Oluka 12
12
Oshĩ eshri moa la a bile moare
1Omba moare ezbi nzenze a tspi otsotse nga a la a pre emo adga, Eyesu a nyuŋ moanwyeotum baŋ a lu mi le, Agimi e nyuŋ e kpo-kpo ta la eyist moaEfarisi. Ame e lu odlo eshri obile mo angyiŋ. 2Ekployaŋ a mbo ba moa a ghre lo, é gbu edzi. Nga ekployaŋ a mbo ba moa a yi lo mbo, moa á su lo. 3Okyku eka he ekployaŋ a mbo boŋ o lu lo emvygi le, é gbu edzi. Nga o wo boŋ o ta lo o ygi arekyeŋ otuŋ aku eshyẽ a mbo, moa á su lo okroyaŋ a mbo.
Are ba moa á kpo eyli baŋ
4Agimi akyemeazba, ame e lu ka la gimi, e kpo eyli moare la a kpo a gbu ba moa a bga egʼba, ambo ba egi ehwõ e ra e gre abgo mbo. 5Ame é tsa gimi are ba alo o raŋ o gre bimi e kpo eyli baŋ. Agimi e kpo eyli Ahogbrẽ okyku eshi aŋa a wo la ekʼpo ma baŋ a bga nga a shri lo a ta enzheovo. Adlidzi ame e lu e da gimi, agimi e kpo eyli baŋ!
6Moa a la a shri ebyiakpa etno a shri a gbmo okyku okobo oha mbo? Ambo ekakahelo a mbo, Ahogbrẽ a gre eso akyeŋ eshki mo a ghre mbo. 7O ka, amasẽ eshri boŋ a mbo, moa a sheŋ a tsi lo a ka pyeŋ. Okyku eka he o kpo eyli mbo, okyku eshi aŋo o wo la anyuanyuŋ o gre ebyiakpa nzenze!
O zgi egŋe Ekristi egi ayi moarehwi
8Ame e lu e da gimi, areyaŋ a mbo la a zgi egŋe me egi ayi moare baŋ a wo a me angyiŋ le, Anwye Arehwĩ a mbo á kpo ekakahelo angyiŋ okyku ŋa egi ayi moanwyeadga ba Ahogbrẽ. 9Nga areyaŋ a mbo la a dzu evom me egi ayi moarehwi le, Anwye Arehwĩ a mbo á dzu evom are he lo egi ayi moanwyeadga ba Ahogbrẽ.
10Areyaŋ a mbo la a lu ekplokyeŋ ebi eshri ba Anwye Arehwĩ le, moa á kyu ŋa abgo. Ambo are la a lu ekplokyeŋ ebi eshri Ogbgaodzi le, moa á kyu ŋa abgo mbo ku-ku.
11Omba ba moa a shri gimi a gre anwyeakulu okyku o sõ gimi ombgu le, o mbo le omba ba moa a shri gimi a gre egi ayi moa-ogomna, o mbo le egi ayi moare la a ri ekʼpo, agimi e da eso e kpla gimi e gbu okyku ekplo bimi é ba e lu okyku o kpaŋ eshri bimi mbo. 12Okyku eshi omba he lo, Ogbgaodzi ó tsa gimi eka ekplo bimi é ba e lu.
