Yuörö 6
6
1A MATAT kulyani ko Mose adi, Soŋinana do de memet ŋo nagon nan de kökonakin Paro kune; kogwon nye mo kökölörö se ko könin lonyit iŋgo lo riŋit, iŋkoi, nye mo ririkörö lepeŋat kaŋo kanyit i jur ko könin lonyit iŋgo.
Luŋu na Mose daŋ tomurek
2 #
Sul 17.1; 28.3; 35.11; Yuö 3.13-15 A Ŋun kulyani ko Mose adi, Nan a MATAT. 3Nan köju a pukökin ko Abarayama, ko Yisaka, se ko Yakobo, adi nan a Ŋun Kabulönit, ama nan a ko tiŋdu lepeŋat i deŋdya na nan ko karin kwe ti MATAT. 4A nan Köti togwi ’dikiŋdye tomoret nio ko se i tiŋdu na lepeŋat jur lo Kanana a lose, kweja adi ŋilu jur logon lepeŋat si ’da kata a lepelok lu. 5Köti nan lepeŋ aje yiŋ wiwinyesi ti Ŋutu ti Yisaraele logon Ŋutu ti Ejipeto a ri ’dikin a ’dupi kulo, a nan iŋge yiyiuŋdyö tomoret nio. 6Nyenagon kulyani ko Ŋutu ti Yisaraele adi, Nan a MATAT, nan mo jojon ta kaŋo i kita na pömöni nagon Ŋutu ti Ejipeto a ri ’dikin ta na, a nan mo lwökuŋdye ta kaŋo i to ’dupien nasu, a nan mo kölöddi ta a lui ko könin lo riöji se ko konesi temejik ti ’duŋgö na putet, 7a nan mo joŋgi ta a Ŋutu kwe, a nan mo gwe a Ŋun losu, a ta mo dene den adi nan a MATAT Ŋun losu logon a joŋdya ta kaŋo i kita na pömöni nagon Ŋutu ti Ejipeto a ri ’dikin ta na. 8A nan mo tolupödöi ta i ŋilu jur logon nan a ’doggu könin lio ki i milyekiŋdyo tiŋdu Abarayama, ko Yisaka, se ko Yakobo lu; a nan mo tiŋdi ta ŋilu jur a lomore losu. Nan logon a MATAT.
9A Mose nyönyokökiŋdye Ŋutu ti Yisaraele kilo kulyaesi, ama a se tine ’bön yiŋga Mose asut, kogwon lokole lose se ko to ’dupien nase na pömöni.
10A MATAT kulyani ko Mose adi,
11Lupöni ko Paro mor lo Ejipeto yu, jamaki lepeŋ adi ti nye kölörö Ŋutu ti Yisaraele kaŋo kanyit i jur. 12#6.12 ŋulu ’be Ebere luŋgu ŋulu ’be adi kutuk ako tawero A Mose jambi ko MATAT i kömöŋ adi, Mete, Ŋutu ti Yisaraele ti yiŋ nan kwoŋ; nyena a Paro de yiŋge nan ada nan logon a ŋulu ’be lo? 13Ama a MATAT kulyani ko Mose ko Arona, a sarakiŋdye lepeŋat i kulya ti Ŋutu ti Yisaraele se ko ti Paro mor lo Ejipeto, kweja adi anyen se joŋga Ŋutu ti Yisaraele kaŋo i jur lo Ejipeto.
Kenet na kötumit nase Mose ko Arona
14Kilo a kusik ti kötumitön ti merenyejin kase.
Ŋwajik ti Rubena ŋuro kayu lo Yisaraele, karin kase a ko Kanok, ko Palu, ko Keseron, ko Karmi; kweja adi kilo a nyakwariat ti Rubena gwoso i midijik kase.
15A ŋwajik ti Simeona gwe a ko Yemuele, ko Yamin, ko Oda, ko Yakin, ko Sokar, ko Saula ŋuro lo ŋuto na Kanana; kilo a nyakwariat ti Simeona gwoso i midijik kase.
16 #
Ken 3.17-20; 26.57, 58; 1 Dek 6.16-19 A kune gwe a karin ti ŋwajik ti Lewi gwoso i nyakwariat kase. Lepeŋat a ko Gereson, ko Kowat, ko Merari. Kiŋajin ti Lewi a mia geleŋ ko merya musala wot buryo.
17A ŋwajik ti Gereson gwe a ko Libeni ko Simei gwoso i midijik kase.
18A ŋwajik ti Kowat gwe a ko Ameram, ko Yisar, ko Keberon, se ko Ujiele. Kiŋajin ti Kowat a mia geleŋ ko merya musala wot musala.
19A ŋwajik ti Merari gwe a ko Makeli ko Musi. Kine a midijik ti Ŋutu ti Lewi gwoso i nyakwariat kase.
20A Ameram yembi Yokebede kiaser na monye a nakwan nanyit, a nye yuŋwekiŋdye lepeŋ Arona ko Mose. Kiŋajin ti Ameram a mia geleŋ ko merya musala wot buryo.
21A ŋwajik ti Yisar gwe a ko Korak, ko Nepeŋe, ko Jikeri.
22A ŋwajik ti Ujiele gwe a ko Misaele, ko Elesapana, ko Siteri.
23A Arona yembi Eliseba ŋuro na Aminadaba ko a kiaser na Nasona a nakwan nanyit; a nye yuŋwekiŋdye lepeŋ Nadaba, ko Abiu, ko Elejara, ko Itamar.
24A ŋwajik ti Korak gwe a ko Asir, ko Elekana, ko Abiasaŋ; kine a midijik ti Ŋutu ti Korak.
25A Elejara ŋuro lo Arona yembi nene na ŋwajik ti Putiele; a nye yuŋwekiŋdye lepeŋ Pinasa. Kilo a kusik ti kötumitön ti merenyejin ti Ŋutu ti Lewi gwoso i midijik kase.
26Kilo a ko ŋilo Arona ko ŋilo Mose logon MATAT a kulya ko lepeŋat adi, Joŋgi ta Ŋutu ti Yisaraele kaŋo i jur lo Ejipeto gwoso i lodirön kase.
27Kilo a ko Mose ko Arona lo jambu ko Paro mor lo Ejipeto, i kulya ti joŋga na Ŋutu ti Yisaraele kaŋo i jur lo Ejipeto.
MATAT sarakin Mose ko Arona kulya nagon jamaki Paro kune
28A ko gwe sona i ŋilu lor lo jambi MATAT ko Mose nyu i jur lo Ejipeto lu,
29a MATAT kulyani ko Mose adi, Nan logon a MATAT; nyönyököki Paro mor lo Ejipeto ŋo liŋ na sarakin nan do kine.
30Ama a Mose pipije MATAT a lokomor adi, Mete, nan a ŋulu ’be, a Paro de yiŋge nan ada?
Currently Selected:
Yuörö 6: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 6
6
1A MATAT kulyani ko Mose adi, Soŋinana do de memet ŋo nagon nan de kökonakin Paro kune; kogwon nye mo kökölörö se ko könin lonyit iŋgo lo riŋit, iŋkoi, nye mo ririkörö lepeŋat kaŋo kanyit i jur ko könin lonyit iŋgo.
Luŋu na Mose daŋ tomurek
2 #
Sul 17.1; 28.3; 35.11; Yuö 3.13-15 A Ŋun kulyani ko Mose adi, Nan a MATAT. 3Nan köju a pukökin ko Abarayama, ko Yisaka, se ko Yakobo, adi nan a Ŋun Kabulönit, ama nan a ko tiŋdu lepeŋat i deŋdya na nan ko karin kwe ti MATAT. 4A nan Köti togwi ’dikiŋdye tomoret nio ko se i tiŋdu na lepeŋat jur lo Kanana a lose, kweja adi ŋilu jur logon lepeŋat si ’da kata a lepelok lu. 5Köti nan lepeŋ aje yiŋ wiwinyesi ti Ŋutu ti Yisaraele logon Ŋutu ti Ejipeto a ri ’dikin a ’dupi kulo, a nan iŋge yiyiuŋdyö tomoret nio. 6Nyenagon kulyani ko Ŋutu ti Yisaraele adi, Nan a MATAT, nan mo jojon ta kaŋo i kita na pömöni nagon Ŋutu ti Ejipeto a ri ’dikin ta na, a nan mo lwökuŋdye ta kaŋo i to ’dupien nasu, a nan mo kölöddi ta a lui ko könin lo riöji se ko konesi temejik ti ’duŋgö na putet, 7a nan mo joŋgi ta a Ŋutu kwe, a nan mo gwe a Ŋun losu, a ta mo dene den adi nan a MATAT Ŋun losu logon a joŋdya ta kaŋo i kita na pömöni nagon Ŋutu ti Ejipeto a ri ’dikin ta na. 8A nan mo tolupödöi ta i ŋilu jur logon nan a ’doggu könin lio ki i milyekiŋdyo tiŋdu Abarayama, ko Yisaka, se ko Yakobo lu; a nan mo tiŋdi ta ŋilu jur a lomore losu. Nan logon a MATAT.
9A Mose nyönyokökiŋdye Ŋutu ti Yisaraele kilo kulyaesi, ama a se tine ’bön yiŋga Mose asut, kogwon lokole lose se ko to ’dupien nase na pömöni.
10A MATAT kulyani ko Mose adi,
11Lupöni ko Paro mor lo Ejipeto yu, jamaki lepeŋ adi ti nye kölörö Ŋutu ti Yisaraele kaŋo kanyit i jur. 12#6.12 ŋulu ’be Ebere luŋgu ŋulu ’be adi kutuk ako tawero A Mose jambi ko MATAT i kömöŋ adi, Mete, Ŋutu ti Yisaraele ti yiŋ nan kwoŋ; nyena a Paro de yiŋge nan ada nan logon a ŋulu ’be lo? 13Ama a MATAT kulyani ko Mose ko Arona, a sarakiŋdye lepeŋat i kulya ti Ŋutu ti Yisaraele se ko ti Paro mor lo Ejipeto, kweja adi anyen se joŋga Ŋutu ti Yisaraele kaŋo i jur lo Ejipeto.
Kenet na kötumit nase Mose ko Arona
14Kilo a kusik ti kötumitön ti merenyejin kase.
Ŋwajik ti Rubena ŋuro kayu lo Yisaraele, karin kase a ko Kanok, ko Palu, ko Keseron, ko Karmi; kweja adi kilo a nyakwariat ti Rubena gwoso i midijik kase.
15A ŋwajik ti Simeona gwe a ko Yemuele, ko Yamin, ko Oda, ko Yakin, ko Sokar, ko Saula ŋuro lo ŋuto na Kanana; kilo a nyakwariat ti Simeona gwoso i midijik kase.
16 #
Ken 3.17-20; 26.57, 58; 1 Dek 6.16-19 A kune gwe a karin ti ŋwajik ti Lewi gwoso i nyakwariat kase. Lepeŋat a ko Gereson, ko Kowat, ko Merari. Kiŋajin ti Lewi a mia geleŋ ko merya musala wot buryo.
17A ŋwajik ti Gereson gwe a ko Libeni ko Simei gwoso i midijik kase.
18A ŋwajik ti Kowat gwe a ko Ameram, ko Yisar, ko Keberon, se ko Ujiele. Kiŋajin ti Kowat a mia geleŋ ko merya musala wot musala.
19A ŋwajik ti Merari gwe a ko Makeli ko Musi. Kine a midijik ti Ŋutu ti Lewi gwoso i nyakwariat kase.
20A Ameram yembi Yokebede kiaser na monye a nakwan nanyit, a nye yuŋwekiŋdye lepeŋ Arona ko Mose. Kiŋajin ti Ameram a mia geleŋ ko merya musala wot buryo.
21A ŋwajik ti Yisar gwe a ko Korak, ko Nepeŋe, ko Jikeri.
22A ŋwajik ti Ujiele gwe a ko Misaele, ko Elesapana, ko Siteri.
23A Arona yembi Eliseba ŋuro na Aminadaba ko a kiaser na Nasona a nakwan nanyit; a nye yuŋwekiŋdye lepeŋ Nadaba, ko Abiu, ko Elejara, ko Itamar.
24A ŋwajik ti Korak gwe a ko Asir, ko Elekana, ko Abiasaŋ; kine a midijik ti Ŋutu ti Korak.
25A Elejara ŋuro lo Arona yembi nene na ŋwajik ti Putiele; a nye yuŋwekiŋdye lepeŋ Pinasa. Kilo a kusik ti kötumitön ti merenyejin ti Ŋutu ti Lewi gwoso i midijik kase.
26Kilo a ko ŋilo Arona ko ŋilo Mose logon MATAT a kulya ko lepeŋat adi, Joŋgi ta Ŋutu ti Yisaraele kaŋo i jur lo Ejipeto gwoso i lodirön kase.
27Kilo a ko Mose ko Arona lo jambu ko Paro mor lo Ejipeto, i kulya ti joŋga na Ŋutu ti Yisaraele kaŋo i jur lo Ejipeto.
MATAT sarakin Mose ko Arona kulya nagon jamaki Paro kune
28A ko gwe sona i ŋilu lor lo jambi MATAT ko Mose nyu i jur lo Ejipeto lu,
29a MATAT kulyani ko Mose adi, Nan logon a MATAT; nyönyököki Paro mor lo Ejipeto ŋo liŋ na sarakin nan do kine.
30Ama a Mose pipije MATAT a lokomor adi, Mete, nan a ŋulu ’be, a Paro de yiŋge nan ada?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.