Marako 7
7
Keriat ti merenyejin
(Köti Matayo 15.1-9)
1A i diŋit nagon Parusijin se kokatodinök ti Saresi ti Mose logon po Yerusalema kulo iŋge momoruŋdya i pirit na geleŋ ko Yesu ni, 2a lepeŋat iŋge met adi kulye ŋutu kanyit logon a kajujumuk nyesu ko könisi a lut, #7.2Konisi a lut a ko jambu lut ti mugun, ama adi se a ’beleŋgu saresi ti Parusijin logon kodyo ŋutu lalaju daŋin jore ma ’di tojo i lokiliŋankweja adi se a ko lalaju könisi kase gwoso i keri. 3(Kogwon Parusijin se ko kulye Yudayaki liŋ ti nyesu ake ko se a lalaju könisi kase gwoso i saret, kogwon se miruŋdya keri lo merenyejin kase.) 4Temba i diŋitan liŋ nagon se aje yitwe i pirit gworiet nu, a se tine nyesu ko se a ko lalaju a kokwe. Kulye keriat kata jore logon lepeŋat ’de ’dep, gwoso keri lose lalaet lo kopojin, ko lo gulajin se ko tito nagon tetena ko mölwö. 5A Parusijin se ko katodinök ti Saresi pije Yesu adi, Ko nyo ŋutu kulök logon a kajujumuk ti miruŋdya keriat ti merenyejin kan, ama nyesu ko könisi logon a lut? 6#Yis 29.13A nye waddi lepeŋat adi, Yisaya a ’beron keju kulya kasu a gwak, ta logon a kamumulukak, gwoso na wurorikin na adi, Kulo ŋutu bu ’ya Ŋun ko kutusen kase kana, ama toilyet kase gwon pajo ko lepeŋ;
7lepeŋat dulaki kak i twöju na lepeŋ ko kana, a se todiŋdye saresi ti ŋutu gwoso se a todinesi na po ko Ŋun.
8A Yesu kulyani adi, Ta ko ’yu saresi ti ŋun a ta ’debbi keriat ti ŋutu go.
9A nye kulyani ko lepeŋat adi, Ta a lokoŋ i paju na saresi ti Ŋun anyen ’debba keriat kasu. 10#Yuö 20.12; Nyö 5.16; Yuö 21.17; Lew 20.9Kogwon Mose a kulya adi, Bule bu munyi se ko ŋuti, koti adi, ŋuto logon jambu ko monye lonyit kode ko ŋote nanyit arabat lo, ti nye ’diri ködyö tatuani tatua. 11Ama ta kulya adi, Ko lele ŋuto a kulya ko monye lonyit kode ko ŋote nanyit adi, ŋo nagon nye ködyö parakiŋdye se kune a Korban (kweja adi a gelaki Ŋun), 12a kirut ta kwöŋ tine rukörö lepeŋ i parakiŋdya na monye kode ŋote. 13Nyena ko ta koŋdya sona, ta tu ’baka ’yu kulyaet lo ŋun kogwon kulya ti keriat kasu logon ta a mirun kulo, a ta kolökiŋdye se i ŋwajik kasu ŋo jore gwoso kine ta kökon.
ŋo na totuddya ŋuto
(Köti Matayo 15.10-20)
14A Yesu koti lupundye ŋutu kulo kanyit ni a takiŋdye se adi, Ta ŋutu lio. yiŋge ta nan ko kuru ta kurun kine kulya, 15adi, nene ŋo ’bayin kaŋo nagon lupö ko ŋu i pele nagon bubulö toluddya lepeŋ, ama ŋo na lupuŋdyö kaŋo ko ŋuto i töili kune se na toluddya lepeŋ. 16[ŋuto logon ko swö yiŋesi ti nye yiŋge kine kulya.]
17A nagon nye aje lupö kadi ko aje kölökiŋdyo ŋutu nu, a ŋutu kanyit logon a kajujumuk kulo pije lepeŋ i kulya ti ŋilo lilim. 18A nye pije lepeŋat adi, Ma ’di ta köti a ko kurun le? Ta a ko den adi, nene ŋo ’bayin kaŋo nagon lupö ko ŋuto i pele nagon bubulö toluddya lepeŋ, 19kogwon ŋina ŋo ti lupö kanyit i töili ama kanyit i pele, a ’doŋokiŋdye mu ’diŋ. (A Yesu tokoŋ sona adi kinyojin ’bayin logon toluddya ŋutu i keri, ama ŋo lio a loke.) 20a nye kulyani adi, Ŋo na lupuŋdyö kaŋo ko ŋuto i toili kune se na toluddya lepeŋ.
