Suluet 30
30
1A Raele ko meddi adi Lea a yupwekindyö Yakobo ŋwajik, a nye yinöni ko kiaser nanyit; a nye kulyani ko Yakobo adi, Tiŋdi nan ŋwajik kode nan twatwan! 2A woran na Yakobo rölökindye ko Raele loki, a nye pipije adi, Nan a ruddya pirit na Ŋun le logon a tiŋikiŋdyö ludweki konut i pele lo? 3A Raele kulyani adi. Mana kölipönit nio Bila; lupöni ko lepeŋ yu, anyen nye bubulö ta ’dukiŋdya ŋuro köyö i puŋdyat, anyen nan Köti mo pipilu koŋgwon lepeŋ. 4A nye tiŋdi lepeŋ kölipönit nanyit Bila a narakwan; a Yakobo lupöni ko lepeŋ yu. 5A Bila piŋge pigga a yuŋwekiŋdye Yakobo ŋuro lulalet. 6A Raele kulyani adi, Ŋun aje ’duŋgö kul ya kwe ko Köti aje yiŋga gworo lio, a tiŋdi nan ŋuro lulalet; nyenagon a Raele gwije lepeŋ a Dan.#30.6 Dan Karin ti Dan kweja adi ’Duŋgo 7A Bila kölipönit na Raele Köti piŋge pigga a yuŋwekiŋdye Yakobo ŋuro lulalet tomurek. 8A Raele kulyani adi, Nan a morga kupe ko kiaser nio, a nan iŋge te ’ya. Nyena a nye gwije ŋiloruro a Napatali.#30.8 Napataliyiyiŋa gwoso adi Mogga kupe
9A Lea ko meddi adi nye a gwo ’dan i ta ’du, a nye ’dumuŋdye Jilepa kölipönit nanyit na, a tiŋdi Yakobo i gwon a nakwan nanyit. 10Nyenagon a Jilepa kölipönit na Lea yuŋwekiŋdye Yakobo ŋuro lulalet. 11A Lea kulyani adi, Nan gwon ko komor na ’but! A nye gwije lepeŋ a Gada.#30.11Gada Karin ti Gada kweja adi Komor na ’but 12A Jilepa kölipönit na Lea yuŋwekiŋdye Yakobo ŋuro lulalet tomurek. 13A Lea kulyani adi, Nan a kalyoŋi! Kogwon Ŋutu wate de luŋgu nan a kalyöpönit; nyena a nye gwije lepeŋ a Aser.#30.13 Aser Karin ti Aser kweja adi Kalyoŋonit
14A i perok ŋeresi ti ’bolot, a Rubena iti tu, a ryeji ludweki ti maŋöarak i melesen, a jakiŋdye Lea ŋote nanyit. A kirut Raele mo ’yi Lea adi, Böŋö tiŋdi nan kulye ludweki ti maŋöarak lo jon ŋuro ilot kilo. 15Ama a Lea pipije lepeŋ adi, Do a tikaddu lalet lio, do yeyeju adi kine a kulya ku ’dik le? A do de tikaddi ludweki ti maŋöarak lo jon ŋuro lio kulo Köti le? A Raele waddi adi, Ko sona a nye dotoni ko do i lo tukwaje kogwon ludweki ti maŋöarak#30.15 maŋöarak Kita na maŋöarak jojo ko na winilo luŋu a kuyubi lo jon ŋuro ilot kilo. 16A Yakobo ko yitwene kotyaŋ i melesen, a Lea lupödöi i rum ko lepeŋ, a kulyani adi, Do ködyö lupuŋdyö köyö ni kogwon nan aje gwörun do ko ludweki ti maŋöarak lo jon ŋuro lio kulo. A Yakobo dotoni ko lepeŋ i ŋilu tukwaje. 17Ŋun yiŋge Lea, a nye piŋge pigga a yuŋwekiŋdye Yakobo ŋuro lulalet tomukanat.
