Eyohana 2
2
Moa a kpo abgo ba anwyeshe osku ba Akana
1Ambla ba elum eha nga, moa a kpo abgo anwyeshe osku ba Akana obiŋ ba Egalili. Omba he lo, anaŋ Eyesu a ba okyku o ri abgo. 2Nga moa a da Eyesu pa la moanwyeotum baŋ a mbo a gre okyku o ri abgo. 3Ambla ba ami anab a khwo nga, anaŋ Eyesu a gre okro baŋ a nyuŋ ŋa a lu mi le, O ka, ami anab a khwo. 4Eyesu a tno anaŋ ma a lu mi le, Ashe, aŋo o dzu tki ayga, omba me o kpo a wo mbo. 5Anaŋ Eyesu a nyuŋ moanwye-odne lo a lu mi le, Ekployaŋ a mbo baŋ a lu a da gimi, agimi e kpo lo.
6MoaEyahuda, moa a wo la edgu odzudzukyeŋ ba moa a la a ndza adga ta la abgo omba orialgo. Okyku eka he, moa a shri ashyẽ afĩ a shki okyku lo. Ashyẽ akyeŋ a sko eka agalo ekʼpoeha, o mbo le ekʼpoetra. 7Eyesu a nyuŋ moanwye-odne a lu mi le, Agimi e bli ashyẽ afĩ he lo la amihĩ. Moa a bli lo slu la amihĩ. 8Ambla fi nga aŋa a nyuŋ mo a lu mi le, Agimi e kpo ami lo e shri e kom andakʼpo ba eshki. Moa a kpo lo a kom ŋa. 9Nga andakʼpo he lo a vu amihĩ la a zhiŋ a dzu ami anab a ka. A yi okro ba moa a shri ami anab lo ma mbo, ambo moanwye-odne la a fu ami a bli ashyẽ, moa a yi. 10Ambla he nga aŋa a bzi alom anwyeshe lo, nga a lu mi le, Areyaŋ a mbo a la a shri ami anab adzi angyiŋ a shri a da moazhẽ ori, nga ambla ba moa a wa a wyo nga, moa a la a shri ami anab la a wo ekayaŋ a mbo a shri a ba. Aŋo o kpo eshi o shri ami anab adzi o ghre nga o yi o se lo ohuhuhi ayga?
11Ohi lo angyiŋ o wo ekplo egbregbre ba oriori ba Eyesu a zga esi a kpo osku ba Akana obiŋ ba Egalili. A da moare a ka ekʼpo baŋ ahe lo. Moanwyeotum baŋ nga a bmi ba adlidzi osheshye ka la ŋa.
12Ambla ba moa a kso ahe nga, Eyesu ta la anaŋ pa la moanáŋ, pa la moanwyeotum baŋ, moa a gre Akafanahum. Moa a dzu ahe lo okyku elum ple.
Eyesu a gre Anyuŋ-akulu
13Omba ba oriabgo moaEyahuda o wo osusku a mo. Abgo lo moa a bzi lo ma Apaska. Okyku eka he Eyesu a gre Orushalima. 14Eyesu a gre Anyuŋ-akulu eshyẽ nga, a ka moare a la a shri andu ta la ékylu, ta la áklungu, moa a la a shri a gbmo. Nga a ka moa a la a nyiŋ amgbaŋ a dzu obiŋ eteblo mo, a la a nyiŋ amgbaŋ. 15Eyesu a kpo omgbom nga a se andu, ta la ékylu a sku Anyuŋ-akulu lo. Nga a zhiŋ eteblo moare la a la a nyiŋ amgbaŋ a ta obiŋ, nga amgbaŋ mo a sla ayi. 16Eyesu a nyuŋ moare la a shri áklungu a gbmo a lu mi le, E se lo e sku okro he. E da odne Adugu o dzu ekyku mbo! 17Moanwyeotum baŋ moa a tne aga ekplo ba Odlo Ahogbrẽ o lu mi le, Ahogbrẽ, ame e wo la oklo ma eso me okyku odne boŋ o gre eshri.
18MoaEyahuda a ba okro baŋ nga moa a zhĩ ŋa a lu mi le, Aŋo ó kpo ekplo egbregbreyaŋ angyiŋ okyku o tsa gi ba Ahogbrẽ angyiŋ a shri ekʼpo a doŋ o kpo eka he? 19Eyesu a tno mo ma a lu mi le, Agimi é kypi Anyuŋ-akulu hi, nga ame é sa é bla alo é mbdzi elum etra. 20Moa a gno eka he nga moa a zhĩ ŋa a lu mi le, Aŋo ó mbdzi Anyuŋ-akulu hi elum etra? O ka, moa a mbdzi lo eyi ekʼpoenyi la efĩ!
21Omba ba Eyesu a lu odlo eshri Anyuŋ-akulu, a lu odlo eshri egʼba baŋ angyiŋ. 22Okyku eka he omba ba Eyesu a kso ongybi, moanwyeotum baŋ a tne aga eka baŋ a lu odlo he lo, nga moa a bmi ba adlidzi ta la Odlo Ahogbrẽ, ta la ekplo ba Eyesu a lu.
Eyesu a yi eso moare mvye
23Omba ba Eyesu a wo Orushalima omba abgo ba Apaska, moare nzenze a bmi ba adlidzi ka la ŋa okyku ayakplo egbregbre baŋ a la a kpo. 24Ambo Eyesu a bmi ba adlidzi ta la moare mbo okyku eshi aŋa a yi eso mo. 25O wo eheŋ-ekyeŋ ba arekyeŋ angyiŋ a tsa ŋa edgu eda moarehwi mbo okyku eshi aŋa a yi edgu aga la a wo eso mo.
Currently Selected:
Eyohana 2: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Eyohana 2
2
Moa a kpo abgo ba anwyeshe osku ba Akana
1Ambla ba elum eha nga, moa a kpo abgo anwyeshe osku ba Akana obiŋ ba Egalili. Omba he lo, anaŋ Eyesu a ba okyku o ri abgo. 2Nga moa a da Eyesu pa la moanwyeotum baŋ a mbo a gre okyku o ri abgo. 3Ambla ba ami anab a khwo nga, anaŋ Eyesu a gre okro baŋ a nyuŋ ŋa a lu mi le, O ka, ami anab a khwo. 4Eyesu a tno anaŋ ma a lu mi le, Ashe, aŋo o dzu tki ayga, omba me o kpo a wo mbo. 5Anaŋ Eyesu a nyuŋ moanwye-odne lo a lu mi le, Ekployaŋ a mbo baŋ a lu a da gimi, agimi e kpo lo.
6MoaEyahuda, moa a wo la edgu odzudzukyeŋ ba moa a la a ndza adga ta la abgo omba orialgo. Okyku eka he, moa a shri ashyẽ afĩ a shki okyku lo. Ashyẽ akyeŋ a sko eka agalo ekʼpoeha, o mbo le ekʼpoetra. 7Eyesu a nyuŋ moanwye-odne a lu mi le, Agimi e bli ashyẽ afĩ he lo la amihĩ. Moa a bli lo slu la amihĩ. 8Ambla fi nga aŋa a nyuŋ mo a lu mi le, Agimi e kpo ami lo e shri e kom andakʼpo ba eshki. Moa a kpo lo a kom ŋa. 9Nga andakʼpo he lo a vu amihĩ la a zhiŋ a dzu ami anab a ka. A yi okro ba moa a shri ami anab lo ma mbo, ambo moanwye-odne la a fu ami a bli ashyẽ, moa a yi. 10Ambla he nga aŋa a bzi alom anwyeshe lo, nga a lu mi le, Areyaŋ a mbo a la a shri ami anab adzi angyiŋ a shri a da moazhẽ ori, nga ambla ba moa a wa a wyo nga, moa a la a shri ami anab la a wo ekayaŋ a mbo a shri a ba. Aŋo o kpo eshi o shri ami anab adzi o ghre nga o yi o se lo ohuhuhi ayga?
11Ohi lo angyiŋ o wo ekplo egbregbre ba oriori ba Eyesu a zga esi a kpo osku ba Akana obiŋ ba Egalili. A da moare a ka ekʼpo baŋ ahe lo. Moanwyeotum baŋ nga a bmi ba adlidzi osheshye ka la ŋa.
12Ambla ba moa a kso ahe nga, Eyesu ta la anaŋ pa la moanáŋ, pa la moanwyeotum baŋ, moa a gre Akafanahum. Moa a dzu ahe lo okyku elum ple.
Eyesu a gre Anyuŋ-akulu
13Omba ba oriabgo moaEyahuda o wo osusku a mo. Abgo lo moa a bzi lo ma Apaska. Okyku eka he Eyesu a gre Orushalima. 14Eyesu a gre Anyuŋ-akulu eshyẽ nga, a ka moare a la a shri andu ta la ékylu, ta la áklungu, moa a la a shri a gbmo. Nga a ka moa a la a nyiŋ amgbaŋ a dzu obiŋ eteblo mo, a la a nyiŋ amgbaŋ. 15Eyesu a kpo omgbom nga a se andu, ta la ékylu a sku Anyuŋ-akulu lo. Nga a zhiŋ eteblo moare la a la a nyiŋ amgbaŋ a ta obiŋ, nga amgbaŋ mo a sla ayi. 16Eyesu a nyuŋ moare la a shri áklungu a gbmo a lu mi le, E se lo e sku okro he. E da odne Adugu o dzu ekyku mbo! 17Moanwyeotum baŋ moa a tne aga ekplo ba Odlo Ahogbrẽ o lu mi le, Ahogbrẽ, ame e wo la oklo ma eso me okyku odne boŋ o gre eshri.
18MoaEyahuda a ba okro baŋ nga moa a zhĩ ŋa a lu mi le, Aŋo ó kpo ekplo egbregbreyaŋ angyiŋ okyku o tsa gi ba Ahogbrẽ angyiŋ a shri ekʼpo a doŋ o kpo eka he? 19Eyesu a tno mo ma a lu mi le, Agimi é kypi Anyuŋ-akulu hi, nga ame é sa é bla alo é mbdzi elum etra. 20Moa a gno eka he nga moa a zhĩ ŋa a lu mi le, Aŋo ó mbdzi Anyuŋ-akulu hi elum etra? O ka, moa a mbdzi lo eyi ekʼpoenyi la efĩ!
21Omba ba Eyesu a lu odlo eshri Anyuŋ-akulu, a lu odlo eshri egʼba baŋ angyiŋ. 22Okyku eka he omba ba Eyesu a kso ongybi, moanwyeotum baŋ a tne aga eka baŋ a lu odlo he lo, nga moa a bmi ba adlidzi ta la Odlo Ahogbrẽ, ta la ekplo ba Eyesu a lu.
Eyesu a yi eso moare mvye
23Omba ba Eyesu a wo Orushalima omba abgo ba Apaska, moare nzenze a bmi ba adlidzi ka la ŋa okyku ayakplo egbregbre baŋ a la a kpo. 24Ambo Eyesu a bmi ba adlidzi ta la moare mbo okyku eshi aŋa a yi eso mo. 25O wo eheŋ-ekyeŋ ba arekyeŋ angyiŋ a tsa ŋa edgu eda moarehwi mbo okyku eshi aŋa a yi edgu aga la a wo eso mo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria