” 6Bad u la kylli ha ki, “U koit?” Ki ruh ki la ïathuh, “U koit: bad ha khmih, ka Rakhel ka khun jong u ka wan bad kita ki langbrot.” 7Bad u la ong pat, “Ha khmih, ka dang don bun ka sngi, lymne ym pat biang ka por ïa ka ban pynïalang ïa ki jingri: to phin ai um ïa ki langbrot, bad to phin khie leit ap ïa ki.” 8Ki te ki la ong, “Ngim lah, tad ynda la pynïalang ïa ki kynhun langbrot baroh, bad ba ki la ïa-pyntyllun ïa uta u maw na ka shyntur ka pukri; ynda kumta, ngin sa ai um ïa kita ki langbrot.”
9Katba u dang kren bad ki, ka Rakhel ruh ka la wan bad ki langbrot u kpa jong ka: naba ka la ju sharai ïa ki. 10Ka la jia ruh, haba u Jakob u la ïohi ïa ka Rakhel ka khun u Laban u hynmen ka kmie jong u, bad ïa ki langbrot u Laban u hynmen ka kmie jong u, ba u Jakob u la shur hajan, bad u la pyntyllun noh ïa uta u maw na ka shyntur ka pukri, bad u la ai um ruh de ïa ka kynhun langbrot jong u Laban u hynmen ka kmie jong u. 11Bad u Jakob u la doh ïa ka Rakhel, bad u la kyang bad u la ïam de. 12Bad u Jakob u la ïathuh ha ka Rakhel ba u long u para u kpa jong ka, bad ba u long u khun ka Rebekka: ka te ka la phet soit ïa ka ban ïathuh ha la u kpa.
13Ka la jia ruh, haba u Laban u la bna shaphang u Jakob u khun ka para jong u, ba u la phet soit ban tan ïa u, bad u la kdup ïa u, bad u la doh ïa u, bad u la ïalam ïa u sha la ïing. Bad u Jakob u la ïathuhkhana ha u Laban ïa kine kiei kiei baroh. 14Te u Laban u la ong ha u, “Shisha me long ka shyieng bad ka doh jong nga.” Te u la shong bad u shi bnai.
15Bad u Laban u la ong ha u Jakob, “Hato namar ba me long u para jong nga, namar kata, ka dei ba men shakri ïa nga khlem da ïoh bainong ei ei? To ïathuh ha nga, kaei kan long ka bainong jong me?” 16Te u Laban u la don ar ngut ki khun kynthei: ka kyrteng kaba kham san ka la long “ka Leah” bad ka kyrteng kaba hadien “ka Rakhel”. 17Te ka Leah ka la long ka bapang jawaid khmat; hynrei, ka Rakhel ka la long kaba ibhabriew, bad kaba itynnad. 18Te u Jakob u la ieit eh ïa ka Rakhel, bad u la ong, “Ngan shakri ïa me hynñiew snem na ka bynta ka Rakhel ka khun bakhatduh jong me.” 19Bad u Laban u la ïathuh, “Ka kham bha ban ai ïa ka ha me, ban ïa kaba ngan da ai ïa ka ha uwei pat u briew: to shong sah bad nga.” 20Kumta, u Jakob u la shakri na ka bynta ka Rakhel hynñiew snem; hynrei, ki la imat ha u tang kum kiba khyndiat sngi namar ka jingieit eh jong u ïa ka keiñ.
21Bad u Jakob u la ong ha u Laban, “To ai ha nga ïa ka tnga jong nga, naba la dep ki sngi jong nga, ba ngan ïoh leit sha ka.” 22Bad u Laban u la ïalum ïa ki rangbah baroh jong kata ka jaka, bad u la thaw ïa ka jingkhawai. 23Hynrei, ka la jia ynda miet ba u la shim ïa ka Leah ka khun jong u bad u la wallam ïa ka sha u; te u la leit bsut sha ka. 24Bad u Laban u la ai ha ka ïa ka Silpah ka shakri jong u ban long ka shakri ka Leah ka khun jong u. 25Hynrei, ka la jia, ba la step, ha khmih, ka la long ka Leah: u te u la kylli ha u Laban, “Hato kaei kane ba me la leh ïa nga? Ngam shym la shakri ïa me na ka bynta ka Rakhel mo? Te balei ba me la leh phon ïa nga?” 26Bad u Laban u la ïathuh, “Kam bit keiñ ban leh kumta ha ka ri jong nga, ban ai ïa kaba kham poh mynshuwa ïa ka hynmen. 27To pyndep noh ïa ka shi taïew jong kane ka Leah, bad ngin ïa-ai ha me ïa kane ruh, namar kata ka jingshakri ïa kaba men shakri biang bad nga sa hynñiew snem kiwei pat.” 28Bad u Jakob u la leh kumta, bad u la pyndep noh ïa ka shi taïew jong ka: bad u Laban u la ai ha u ïa ka Rakhel ka khun jong u ïa ka ban long ka tnga jong u ruh. 29U Laban ruh u la ai ïa ka Bilhah ka shakri jong u ha ka Rakhel ïa ka ban long ka shakri jong ka hi. 30Bad u la leit bsut ruh sha ka Rakhel, bad u la ieit ruh ïa ka Rakhel kham tam ïa ka Leah, te u la shong shakri bad u sa hynñiew snem kiwei pat.
Ki khun ki kti u Jakob
31Te U Trai ynda u la ïohi ba la isih ïa ka Leah, u la plie ïa ka kpoh jong ka: hynrei, ka Rakhel ka la long kaba lyngki. 32Bad ka Leah ka la punkhun bad ka la kha ïa u khun, bad ka la khot kyrteng “u Reuben” ïa u: naba ka la ong, “Shisha U Trai u la khmih ïa ka jingsngewshitom jong nga; namar kata, mynta u tnga jong nga un ieit ïa nga.” 33Bad ka la punkhun biang pat, bad ka la kha ïa u khun, bad ka la ong, “Naba U Trai u la ïohsngew ba la isih ïa nga, namar kata, u la ai pat ïa une ruh;” te ka la khot kyrteng “u Simeon” ïa u. 34Bad ka la punkhun pat, bad ka la kha ïa u khun, bad ka la ong, “Mynta shisha u tnga jong nga un da ïasoh ieit ha nga, naba nga la kha ïa lai ngut ki khun shynrang ïa u:” namar kata, ka la khot kyrteng “u Lebi” ïa u. 35Bad ka la punkhun pat sa shi sien, bad ka la kha ïa u khun, bad ka la ong, “Mynta shi sien ngan ïaroh ïa U Trai”: namar kata, ka la khot kyrteng “u Judah” ïa u; bad ka la sangeh teng na ka ban kha khun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India