JENESIS 33
33
U Jakob bad u Iso ki ïashem sngewbha
1Bad u Jakob u la khmied ïa la ki khmat, bad u la khmih, ha khmih ruh, u Iso u wan bad sawspah ki rangbah lem bad u. Te u Jakob u la sam ïa ki khun ha la ki jong ki jong ha ka Leah, bad ha ka Rakhel, bad ha kita ki shakri kynthei ar ngut. 2Bad u la buh ïa kita ki shakri kynthei bad la ki khun sha shuwa eh, bad ïa ka Leah bad la ki khun hadien, bad ïa ka Rakhel bad ïa u Joseph ha khatduh eh. 3Bad u Jakob u la nang ïaid sha shuwa jong ki, bad u la nguh dem haduh ka khyndew hynñiew sien, tad ynda u la poi hajan ïa la u hynmen.
4Bad u Iso u la phet ban ïashem bad u, bad u la kdup ïa u bad u la noh ha ka ryndang jong u bad u la doh ïa u de: ki la ïam ruh de. 5Bad u la khmied ïa la ki khmat, bad u la ïohi ïa ki kynthei bad ïa ki khynnah, bad u la kylli, “Kiei kine ba me don?” Bad u Jakob u la ïathuh, “Ki long ki khun ïa kiba U Blei na ka jingsbun jong u, u la ai ha u shakri jong me.” 6Te kita ki shakri kynthei ki la ïapoi hajan; ma ki bad ki khun jong ki, ki ruh ki la ïanguh de. 7Bad ka Leah ruh ka la poi hajan bad la ki khun, bad ki la ïanguh ngon de: hadien kata, la poi hajan sa u Joseph bad ka Rakhel, ki ruh ki la ïanguh ngon. 8Bad u la kylli, “Ïa ka ban lei kane ka kynhun bah jong me baroh ïa kaba nga la ïashem?” Bad u Jakob u la ïathuh, “Ïa ka ban ïoh ïa ka jingmonbha keiñ ha khmat u kynrad jong nga.” 9Te u Iso u la ong, “Nga don kynrei ko hep; to long sha me kaba dei ka jong me.” 10Bad u Jakob u la ong, “Em, nga kyrpad ïa me, lada shisha nga la shem ïa ka jingsngewbha ha khmat jong me mynta, to pdiang te ïa ka jingai sngewbha jong nga na ka kti jong nga: naba na kaba nga ïohi ïa ka khmat jong me, ka long kumba nga la ïohi ïa ka khmat U Blei hi, haba me la sngewbha bad nga. 11To pdiang, nga kyrpad ïa me, ïa ka jingkyrkhu jong nga, ïa kaba la wallam ha me; naba U Blei u la leh sbun ïa nga, bad namar ba nga don ïa kiei kiei baroh.” Kumta, u la kyrpad eh ïa u, u te u la pdiang ïa ka.
12Bad u la ong, “Ïa ngin ïaleit, to ngin ïa nang ïaid noh, ma nga ruh ngan leit ha shuwa jong me.” 13Bad u Jakob u la ong, “U kynrad jong nga u tip ba kine ki khun ki dang jem met bad ba ki kynhun bad ki jingri kiba dang ai buiñ ki don bad nga: te lada ñiah pynthait eh ïa ki tang shi sngi ruh, kin ïap noh baroh ki kynhun. 14To ai ba u kynrad jong nga, nga kyrpad ïa me, un nang ïaid sha shuwa u shakri jong u: ma nga ruh ngan wan suki, ryngkat bad ka jingïaid ki jingri kiba ha shuwa jong nga, bad ryngkat bad ka jong ki khun ruh, ha ban da ngan poi sha u kynrad jong nga ha Seir.”
15Bad u Iso u la ong, “To shah ba ngan iehnoh bad me ïa kiba na kine ki briew kiba don bad nga.” Te u Jakob u la ïathuh, “Yn lei kata? to shah ba ngan shem ïa ka jingsngewbha ha khmat u kynrad jong nga.” 16Kumta, u Iso u la kylla dien ha kata ka sngi ha la ka lynti sha Seir. 17Bad u Jakob u la nang ïaid sha Sukkoth, bad u la thaw ka ïing ïa lade, bad u la thaw sem ïa la ki jingri: namar kata, u la khot “ka Sukkoth” ïa kata ka jaka.
18Bad u Jakob u la poi suk bha sha ka nongbah Shekhem kaba ha ka ri Kanaan mynba u la wan na Padan-Aram; bad u la pynïeng ïa la ka ïingtrep ha khmat kata ka nongbah. 19#Jos. 24:32; Ïoan. 4:5.Bad u la thied ka bynta na kata ka khyndew ha kaba u la pyiar ïa la ka ïingjaiñ, na ka kti ki khun shynrang u Hamor, u kpa u Shekhem ha ka dor shispah ki sbai kesitah. 20Bad u la pynïeng ïa ka duwan hangta, bad u la khot kyrteng ïa ka, “ka El-Elohe-Israel#33:20 El-Elohe-Israel: Kine ki kyntien ki mut U Blei, U Blei ki Israel..”
Currently Selected:
JENESIS 33: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 33
33
U Jakob bad u Iso ki ïashem sngewbha
1Bad u Jakob u la khmied ïa la ki khmat, bad u la khmih, ha khmih ruh, u Iso u wan bad sawspah ki rangbah lem bad u. Te u Jakob u la sam ïa ki khun ha la ki jong ki jong ha ka Leah, bad ha ka Rakhel, bad ha kita ki shakri kynthei ar ngut. 2Bad u la buh ïa kita ki shakri kynthei bad la ki khun sha shuwa eh, bad ïa ka Leah bad la ki khun hadien, bad ïa ka Rakhel bad ïa u Joseph ha khatduh eh. 3Bad u Jakob u la nang ïaid sha shuwa jong ki, bad u la nguh dem haduh ka khyndew hynñiew sien, tad ynda u la poi hajan ïa la u hynmen.
4Bad u Iso u la phet ban ïashem bad u, bad u la kdup ïa u bad u la noh ha ka ryndang jong u bad u la doh ïa u de: ki la ïam ruh de. 5Bad u la khmied ïa la ki khmat, bad u la ïohi ïa ki kynthei bad ïa ki khynnah, bad u la kylli, “Kiei kine ba me don?” Bad u Jakob u la ïathuh, “Ki long ki khun ïa kiba U Blei na ka jingsbun jong u, u la ai ha u shakri jong me.” 6Te kita ki shakri kynthei ki la ïapoi hajan; ma ki bad ki khun jong ki, ki ruh ki la ïanguh de. 7Bad ka Leah ruh ka la poi hajan bad la ki khun, bad ki la ïanguh ngon de: hadien kata, la poi hajan sa u Joseph bad ka Rakhel, ki ruh ki la ïanguh ngon. 8Bad u la kylli, “Ïa ka ban lei kane ka kynhun bah jong me baroh ïa kaba nga la ïashem?” Bad u Jakob u la ïathuh, “Ïa ka ban ïoh ïa ka jingmonbha keiñ ha khmat u kynrad jong nga.” 9Te u Iso u la ong, “Nga don kynrei ko hep; to long sha me kaba dei ka jong me.” 10Bad u Jakob u la ong, “Em, nga kyrpad ïa me, lada shisha nga la shem ïa ka jingsngewbha ha khmat jong me mynta, to pdiang te ïa ka jingai sngewbha jong nga na ka kti jong nga: naba na kaba nga ïohi ïa ka khmat jong me, ka long kumba nga la ïohi ïa ka khmat U Blei hi, haba me la sngewbha bad nga. 11To pdiang, nga kyrpad ïa me, ïa ka jingkyrkhu jong nga, ïa kaba la wallam ha me; naba U Blei u la leh sbun ïa nga, bad namar ba nga don ïa kiei kiei baroh.” Kumta, u la kyrpad eh ïa u, u te u la pdiang ïa ka.
12Bad u la ong, “Ïa ngin ïaleit, to ngin ïa nang ïaid noh, ma nga ruh ngan leit ha shuwa jong me.” 13Bad u Jakob u la ong, “U kynrad jong nga u tip ba kine ki khun ki dang jem met bad ba ki kynhun bad ki jingri kiba dang ai buiñ ki don bad nga: te lada ñiah pynthait eh ïa ki tang shi sngi ruh, kin ïap noh baroh ki kynhun. 14To ai ba u kynrad jong nga, nga kyrpad ïa me, un nang ïaid sha shuwa u shakri jong u: ma nga ruh ngan wan suki, ryngkat bad ka jingïaid ki jingri kiba ha shuwa jong nga, bad ryngkat bad ka jong ki khun ruh, ha ban da ngan poi sha u kynrad jong nga ha Seir.”
15Bad u Iso u la ong, “To shah ba ngan iehnoh bad me ïa kiba na kine ki briew kiba don bad nga.” Te u Jakob u la ïathuh, “Yn lei kata? to shah ba ngan shem ïa ka jingsngewbha ha khmat u kynrad jong nga.” 16Kumta, u Iso u la kylla dien ha kata ka sngi ha la ka lynti sha Seir. 17Bad u Jakob u la nang ïaid sha Sukkoth, bad u la thaw ka ïing ïa lade, bad u la thaw sem ïa la ki jingri: namar kata, u la khot “ka Sukkoth” ïa kata ka jaka.
18Bad u Jakob u la poi suk bha sha ka nongbah Shekhem kaba ha ka ri Kanaan mynba u la wan na Padan-Aram; bad u la pynïeng ïa la ka ïingtrep ha khmat kata ka nongbah. 19#Jos. 24:32; Ïoan. 4:5.Bad u la thied ka bynta na kata ka khyndew ha kaba u la pyiar ïa la ka ïingjaiñ, na ka kti ki khun shynrang u Hamor, u kpa u Shekhem ha ka dor shispah ki sbai kesitah. 20Bad u la pynïeng ïa ka duwan hangta, bad u la khot kyrteng ïa ka, “ka El-Elohe-Israel#33:20 El-Elohe-Israel: Kine ki kyntien ki mut U Blei, U Blei ki Israel..”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India