Egŋe eshri are angyiŋ la a zvo eda mbo
13Arekyeŋ a zgi eshki a ba a lu a da Eyesu a lu mi le, Andakʼpo, aŋo o lu o da anime okyku o daŋ a da gi e gʼba ogu ba adigi la a kpu a dzu a zga gi, agʼbaha bi. 14Eyesu a tno ma a lu mi le, Alom, ayi a shri ekʼpo a da me okyku o da me e gʼba ogu bimi agʼbaha bimi? 15Ambla he nga Eyesu a nyuŋ mo pyeŋ a lu mi le, Agimi e kʼpu, nga e da ogroayikyeŋ o bile gimi mbo, okyku eshi odzudzu ba eso ba adlidzi ba arehwĩ, oshye lo o wo anzho baŋ a wo la alo ma angyiŋ mbo, o wo baŋ a wo angyiŋ egyagi a mbo o wo a ba ototno angyiŋ. 16Ambla he nga Eyesu a ta egŋe he egi ayi mo. A lu mi le, Are angyiŋ-akyeŋ a wo la agbi la a dzu algo adzadzi ma. 17A tne aga esosõ a lu mi le, Ame e wo okrokyeŋ odzadzi ba o shri algo me o zga ma mbo, ame é kpo anyu? 18A nyuŋ eŋa a lu mi le, O ba alo o wo he, ame é kypi ebmro me pyeŋ, nga ame é mbdzi anyuŋ ebmro okyku o shri algo me, ta la anzho me e ygi ma. 19Ambla he ame é nyuŋ eme é lu mi le, Aŋo o tsa adzi o gre eshri! O ka, aŋo o wo ekployaŋ a mbo la e wo edzadzi ma, anzho he lo a wo a boŋ ó ba o kpo otum la eyi oshushushku ta la alo. O da eso e gbu ŋo obiŋ a mo, nga o ri o wa, nga o gno oraŋ! 20Ambo Ahogbrẽ a nyuŋ ŋa a lu mi le, Aŋo o wo adro! Okyukyku hi moa a klo eso boŋ. O ba alo o wo hi, ayi nga á ba a tslo anzho boŋ o pla o shki eŋo he? 21Eyesu a sa a lu mi le, O wo eka he angyiŋ pa la moarehwi la a la a pla angyiŋ a shki emo. Moa a wo ekplokyeŋ angyiŋ egi ayi ba Ahogbrẽ mbo.
Obmi ta la Ahogbrẽ
22Ambla he nga Eyesu a nyuŋ moanwyeotum baŋ a lu mi le, Okyku eka he angyiŋ ame e lu odlo ka la gimi. E da eso e ngʼba gimi okyku algori ba agimi e klo okyku oruri mbo. Nga, e da eso e ngʼba gimi okyku aknye egʼba ba agimi e la e klo mbo. 23Okyku eshi eso e wo anyuanyuŋ e gre algori, nga egʼba e wo anyuanyuŋ e gre aknye. 24Agimi e ka angliŋa, moa a fu algo mbo, nga moa a yla mbo, nga moa a wo la ebmro o mbo le anjygu ma mbo, ambo Ahogbrẽ a la a vgi mo! Ambo agimi e wo la owlama ma nzenze e gre awunu! 25Ayi eshki bimi a kpo a gbu baŋ a ta eyi baŋ ma, o wo baŋ a da lo o kpo ŋa ewu eso? 26O wo boŋ o kpo ekplokyeŋ la e wo ohli eka he a mbo o gbu mbo le, okyku eshi aŋo o kpo eŋo ewu eshri anzho la a gre eka he? 27Agimi e ka eka ba ambumbwi ba akla a la a hlu. Moa a kpo otum nga a ngʼgo aknye okyku emo mbo. Ambo ame e lu e da gimi Osolomo la angyiŋ baŋ egyagi a mbo, a ygi aknye la a wo adzi eka ba akyeŋ eshki ba ambumbwi he lo mbo ku-ku. 28Ahogbrẽ angyiŋ a shki asoso ba akla. Asoso la a wo ma, a dzu nga a kpu, nga moa a kpoŋ lo ovo. Ekplokyeŋ é nyom baŋ a shri aknye ba egʼba a shri a da gimi? Obmi ba adlidzi bimi o wo otsitsi sha! 29Okyku eka he, e da eso e ngʼba gimi okyku ekplo bimi é ba e ri, o mbo le é wa mbo. 30Agimi e ka, moarehwi ba obiŋ hi la a wo moaEyahuda mbo, moa a la a gbga egʼba okyku edgu ayakplo he lo ombamba pyeŋ. Adigimi a yi bimi e klo edgu ayakplo he lo. 31Okyku eka he, e sko Oreŋ Ahogbrẽ e zga ekplo ba oriori eso bimi. Ambla he nga ekployaŋ a mbo bimi e klo á shri á da gimi.
Angyiŋ ba Ongyeŋ
32Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi. 33Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo. 34Okyku eshi eso bimi e wo okro ba angyiŋ bimi a wo ma angyiŋ ombamba pyeŋ.
Moanwye-odne la a kʼpu
35Agimi e nyuŋ e dzu okyku ekployaŋ a mbo la é kpo, e nyuŋ oknye e ta adzadzi nga e ta ovo emgbuovo bimi, 36eka ba moanwye-odne la a dzu a kʼpu adimo-odne o tsa baŋ a zgi oriabgo a ba. O wo baŋ a ba a ta enzi le, moa á kso nga á hwile ayizhẽ okyku ŋa shoshoŋ. 37Moanwye-odne ba adimo-odne á ba a hwiŋ mo la ayi, moa á vu anzho abgo pyeŋ nga moa á dzu á bli ŋa, moa á gno oraŋ nzenze! Ame e lu e da gimi, aŋa á ta oknye baŋ a kpye gble nga á da mo a dzu obiŋ, nga á shri algo á da mo a ri. 38Moa á gno oraŋ á gre eshri o wo baŋ a hwiŋ mo ba moa a kʼpu! O dzu mbo aŋa á ba la ekpatspe okyukyku, o mbo le ambla he lo! 39Agimi e tne aga ekplo he lo e ka! O wo ba are-odne a yi omba ba asi á ba a ba á fu odne baŋ le, aŋa á da asi a ba a gom odne baŋ tsitsi a mbo mbo. 40Agimi a mbo e dzu e kʼpu, okyku eshi Anwye Arehwĩ á ba ombayaŋ a mbo bimi e zga eso ma mbo.
Anwye-odne ba adlidzi ta la a ba ototno
41Ebitru a zhĩ Eyesu a lu mi le, Adigi-odne, aŋo o ta egŋe he okyku gi angyiŋ le, okyku areyaŋ a mbo? 42Adigi-odne a tno ma a lu mi le, Ayi angyiŋ a wo anwye-odne ba adlidzi la a ka a bmye? Aŋa angyiŋ a wo are ba adaŋ-odne á ba a shri otum á ghwo abgo baŋ okyku o daŋ a kpaŋ odne lo nga okyku o shri algo o da moanwye-odne omba la o raŋ o gre. 43Anwye-odne he lo á gno oraŋ á gre eshri o wo ba adaŋ-odne a ba odne a hwiŋ ŋa baŋ a la a kpo otum he lo! 44Adlidzi angyiŋ ame e la e lu e da gimi, adaŋ-odne á shri ekployaŋ a mbo e baŋ á shri á ghwo anwye-odne he lo abgo. 45Ambo o wo ba anwye-odne he lo a lu ta la eŋa a lu mi le, Adugu-odne á ta abyi ma-me ayga á ba a ba. Ambla he nga a zga esi o yla moanwye-odne alalom ta la alashle andzu, nga a gre a yi a ri a wa nga a dro. 46Adaŋ-odne á ba a gnyu ŋa ognyu. Okyku eka he adaŋ-odne lo á kplu ŋa agbu okykukykyku. Nga á daŋ á kpo ewu eka moare la a shye eshri a la a kpo.
47Anwye-odne la a yi ekplo ba adaŋ-odne a klo baŋ a kpo, ambo o wo baŋ a nyuŋ eshri baŋ nga a bmi a kpo ekplo ba adaŋ-odne a klo mbo le, moa á yla ŋa andzu la anyuŋ opi. Ohi lo angyiŋ ó ba o dzu ewu baŋ. 48Ambo anwye-odne la a yi ekplo ba adaŋ-odne a klo baŋ a kpo mbo le, o wo baŋ a kpo ekplokyeŋ ebi le, moa á taŋ ŋa andzu la anwye aki angyiŋ. Ohe lo angyiŋ ó dzu ewu baŋ. Are ba moa a shri nzenze a shri a daŋ, moa á klo nzenze angyiŋ okro baŋ. Are ba moa a shri fkatka a shri a daŋ, moa á klo fkatka angyiŋ okro baŋ.
