Suluet 46
46
Yakobo ko mede nanyit a jölö Ejipeto yu
1A Yisaraele jölöni jölö ko ŋo na gwon ko lepeŋ kune, a ’dure Ber-seba, a wukiŋdye Ŋun lo Yisaka monye lonyit rubaŋgajin. 2A Ŋun kulyani ko Yisaraele i ŋo na met nye i rudweesi ti tukwaje kune, a luŋgi lepeŋ adi, Yakobo, Yakobo! A nye ruŋge adi, Nan malo. 3A nye kulyani adi, Nan a Ŋun, nan a Ŋun lo munyi; an do kujönö tu Ejipeto yu, kogwon nan mo koŋdya do a jur duma nyu. 4Nan mo nyönyömörö do Ejipeto yu, a nan mo ’diri nyökuŋdye do ni Köti; a Yosepa mo seji konyen kulök i diŋit nagon do duwuŋdye duwuŋdya nu. 5Yakobo ŋine ŋien Ber-seba yu; a ŋwajik ti Yisaraele ’dokoddi monye lose logon a Yakobo, ko lupudiet kase, ko wate kase i arabiajin lo jijikö logon Paro a sunyukin i ’dokoddu na lepeŋ kulu. 6#Kon 7.15A Yakobo ko ŋwajik kanyit joŋgi toro ’bo kase ko tito kase nagon se aje ryö i jur lo Kanana kune, a ’dure Ejipeto; 7kweja adi Yakobo a joŋga ŋwajik kanyit lulyan ko ŋwajik lulyan ti ŋwajik kanyit, ko ŋwajik kanyit nawate se ko ŋwajik nawate ti ŋwajik kanyit, inkoi, nye a jonga nyakwariat kanyit liŋ ko lepeŋ i pirit na gelen Ejipeto yu.
8A kune gwe a karin ti nyakwariat kanyit ti Yisaraele logon aje ’durökin Ejipeto yu kulu, kweja adi nye Yakobo ko ŋwajik kanyit. Rubena a ŋuro kayu lo Yakobo, 9a ŋwajik ti Rubena gwe a ko Kanok, ko Palu, ko Keseron, se ko Karmi. 10A ŋwajik ti Simeona gwe a ko Yemuele, ko Yamin, ko Oda, ko Yakin, ko Sokar, se ko Saula ŋuro lo nuto na Kanana. 11A ŋwajik ti Lewi gwe a ko Gereson, ko Kowat, se ko Merari. 12A ŋwajik ti Yuda gwe a ko Er, ko Onan, ko Sela, ko Perese, se ko Jerak (ama Er ko Onan a twatwa i jur lo Kanana); a ŋwajik ti Perese gwe a ko Keseron, ko Kamula. 13A ŋwajik ti Yisakar gwe a ko Tola, ko Puwa, ko Yobo, se ko Simeron. 14A ŋwajik ti Jebulun gwe a ko Serede, ko Elon, se ko Yakelela. 15Kilo a ŋwajik ti Lea lo yuŋweki Yakobo Padan-aram yu, se ko ŋuro nanyit Dina liŋ; a ŋwajik kanyit lulyan ko nawate momori a merya musala wot musala. 16A ŋwajik ti Gada gwe a ko Sipeyon, ko Kaggi, ko Suni, ko Ejebon, ko Eri, ko Arodi, se ko Areli. 17A ŋwajik ti Aser gwe a ko Yimena, ko Yisewi, ko Yiseri, ko Beria, se ko Serak kiaser nase. A ŋwajik ti Beria gwe a ko Keber ko Malekiele. 18Kilo a ŋwajik ti Jilepa nagon Labana a tin ŋuro nanyit Lea na, kweja adi nye a yuŋwekiŋdyö Yakobo kilo ŋwajik a Ŋutu puök wot buker. 19A ŋwajik ti Raele nakwan na Yakobo gwe a ko Yosepa ko Benyamina. 20#Sul 41.50-52A Yosepa yuŋwekine Manase ko Epuraima i jur lo Ejipeto yu. Aseneta ŋuro na Potipera koane lo On na yuŋwekiŋdyö lepeŋ. 21A ŋwajik ti Benyamina gwe a ko Bela, ko Beker, ko Asebele, ko Gera, ko Naman, ko Eki, ko Rosu, ko Mupim, ko Kupim, se ko Areda. 22Kilo a ŋwajik ti Raele logon nye a yuŋwekin Yakobo kulo. Lepeŋat liŋ momora a Ŋutu puök wot Iŋwan. 23A ŋuro lo Dan gwe a Kusim. 24A ŋwajik ti Napatali gwe a ko Yakasele, ko Guni, ko Yeser, se ko Silem. 25Kilo a ŋwajik ti Bila nagon Labana a tin ŋuro nanyit Raele na, nye a yuŋwekiŋdyö Yakobo kilo nutu liŋ buryo. 26A Ŋutu liŋ ti Yakobo logon a po tojo Ejipeto ni, logon a pukun kanyit i pele kulo, wat wateti ŋwajik ti Yakobo kune, momori a nutu merya buker wot buker; 27#Kon 7.14a ŋwajik ti Yosepa logon a yuŋweki lepeŋ Ejipeto yu kulu gwe murek; nyenagon a nutu liŋ ti mede na Yakobo logon a ’durökin Ejipeto yu kulu gwe a merya buryo.
