Suluet 40
40
Yosepa a tokurukiŋdyö Ŋutu lo rereka rudweesi kase
1A ko gwe sona i mukök na kine kulya, a katumatanit lo mor lo Ejipeto se ko kaderanit lo ambatajin ti mor kulo, iŋge toroŋdya ko duma lose i komor logon a mor lo Ejipeto. 2A Paro wore woran ko kakitak kanyit murek logon a ko duma lo katumatak se ko duma lo kaderak ti ambatajin kulo, 3a nye tiŋdi se i rereka i kadi na duma lo katiyuk, i kadi rereket, i pirit na rerekari Yosepa nu. 4A dumalo katiyuk sarakiŋdye Yosepa i parakiŋdya na se, a Yosepa kitakiŋdye se; a se mönuŋdye kulye perok i kadi rereket. 5A i tukwaje lo geleŋ lu, a katumatanit se ko kaderanit lo ambatajin ti mor lo Ejipeto logon a rereka i kadi rereket kulo rudweni rudwe se liŋ murek; ŋadi geleŋ gwon ko rudweet geleŋ ko tokoret nanyit. 6Kotumalu ’beron a Yosepa lupöni kase yu, a meddi se gwe ko delya. 7Nyena a nye pipije Ŋutu lo kitakiŋdya Paro logon a rereka ko lepeŋ i pirit na geleŋ ko duma lonyit midi kulo adi, Nyö komorsikan kasu meta a nanyur i lo lor? 8A se waddi lepeŋ adi, Yi a rudwe rudweesi, a katokoronit lo kine rudweesi gwe ’bayin. A Yosepa pipije se adi, Tökoresi ti gwon a ti Ŋun le? Böŋö taki ta nan se.
9Nyena a duma lo katumatak lo nyönyökökiŋdye Yosepa rudweet nanyit adi, Nan a rudwe adi ködini lo binyo kata köyö i komor. 10A gilö ködini lo binyo gwe ko kenia musala; a se gwe gwoso nagon gwugwugga, a turene ture, a kusik kase rade a ludweki ti binyo.
11A kopo lo Paro gwe köyö i könin; a nan ’deyuŋdye ludweki ti binyo, a nan ’yoroddi se i kopo lo Paro lo, a nan tiŋdi kopo ko mor i könin. 12A Yosepa takiŋdye lepeŋ adi, Tokoret na rudweet inot gwon sona adi kenia musala kune a perok musala; 13nyena ko perok musala a ko nyuŋ jukin, a Paro mo ’biluŋdye kwe inot ki a nyököddi do bot i kita inot; a do mo tiŋdi kopo lo Paro kanyit i könin gwoso na ’beron na gwoŋdi do a katumatanit lonyit nu. 14Ama yeyene yeye nan ko kulya kunök a tu ’bura, böŋö kweki nan ’busan i takiŋdya na Paro kulya kwe, anyen nan joŋa kaŋo i na kadi. 15Kogwon ’diri nan a kokolwe kaŋo i jur lo Ebere, a ni Köti a nan gwe a ko koŋdya nene go nagon jujukin anyen nan ködyö gubaki i na dili.
16A duma lo kaderak ti ambatajin lo ko meddi adi tokoret a na ’but, a kulyani ko Yosepa adi, Nan Köti a rudwe rudweet adi köbiö setesi musala ti ambatajin nakwe a ’di ’diluki köyö i kwe, 17A kinyojin liŋ ka ’de ka ’de na pepelo ti Paro kune gwe i köbi na gwon loki na; ama a kwen ryakaddi se kaŋo i köbi na gwon köyö i kwe na. 18A Yösepa waddi adi, Tököret na rudweet inot gwon sona adi, Köbiö musala kune a perok musala; 19nyena ko perok musala a ko nyuŋ jukin, a Paro mo ’biluŋdye kwe inot ki, a lilikiŋdye do i ködini ki i tolo; a kwen mö rya kaddi lokore inot kaŋo konut i mugun.
20A ko gwe sona i perok musala logon a lor yuŋweet lo Paro lo, a Paro tetenakiŋdye kakitak kanyit liŋ rorwe, a nye ’biluŋdye kwe na duma lo katu matak ko na duma lo kaderak ti ambatajin kulo ki i kiden na kakitak kanyit. 21A nye nyökökiŋdye duma lo katumatak kanyit i kita, a duma lo katumatak tiŋdi kopo ko Paro i könin; 22ama a nye lilikiŋdye duma lo kaderak ti ambatajin lo ki i tolo, gwoso na tokurukiŋdye Yosepa lepeŋat nu. 23A ma a duma lo katumatak lo tine yeyeju Yosepa, kudyakan a böŋöri böŋöri lepeŋ.
Currently Selected:
Suluet 40: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 40
40
Yosepa a tokurukiŋdyö Ŋutu lo rereka rudweesi kase
1A ko gwe sona i mukök na kine kulya, a katumatanit lo mor lo Ejipeto se ko kaderanit lo ambatajin ti mor kulo, iŋge toroŋdya ko duma lose i komor logon a mor lo Ejipeto. 2A Paro wore woran ko kakitak kanyit murek logon a ko duma lo katumatak se ko duma lo kaderak ti ambatajin kulo, 3a nye tiŋdi se i rereka i kadi na duma lo katiyuk, i kadi rereket, i pirit na rerekari Yosepa nu. 4A dumalo katiyuk sarakiŋdye Yosepa i parakiŋdya na se, a Yosepa kitakiŋdye se; a se mönuŋdye kulye perok i kadi rereket. 5A i tukwaje lo geleŋ lu, a katumatanit se ko kaderanit lo ambatajin ti mor lo Ejipeto logon a rereka i kadi rereket kulo rudweni rudwe se liŋ murek; ŋadi geleŋ gwon ko rudweet geleŋ ko tokoret nanyit. 6Kotumalu ’beron a Yosepa lupöni kase yu, a meddi se gwe ko delya. 7Nyena a nye pipije Ŋutu lo kitakiŋdya Paro logon a rereka ko lepeŋ i pirit na geleŋ ko duma lonyit midi kulo adi, Nyö komorsikan kasu meta a nanyur i lo lor? 8A se waddi lepeŋ adi, Yi a rudwe rudweesi, a katokoronit lo kine rudweesi gwe ’bayin. A Yosepa pipije se adi, Tökoresi ti gwon a ti Ŋun le? Böŋö taki ta nan se.
9Nyena a duma lo katumatak lo nyönyökökiŋdye Yosepa rudweet nanyit adi, Nan a rudwe adi ködini lo binyo kata köyö i komor. 10A gilö ködini lo binyo gwe ko kenia musala; a se gwe gwoso nagon gwugwugga, a turene ture, a kusik kase rade a ludweki ti binyo.
11A kopo lo Paro gwe köyö i könin; a nan ’deyuŋdye ludweki ti binyo, a nan ’yoroddi se i kopo lo Paro lo, a nan tiŋdi kopo ko mor i könin. 12A Yosepa takiŋdye lepeŋ adi, Tokoret na rudweet inot gwon sona adi kenia musala kune a perok musala; 13nyena ko perok musala a ko nyuŋ jukin, a Paro mo ’biluŋdye kwe inot ki a nyököddi do bot i kita inot; a do mo tiŋdi kopo lo Paro kanyit i könin gwoso na ’beron na gwoŋdi do a katumatanit lonyit nu. 14Ama yeyene yeye nan ko kulya kunök a tu ’bura, böŋö kweki nan ’busan i takiŋdya na Paro kulya kwe, anyen nan joŋa kaŋo i na kadi. 15Kogwon ’diri nan a kokolwe kaŋo i jur lo Ebere, a ni Köti a nan gwe a ko koŋdya nene go nagon jujukin anyen nan ködyö gubaki i na dili.
16A duma lo kaderak ti ambatajin lo ko meddi adi tokoret a na ’but, a kulyani ko Yosepa adi, Nan Köti a rudwe rudweet adi köbiö setesi musala ti ambatajin nakwe a ’di ’diluki köyö i kwe, 17A kinyojin liŋ ka ’de ka ’de na pepelo ti Paro kune gwe i köbi na gwon loki na; ama a kwen ryakaddi se kaŋo i köbi na gwon köyö i kwe na. 18A Yösepa waddi adi, Tököret na rudweet inot gwon sona adi, Köbiö musala kune a perok musala; 19nyena ko perok musala a ko nyuŋ jukin, a Paro mo ’biluŋdye kwe inot ki, a lilikiŋdye do i ködini ki i tolo; a kwen mö rya kaddi lokore inot kaŋo konut i mugun.
20A ko gwe sona i perok musala logon a lor yuŋweet lo Paro lo, a Paro tetenakiŋdye kakitak kanyit liŋ rorwe, a nye ’biluŋdye kwe na duma lo katu matak ko na duma lo kaderak ti ambatajin kulo ki i kiden na kakitak kanyit. 21A nye nyökökiŋdye duma lo katumatak kanyit i kita, a duma lo katumatak tiŋdi kopo ko Paro i könin; 22ama a nye lilikiŋdye duma lo kaderak ti ambatajin lo ki i tolo, gwoso na tokurukiŋdye Yosepa lepeŋat nu. 23A ma a duma lo katumatak lo tine yeyeju Yosepa, kudyakan a böŋöri böŋöri lepeŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.