Suluet 8
8
Bar a ’bija
1A Ŋun yeyeji Noa, ko kijakwa liŋ ti mu ’diŋ, ko toro ’bo liŋ logon gwon ko lepeŋ i ki ’bo kata kulo; a Ŋun töwugge köbuŋöt i kak, a bar wereyone wereyo; 2a pipiresi ti konyen ti pioŋ ko kwilisesi ti ’diko kinuni kinu, a kudwöt ti ’diko iŋge teŋo, 3a pioŋ rorökaddi rorökaddu i kak perok liŋ. A nagon perok mia geleŋ ko merya mukanat kilo aje jo nu, a pioŋ ’biyaddi ’biyaddu. 4A i perok puök wot buryo ti yapa toburyo, a ki ’bo seggi segga i merya ti Ararat. 5A bar yeŋe wereyo tojo ko yapa topuök; a i lor geleŋ lo yapa topuök a kusik ti merya metani meta.
6A i mukök na perok merya Iŋwan, a Noa gaji kwiliset na ki ’bo na teten nye na, 7a nye soŋdi koruk kaŋo, ama a koruk walajine walaŋ tojo ko ’bija na pioŋ i kak. 8A nye Köti soŋdi gure kaŋo anyen tu i meddya ko bar aje wereyo i kak; 9ama a gure tine ryö pirit nagon nye su ’duki kata, a nye yitöni bot i ki ’bo kanyit yu, kogwon pioŋ nyuŋ gwon i kak ’bukuluŋ. A Noa riöddi könin, a mokuŋdye lepeŋ kanyit ni i ki ’bo lukata. 10A nye mö nuŋdye ko kulye perok buryo, a nye Köti soŋdi gure kaŋo i ki ’bo; 11a gure lupene kanyit ni i sömukö; mete, a koropoti na ’duŋun nye a nadon i ködini lo jeitun na gwe kanyit i kutuk; nyena a Noa iŋge den adi bar aje wereyo i kak. 12A nye Köti mönuŋdye ko kulye perok buryo, a nye Köti soŋdi gure na kaŋo; a lepeŋ tine yitwe kanyit ni Köti kwöŋ.
13A ko gwe sona i lor geleŋ lo yapa togeleŋ lo kiŋa tomiajin buker wot geleŋ, a bar iŋge ’bija i kak; a Noa ’dumaddi muket na ki ’bo kaŋo, a nye meddi adi bar aje ’biyaddu i kak adi kworok.
14A i perok merya murek wot buryo ti yapa tomurek, a kak gwe a nateyon.
15A ŋun kulyani ko Noa adi, 16Lupu ŋdye kaŋo i ki ’bo, do ko narakwan inot, ko ŋwajik kulök, se ko wate ti ŋwajik kulok i pirit na geleŋ. 17Barara kaŋo ŋo liŋ lo gwon jörun ti gweyarijin liŋ, kweja adi kwen, ko kijakwa, ko ŋo liŋ lo gwögwoŋtu kak kilo, anyen se böŋö yuyuŋwe jore i kak, ko raradan, ko ŋöŋdi i kak. 18A Noa lupene kaŋo, ko ŋwajik kanyit, ko nakwan nanyit, se ko wate ti ŋwajik kanyit i pirit na geleŋ. 19A kijakwa liŋ ti mu ’diŋ, ko ŋo liŋ lo gwogwöŋtu kak, se ko kwen liŋ, kweja adi ŋo liŋ lo wöwörötu i kak lupene kaŋo i ki ’bo kata a gweyarijin gweyarijin.
20A Noa tetenakiŋdye MATAT pirit ’yuret na rubaŋgajin; a nye ’dumuŋdye kunie ti kijakwa ko ti kwen nagon a na ’but i nyei i kulya ti keri kune, a wukiŋdye se a rubaŋgajin lo ’yu ’yura i pirit ’yuret. 21A MATAT moji möet na paleleŋ; a MATAT kulyani kanyit i tö ili adi, Nan mo ti seŋdya kak Köti kwöŋ kogwon kulya ti Ŋutu, kogwon ŋo liŋ na yeye töilyet kase ko na kakatim se kune a narok suluja i tolupudien nase; a nan mo Köti kwöŋ tine tukaŋu ŋo liŋ lo gwon jörun, gwoso na koŋdi nan nu. 22a na gwoŋdi kak na, a kiser ko ’butun, ko katirut, ko tupape, ko ja ’be, ko meliŋ, ko tuparan ko tukwaje mo tine ’duddyö.