18A Lea kulyani adi, Ŋun aje ropakiŋdya nan kogwon nan aje tin lalet lio kölipönit nio; nyena a nye gwije lepeŋ a Yisakar.#30.18 Yisakar Karin ti Yisakar kweja adi Lo rorope 19A Lea piŋge pigga koti a yuŋwekiŋdye Yakobo ŋuro lulalet tobuker. 20A Lea kulyani adi, Ŋun a tukworieŋdu nan ko toro ’bo na ’but yemesi; nyena soŋinana lalet lio de bu ’ya nan, kogwon nan a yuŋwekiŋdyö lepeŋ ŋwajik lulyan buker; nyena a nye gwije lepeŋ a Jebulun.#30.20 Jebulun Karin ti Jebulun yiyiŋa gwoso adi Bu ’ya 21a i mukök nanyit a nye yuŋuŋdye ŋuro nakwan a gwije lepeŋ a Dina. 22A Ŋun yeyeji Raele, a Ŋun yiŋge lepeŋ, a ŋaji pele nanyit. 23A nye piŋge pigga a yuŋuŋdye ŋuro lulalet, a kulyani adi, Ŋun aje ’dumaddu yu nio na kwe kaŋo; 24a nye gwije lepeŋ a Yosepa, #30.24 Yosepa Karin ti Yosepa kweja adi Ti nye ’yalakiŋdye kulya adi, Ti MATAT ’yalaki nan lele ŋuro lulalet Köti!
Yakobo a torukökin ko Labana
25A ko gwe sona nagon Raele aje yupuŋdyö Yosepa nu, a Yakobo kulyani ko Labana adi, Kölörö nan anyen nan tu köyö mede ko kayaŋ i jur. 26Tiŋdi nan wate kwe ko ŋwajik kwe logon nan a kitakiŋdya do kogwon se kulo, ko kolöddi nan; kogwon do deden kita nio nagon nan a kitakiŋdye do na. 27a Labana kulyani ko lepeŋ adi, Böŋö yiŋge kiyaŋ. Nan a katimba i kweyesi ti mian adi MATAT aje ’boroja nan kogwon kulya kunök; 28ŋyena taki nan ŋo nagon nan parakiŋdye do, a nan de tiŋdi do. 29A Yakobo kulyani ko lepeŋ adi, Do a den ko nan a kitakiŋdya do ada, Köti ko toro ’bo kunök gwon ada köyö i könin. 30Kogwon do köjugwon ko toro ’bo ku ’dik a kokwe napo nio, ama se aje ŋdi jore parik; MATAT aje ’boroja do i piritön liŋ na yuggi nan kune. Soŋinana nan mo ko tunyeju ’baŋ nio nanu? 31A Labana pipije adi, Ti nan tiki do nyo? A Yakobo waddi adi, Do de ti tiŋdu nan nene ŋo; ko do a ruk konakiŋdya nan na ŋo, a nan de Köti tunyeji teŋ inot na yidin a yuggi se. 32I lo lor nan de wöwörö ikiden na teŋ inot na yidin, a nan de nyunyumuŋdye kata yidin liŋ nagon ko wuresi adi ’yim ’yim ko nagon a nakiri, ko köbilu narwök liŋ, ko melon nagon a nakiri ko nagon ko wuresi adi ’yim ’yim; a kine mo gwe a nagon do parakiŋdye nan. 33Nyena a kulya kwe na rigwo mo na kwekiŋdye nan molu nu adi nan ’bayin a kolanit, na pöri do i wöŋu na yidin nagon do parakiŋdye nan kune. I kiden na yidin kwe melon liŋ nagon ’bak wuresi adi ’yim ’yim kode ’bayin a nakiri, ko köbilu nagon ’bayin a narwök, ko se a rye köyö kweja adi se kokolwe.