21Kogwon ŋo narok lupuŋdyö ko ŋuto i töili kata yu, kweja adi yeyeesi narok, ko towutön, ko koko ’ya, ko tatuja, ko lubbo, 22ko goma, ko konesi narok, ko mumulugga, ko koŋdya ŋo ti yu na kwe aka, ko ki ’dem, ko jamaddu na karin ti ŋutu arabat, ko ’du ’duŋga, se ko tubaman. 23Kine po narok liŋ lupuŋdyö ko ŋuto i töili, a toluddye lepeŋ.
Yupet na ŋuto na Poinikia na Suria
(Köti Matayo 15.21-28)
24A Yesu ŋine ŋien i nu pirit a iti i kak na Turo ko na Sidona. A nye lupöni kadi, a ködyö tine ’dekan lele ŋuto i deŋdya adi nye lu nyu; ama a nye tine bulö ’de ’ya mugun. 25a ŋuto nagon ŋuro nanyit na ’dit gwon ko mulökotyo loron ko yiŋge kulya ti lepeŋ, ’de ’de a nye poŋdi po a rugwuŋökine kak ko lepeŋ i mokosi. 26ŋuto na ’bayin a Yudayakityo, ama i gweyari lonyit nye a ŋuto na Poinikia na Suria. A nye mamaŋdi lepeŋ anyen riköddu mulökotyo loron kaŋo ko ŋuro nanyit i mugun. 27A Yesu waddi ŋina ŋuto adi, Ti lupudiet kiyaŋ nyesi nyesu a yimönö; kogwon ’bayin a na ’but i ’dumuŋdya na kinyo lo lupudiet anyen gubaki ’diŋojin. 28Ama a ŋuto na waddi lepeŋ adi, lye, pon duma lio; ma ’di ’diŋojin lo gwon i misa mukök kulo nyenyesu tupesi ti kinyo na lupudiet nagon a ’do ’do kak. 29a Yesu kulyani ko ŋuto na adi, Kogwon do a ruggo ’bura yitöni konut mede; mulökötyo loron aje po kaŋo ko ŋuro inot i mugun. 30A nye yitöni mede, a ryeŋdi lupudi na a piriki i dotoet; mulökotyo loron aje kölökin lepeŋ.
Yesu a toke ’ya ŋuto logon a mine ko a ŋulu ’be
31A kirut Yesu yitwene i jur lo Turo, a tiri Sidona a lwöŋoddi jur lo Dekaŋoli anyen ’dur i tör na Galilaya.
32A kulye ŋutu joŋdi ŋuto logon a miŋe ko a ŋulu ’be ko lepeŋ ni, a se mamaŋdi Yesu anyen sopakiŋdya könisi kanyit ko lepeŋ ki. 33A nye joŋgi ŋilo ŋuto a swöt pajo ko lodir lo ŋutu anyen se gwon ka ’de, a sukiŋdye morin kanyit ko ŋilo ŋuto i swö, a yakuŋdye kamulak, a ’bo ’yi ŋedep lo lepeŋ. 34a kirut a nye diŋe ki, a nye ’duani ’dua, a kulyani ko lepeŋ adi, Epata, nagon nyönyokö adi, Ŋaji paju. 35a swö kanyit paji ŋaju, a ŋedep lonyit laggi laggu, a lepeŋ jambi ’bura. 36a Yesu kukuji lepeŋat an jamakin lele ŋuto kine kulya; ama ma ’di nagon nye a kukuju lepeŋat parik, a lepeŋat kölumbö gwe ko pusök duma i tuköddu na kine kulya. 37A ŋutu iŋge söŋu bia parik, a kulyani adi, Lepeŋ aje koŋdya ŋo liŋ ’bura; lepeŋ tiŋdu ma ’di ŋutu miŋeki i yiŋga ju mumutön i jambu.
Currently Selected:
Marako 7: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Marako 7
7
Keriat ti merenyejin
(Köti Matayo 15.1-9)
1A i diŋit nagon Parusijin se kokatodinök ti Saresi ti Mose logon po Yerusalema kulo iŋge momoruŋdya i pirit na geleŋ ko Yesu ni, 2a lepeŋat iŋge met adi kulye ŋutu kanyit logon a kajujumuk nyesu ko könisi a lut, #7.2Konisi a lut a ko jambu lut ti mugun, ama adi se a ’beleŋgu saresi ti Parusijin logon kodyo ŋutu lalaju daŋin jore ma ’di tojo i lokiliŋankweja adi se a ko lalaju könisi kase gwoso i keri. 3(Kogwon Parusijin se ko kulye Yudayaki liŋ ti nyesu ake ko se a lalaju könisi kase gwoso i saret, kogwon se miruŋdya keri lo merenyejin kase.) 4Temba i diŋitan liŋ nagon se aje yitwe i pirit gworiet nu, a se tine nyesu ko se a ko lalaju a kokwe. Kulye keriat kata jore logon lepeŋat ’de ’dep, gwoso keri lose lalaet lo kopojin, ko lo gulajin se ko tito nagon tetena ko mölwö. 5A Parusijin se ko katodinök ti Saresi pije Yesu adi, Ko nyo ŋutu kulök logon a kajujumuk ti miruŋdya keriat ti merenyejin kan, ama nyesu ko könisi logon a lut? 6#Yis 29.13A nye waddi lepeŋat adi, Yisaya a ’beron keju kulya kasu a gwak, ta logon a kamumulukak, gwoso na wurorikin na adi, Kulo ŋutu bu ’ya Ŋun ko kutusen kase kana, ama toilyet kase gwon pajo ko lepeŋ;
7lepeŋat dulaki kak i twöju na lepeŋ ko kana, a se todiŋdye saresi ti ŋutu gwoso se a todinesi na po ko Ŋun.
8A Yesu kulyani adi, Ta ko ’yu saresi ti ŋun a ta ’debbi keriat ti ŋutu go.
9A nye kulyani ko lepeŋat adi, Ta a lokoŋ i paju na saresi ti Ŋun anyen ’debba keriat kasu. 10#Yuö 20.12; Nyö 5.16; Yuö 21.17; Lew 20.9Kogwon Mose a kulya adi, Bule bu munyi se ko ŋuti, koti adi, ŋuto logon jambu ko monye lonyit kode ko ŋote nanyit arabat lo, ti nye ’diri ködyö tatuani tatua. 11Ama ta kulya adi, Ko lele ŋuto a kulya ko monye lonyit kode ko ŋote nanyit adi, ŋo nagon nye ködyö parakiŋdye se kune a Korban (kweja adi a gelaki Ŋun), 12a kirut ta kwöŋ tine rukörö lepeŋ i parakiŋdya na monye kode ŋote. 13Nyena ko ta koŋdya sona, ta tu ’baka ’yu kulyaet lo ŋun kogwon kulya ti keriat kasu logon ta a mirun kulo, a ta kolökiŋdye se i ŋwajik kasu ŋo jore gwoso kine ta kökon.
ŋo na totuddya ŋuto
(Köti Matayo 15.10-20)
14A Yesu koti lupundye ŋutu kulo kanyit ni a takiŋdye se adi, Ta ŋutu lio. yiŋge ta nan ko kuru ta kurun kine kulya, 15adi, nene ŋo ’bayin kaŋo nagon lupö ko ŋu i pele nagon bubulö toluddya lepeŋ, ama ŋo na lupuŋdyö kaŋo ko ŋuto i töili kune se na toluddya lepeŋ. 16[ŋuto logon ko swö yiŋesi ti nye yiŋge kine kulya.]
17A nagon nye aje lupö kadi ko aje kölökiŋdyo ŋutu nu, a ŋutu kanyit logon a kajujumuk kulo pije lepeŋ i kulya ti ŋilo lilim. 18A nye pije lepeŋat adi, Ma ’di ta köti a ko kurun le? Ta a ko den adi, nene ŋo ’bayin kaŋo nagon lupö ko ŋuto i pele nagon bubulö toluddya lepeŋ, 19kogwon ŋina ŋo ti lupö kanyit i töili ama kanyit i pele, a ’doŋokiŋdye mu ’diŋ. (A Yesu tokoŋ sona adi kinyojin ’bayin logon toluddya ŋutu i keri, ama ŋo lio a loke.) 20a nye kulyani adi, Ŋo na lupuŋdyö kaŋo ko ŋuto i toili kune se na toluddya lepeŋ.