Currently Selected:
Suluet 8: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 8
8
Bar a ’bija
1A Ŋun yeyeji Noa, ko kijakwa liŋ ti mu ’diŋ, ko toro ’bo liŋ logon gwon ko lepeŋ i ki ’bo kata kulo; a Ŋun töwugge köbuŋöt i kak, a bar wereyone wereyo; 2a pipiresi ti konyen ti pioŋ ko kwilisesi ti ’diko kinuni kinu, a kudwöt ti ’diko iŋge teŋo, 3a pioŋ rorökaddi rorökaddu i kak perok liŋ. A nagon perok mia geleŋ ko merya mukanat kilo aje jo nu, a pioŋ ’biyaddi ’biyaddu. 4A i perok puök wot buryo ti yapa toburyo, a ki ’bo seggi segga i merya ti Ararat. 5A bar yeŋe wereyo tojo ko yapa topuök; a i lor geleŋ lo yapa topuök a kusik ti merya metani meta.
6A i mukök na perok merya Iŋwan, a Noa gaji kwiliset na ki ’bo na teten nye na, 7a nye soŋdi koruk kaŋo, ama a koruk walajine walaŋ tojo ko ’bija na pioŋ i kak. 8A nye Köti soŋdi gure kaŋo anyen tu i meddya ko bar aje wereyo i kak; 9ama a gure tine ryö pirit nagon nye su ’duki kata, a nye yitöni bot i ki ’bo kanyit yu, kogwon pioŋ nyuŋ gwon i kak ’bukuluŋ. A Noa riöddi könin, a mokuŋdye lepeŋ kanyit ni i ki ’bo lukata. 10A nye mö nuŋdye ko kulye perok buryo, a nye Köti soŋdi gure kaŋo i ki ’bo; 11a gure lupene kanyit ni i sömukö; mete, a koropoti na ’duŋun nye a nadon i ködini lo jeitun na gwe kanyit i kutuk; nyena a Noa iŋge den adi bar aje wereyo i kak. 12A nye Köti mönuŋdye ko kulye perok buryo, a nye Köti soŋdi gure na kaŋo; a lepeŋ tine yitwe kanyit ni Köti kwöŋ.
13A ko gwe sona i lor geleŋ lo yapa togeleŋ lo kiŋa tomiajin buker wot geleŋ, a bar iŋge ’bija i kak; a Noa ’dumaddi muket na ki ’bo kaŋo, a nye meddi adi bar aje ’biyaddu i kak adi kworok.
14A i perok merya murek wot buryo ti yapa tomurek, a kak gwe a nateyon.
15A ŋun kulyani ko Noa adi, 16Lupu ŋdye kaŋo i ki ’bo, do ko narakwan inot, ko ŋwajik kulök, se ko wate ti ŋwajik kulok i pirit na geleŋ. 17Barara kaŋo ŋo liŋ lo gwon jörun ti gweyarijin liŋ, kweja adi kwen, ko kijakwa, ko ŋo liŋ lo gwögwoŋtu kak kilo, anyen se böŋö yuyuŋwe jore i kak, ko raradan, ko ŋöŋdi i kak. 18A Noa lupene kaŋo, ko ŋwajik kanyit, ko nakwan nanyit, se ko wate ti ŋwajik kanyit i pirit na geleŋ. 19A kijakwa liŋ ti mu ’diŋ, ko ŋo liŋ lo gwogwöŋtu kak, se ko kwen liŋ, kweja adi ŋo liŋ lo wöwörötu i kak lupene kaŋo i ki ’bo kata a gweyarijin gweyarijin.
20A Noa tetenakiŋdye MATAT pirit ’yuret na rubaŋgajin; a nye ’dumuŋdye kunie ti kijakwa ko ti kwen nagon a na ’but i nyei i kulya ti keri kune, a wukiŋdye se a rubaŋgajin lo ’yu ’yura i pirit ’yuret. 21A MATAT moji möet na paleleŋ; a MATAT kulyani kanyit i tö ili adi, Nan mo ti seŋdya kak Köti kwöŋ kogwon kulya ti Ŋutu, kogwon ŋo liŋ na yeye töilyet kase ko na kakatim se kune a narok suluja i tolupudien nase; a nan mo Köti kwöŋ tine tukaŋu ŋo liŋ lo gwon jörun, gwoso na koŋdi nan nu. 22a na gwoŋdi kak na, a kiser ko ’butun, ko katirut, ko tupape, ko ja ’be, ko meliŋ, ko tuparan ko tukwaje mo tine ’duddyö.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.