34A Labana kulyani adi, A na ’but, ti gwe gwoso na kulyari do ŋina. 35Ama i ŋilu lor gwak, a Labana ’dumaddi lorijoki melon logon a lobeke ko a lokiri, se ko melon liŋ nagon ko wuresi adi ’yim ’yim ko a nakiri, ko se liŋ nagon adi kwakwak, se ko köbilu narwök liŋ, a tiŋdi ŋwajik kanyit i yuggu na se; 36a nye soŋdi lepeŋat i kwake nagon se jölö perok musala i kiden nanyit ko Yakobo; a Yakobo yuggi pitönö ti yidin ti Labana kune.
37A Yakobo ’dumuŋdye kenia ti libina, ko ti luja, se ko ti aremon, a luluŋdi kine kenia a kikolin lokwe. 38A nye togwi ’dikiŋdye kenia nagon nye a lulun kune ko yidin i komor, i joran ko i ta ’doka kata, na poŋdi yidin i möju nu. Nyena a na poŋdi se i möju nu a se gwotone gwoto, 39a kine yidin gwotone gwoto i komor na kine kenia, nyena a yidin yuŋuŋdye torela nagon a nabeke, ko nagon ko wuresi adi ’yim ’yim ko a nakiri. 40a Yakobo koruŋdye kunu torela ti yidin kaŋo, a tiŋdi komorsikan ti teŋon ti yidin i todir ko yidin nabeke ko narwök liŋ ti yidin ti Labana kune; a nye koraddi teŋon kanyit ti yidin anyen gwon ka ’de, a gwe a ko mora ko yidin ti Labana kune. 41A ko gwe sona, na gwotori yidin nagon a nago i mugunya kune nu, a Yakobo petakiŋdye kine kenia i joran kata i komor na yidin, anyen se gwogwoto i kiden na kine kenia, 42ama nye a ko petakiŋdya se i yidin nagon a namunyak i mugunya kune; nyena a se nagon a namunyak kune gwe a ti Labana, a se nagon a nago kune gwe a ti Yakobo. 43Nyena a toro ’bo ti lu ŋuto ŋdine ŋdi jore parik, a lepeŋ worani a kwörinit, a gwe ko teŋon dumalak ti yidin, ko köli pönök nawate ko lulyan, ko kamilojin se ko kaineki.
Currently Selected:
Suluet 30: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 30
30
1A Raele ko meddi adi Lea a yupwekindyö Yakobo ŋwajik, a nye yinöni ko kiaser nanyit; a nye kulyani ko Yakobo adi, Tiŋdi nan ŋwajik kode nan twatwan! 2A woran na Yakobo rölökindye ko Raele loki, a nye pipije adi, Nan a ruddya pirit na Ŋun le logon a tiŋikiŋdyö ludweki konut i pele lo? 3A Raele kulyani adi. Mana kölipönit nio Bila; lupöni ko lepeŋ yu, anyen nye bubulö ta ’dukiŋdya ŋuro köyö i puŋdyat, anyen nan Köti mo pipilu koŋgwon lepeŋ. 4A nye tiŋdi lepeŋ kölipönit nanyit Bila a narakwan; a Yakobo lupöni ko lepeŋ yu. 5A Bila piŋge pigga a yuŋwekiŋdye Yakobo ŋuro lulalet. 6A Raele kulyani adi, Ŋun aje ’duŋgö kul ya kwe ko Köti aje yiŋga gworo lio, a tiŋdi nan ŋuro lulalet; nyenagon a Raele gwije lepeŋ a Dan.#30.6 Dan Karin ti Dan kweja adi ’Duŋgo 7A Bila kölipönit na Raele Köti piŋge pigga a yuŋwekiŋdye Yakobo ŋuro lulalet tomurek. 8A Raele kulyani adi, Nan a morga kupe ko kiaser nio, a nan iŋge te ’ya. Nyena a nye gwije ŋiloruro a Napatali.#30.8 Napataliyiyiŋa gwoso adi Mogga kupe
9A Lea ko meddi adi nye a gwo ’dan i ta ’du, a nye ’dumuŋdye Jilepa kölipönit nanyit na, a tiŋdi Yakobo i gwon a nakwan nanyit. 10Nyenagon a Jilepa kölipönit na Lea yuŋwekiŋdye Yakobo ŋuro lulalet. 11A Lea kulyani adi, Nan gwon ko komor na ’but! A nye gwije lepeŋ a Gada.#30.11Gada Karin ti Gada kweja adi Komor na ’but 12A Jilepa kölipönit na Lea yuŋwekiŋdye Yakobo ŋuro lulalet tomurek. 13A Lea kulyani adi, Nan a kalyoŋi! Kogwon Ŋutu wate de luŋgu nan a kalyöpönit; nyena a nye gwije lepeŋ a Aser.#30.13 Aser Karin ti Aser kweja adi Kalyoŋonit
14A i perok ŋeresi ti ’bolot, a Rubena iti tu, a ryeji ludweki ti maŋöarak i melesen, a jakiŋdye Lea ŋote nanyit. A kirut Raele mo ’yi Lea adi, Böŋö tiŋdi nan kulye ludweki ti maŋöarak lo jon ŋuro ilot kilo. 15Ama a Lea pipije lepeŋ adi, Do a tikaddu lalet lio, do yeyeju adi kine a kulya ku ’dik le? A do de tikaddi ludweki ti maŋöarak lo jon ŋuro lio kulo Köti le? A Raele waddi adi, Ko sona a nye dotoni ko do i lo tukwaje kogwon ludweki ti maŋöarak#30.15 maŋöarak Kita na maŋöarak jojo ko na winilo luŋu a kuyubi lo jon ŋuro ilot kilo. 16A Yakobo ko yitwene kotyaŋ i melesen, a Lea lupödöi i rum ko lepeŋ, a kulyani adi, Do ködyö lupuŋdyö köyö ni kogwon nan aje gwörun do ko ludweki ti maŋöarak lo jon ŋuro lio kulo. A Yakobo dotoni ko lepeŋ i ŋilu tukwaje. 17Ŋun yiŋge Lea, a nye piŋge pigga a yuŋwekiŋdye Yakobo ŋuro lulalet tomukanat.
18A Lea kulyani adi, Ŋun aje ropakiŋdya nan kogwon nan aje tin lalet lio kölipönit nio; nyena a nye gwije lepeŋ a Yisakar.#30.18 Yisakar Karin ti Yisakar kweja adi Lo rorope 19A Lea piŋge pigga koti a yuŋwekiŋdye Yakobo ŋuro lulalet tobuker. 20A Lea kulyani adi, Ŋun a tukworieŋdu nan ko toro ’bo na ’but yemesi; nyena soŋinana lalet lio de bu ’ya nan, kogwon nan a yuŋwekiŋdyö lepeŋ ŋwajik lulyan buker; nyena a nye gwije lepeŋ a Jebulun.#30.20 Jebulun Karin ti Jebulun yiyiŋa gwoso adi Bu ’ya 21a i mukök nanyit a nye yuŋuŋdye ŋuro nakwan a gwije lepeŋ a Dina. 22A Ŋun yeyeji Raele, a Ŋun yiŋge lepeŋ, a ŋaji pele nanyit. 23A nye piŋge pigga a yuŋuŋdye ŋuro lulalet, a kulyani adi, Ŋun aje ’dumaddu yu nio na kwe kaŋo; 24a nye gwije lepeŋ a Yosepa, #30.24 Yosepa Karin ti Yosepa kweja adi Ti nye ’yalakiŋdye kulya adi, Ti MATAT ’yalaki nan lele ŋuro lulalet Köti!
Yakobo a torukökin ko Labana
25A ko gwe sona nagon Raele aje yupuŋdyö Yosepa nu, a Yakobo kulyani ko Labana adi, Kölörö nan anyen nan tu köyö mede ko kayaŋ i jur. 26Tiŋdi nan wate kwe ko ŋwajik kwe logon nan a kitakiŋdya do kogwon se kulo, ko kolöddi nan; kogwon do deden kita nio nagon nan a kitakiŋdye do na. 27a Labana kulyani ko lepeŋ adi, Böŋö yiŋge kiyaŋ. Nan a katimba i kweyesi ti mian adi MATAT aje ’boroja nan kogwon kulya kunök; 28ŋyena taki nan ŋo nagon nan parakiŋdye do, a nan de tiŋdi do. 29A Yakobo kulyani ko lepeŋ adi, Do a den ko nan a kitakiŋdya do ada, Köti ko toro ’bo kunök gwon ada köyö i könin. 30Kogwon do köjugwon ko toro ’bo ku ’dik a kokwe napo nio, ama se aje ŋdi jore parik; MATAT aje ’boroja do i piritön liŋ na yuggi nan kune. Soŋinana nan mo ko tunyeju ’baŋ nio nanu? 31A Labana pipije adi, Ti nan tiki do nyo? A Yakobo waddi adi, Do de ti tiŋdu nan nene ŋo; ko do a ruk konakiŋdya nan na ŋo, a nan de Köti tunyeji teŋ inot na yidin a yuggi se. 32I lo lor nan de wöwörö ikiden na teŋ inot na yidin, a nan de nyunyumuŋdye kata yidin liŋ nagon ko wuresi adi ’yim ’yim ko nagon a nakiri, ko köbilu narwök liŋ, ko melon nagon a nakiri ko nagon ko wuresi adi ’yim ’yim; a kine mo gwe a nagon do parakiŋdye nan. 33Nyena a kulya kwe na rigwo mo na kwekiŋdye nan molu nu adi nan ’bayin a kolanit, na pöri do i wöŋu na yidin nagon do parakiŋdye nan kune. I kiden na yidin kwe melon liŋ nagon ’bak wuresi adi ’yim ’yim kode ’bayin a nakiri, ko köbilu nagon ’bayin a narwök, ko se a rye köyö kweja adi se kokolwe.
34A Labana kulyani adi, A na ’but, ti gwe gwoso na kulyari do ŋina. 35Ama i ŋilu lor gwak, a Labana ’dumaddi lorijoki melon logon a lobeke ko a lokiri, se ko melon liŋ nagon ko wuresi adi ’yim ’yim ko a nakiri, ko se liŋ nagon adi kwakwak, se ko köbilu narwök liŋ, a tiŋdi ŋwajik kanyit i yuggu na se; 36a nye soŋdi lepeŋat i kwake nagon se jölö perok musala i kiden nanyit ko Yakobo; a Yakobo yuggi pitönö ti yidin ti Labana kune.
37A Yakobo ’dumuŋdye kenia ti libina, ko ti luja, se ko ti aremon, a luluŋdi kine kenia a kikolin lokwe. 38A nye togwi ’dikiŋdye kenia nagon nye a lulun kune ko yidin i komor, i joran ko i ta ’doka kata, na poŋdi yidin i möju nu. Nyena a na poŋdi se i möju nu a se gwotone gwoto, 39a kine yidin gwotone gwoto i komor na kine kenia, nyena a yidin yuŋuŋdye torela nagon a nabeke, ko nagon ko wuresi adi ’yim ’yim ko a nakiri. 40a Yakobo koruŋdye kunu torela ti yidin kaŋo, a tiŋdi komorsikan ti teŋon ti yidin i todir ko yidin nabeke ko narwök liŋ ti yidin ti Labana kune; a nye koraddi teŋon kanyit ti yidin anyen gwon ka ’de, a gwe a ko mora ko yidin ti Labana kune. 41A ko gwe sona, na gwotori yidin nagon a nago i mugunya kune nu, a Yakobo petakiŋdye kine kenia i joran kata i komor na yidin, anyen se gwogwoto i kiden na kine kenia, 42ama nye a ko petakiŋdya se i yidin nagon a namunyak i mugunya kune; nyena a se nagon a namunyak kune gwe a ti Labana, a se nagon a nago kune gwe a ti Yakobo. 43Nyena a toro ’bo ti lu ŋuto ŋdine ŋdi jore parik, a lepeŋ worani a kwörinit, a gwe ko teŋon dumalak ti yidin, ko köli pönök nawate ko lulyan, ko kamilojin se ko kaineki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.