Yuörö 4
4
1A Mose waddi adi, Ama se mo ti yuŋ nan, Köti ti yiŋ gworo lio, kogwon se mo kulya adi, MATAT a ko pukökin konut. 2A MATAT pipije lepeŋ adi, Ŋilo a nyo konut i könin? A nye waddi adi, Lo a ture. 3A MATAT kulyani adi, Gubaki lepeŋ kak. A Mose gubakiŋdye nye kak, a worani a munu. A Mose wöki kaŋo kanyit, 4ama a MATAT kulyani ko Mose adi, Riöddi könin ilot ko moke lepeŋ i kotet. A nye riöddi könin lonyit a morgi munu, a nye worani a ture kanyit i könin. 5Ŋina ŋo a kweyet anyen kilo Ŋutu böŋö yuyuŋ adi MATAT Ŋun lo merenyejin kase, logon a Ŋun lo Abarayama, Ŋun lo Yisaka, ko a Ŋun lo Yakobo aje pukökin konut. 6A MATAT kulyani ko lepeŋ koti adi, Suki könin ilot konut i ku ku ’di. A nye sukiŋdye könin lonyit i kuku ’di; a nye ko ’dutuŋdye könin lonyit kaŋo, mete, a könin lonyit gwe a rimajin a lokwe gwoso kurök. 7A MATAT kulyani adi, Köti suki könin ilot konut i kuku ’di. A nye sukiŋdye könin lonyit Köti kanyit i kuku ’di, a nye ko ’dutuŋdye lepeŋ kaŋo kanyit i kuku ’di, mete, a nye aje yitöki a lo ’but gwoso mugun nanyit liŋ. 8A MATAT kulyani adi, Nyena ko se a ko yubbö do, koti a ko yeye kweyet na kokwe nu, a se mo yubbe kweyet na mukök na.
9A mo gwe sona adi ko se ti yubbö kine kweyesi murek, kode Köti ti yiŋ gworo ilot, a do ’yiladdi kunie pioŋ ti Supiri, a do ’bukökiŋdye i kak nateyon; a pioŋ na ’dipun do i Supiri kune mo worani a rima i kak nateyon loki.
10Ama a Mose kulyani ko MATAT adi, Pon MATAT lio, nan ti gwon a ŋuto logon a miri lo kulya, kode köju nu, kode i mukök na jambi do ko nan kölipönit ilot na; kogwon kutuk nio pömöni ko ŋedeŋ lio pömöni koti i jambu.
11A MATAT pipije lepeŋ adi, Ŋa lo gweja kutuk na ŋuto? Ŋa lo tiŋdu lepeŋ gwon a mumut, kode a miŋe, kode ko konyen memeddya, kode a mo ’doke? Ti gwon a nan MATAT le?
12Nyenagon iti, a nan mo gwe konut i kutuk, a nan mo todinikiŋdye do ŋo nagon do jajam kune. 13Ama a Mose waddi adi, Pon MATAT lio, nan mo ’yu do, böŋö soŋdi ŋuto logon do a wulun lo. 14A kirut woran na MATAT tuleki ko Mose, a nye pipije adi, Luŋaser ilot Arona logon a Lewityo ’bayin le? Nan deden adi lepeŋ bubulö jambu ’bura. Mete, nye popo i rum ko do, a ko nye a meddya do a nye mo gwe ko lyöŋön kanyit i töili. 15A do kodyö jambi ko lepeŋ, a do tiŋdi kulyaesi ko lepeŋ i kutuk; a nan mo gwe konut i kutuk ko kanyit i kutuk Köti, a nan mo todiŋdye ta ko ta koŋdya ada.
16Nye mo lo nyönyökökiŋdyö Ŋutu kulya nagon do ködyö lo jambu kune; a nye mo gwe a kutuk inot, a do mo gwe kanyit gwoso Ŋun. 17A do ködyö joŋgi ŋilo ture konut i könin, logon do kokonoji kine kweyesi lo.
Mose a yitö Ejipeto yu
18A Mose yitöni ko Yetero ŋogwo lonyit yu, a mo ’yi lepeŋ adi, Böŋö kölörö nan anyen nan yitö ko luŋasirik kwe lo gwon Ejipeto yu kulu, i meddya ko se kulu nyuŋ gwon jörun. A Yetero waddi Mose adi, Iti ’bura. 19A MATAT kulyani ko Mose Midiyan yu adi, Yitöni bot Ejipeto yu; kogwon Ŋutu liŋ logon ga ’yu tatuja do kulu aje twatwa. 20A Mose ’dumuŋdye narakwan nanyit ko ŋwajik kanyit a tiŋdi se i kaine loki, a yitöni bot i jur lo Ejipeto; a Mose joŋgi ture lo Ŋun kanyit i könin.
21A MATAT kulyani ko Mose adi, Ko do a yitö Ejipeto yu, meddi ’bura adi do kökon kine sörösi lio ko Paro i komor nagon nan a tiŋdu konut i könin kune; ama nan lepeŋ mo togo ’yu töili lonyit a nye mo tine kölöddu kilo Ŋutu.
22A do jamakiŋdye Paro adi, MATAT lo kulya sona adi, Yisaraele a ŋuro lio kayu, 23#Yuö 12.29 a nan kulyani ko do adi, Kölöddi ŋuro lio anyen nye böŋö tu kitakiŋdya nan, ama ko do li ’bön kölöddu lepeŋ, a nan mo tatuje ŋuro ilot kayu.
24A ko gwe sona i kiko i pirit dotoet, a MATAT rume ko lepeŋ, a ga ’yi tatuja lepeŋ. 25A kirut Sipora ’dumuŋdye ŋurupit napi a ’duŋge ka ’bi ’binya na ŋuro lonyit, a tanyakiŋdye ko Mose i mokosi kulya adi, Do ’diri a lalet lio lo rima! 26Nyena a MATAT kölö kiŋdye lepeŋ. A ŋinu gwe a diŋit nagon Sipora a kulya adi, Do a lalet lio lo rima, kogwon kulya ti tawero.
27A MATAT kulyani ko Arona adi, Iti i yöbu i rum ko Mose. A nye iti tu, a rume ko lepeŋ i mere lo Ŋun, a kalabbi lepeŋ roman ko ’bi ’biyet. 28A Mose nyönyokökiŋdye Arona kulyaesi liŋ ti MATAT logon nye a soŋdi lepeŋ kulu, ko kweyesi lio nagon nye a sarakin lepeŋ i koŋdya kunu.
29A Mose ko Arona iti tu a momoruŋdye temejik liŋ ti Ŋutu ti Yisaraele i pirit na geleŋ.
30A Arona nyönyöggi kulyaesi lio logon MATAT a jamakin Mose kulo, a koŋdi kweyesi a Ŋutu memeddya.
31A kulu Ŋutu yubbe yubbö; a na yiŋge se adi MATAT aje ’yö ’yu Ŋutu ti Yisaraele ko adi nye aje met se i sasanyesi kase nu, a se dulakiŋdye kusik kase kak i twöju.
Currently Selected:
Yuörö 4: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 4
4
1A Mose waddi adi, Ama se mo ti yuŋ nan, Köti ti yiŋ gworo lio, kogwon se mo kulya adi, MATAT a ko pukökin konut. 2A MATAT pipije lepeŋ adi, Ŋilo a nyo konut i könin? A nye waddi adi, Lo a ture. 3A MATAT kulyani adi, Gubaki lepeŋ kak. A Mose gubakiŋdye nye kak, a worani a munu. A Mose wöki kaŋo kanyit, 4ama a MATAT kulyani ko Mose adi, Riöddi könin ilot ko moke lepeŋ i kotet. A nye riöddi könin lonyit a morgi munu, a nye worani a ture kanyit i könin. 5Ŋina ŋo a kweyet anyen kilo Ŋutu böŋö yuyuŋ adi MATAT Ŋun lo merenyejin kase, logon a Ŋun lo Abarayama, Ŋun lo Yisaka, ko a Ŋun lo Yakobo aje pukökin konut. 6A MATAT kulyani ko lepeŋ koti adi, Suki könin ilot konut i ku ku ’di. A nye sukiŋdye könin lonyit i kuku ’di; a nye ko ’dutuŋdye könin lonyit kaŋo, mete, a könin lonyit gwe a rimajin a lokwe gwoso kurök. 7A MATAT kulyani adi, Köti suki könin ilot konut i kuku ’di. A nye sukiŋdye könin lonyit Köti kanyit i kuku ’di, a nye ko ’dutuŋdye lepeŋ kaŋo kanyit i kuku ’di, mete, a nye aje yitöki a lo ’but gwoso mugun nanyit liŋ. 8A MATAT kulyani adi, Nyena ko se a ko yubbö do, koti a ko yeye kweyet na kokwe nu, a se mo yubbe kweyet na mukök na.
9A mo gwe sona adi ko se ti yubbö kine kweyesi murek, kode Köti ti yiŋ gworo ilot, a do ’yiladdi kunie pioŋ ti Supiri, a do ’bukökiŋdye i kak nateyon; a pioŋ na ’dipun do i Supiri kune mo worani a rima i kak nateyon loki.
10Ama a Mose kulyani ko MATAT adi, Pon MATAT lio, nan ti gwon a ŋuto logon a miri lo kulya, kode köju nu, kode i mukök na jambi do ko nan kölipönit ilot na; kogwon kutuk nio pömöni ko ŋedeŋ lio pömöni koti i jambu.
