Otum 14
14
Osku ba Ekoniyom
1Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi. 2Ambo moaEyahuda la a bmi ba adlidzi mbo a ghwo moa la a wo moaEyahuda mbo elom atuŋ nga a da mo a klo odlo pa la moanáŋ 3Moa la a nyum oshpa moa a dzu ahe lo omba nzenze. Moa nyum oshpa ba Adigi-odne osheshye. Moa a lu mi ma oshpa mo eshri okpoghwo ba Ahogbrẽ o wo adlidzi angyiŋ okyku eshi aŋa a shri ekʼpo a da mo a la a kpo ayakplo ba egbregbre. 4Moare ba Ekoniyom a gʼba emo aha. Moakyeŋ a dzu okũ moaEyahuda, moakyeŋ a dzu okũ moa la nyum oshpa.
5Ambla fi nga, moaEyahuda pa la moa la a wo moaEyahuda mbo, pa la moandakʼpo, moa a kaŋ eshri a bga nga moa a klo o kpo moa la a nyum oshpa ewu, nga o tra mo ézhim. 6Omba moa la a nyum oshpa a gno eka he a khwo nga, moa a knye a gre Elistra, ta la Edabe, obiŋ ba Elakoniya ta la akekaŋ ba obiŋ hi lo. 7Moa a nyum Oshpaodzadzi lo ahe.
Osku ba Elistra
8Osku ba Elistra alomakyeŋ a wo ma baŋ a buŋ adga. Moa a mbre ŋa eka he angyiŋ, a dzi ondakyeŋ a ka ku-ku mbo. 9Alom he lo a ngli a gno oshpa ba Oblus a nyum adzadzi. Oblus a ka a tspi baŋ a bmi ba adlidzi, nga a yi ba alom he lo a kpo a gbu baŋ á ba a shaŋ. Okyku eka he a ka ŋa dzo, 10nga a lu angyangyeŋ a lu mi le, Aŋo alom o kso o tspi angyeŋ! Alom he lo a kso a ta egba a khwo nga a gba a dzi. 11Ambla ba moare a ka egbregbre akplo ba Oblus a kpo nga, moa a lu odlo a ta akhi la olom Elakoniya a lu mi le, Moahogbrẽ a zhiŋ a dzu eka moarehwi nga moa a gile a ba okro bi! 12Moa a shri eshko ba ahogbrẽ moa a bzi lo ma Eziyu a da Abarnaba. Moa a shri eshko ba ahogbrẽ moa a bzi lo ma Ahamesi a shri a da Oblus. Moa a shri eshko he lo a daŋ okyku eshi aŋa angyiŋ a la a lu odlo. 13Andakʼpo ashum ba Eziyu a wo ma, aku olo mo a wo akaŋ osku lo. Aŋa a shri anyuŋ andu ta la ambumbwi a shri a ba ayizhẽ. Aŋa pa la moaeshki a klo o hlu Oblus ta la Abarnaba eshko la alo. 14Omba ba Oblus ta la Abarnaba a gno eka ekplo moa a klo o kpo-kpo nga, moa a dle aknye mo nga moa a knye a gre eshki nga a lu odlo angyangyeŋ a lu mi le, 15Okyku eshi agimi e kpo eka he? Agi e wo moarehwi eka bimi angyiŋ! Agi e ba ahe okyku o nyum Oshpaodzadzi angyiŋ e ygi gimi, nga okyku o da gimi e kyu ayakplo ototno bimi e la e kpo hi abgo nga e lu Ahogbrẽ la a wo eso ma, Ahogbrẽ la a kpo ongyeŋ ta la obiŋ, ta la anyuŋ-ondzu, ta la ekployaŋ a mbo la e wo ma. 16Ayga Ahogbrẽ a da areyaŋ a mbo a sõ ozhẽ baŋ a klo. 17Ambo aŋa a la a shri eŋa a la a tsa moare ezhẽ ayakplo adzadzi baŋ a la a kpo. Aŋa a la a da ogbu o zgi ongyeŋ o ba, nga a la a da algo a la a bmye o wo omba lo o kpo. Aŋa a la a shri algori a da gimi, nga a la a shri ovye ba eso a da gimi. 18Moa la a nyum oshpa a lu eka he egyagi a mbo, moare a klo o shri anzho lo o hlu mo eshko eka moa a sheŋ a zga eso.
