Marako 16
16
Yesu a ŋien i twan
(Köti Matayo 28.1-10; Luka 24.1-12; Yoane 20.1-10)
1A nagon Sabata aje lwöŋgu nu, a Maria na po Magadala, ko Salome, se ko Maria ŋote Yakobo gwöruŋdye memelan na mon ’bura anyen se boŋo tu i we ’ya na öpu na Yesu. 2A ko ’bure ’beron i lor lo Sabata lo Yudayaki i kotumalu nanyit i nyerun na kolor, a se dikara i gulom.
3A se gwe i pipija na ’börik adi, ŋa de lo gwuluŋokiŋdyo yi ŋilo ŋurupit kaŋo i kutuk na gulom? 4A na diŋe se nu, a se meddi adi ŋurupit logon a duma parik lo aje gwuluŋoji kaŋo. 5A na lupöri se i gulöm nu, a se meddi titinti si ’da i swot lutaten, a jupukiŋdya boŋgo nakwe; a se iŋge söŋu. 6A nye kulyani ko se adi, An ta ko söŋu ta; ta ga ’yu Yesu lo Najareta logon aje ’bikiki i ködini na görö lo. Lepeŋ aje ŋien i twan, lepeŋ ’bayin ni. Meddi ta pirit nagon se a ’de ’yi lepeŋ na. 7#Mat 26.32; Mar 14.28Ama iti ta, taki ta ŋutu kanyit kajujumuk se ko Petero adi lepeŋ tutu Galilaya kasu ŋerot; a kokwe nagon ta a ko nyuŋ tu nyu, a ta mo meddi lepeŋ nyu gwoso na takiŋdye lepeŋ ta nu. 8a lepeŋat lupuŋdye kaŋo i gulöm a wöki wokön; a se poki i böböŋdu ko söŋu; a se gwe a ko tukokin lele ŋuto kogwon se kukujonö.
Yesu a pukökin ko Maria na po Magadala
(Köti Yoane 20.11-18)
[ 9A nagon Yesu aje ŋien i twan ko ’bure kobubut i lor lo Sabata lo Yudayaki i kotumalu nanyit nu, a nye puköki a kokwe ko Maria na po Magadala, nagon nye köju a rikörö mulökö lorok buryo kaŋo ko lepeŋ i mugun nu. 10A ŋina ŋuto iti tu a takiŋdye ŋutu logon köju gwon ko lepeŋ i pirit na geleŋ kulu, na delyari se ko gwigwitu nu. 11Ama a na yiŋge se adi lepeŋ gwe jörun ko köti ŋina ŋuto aje met lepeŋ nu, a se tine yuŋ kine kulya kwöŋ.
Yesu a pukökin ko ŋutu kanyit murek kajujumuk
(Köti Luka 24.13-35)
12A i mukök na ŋina a Yesu puköki ko kulye kase murek na tiri se i jur nu, a mugun nanyit metani ka ’de.
13A kilo köti iti tu a takiŋdye kulye kulo, ama a lepeŋat tine yuŋ se kwoŋ.
Yesu a yökijö luyökie puök wot geleŋ kulo
(Koti Matayo 28.16-20; Luka 24.36-49; Yoane 20.19-23)
14A i ’dutet a Yesu puköki i ŋutu kanyit kajujumuk puök wot geleŋ kulo na si ’dari se i nyesu nu. A nye yuyuŋge lepeŋat parik kogwon se ’bak yupet köti kogwon töilyet kase a iŋgo, a se gwe a ko yuŋ ŋutu logon aje met nye kulo i mukök nagon nye aje ŋien i twan nu. 15#Kon 1.8a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ. 16ŋuto logon a yuŋ ko a batisa lo mo lwölwökö; ama nye logon a ko yuŋ lo kulya kanyit mo ’duŋöki arabat. 17a kune kweyesi mo gwe kata i pirit na geleŋ ko ŋutu lo yubbö kilo: kweja adi se mo ririk mulökö lorok i karin kwe; a se mo jambi ko kutusen nagon a lepelok;
18a ko se a ’dumuŋdya munuö, a ko se a möju kisum a mo tine konakin se arabat; a se mo sopakiŋdye könisi kase i ŋutu lo gilö, a lepeŋat mo ŋau ŋaun.
Yesu a ’depaji ki
(Köti Luka 24.50-53)
19 #
Kon 1.9-11
Nyena i mukök na jambi MATAT Yesu ko lepeŋat nu, a nye joŋani ki yu a si ’dakine ko Ŋun i könin lutaten.
20A ŋutu kanyit kajujumuk iti tu a tokuöddi i piriton liŋ, a MATAT kitani ko lepeŋat i pirit na geleŋ, a togo ’yi kulyaesi kase kogwon kine kweyesi na gwon ko se kune. Amin.]
Currently Selected:
Marako 16: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Marako 16
16
Yesu a ŋien i twan
(Köti Matayo 28.1-10; Luka 24.1-12; Yoane 20.1-10)
1A nagon Sabata aje lwöŋgu nu, a Maria na po Magadala, ko Salome, se ko Maria ŋote Yakobo gwöruŋdye memelan na mon ’bura anyen se boŋo tu i we ’ya na öpu na Yesu. 2A ko ’bure ’beron i lor lo Sabata lo Yudayaki i kotumalu nanyit i nyerun na kolor, a se dikara i gulom.
3A se gwe i pipija na ’börik adi, ŋa de lo gwuluŋokiŋdyo yi ŋilo ŋurupit kaŋo i kutuk na gulom? 4A na diŋe se nu, a se meddi adi ŋurupit logon a duma parik lo aje gwuluŋoji kaŋo. 5A na lupöri se i gulöm nu, a se meddi titinti si ’da i swot lutaten, a jupukiŋdya boŋgo nakwe; a se iŋge söŋu. 6A nye kulyani ko se adi, An ta ko söŋu ta; ta ga ’yu Yesu lo Najareta logon aje ’bikiki i ködini na görö lo. Lepeŋ aje ŋien i twan, lepeŋ ’bayin ni. Meddi ta pirit nagon se a ’de ’yi lepeŋ na. 7#Mat 26.32; Mar 14.28Ama iti ta, taki ta ŋutu kanyit kajujumuk se ko Petero adi lepeŋ tutu Galilaya kasu ŋerot; a kokwe nagon ta a ko nyuŋ tu nyu, a ta mo meddi lepeŋ nyu gwoso na takiŋdye lepeŋ ta nu. 8a lepeŋat lupuŋdye kaŋo i gulöm a wöki wokön; a se poki i böböŋdu ko söŋu; a se gwe a ko tukokin lele ŋuto kogwon se kukujonö.
Yesu a pukökin ko Maria na po Magadala
(Köti Yoane 20.11-18)
[ 9A nagon Yesu aje ŋien i twan ko ’bure kobubut i lor lo Sabata lo Yudayaki i kotumalu nanyit nu, a nye puköki a kokwe ko Maria na po Magadala, nagon nye köju a rikörö mulökö lorok buryo kaŋo ko lepeŋ i mugun nu. 10A ŋina ŋuto iti tu a takiŋdye ŋutu logon köju gwon ko lepeŋ i pirit na geleŋ kulu, na delyari se ko gwigwitu nu. 11Ama a na yiŋge se adi lepeŋ gwe jörun ko köti ŋina ŋuto aje met lepeŋ nu, a se tine yuŋ kine kulya kwöŋ.
Yesu a pukökin ko ŋutu kanyit murek kajujumuk
(Köti Luka 24.13-35)
12A i mukök na ŋina a Yesu puköki ko kulye kase murek na tiri se i jur nu, a mugun nanyit metani ka ’de.
13A kilo köti iti tu a takiŋdye kulye kulo, ama a lepeŋat tine yuŋ se kwoŋ.
Yesu a yökijö luyökie puök wot geleŋ kulo
(Koti Matayo 28.16-20; Luka 24.36-49; Yoane 20.19-23)
14A i ’dutet a Yesu puköki i ŋutu kanyit kajujumuk puök wot geleŋ kulo na si ’dari se i nyesu nu. A nye yuyuŋge lepeŋat parik kogwon se ’bak yupet köti kogwon töilyet kase a iŋgo, a se gwe a ko yuŋ ŋutu logon aje met nye kulo i mukök nagon nye aje ŋien i twan nu. 15#Kon 1.8a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ. 16ŋuto logon a yuŋ ko a batisa lo mo lwölwökö; ama nye logon a ko yuŋ lo kulya kanyit mo ’duŋöki arabat. 17a kune kweyesi mo gwe kata i pirit na geleŋ ko ŋutu lo yubbö kilo: kweja adi se mo ririk mulökö lorok i karin kwe; a se mo jambi ko kutusen nagon a lepelok;
18a ko se a ’dumuŋdya munuö, a ko se a möju kisum a mo tine konakin se arabat; a se mo sopakiŋdye könisi kase i ŋutu lo gilö, a lepeŋat mo ŋau ŋaun.
Yesu a ’depaji ki
(Köti Luka 24.50-53)
19 #
Kon 1.9-11
Nyena i mukök na jambi MATAT Yesu ko lepeŋat nu, a nye joŋani ki yu a si ’dakine ko Ŋun i könin lutaten.
20A ŋutu kanyit kajujumuk iti tu a tokuöddi i piriton liŋ, a MATAT kitani ko lepeŋat i pirit na geleŋ, a togo ’yi kulyaesi kase kogwon kine kweyesi na gwon ko se kune. Amin.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.