21Kogwon ŋo narok lupuŋdyö ko ŋuto i töili kata yu, kweja adi yeyeesi narok, ko towutön, ko koko ’ya, ko tatuja, ko lubbo, 22ko goma, ko konesi narok, ko mumulugga, ko koŋdya ŋo ti yu na kwe aka, ko ki ’dem, ko jamaddu na karin ti ŋutu arabat, ko ’du ’duŋga, se ko tubaman. 23Kine po narok liŋ lupuŋdyö ko ŋuto i töili, a toluddye lepeŋ.
Yupet na ŋuto na Poinikia na Suria
(Köti Matayo 15.21-28)
24A Yesu ŋine ŋien i nu pirit a iti i kak na Turo ko na Sidona. A nye lupöni kadi, a ködyö tine ’dekan lele ŋuto i deŋdya adi nye lu nyu; ama a nye tine bulö ’de ’ya mugun. 25a ŋuto nagon ŋuro nanyit na ’dit gwon ko mulökotyo loron ko yiŋge kulya ti lepeŋ, ’de ’de a nye poŋdi po a rugwuŋökine kak ko lepeŋ i mokosi. 26ŋuto na ’bayin a Yudayakityo, ama i gweyari lonyit nye a ŋuto na Poinikia na Suria. A nye mamaŋdi lepeŋ anyen riköddu mulökotyo loron kaŋo ko ŋuro nanyit i mugun. 27A Yesu waddi ŋina ŋuto adi, Ti lupudiet kiyaŋ nyesi nyesu a yimönö; kogwon ’bayin a na ’but i ’dumuŋdya na kinyo lo lupudiet anyen gubaki ’diŋojin. 28Ama a ŋuto na waddi lepeŋ adi, lye, pon duma lio; ma ’di ’diŋojin lo gwon i misa mukök kulo nyenyesu tupesi ti kinyo na lupudiet nagon a ’do ’do kak. 29a Yesu kulyani ko ŋuto na adi, Kogwon do a ruggo ’bura yitöni konut mede; mulökötyo loron aje po kaŋo ko ŋuro inot i mugun. 30A nye yitöni mede, a ryeŋdi lupudi na a piriki i dotoet; mulökotyo loron aje kölökin lepeŋ.
Yesu a toke ’ya ŋuto logon a mine ko a ŋulu ’be
31A kirut Yesu yitwene i jur lo Turo, a tiri Sidona a lwöŋoddi jur lo Dekaŋoli anyen ’dur i tör na Galilaya.
32A kulye ŋutu joŋdi ŋuto logon a miŋe ko a ŋulu ’be ko lepeŋ ni, a se mamaŋdi Yesu anyen sopakiŋdya könisi kanyit ko lepeŋ ki. 33A nye joŋgi ŋilo ŋuto a swöt pajo ko lodir lo ŋutu anyen se gwon ka ’de, a sukiŋdye morin kanyit ko ŋilo ŋuto i swö, a yakuŋdye kamulak, a ’bo ’yi ŋedep lo lepeŋ. 34a kirut a nye diŋe ki, a nye ’duani ’dua, a kulyani ko lepeŋ adi, Epata, nagon nyönyokö adi, Ŋaji paju. 35a swö kanyit paji ŋaju, a ŋedep lonyit laggi laggu, a lepeŋ jambi ’bura. 36a Yesu kukuji lepeŋat an jamakin lele ŋuto kine kulya; ama ma ’di nagon nye a kukuju lepeŋat parik, a lepeŋat kölumbö gwe ko pusök duma i tuköddu na kine kulya. 37A ŋutu iŋge söŋu bia parik, a kulyani adi, Lepeŋ aje koŋdya ŋo liŋ ’bura; lepeŋ tiŋdu ma ’di ŋutu miŋeki i yiŋga ju mumutön i jambu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.