11A MATAT pipije lepeŋ adi, Ŋa lo gweja kutuk na ŋuto? Ŋa lo tiŋdu lepeŋ gwon a mumut, kode a miŋe, kode ko konyen memeddya, kode a mo ’doke? Ti gwon a nan MATAT le?
12Nyenagon iti, a nan mo gwe konut i kutuk, a nan mo todinikiŋdye do ŋo nagon do jajam kune. 13Ama a Mose waddi adi, Pon MATAT lio, nan mo ’yu do, böŋö soŋdi ŋuto logon do a wulun lo. 14A kirut woran na MATAT tuleki ko Mose, a nye pipije adi, Luŋaser ilot Arona logon a Lewityo ’bayin le? Nan deden adi lepeŋ bubulö jambu ’bura. Mete, nye popo i rum ko do, a ko nye a meddya do a nye mo gwe ko lyöŋön kanyit i töili. 15A do kodyö jambi ko lepeŋ, a do tiŋdi kulyaesi ko lepeŋ i kutuk; a nan mo gwe konut i kutuk ko kanyit i kutuk Köti, a nan mo todiŋdye ta ko ta koŋdya ada.
16Nye mo lo nyönyökökiŋdyö Ŋutu kulya nagon do ködyö lo jambu kune; a nye mo gwe a kutuk inot, a do mo gwe kanyit gwoso Ŋun. 17A do ködyö joŋgi ŋilo ture konut i könin, logon do kokonoji kine kweyesi lo.
Mose a yitö Ejipeto yu
18A Mose yitöni ko Yetero ŋogwo lonyit yu, a mo ’yi lepeŋ adi, Böŋö kölörö nan anyen nan yitö ko luŋasirik kwe lo gwon Ejipeto yu kulu, i meddya ko se kulu nyuŋ gwon jörun. A Yetero waddi Mose adi, Iti ’bura. 19A MATAT kulyani ko Mose Midiyan yu adi, Yitöni bot Ejipeto yu; kogwon Ŋutu liŋ logon ga ’yu tatuja do kulu aje twatwa. 20A Mose ’dumuŋdye narakwan nanyit ko ŋwajik kanyit a tiŋdi se i kaine loki, a yitöni bot i jur lo Ejipeto; a Mose joŋgi ture lo Ŋun kanyit i könin.
21A MATAT kulyani ko Mose adi, Ko do a yitö Ejipeto yu, meddi ’bura adi do kökon kine sörösi lio ko Paro i komor nagon nan a tiŋdu konut i könin kune; ama nan lepeŋ mo togo ’yu töili lonyit a nye mo tine kölöddu kilo Ŋutu.
22A do jamakiŋdye Paro adi, MATAT lo kulya sona adi, Yisaraele a ŋuro lio kayu, 23#Yuö 12.29 a nan kulyani ko do adi, Kölöddi ŋuro lio anyen nye böŋö tu kitakiŋdya nan, ama ko do li ’bön kölöddu lepeŋ, a nan mo tatuje ŋuro ilot kayu.
24A ko gwe sona i kiko i pirit dotoet, a MATAT rume ko lepeŋ, a ga ’yi tatuja lepeŋ. 25A kirut Sipora ’dumuŋdye ŋurupit napi a ’duŋge ka ’bi ’binya na ŋuro lonyit, a tanyakiŋdye ko Mose i mokosi kulya adi, Do ’diri a lalet lio lo rima! 26Nyena a MATAT kölö kiŋdye lepeŋ. A ŋinu gwe a diŋit nagon Sipora a kulya adi, Do a lalet lio lo rima, kogwon kulya ti tawero.
27A MATAT kulyani ko Arona adi, Iti i yöbu i rum ko Mose. A nye iti tu, a rume ko lepeŋ i mere lo Ŋun, a kalabbi lepeŋ roman ko ’bi ’biyet. 28A Mose nyönyokökiŋdye Arona kulyaesi liŋ ti MATAT logon nye a soŋdi lepeŋ kulu, ko kweyesi lio nagon nye a sarakin lepeŋ i koŋdya kunu.
29A Mose ko Arona iti tu a momoruŋdye temejik liŋ ti Ŋutu ti Yisaraele i pirit na geleŋ.
30A Arona nyönyöggi kulyaesi lio logon MATAT a jamakin Mose kulo, a koŋdi kweyesi a Ŋutu memeddya.
31A kulu Ŋutu yubbe yubbö; a na yiŋge se adi MATAT aje ’yö ’yu Ŋutu ti Yisaraele ko adi nye aje met se i sasanyesi kase nu, a se dulakiŋdye kusik kase kak i twöju.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.