19MoaEyahudakyeŋ a zgi Antakiya ba Ebisidiya ta la Ekoniyom a ba. Moa a ba a zhiŋ moare eshri, nga moa a da mo a tra Oblus ézhim nga moa a dra ŋa a sku osku lo. Moa a ka ma o dzu mbo, ma a kpu. 20Ambo omba moanáŋ a ba a ta ŋa a kpaŋ nga, a kso nga a bla a gre osku eshyẽ. Onda oha nga Oblus ta la Abarnaba, moa a gre Edabe.
Moa a bla a gre Antakiya obiŋ Esiriya
21Oblus ta la Abarnaba, moa a nyum Oshpaodzadzi osku ba Edabe. Moa hwiŋ moare la a bmi ba adlidzi nzenze. Moa a zgi ahe lo a bla a gre Elistra, moa a zgi Elistra a bla a gre Ekoniyom, moa a zgi ahe lo a bla a gre Antakiya la a wo Ebisidiya. 22Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ. 23MoaEmisiya ayaŋ a mbo moa a sla moandakʼpo okyku lo. Moa a fa olu, nga moa a nyom eshri mo algo. Moa a shri mo a ndba Ahogbrẽ moa a bmi ba adlidzi ka la ŋa.
24Ambla moa a kpo otum obiŋ ba Ebisidiya a khwo nga, moa a bla a gre Ebamfiliya. 25Moa a nyum oshpa osku ba Epega a khwo nga, moa a bla a gre Ataliya. 26Moa a zgi ahe lo a bla a gre amgblami a gre Antakiya. Ahe lo a mi, moa a shri mo a ndba Ahogbrẽ okyku o daŋ a kpo a ghwo a mo otum a kpo a khwo.
27Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi. 28Moa a dzu pa la moa la a bmi ba adlidzi ma-me ahe lo.
Currently Selected:
Otum 14: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Otum 14
14
Osku ba Ekoniyom
1Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi. 2Ambo moaEyahuda la a bmi ba adlidzi mbo a ghwo moa la a wo moaEyahuda mbo elom atuŋ nga a da mo a klo odlo pa la moanáŋ 3Moa la a nyum oshpa moa a dzu ahe lo omba nzenze. Moa nyum oshpa ba Adigi-odne osheshye. Moa a lu mi ma oshpa mo eshri okpoghwo ba Ahogbrẽ o wo adlidzi angyiŋ okyku eshi aŋa a shri ekʼpo a da mo a la a kpo ayakplo ba egbregbre. 4Moare ba Ekoniyom a gʼba emo aha. Moakyeŋ a dzu okũ moaEyahuda, moakyeŋ a dzu okũ moa la nyum oshpa.
5Ambla fi nga, moaEyahuda pa la moa la a wo moaEyahuda mbo, pa la moandakʼpo, moa a kaŋ eshri a bga nga moa a klo o kpo moa la a nyum oshpa ewu, nga o tra mo ézhim. 6Omba moa la a nyum oshpa a gno eka he a khwo nga, moa a knye a gre Elistra, ta la Edabe, obiŋ ba Elakoniya ta la akekaŋ ba obiŋ hi lo. 7Moa a nyum Oshpaodzadzi lo ahe.