Eyesu a shri ogagʼba angyiŋ a ba
49Eyesu a lu mi le, Ame e ba okyku o shri ovo angyiŋ e shri e ta obiŋ hi. Okayiozhẽ me ame e klo ba obiŋ hi o sheŋ o ri ovo bgu! 50Ame e dzu e bli abaptisma ba moa á ba a kpo me. Eso e wo me wayawaya o wo le ohi lo o kpo o khwo ayga dne! 51Agimi e ka eka ba ame e shri esõ-egbubiŋ angyiŋ e shri e ba obiŋ hi? Ame e shri esõ-egbubiŋ angyiŋ e shri e ba mbo, ambo ame e shri ogagʼba angyiŋ e ba. 52A zga omba he a yi nga, ogu ba moare atno a wo ma, ó gʼba eŋa. Moare atra ba ogu hi lo á kpo ambgu pa la moare aha ba ogu hi lo, nga moare aha ba ogu hi lo á kpo ambgu pa la moare atra ba ogu hi lo. 53Moadimoanwye á kpo ambgu pa la moanwye, moanwye a mbo á kpo ambgu pa la moadimo. Moanimoanwye á kpo ambgu pa la moanwye-alashle mo, moanwye-alashle a mbo á kpo ambgu pa la moanimo. Moadzum-alashle nga a kpo pa la moadzum-alashle.
Egŋe ba omba he lo
54Eyesu a nyuŋ moarehwi a lu mi le, O wo bimi e ka etabro e zgi egi etne e ba, agimi e la e lu mi ma ogbu ó ba, ogbu o ba eka he lo. 55Omba ba ogbga o hlu o zgi agʼbaha ba egi etne ta la egi osu angyiŋ o ba le, agimi e la e lu mi ma okro ó bmye ovo, nga o dzu eka he lo. 56Agimi abibli moarehwi! Agimi e la e ka obiŋ hi ta la ahrẽ nga e la e lu eka ekplo la e wo ma e gbu. O wo eka he angyiŋ bgu le, okyku eshi agimi e ka eshyẽ ba omba he lo e bmye mbo?
O nyuŋ o kpo pa la moafpu ŋo
57Okyku eshi aŋo o sla ekplo la e wo edzi ba o kpo-kpo? 58O wo ba arekyeŋ a klo odlo ka la ŋo, nga baŋ a shri ŋo a gre akuombgu le, o zga gble nga o nyuŋ odlo lo o kpo ka la ŋa omba bimi e gre akuombgu a wo mbo, okyku o daŋ a kpo ŋo ewu egi ayi ba are la a sõ ombgu mbo. Aŋa á shri ŋo á da moanwyeapi, moanwyeapi nga á shri ŋo á ta aku. 59Ame e lu e doŋ aŋa á se ŋo mbo o wo le aŋo ó hre engre lo pyeŋ ó khwo ayga dne.
Currently Selected:
Oluka 12: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Oluka 12
12
Oshĩ eshri moa la a bile moare
1Omba moare ezbi nzenze a tspi otsotse nga a la a pre emo adga, Eyesu a nyuŋ moanwyeotum baŋ a lu mi le, Agimi e nyuŋ e kpo-kpo ta la eyist moaEfarisi. Ame e lu odlo eshri obile mo angyiŋ. 2Ekployaŋ a mbo ba moa a ghre lo, é gbu edzi. Nga ekployaŋ a mbo ba moa a yi lo mbo, moa á su lo. 3Okyku eka he ekployaŋ a mbo boŋ o lu lo emvygi le, é gbu edzi. Nga o wo boŋ o ta lo o ygi arekyeŋ otuŋ aku eshyẽ a mbo, moa á su lo okroyaŋ a mbo.
Are ba moa á kpo eyli baŋ
4Agimi akyemeazba, ame e lu ka la gimi, e kpo eyli moare la a kpo a gbu ba moa a bga egʼba, ambo ba egi ehwõ e ra e gre abgo mbo. 5Ame é tsa gimi are ba alo o raŋ o gre bimi e kpo eyli baŋ. Agimi e kpo eyli Ahogbrẽ okyku eshi aŋa a wo la ekʼpo ma baŋ a bga nga a shri lo a ta enzheovo. Adlidzi ame e lu e da gimi, agimi e kpo eyli baŋ!
6Moa a la a shri ebyiakpa etno a shri a gbmo okyku okobo oha mbo? Ambo ekakahelo a mbo, Ahogbrẽ a gre eso akyeŋ eshki mo a ghre mbo. 7O ka, amasẽ eshri boŋ a mbo, moa a sheŋ a tsi lo a ka pyeŋ. Okyku eka he o kpo eyli mbo, okyku eshi aŋo o wo la anyuanyuŋ o gre ebyiakpa nzenze!
O zgi egŋe Ekristi egi ayi moarehwi
8Ame e lu e da gimi, areyaŋ a mbo la a zgi egŋe me egi ayi moare baŋ a wo a me angyiŋ le, Anwye Arehwĩ a mbo á kpo ekakahelo angyiŋ okyku ŋa egi ayi moanwyeadga ba Ahogbrẽ. 9Nga areyaŋ a mbo la a dzu evom me egi ayi moarehwi le, Anwye Arehwĩ a mbo á dzu evom are he lo egi ayi moanwyeadga ba Ahogbrẽ.
10Areyaŋ a mbo la a lu ekplokyeŋ ebi eshri ba Anwye Arehwĩ le, moa á kyu ŋa abgo. Ambo are la a lu ekplokyeŋ ebi eshri Ogbgaodzi le, moa á kyu ŋa abgo mbo ku-ku.
11Omba ba moa a shri gimi a gre anwyeakulu okyku o sõ gimi ombgu le, o mbo le omba ba moa a shri gimi a gre egi ayi moa-ogomna, o mbo le egi ayi moare la a ri ekʼpo, agimi e da eso e kpla gimi e gbu okyku ekplo bimi é ba e lu okyku o kpaŋ eshri bimi mbo. 12Okyku eshi omba he lo, Ogbgaodzi ó tsa gimi eka ekplo bimi é ba e lu.
Egŋe eshri are angyiŋ la a zvo eda mbo
13Arekyeŋ a zgi eshki a ba a lu a da Eyesu a lu mi le, Andakʼpo, aŋo o lu o da anime okyku o daŋ a da gi e gʼba ogu ba adigi la a kpu a dzu a zga gi, agʼbaha bi. 14Eyesu a tno ma a lu mi le, Alom, ayi a shri ekʼpo a da me okyku o da me e gʼba ogu bimi agʼbaha bimi? 15Ambla he nga Eyesu a nyuŋ mo pyeŋ a lu mi le, Agimi e kʼpu, nga e da ogroayikyeŋ o bile gimi mbo, okyku eshi odzudzu ba eso ba adlidzi ba arehwĩ, oshye lo o wo anzho baŋ a wo la alo ma angyiŋ mbo, o wo baŋ a wo angyiŋ egyagi a mbo o wo a ba ototno angyiŋ. 16Ambla he nga Eyesu a ta egŋe he egi ayi mo. A lu mi le, Are angyiŋ-akyeŋ a wo la agbi la a dzu algo adzadzi ma. 17A tne aga esosõ a lu mi le, Ame e wo okrokyeŋ odzadzi ba o shri algo me o zga ma mbo, ame é kpo anyu? 18A nyuŋ eŋa a lu mi le, O ba alo o wo he, ame é kypi ebmro me pyeŋ, nga ame é mbdzi anyuŋ ebmro okyku o shri algo me, ta la anzho me e ygi ma. 19Ambla he ame é nyuŋ eme é lu mi le, Aŋo o tsa adzi o gre eshri! O ka, aŋo o wo ekployaŋ a mbo la e wo edzadzi ma, anzho he lo a wo a boŋ ó ba o kpo otum la eyi oshushushku ta la alo. O da eso e gbu ŋo obiŋ a mo, nga o ri o wa, nga o gno oraŋ! 20Ambo Ahogbrẽ a nyuŋ ŋa a lu mi le, Aŋo o wo adro! Okyukyku hi moa a klo eso boŋ. O ba alo o wo hi, ayi nga á ba a tslo anzho boŋ o pla o shki eŋo he? 21Eyesu a sa a lu mi le, O wo eka he angyiŋ pa la moarehwi la a la a pla angyiŋ a shki emo. Moa a wo ekplokyeŋ angyiŋ egi ayi ba Ahogbrẽ mbo.
Obmi ta la Ahogbrẽ
22Ambla he nga Eyesu a nyuŋ moanwyeotum baŋ a lu mi le, Okyku eka he angyiŋ ame e lu odlo ka la gimi. E da eso e ngʼba gimi okyku algori ba agimi e klo okyku oruri mbo. Nga, e da eso e ngʼba gimi okyku aknye egʼba ba agimi e la e klo mbo. 23Okyku eshi eso e wo anyuanyuŋ e gre algori, nga egʼba e wo anyuanyuŋ e gre aknye. 24Agimi e ka angliŋa, moa a fu algo mbo, nga moa a yla mbo, nga moa a wo la ebmro o mbo le anjygu ma mbo, ambo Ahogbrẽ a la a vgi mo! Ambo agimi e wo la owlama ma nzenze e gre awunu! 25Ayi eshki bimi a kpo a gbu baŋ a ta eyi baŋ ma, o wo baŋ a da lo o kpo ŋa ewu eso? 26O wo boŋ o kpo ekplokyeŋ la e wo ohli eka he a mbo o gbu mbo le, okyku eshi aŋo o kpo eŋo ewu eshri anzho la a gre eka he? 27Agimi e ka eka ba ambumbwi ba akla a la a hlu. Moa a kpo otum nga a ngʼgo aknye okyku emo mbo. Ambo ame e lu e da gimi Osolomo la angyiŋ baŋ egyagi a mbo, a ygi aknye la a wo adzi eka ba akyeŋ eshki ba ambumbwi he lo mbo ku-ku. 28Ahogbrẽ angyiŋ a shki asoso ba akla. Asoso la a wo ma, a dzu nga a kpu, nga moa a kpoŋ lo ovo. Ekplokyeŋ é nyom baŋ a shri aknye ba egʼba a shri a da gimi? Obmi ba adlidzi bimi o wo otsitsi sha! 29Okyku eka he, e da eso e ngʼba gimi okyku ekplo bimi é ba e ri, o mbo le é wa mbo. 30Agimi e ka, moarehwi ba obiŋ hi la a wo moaEyahuda mbo, moa a la a gbga egʼba okyku edgu ayakplo he lo ombamba pyeŋ. Adigimi a yi bimi e klo edgu ayakplo he lo. 31Okyku eka he, e sko Oreŋ Ahogbrẽ e zga ekplo ba oriori eso bimi. Ambla he nga ekployaŋ a mbo bimi e klo á shri á da gimi.
Angyiŋ ba Ongyeŋ
32Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi. 33Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo. 34Okyku eshi eso bimi e wo okro ba angyiŋ bimi a wo ma angyiŋ ombamba pyeŋ.
Moanwye-odne la a kʼpu
35Agimi e nyuŋ e dzu okyku ekployaŋ a mbo la é kpo, e nyuŋ oknye e ta adzadzi nga e ta ovo emgbuovo bimi, 36eka ba moanwye-odne la a dzu a kʼpu adimo-odne o tsa baŋ a zgi oriabgo a ba. O wo baŋ a ba a ta enzi le, moa á kso nga á hwile ayizhẽ okyku ŋa shoshoŋ. 37Moanwye-odne ba adimo-odne á ba a hwiŋ mo la ayi, moa á vu anzho abgo pyeŋ nga moa á dzu á bli ŋa, moa á gno oraŋ nzenze! Ame e lu e da gimi, aŋa á ta oknye baŋ a kpye gble nga á da mo a dzu obiŋ, nga á shri algo á da mo a ri. 38Moa á gno oraŋ á gre eshri o wo baŋ a hwiŋ mo ba moa a kʼpu! O dzu mbo aŋa á ba la ekpatspe okyukyku, o mbo le ambla he lo! 39Agimi e tne aga ekplo he lo e ka! O wo ba are-odne a yi omba ba asi á ba a ba á fu odne baŋ le, aŋa á da asi a ba a gom odne baŋ tsitsi a mbo mbo. 40Agimi a mbo e dzu e kʼpu, okyku eshi Anwye Arehwĩ á ba ombayaŋ a mbo bimi e zga eso ma mbo.