Yakobo ko mede nanyit i jur lo Ejipeto
28A Yakobo soŋdi Yuda kanyit ŋerot ko Yosepa yu anyen kwekiŋdya mugun ko lepeŋ Gosene yu; a se ’dure i Jur lo Gosene. 29a Yosepa teteŋdi arabia lonyit lo jijikö a iti i dodogga na Yisaraele monye lonyit Gosene yu; a kwekiŋdye mugun ko lepeŋ, a kalapakiŋdye lepeŋ kanyit i kido, a gwine gwien kanyit i kido diŋit a najo. 30A Yisaraele kulyani ko Yosepa adi, Kölöki nan, ti nan kirut twane, kogwon nan aje met komor inot ko a kurun adi do nyuŋ gwon Jörun. 31A Yosepa kulyani ko luŋasirik kanyit se ko Ŋutu ti mede na monye lonyit kulo adi, Nan lo tu i takiŋdya na Paro adi, Luŋasirik kwe se ko Ŋutu ti mede na baba logon gwon i Jur lo Kanana kulu a po köyö ni. 32Kilu Ŋutu a kayukuk, kogwon se ’beron gwon a Ŋutu ti toro ’bo, a se aje jon teŋon kase ti yidin ko ti toro ’bo se ko ŋo liŋ nagon a kase kune.
33A mo gwe sona adi, ko Paro mo a luŋgu ta, a pipije ta adi, Kita nasu a nyo?
34a ta mo waddi adi, Yi kölipönök kulök a kayukuk ti toro ’bo suluja i tolupudien nikao tojo ko soŋinana, yi ko kobaba. Ta ködyö kulya sona anyen ta böŋö si ’da i jur lo Gosene; kogwon Ŋutu ti Ejipeto maman kayukuk liŋ.
Currently Selected:
Suluet 46: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 46
46
Yakobo ko mede nanyit a jölö Ejipeto yu
1A Yisaraele jölöni jölö ko ŋo na gwon ko lepeŋ kune, a ’dure Ber-seba, a wukiŋdye Ŋun lo Yisaka monye lonyit rubaŋgajin. 2A Ŋun kulyani ko Yisaraele i ŋo na met nye i rudweesi ti tukwaje kune, a luŋgi lepeŋ adi, Yakobo, Yakobo! A nye ruŋge adi, Nan malo. 3A nye kulyani adi, Nan a Ŋun, nan a Ŋun lo munyi; an do kujönö tu Ejipeto yu, kogwon nan mo koŋdya do a jur duma nyu. 4Nan mo nyönyömörö do Ejipeto yu, a nan mo ’diri nyökuŋdye do ni Köti; a Yosepa mo seji konyen kulök i diŋit nagon do duwuŋdye duwuŋdya nu. 5Yakobo ŋine ŋien Ber-seba yu; a ŋwajik ti Yisaraele ’dokoddi monye lose logon a Yakobo, ko lupudiet kase, ko wate kase i arabiajin lo jijikö logon Paro a sunyukin i ’dokoddu na lepeŋ kulu. 6#Kon 7.15A Yakobo ko ŋwajik kanyit joŋgi toro ’bo kase ko tito kase nagon se aje ryö i jur lo Kanana kune, a ’dure Ejipeto; 7kweja adi Yakobo a joŋga ŋwajik kanyit lulyan ko ŋwajik lulyan ti ŋwajik kanyit, ko ŋwajik kanyit nawate se ko ŋwajik nawate ti ŋwajik kanyit, inkoi, nye a jonga nyakwariat kanyit liŋ ko lepeŋ i pirit na gelen Ejipeto yu.
8A kune gwe a karin ti nyakwariat kanyit ti Yisaraele logon aje ’durökin Ejipeto yu kulu, kweja adi nye Yakobo ko ŋwajik kanyit. Rubena a ŋuro kayu lo Yakobo, 9a ŋwajik ti Rubena gwe a ko Kanok, ko Palu, ko Keseron, se ko Karmi. 10A ŋwajik ti Simeona gwe a ko Yemuele, ko Yamin, ko Oda, ko Yakin, ko Sokar, se ko Saula ŋuro lo nuto na Kanana. 11A ŋwajik ti Lewi gwe a ko Gereson, ko Kowat, se ko Merari. 12A ŋwajik ti Yuda gwe a ko Er, ko Onan, ko Sela, ko Perese, se ko Jerak (ama Er ko Onan a twatwa i jur lo Kanana); a ŋwajik ti Perese gwe a ko Keseron, ko Kamula. 13A ŋwajik ti Yisakar gwe a ko Tola, ko Puwa, ko Yobo, se ko Simeron. 14A ŋwajik ti Jebulun gwe a ko Serede, ko Elon, se ko Yakelela. 15Kilo a ŋwajik ti Lea lo yuŋweki Yakobo Padan-aram yu, se ko ŋuro nanyit Dina liŋ; a ŋwajik kanyit lulyan ko nawate momori a merya musala wot musala. 16A ŋwajik ti Gada gwe a ko Sipeyon, ko Kaggi, ko Suni, ko Ejebon, ko Eri, ko Arodi, se ko Areli. 17A ŋwajik ti Aser gwe a ko Yimena, ko Yisewi, ko Yiseri, ko Beria, se ko Serak kiaser nase. A ŋwajik ti Beria gwe a ko Keber ko Malekiele. 18Kilo a ŋwajik ti Jilepa nagon Labana a tin ŋuro nanyit Lea na, kweja adi nye a yuŋwekiŋdyö Yakobo kilo ŋwajik a Ŋutu puök wot buker. 19A ŋwajik ti Raele nakwan na Yakobo gwe a ko Yosepa ko Benyamina. 20#Sul 41.50-52A Yosepa yuŋwekine Manase ko Epuraima i jur lo Ejipeto yu. Aseneta ŋuro na Potipera koane lo On na yuŋwekiŋdyö lepeŋ. 21A ŋwajik ti Benyamina gwe a ko Bela, ko Beker, ko Asebele, ko Gera, ko Naman, ko Eki, ko Rosu, ko Mupim, ko Kupim, se ko Areda. 22Kilo a ŋwajik ti Raele logon nye a yuŋwekin Yakobo kulo. Lepeŋat liŋ momora a Ŋutu puök wot Iŋwan. 23A ŋuro lo Dan gwe a Kusim. 24A ŋwajik ti Napatali gwe a ko Yakasele, ko Guni, ko Yeser, se ko Silem. 25Kilo a ŋwajik ti Bila nagon Labana a tin ŋuro nanyit Raele na, nye a yuŋwekiŋdyö Yakobo kilo nutu liŋ buryo. 26A Ŋutu liŋ ti Yakobo logon a po tojo Ejipeto ni, logon a pukun kanyit i pele kulo, wat wateti ŋwajik ti Yakobo kune, momori a nutu merya buker wot buker; 27#Kon 7.14a ŋwajik ti Yosepa logon a yuŋweki lepeŋ Ejipeto yu kulu gwe murek; nyenagon a nutu liŋ ti mede na Yakobo logon a ’durökin Ejipeto yu kulu gwe a merya buryo.
Yakobo ko mede nanyit i jur lo Ejipeto
28A Yakobo soŋdi Yuda kanyit ŋerot ko Yosepa yu anyen kwekiŋdya mugun ko lepeŋ Gosene yu; a se ’dure i Jur lo Gosene. 29a Yosepa teteŋdi arabia lonyit lo jijikö a iti i dodogga na Yisaraele monye lonyit Gosene yu; a kwekiŋdye mugun ko lepeŋ, a kalapakiŋdye lepeŋ kanyit i kido, a gwine gwien kanyit i kido diŋit a najo. 30A Yisaraele kulyani ko Yosepa adi, Kölöki nan, ti nan kirut twane, kogwon nan aje met komor inot ko a kurun adi do nyuŋ gwon Jörun. 31A Yosepa kulyani ko luŋasirik kanyit se ko Ŋutu ti mede na monye lonyit kulo adi, Nan lo tu i takiŋdya na Paro adi, Luŋasirik kwe se ko Ŋutu ti mede na baba logon gwon i Jur lo Kanana kulu a po köyö ni. 32Kilu Ŋutu a kayukuk, kogwon se ’beron gwon a Ŋutu ti toro ’bo, a se aje jon teŋon kase ti yidin ko ti toro ’bo se ko ŋo liŋ nagon a kase kune.
33A mo gwe sona adi, ko Paro mo a luŋgu ta, a pipije ta adi, Kita nasu a nyo?
34a ta mo waddi adi, Yi kölipönök kulök a kayukuk ti toro ’bo suluja i tolupudien nikao tojo ko soŋinana, yi ko kobaba. Ta ködyö kulya sona anyen ta böŋö si ’da i jur lo Gosene; kogwon Ŋutu ti Ejipeto maman kayukuk liŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.