Osku ba Elistra
8Osku ba Elistra alomakyeŋ a wo ma baŋ a buŋ adga. Moa a mbre ŋa eka he angyiŋ, a dzi ondakyeŋ a ka ku-ku mbo. 9Alom he lo a ngli a gno oshpa ba Oblus a nyum adzadzi. Oblus a ka a tspi baŋ a bmi ba adlidzi, nga a yi ba alom he lo a kpo a gbu baŋ á ba a shaŋ. Okyku eka he a ka ŋa dzo, 10nga a lu angyangyeŋ a lu mi le, Aŋo alom o kso o tspi angyeŋ! Alom he lo a kso a ta egba a khwo nga a gba a dzi. 11Ambla ba moare a ka egbregbre akplo ba Oblus a kpo nga, moa a lu odlo a ta akhi la olom Elakoniya a lu mi le, Moahogbrẽ a zhiŋ a dzu eka moarehwi nga moa a gile a ba okro bi! 12Moa a shri eshko ba ahogbrẽ moa a bzi lo ma Eziyu a da Abarnaba. Moa a shri eshko ba ahogbrẽ moa a bzi lo ma Ahamesi a shri a da Oblus. Moa a shri eshko he lo a daŋ okyku eshi aŋa angyiŋ a la a lu odlo. 13Andakʼpo ashum ba Eziyu a wo ma, aku olo mo a wo akaŋ osku lo. Aŋa a shri anyuŋ andu ta la ambumbwi a shri a ba ayizhẽ. Aŋa pa la moaeshki a klo o hlu Oblus ta la Abarnaba eshko la alo. 14Omba ba Oblus ta la Abarnaba a gno eka ekplo moa a klo o kpo-kpo nga, moa a dle aknye mo nga moa a knye a gre eshki nga a lu odlo angyangyeŋ a lu mi le, 15Okyku eshi agimi e kpo eka he? Agi e wo moarehwi eka bimi angyiŋ! Agi e ba ahe okyku o nyum Oshpaodzadzi angyiŋ e ygi gimi, nga okyku o da gimi e kyu ayakplo ototno bimi e la e kpo hi abgo nga e lu Ahogbrẽ la a wo eso ma, Ahogbrẽ la a kpo ongyeŋ ta la obiŋ, ta la anyuŋ-ondzu, ta la ekployaŋ a mbo la e wo ma. 16Ayga Ahogbrẽ a da areyaŋ a mbo a sõ ozhẽ baŋ a klo. 17Ambo aŋa a la a shri eŋa a la a tsa moare ezhẽ ayakplo adzadzi baŋ a la a kpo. Aŋa a la a da ogbu o zgi ongyeŋ o ba, nga a la a da algo a la a bmye o wo omba lo o kpo. Aŋa a la a shri algori a da gimi, nga a la a shri ovye ba eso a da gimi. 18Moa la a nyum oshpa a lu eka he egyagi a mbo, moare a klo o shri anzho lo o hlu mo eshko eka moa a sheŋ a zga eso.
19MoaEyahudakyeŋ a zgi Antakiya ba Ebisidiya ta la Ekoniyom a ba. Moa a ba a zhiŋ moare eshri, nga moa a da mo a tra Oblus ézhim nga moa a dra ŋa a sku osku lo. Moa a ka ma o dzu mbo, ma a kpu. 20Ambo omba moanáŋ a ba a ta ŋa a kpaŋ nga, a kso nga a bla a gre osku eshyẽ. Onda oha nga Oblus ta la Abarnaba, moa a gre Edabe.
Moa a bla a gre Antakiya obiŋ Esiriya
21Oblus ta la Abarnaba, moa a nyum Oshpaodzadzi osku ba Edabe. Moa hwiŋ moare la a bmi ba adlidzi nzenze. Moa a zgi ahe lo a bla a gre Elistra, moa a zgi Elistra a bla a gre Ekoniyom, moa a zgi ahe lo a bla a gre Antakiya la a wo Ebisidiya. 22Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ. 23MoaEmisiya ayaŋ a mbo moa a sla moandakʼpo okyku lo. Moa a fa olu, nga moa a nyom eshri mo algo. Moa a shri mo a ndba Ahogbrẽ moa a bmi ba adlidzi ka la ŋa.
24Ambla moa a kpo otum obiŋ ba Ebisidiya a khwo nga, moa a bla a gre Ebamfiliya. 25Moa a nyum oshpa osku ba Epega a khwo nga, moa a bla a gre Ataliya. 26Moa a zgi ahe lo a bla a gre amgblami a gre Antakiya. Ahe lo a mi, moa a shri mo a ndba Ahogbrẽ okyku o daŋ a kpo a ghwo a mo otum a kpo a khwo.
27Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi. 28Moa a dzu pa la moa la a bmi ba adlidzi ma-me ahe lo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria