JENESIS 35
35
U Blei u kyrkhu ïa u Jakob ha Bethel
1 #
Jen. 28:11-17. Ynda kumta, U Blei u la ong ha u Jakob, “To mih noh, to leit kiew sha Bethel, bad to shong sah hangta: bad to da thaw ïa ka duwan hangta ïa uta U Blei uba la paw ha me mynba me dang phet ïap na khmat u Iso u hynmen jong me.” 2Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ; 3bad to ïa ngin ïamih noh, bad ngin ïaleit kiew sha Bethel; ba hangta ngan thaw ïa ka duwan ïa uta U Blei uba la shahshkor ïa nga ha ka sngi ka jingsngewjynjar jong nga, bad uba la long ryngkat bad nga ha kata ka lynti baroh ha kaba nga la ïaid.” 4Ynda kumta, ki la ïa-ai noh ha u Jakob ïa kita ki blei bakhyllah baroh katba ki la don ha la ka kti, bad ïa la ki sohshkor kiba la don ha ki shkor jong ki; bad u Jakob u la tep rieh ïa ki hapoh u dieng Sning uba hajan ka Shekhem.
5Bad ki la ïa nang leit noh: bad ka jingsheptieng ïa U Blei ka la ngat ha kita ki nongbah kiba la don baroh sawdong ïa ki, katba kim shym la ïabeh nadien ki khun shynrang u Jakob. 6Kumta, u Jakob u la poi ha ka Lus, kaba ha ka ri Kanaan, kata kaba long ka Bethel, ma u bad kita ki briew baroh kat kiba la don bad u. 7Bad u la tei ïa ka duwan hangta, bad u la khot kyrteng ïa kata ka jaka “ka El-Bethel”: namar ba hangta U Blei u la paw ha u, mynba u la phet ïap na khmat u hynmen jong u. 8Hynrei, ka Deborah ka aïa jong ka Rebekka ka la ïap noh, bad la tep ïa ka ruh harum ka Bethel hapoh uwei u dieng Sning: te la khot kyrteng ïa ka, “ka Allon-bakhuth”.
9Bad U Blei u la paw pat sa shi sien ha u Jakob, haba u la wan noh na Padan-Aram bad u la kyrkhu ïa u. 10#Jen. 32:28.Bad U Blei u la ong ha u, “Ka kyrteng jong me ka long ‘u Jakob’: te yn ym khot kyrteng shuh ‘u Jakob’ ïa me, hynrei, ‘u Israel’ kan long ka kyrteng jong me”: kumta, u la khot kyrteng ïa u, “u Israel”. 11#Jen. 17:4-8.U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me. 12Bad ka ri ïa kaba nga la ai ha u Abraham bad ha u Isaak, ha me keiñ ngan ai ïa ka, bad ha u symbai jong me hadien jong me ngan ai ïa kata ka ri.” 13Bad U Blei u la leit kiew noh na u na kata ka jaka hi ha kaba U la lah ïakren bad u. 14#Jen. 28:18-19.Bad u Jakob u la pynïeng ïa u mot pynkynmaw ha kata ka jaka ha kaba u la lah ïakren bad U, da u mawbynna keiñ: bad u la theh halor jong u ïa ka jingainguh dih, bad u la theh ïa ka umphniang ruh halor jong u. 15Bad u Jakob u la khot kyrteng ïa kata ka jaka ha kaba U Blei u la lah ïakren bad u, “ka Bethel”.
Ka jingïap ka Rakhel
16 #
Jer. 31:15. Ynda kumta, ki la ïaleit noh na Bethel; bad la don tang kumba shikyntien kwai lynti#35:16 shikyntien kwai lynti: Kine ki kyntien ki kit jingmut ïa ka jingjngai kaba kham hajan. ban ïaid haduh Ephrath: bad ka Rakhel ka la suhkhun bad ka jingsuh khun jong ka, ka la long kaba jur eh. 17Ka la jia ruh, haba ka dang suhkhun eh ba ka nongbat khun ka la ong ha ka, “To wat sheptieng; naba ine ruh i long i khun shynrang ïa pha.” 18Bad ka la jia, hamar ba kan sa jah noh ka mynsiem jong ka, (naba ka la ïap noh keiñ,) ba ka la jer kyrteng “u Ben-oni” ïa u: hynrei, u kpa jong u, u la jer kyrteng “u Benjamin” ïa u. 19Bad ka Rakhel ka la ïap noh, bad la tep ïa ka ha ka lynti sha Ephrath, kaba long ka Bethlehem. 20Bad u Jakob u la pynïeng ïa u mawbynna halor ka jingtep jong ka: bad uta u long u mawbynna ka jingtep ka Rakhel haduh kane ka sngi. 21Bad u Israel u la nang ïaid noh, bad u la pyiar ïa la ka ïingjaiñ sha lyndet ka kut Edar.
Ki khun shynrang u Jakob
(1 Khrn. 2:1-2)
22Ka la jia ruh, mynba u Israel u dang shong sah ha kata ka ri, ba u Reuben u la leit thiah bad ka Bilhah, ka tnga ba kham poh ka jong u kpa jong u: bad u Israel u la ïohsngew ïa kata.
Te u Jakob u la don khat-ar ngut ki khun shynrang: 23ki khun shynrang jong ka Leah: u Reuben, u khun nyngkong u Jakob, bad u Simeon, bad u Lebi, bad u Judah, bad u Issakhar, bad u Sabulon#35:23 Sabulon: Ha ka Ktien Hebru, kane ka kyrteng ka dei Sebulun.. 24Ki khun shynrang ki jong ka Rakhel: u Joseph, bad u Benjamin. 25Bad ki khun shynrang ki jong ka Bilhah, ka shakri ka Rakhel: u Dan, bad u Naphtali. 26Bad ki khun shynrang ki jong ka Silpah, ka shakri ka Leah: u Gad, bad u Asher. Kine ki long ki khun shynrang ki jong u Jakob, ïa kiba la kha ïa u ha Padan-Aram.
Ka jingïap u Isaak
27 #
Jen. 13:18. Bad u Jakob u la poi ha u Isaak u kpa jong u sha Mamre, sha ka nongbah Arbah, kaba long ka Hebron, ha kaba u Abraham bad u Isaak ki la ïashong sohshnong. 28Bad ki sngi ka rta ki jong u Isaak ki la long shispah bad phraphew snem. 29Bad u Isaak u la ai noh ïa la ka mynsiem bad u la ïap noh, bad la lum ïa u sha la ki briew, uba la tymmen bad uba la dap ki sngi jong u: bad ki khun shynrang jong u, u Iso bad u Jakob ki la ïatep ïa u.
Currently Selected:
JENESIS 35: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 35
35
U Blei u kyrkhu ïa u Jakob ha Bethel
1 #
Jen. 28:11-17. Ynda kumta, U Blei u la ong ha u Jakob, “To mih noh, to leit kiew sha Bethel, bad to shong sah hangta: bad to da thaw ïa ka duwan hangta ïa uta U Blei uba la paw ha me mynba me dang phet ïap na khmat u Iso u hynmen jong me.” 2Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ; 3bad to ïa ngin ïamih noh, bad ngin ïaleit kiew sha Bethel; ba hangta ngan thaw ïa ka duwan ïa uta U Blei uba la shahshkor ïa nga ha ka sngi ka jingsngewjynjar jong nga, bad uba la long ryngkat bad nga ha kata ka lynti baroh ha kaba nga la ïaid.” 4Ynda kumta, ki la ïa-ai noh ha u Jakob ïa kita ki blei bakhyllah baroh katba ki la don ha la ka kti, bad ïa la ki sohshkor kiba la don ha ki shkor jong ki; bad u Jakob u la tep rieh ïa ki hapoh u dieng Sning uba hajan ka Shekhem.
5Bad ki la ïa nang leit noh: bad ka jingsheptieng ïa U Blei ka la ngat ha kita ki nongbah kiba la don baroh sawdong ïa ki, katba kim shym la ïabeh nadien ki khun shynrang u Jakob. 6Kumta, u Jakob u la poi ha ka Lus, kaba ha ka ri Kanaan, kata kaba long ka Bethel, ma u bad kita ki briew baroh kat kiba la don bad u. 7Bad u la tei ïa ka duwan hangta, bad u la khot kyrteng ïa kata ka jaka “ka El-Bethel”: namar ba hangta U Blei u la paw ha u, mynba u la phet ïap na khmat u hynmen jong u. 8Hynrei, ka Deborah ka aïa jong ka Rebekka ka la ïap noh, bad la tep ïa ka ruh harum ka Bethel hapoh uwei u dieng Sning: te la khot kyrteng ïa ka, “ka Allon-bakhuth”.
9Bad U Blei u la paw pat sa shi sien ha u Jakob, haba u la wan noh na Padan-Aram bad u la kyrkhu ïa u. 10#Jen. 32:28.Bad U Blei u la ong ha u, “Ka kyrteng jong me ka long ‘u Jakob’: te yn ym khot kyrteng shuh ‘u Jakob’ ïa me, hynrei, ‘u Israel’ kan long ka kyrteng jong me”: kumta, u la khot kyrteng ïa u, “u Israel”. 11#Jen. 17:4-8.U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me. 12Bad ka ri ïa kaba nga la ai ha u Abraham bad ha u Isaak, ha me keiñ ngan ai ïa ka, bad ha u symbai jong me hadien jong me ngan ai ïa kata ka ri.” 13Bad U Blei u la leit kiew noh na u na kata ka jaka hi ha kaba U la lah ïakren bad u. 14#Jen. 28:18-19.Bad u Jakob u la pynïeng ïa u mot pynkynmaw ha kata ka jaka ha kaba u la lah ïakren bad U, da u mawbynna keiñ: bad u la theh halor jong u ïa ka jingainguh dih, bad u la theh ïa ka umphniang ruh halor jong u. 15Bad u Jakob u la khot kyrteng ïa kata ka jaka ha kaba U Blei u la lah ïakren bad u, “ka Bethel”.
Ka jingïap ka Rakhel
16 #
Jer. 31:15. Ynda kumta, ki la ïaleit noh na Bethel; bad la don tang kumba shikyntien kwai lynti#35:16 shikyntien kwai lynti: Kine ki kyntien ki kit jingmut ïa ka jingjngai kaba kham hajan. ban ïaid haduh Ephrath: bad ka Rakhel ka la suhkhun bad ka jingsuh khun jong ka, ka la long kaba jur eh. 17Ka la jia ruh, haba ka dang suhkhun eh ba ka nongbat khun ka la ong ha ka, “To wat sheptieng; naba ine ruh i long i khun shynrang ïa pha.” 18Bad ka la jia, hamar ba kan sa jah noh ka mynsiem jong ka, (naba ka la ïap noh keiñ,) ba ka la jer kyrteng “u Ben-oni” ïa u: hynrei, u kpa jong u, u la jer kyrteng “u Benjamin” ïa u. 19Bad ka Rakhel ka la ïap noh, bad la tep ïa ka ha ka lynti sha Ephrath, kaba long ka Bethlehem. 20Bad u Jakob u la pynïeng ïa u mawbynna halor ka jingtep jong ka: bad uta u long u mawbynna ka jingtep ka Rakhel haduh kane ka sngi. 21Bad u Israel u la nang ïaid noh, bad u la pyiar ïa la ka ïingjaiñ sha lyndet ka kut Edar.
Ki khun shynrang u Jakob
(1 Khrn. 2:1-2)
22Ka la jia ruh, mynba u Israel u dang shong sah ha kata ka ri, ba u Reuben u la leit thiah bad ka Bilhah, ka tnga ba kham poh ka jong u kpa jong u: bad u Israel u la ïohsngew ïa kata.
Te u Jakob u la don khat-ar ngut ki khun shynrang: 23ki khun shynrang jong ka Leah: u Reuben, u khun nyngkong u Jakob, bad u Simeon, bad u Lebi, bad u Judah, bad u Issakhar, bad u Sabulon#35:23 Sabulon: Ha ka Ktien Hebru, kane ka kyrteng ka dei Sebulun.. 24Ki khun shynrang ki jong ka Rakhel: u Joseph, bad u Benjamin. 25Bad ki khun shynrang ki jong ka Bilhah, ka shakri ka Rakhel: u Dan, bad u Naphtali. 26Bad ki khun shynrang ki jong ka Silpah, ka shakri ka Leah: u Gad, bad u Asher. Kine ki long ki khun shynrang ki jong u Jakob, ïa kiba la kha ïa u ha Padan-Aram.
Ka jingïap u Isaak
27 #
Jen. 13:18. Bad u Jakob u la poi ha u Isaak u kpa jong u sha Mamre, sha ka nongbah Arbah, kaba long ka Hebron, ha kaba u Abraham bad u Isaak ki la ïashong sohshnong. 28Bad ki sngi ka rta ki jong u Isaak ki la long shispah bad phraphew snem. 29Bad u Isaak u la ai noh ïa la ka mynsiem bad u la ïap noh, bad la lum ïa u sha la ki briew, uba la tymmen bad uba la dap ki sngi jong u: bad ki khun shynrang jong u, u Iso bad u Jakob ki la ïatep ïa u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India