Yuörö 1
1
Sasanya na Ŋutu ti Yisaraele Ejipeto yu
1 #
Sul 46.8-27
Kune a karin ti ŋwajik ti Yisaraele logon a tu Ejipeto kase Yakobo i pirit na geleŋ, Ŋutu liŋ geleŋ geleŋ ko midijik kase; 2kweja adi Rubena, ko Simeona, ko Lewi, ko Yuda, 3ko Yisakar, ko Jebulun, ko Benyamina, 4ko Dan, ko Napatali, ko Gada, se ko Aser. 5A nyakwariat liŋ ti Yakobo gwe a Ŋutu merya buryo; a Yosepa gwe Ejipeto nyu ’beron. 6A Yosepa twane twan ko luŋasirik kanyit liŋ, ko ŋinu toberon liŋ. 7#Kon 7.17 Ama a nyakwariat ti Yisaraele yuŋweni yuŋwe, a ŋdine ŋdi Jore parik; kweja adi se a ŋdi parik a gwe ko riŋit a duma; nyena a jur iŋge jore ko lepeŋat.
8 #
Kon 7.18
A lele mor ludukötyo lo puku i tumatyan ko Ejipeto. Ŋilo mor a ko den Yosepa. 9A nye kulyani ko Ŋutu kanyit adi, Mete ta, Ŋutu ti Yisaraele gwe jore parik a gwe ko riŋit lwölwöŋ yi. 10#Kon 7.19Po ta, ti yi kona kiŋdye ta se i tokoŋon an se molu ko obi, a mo gwe sona adi, ko gor mo a pukun, a se molu tomori ’börik ko merok kaŋ, a möröni koyi, a ŋiörö kaŋo kayaŋ i jur. 11Nye-nagon a se tiŋdi Ŋutu i tokitaju na Ŋutu ti Yisaraele i yöyöŋgu na se i yegga na ŋo na pömöni. A Ŋutu ti Yisaraele ’dukökiŋdye Paro köjinö ’delesi ti tito; kine köjinö a ko Pitom se ko Ramasese. 12Ama ma ’di nagon Ŋutu ti Ejipeto a yöyoŋgu lepeŋat parik nu, a se kölumbö obine ŋdi parik, a reki rekin i jur. A Ŋutu ti Ejipeto kujönöni Ŋutu ti Yisaraele. 13Nyena a se tokitaji Ŋutu ti Yisaraele ko ri ’diet, 14a todelyaji se ko kita na pömöni na lipo ko na tupön, ko na kitajin liŋ ka ’de ka ’de i meleseno. Kitajin kase liŋ na tokitaji se lepeŋat kine gwe ko ri ’diet.
15A mor lo Ejipeto kulyani ko Ŋutu wate ti Ebere nagon a kata ’duak, karin ti nene a Sipera, ko karin ti nene a Pua, 16adi, Ko ta parakiŋdya Ŋutu wate ti Ebere i ta ’du, mete ta met ŋuro i yuŋwe nanyit, a ko ŋuro a lulalet a ta ködyö tatuje lepeŋ; ama ko a ŋuro nanakwan a ta kö ’yi lepeŋ jörun. 17Ama a kine kata ’duak kujönöni Ŋun, a tine kon gwoso nagon mor lo Ejipeto a sarakiŋdye se nu, ama a se kölökiŋdye ŋwajik lyan i gwon jörun. 18A mor lo Ejipeto luŋgi kata ’duak kune a pipije se adi, Ko nyo ta a koŋdya sona i kölökiŋdyö na ŋwajik lyan i gwon jörun? 19A kata ’duak kune waddi Paro adi, Yi a kö ’yu ŋwajik lulyan i gwon jörun kogwon Ŋutu wate ti Ebere gwon ko riŋit i ta ’duuŋdyö, ti gwon gwoso Ŋutu wate ti Ejipeto; a se iŋge ta ’duuŋdyö a kokwe na ’dur na kata ’duanit ko lepeŋat ni. 20Nyena a Ŋun gwe a lo ’but ko kata ’duak kune; a Ŋutu ŋdine obi a gwe ko riŋit a duma parik. 21A ko gwe sona a Ŋun tiŋdi kata ’duak ŋwajik kogwon se a kujönö lepeŋ. 22#Kon 7.19 Nyena a Paro saŋi Ŋutu kanyit liŋ adi, Gubara ta ŋwajik lulyan liŋ ti Ebere logon pete ta ’due kilo i Supiri kata, ama kölöki ta ŋwajik nawate liŋ i gwon jorun.
Yuŋwe na Mose
Currently Selected:
Yuörö 1: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 1
1
Sasanya na Ŋutu ti Yisaraele Ejipeto yu
1 #
Sul 46.8-27
Kune a karin ti ŋwajik ti Yisaraele logon a tu Ejipeto kase Yakobo i pirit na geleŋ, Ŋutu liŋ geleŋ geleŋ ko midijik kase; 2kweja adi Rubena, ko Simeona, ko Lewi, ko Yuda, 3ko Yisakar, ko Jebulun, ko Benyamina, 4ko Dan, ko Napatali, ko Gada, se ko Aser. 5A nyakwariat liŋ ti Yakobo gwe a Ŋutu merya buryo; a Yosepa gwe Ejipeto nyu ’beron. 6A Yosepa twane twan ko luŋasirik kanyit liŋ, ko ŋinu toberon liŋ. 7#Kon 7.17 Ama a nyakwariat ti Yisaraele yuŋweni yuŋwe, a ŋdine ŋdi Jore parik; kweja adi se a ŋdi parik a gwe ko riŋit a duma; nyena a jur iŋge jore ko lepeŋat.
8 #
Kon 7.18
A lele mor ludukötyo lo puku i tumatyan ko Ejipeto. Ŋilo mor a ko den Yosepa. 9A nye kulyani ko Ŋutu kanyit adi, Mete ta, Ŋutu ti Yisaraele gwe jore parik a gwe ko riŋit lwölwöŋ yi. 10#Kon 7.19Po ta, ti yi kona kiŋdye ta se i tokoŋon an se molu ko obi, a mo gwe sona adi, ko gor mo a pukun, a se molu tomori ’börik ko merok kaŋ, a möröni koyi, a ŋiörö kaŋo kayaŋ i jur. 11Nye-nagon a se tiŋdi Ŋutu i tokitaju na Ŋutu ti Yisaraele i yöyöŋgu na se i yegga na ŋo na pömöni. A Ŋutu ti Yisaraele ’dukökiŋdye Paro köjinö ’delesi ti tito; kine köjinö a ko Pitom se ko Ramasese. 12Ama ma ’di nagon Ŋutu ti Ejipeto a yöyoŋgu lepeŋat parik nu, a se kölumbö obine ŋdi parik, a reki rekin i jur. A Ŋutu ti Ejipeto kujönöni Ŋutu ti Yisaraele. 13Nyena a se tokitaji Ŋutu ti Yisaraele ko ri ’diet, 14a todelyaji se ko kita na pömöni na lipo ko na tupön, ko na kitajin liŋ ka ’de ka ’de i meleseno. Kitajin kase liŋ na tokitaji se lepeŋat kine gwe ko ri ’diet.
15A mor lo Ejipeto kulyani ko Ŋutu wate ti Ebere nagon a kata ’duak, karin ti nene a Sipera, ko karin ti nene a Pua, 16adi, Ko ta parakiŋdya Ŋutu wate ti Ebere i ta ’du, mete ta met ŋuro i yuŋwe nanyit, a ko ŋuro a lulalet a ta ködyö tatuje lepeŋ; ama ko a ŋuro nanakwan a ta kö ’yi lepeŋ jörun. 17Ama a kine kata ’duak kujönöni Ŋun, a tine kon gwoso nagon mor lo Ejipeto a sarakiŋdye se nu, ama a se kölökiŋdye ŋwajik lyan i gwon jörun. 18A mor lo Ejipeto luŋgi kata ’duak kune a pipije se adi, Ko nyo ta a koŋdya sona i kölökiŋdyö na ŋwajik lyan i gwon jörun? 19A kata ’duak kune waddi Paro adi, Yi a kö ’yu ŋwajik lulyan i gwon jörun kogwon Ŋutu wate ti Ebere gwon ko riŋit i ta ’duuŋdyö, ti gwon gwoso Ŋutu wate ti Ejipeto; a se iŋge ta ’duuŋdyö a kokwe na ’dur na kata ’duanit ko lepeŋat ni. 20Nyena a Ŋun gwe a lo ’but ko kata ’duak kune; a Ŋutu ŋdine obi a gwe ko riŋit a duma parik. 21A ko gwe sona a Ŋun tiŋdi kata ’duak ŋwajik kogwon se a kujönö lepeŋ. 22#Kon 7.19 Nyena a Paro saŋi Ŋutu kanyit liŋ adi, Gubara ta ŋwajik lulyan liŋ ti Ebere logon pete ta ’due kilo i Supiri kata, ama kölöki ta ŋwajik nawate liŋ i gwon jorun.
Yuŋwe na Mose
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.