Anwye-odne ba adlidzi ta la a ba ototno
41Ebitru a zhĩ Eyesu a lu mi le, Adigi-odne, aŋo o ta egŋe he okyku gi angyiŋ le, okyku areyaŋ a mbo? 42Adigi-odne a tno ma a lu mi le, Ayi angyiŋ a wo anwye-odne ba adlidzi la a ka a bmye? Aŋa angyiŋ a wo are ba adaŋ-odne á ba a shri otum á ghwo abgo baŋ okyku o daŋ a kpaŋ odne lo nga okyku o shri algo o da moanwye-odne omba la o raŋ o gre. 43Anwye-odne he lo á gno oraŋ á gre eshri o wo ba adaŋ-odne a ba odne a hwiŋ ŋa baŋ a la a kpo otum he lo! 44Adlidzi angyiŋ ame e la e lu e da gimi, adaŋ-odne á shri ekployaŋ a mbo e baŋ á shri á ghwo anwye-odne he lo abgo. 45Ambo o wo ba anwye-odne he lo a lu ta la eŋa a lu mi le, Adugu-odne á ta abyi ma-me ayga á ba a ba. Ambla he nga a zga esi o yla moanwye-odne alalom ta la alashle andzu, nga a gre a yi a ri a wa nga a dro. 46Adaŋ-odne á ba a gnyu ŋa ognyu. Okyku eka he adaŋ-odne lo á kplu ŋa agbu okykukykyku. Nga á daŋ á kpo ewu eka moare la a shye eshri a la a kpo.
47Anwye-odne la a yi ekplo ba adaŋ-odne a klo baŋ a kpo, ambo o wo baŋ a nyuŋ eshri baŋ nga a bmi a kpo ekplo ba adaŋ-odne a klo mbo le, moa á yla ŋa andzu la anyuŋ opi. Ohi lo angyiŋ ó ba o dzu ewu baŋ. 48Ambo anwye-odne la a yi ekplo ba adaŋ-odne a klo baŋ a kpo mbo le, o wo baŋ a kpo ekplokyeŋ ebi le, moa á taŋ ŋa andzu la anwye aki angyiŋ. Ohe lo angyiŋ ó dzu ewu baŋ. Are ba moa a shri nzenze a shri a daŋ, moa á klo nzenze angyiŋ okro baŋ. Are ba moa a shri fkatka a shri a daŋ, moa á klo fkatka angyiŋ okro baŋ.
Eyesu a shri ogagʼba angyiŋ a ba
49Eyesu a lu mi le, Ame e ba okyku o shri ovo angyiŋ e shri e ta obiŋ hi. Okayiozhẽ me ame e klo ba obiŋ hi o sheŋ o ri ovo bgu! 50Ame e dzu e bli abaptisma ba moa á ba a kpo me. Eso e wo me wayawaya o wo le ohi lo o kpo o khwo ayga dne! 51Agimi e ka eka ba ame e shri esõ-egbubiŋ angyiŋ e shri e ba obiŋ hi? Ame e shri esõ-egbubiŋ angyiŋ e shri e ba mbo, ambo ame e shri ogagʼba angyiŋ e ba. 52A zga omba he a yi nga, ogu ba moare atno a wo ma, ó gʼba eŋa. Moare atra ba ogu hi lo á kpo ambgu pa la moare aha ba ogu hi lo, nga moare aha ba ogu hi lo á kpo ambgu pa la moare atra ba ogu hi lo. 53Moadimoanwye á kpo ambgu pa la moanwye, moanwye a mbo á kpo ambgu pa la moadimo. Moanimoanwye á kpo ambgu pa la moanwye-alashle mo, moanwye-alashle a mbo á kpo ambgu pa la moanimo. Moadzum-alashle nga a kpo pa la moadzum-alashle.
Egŋe ba omba he lo
54Eyesu a nyuŋ moarehwi a lu mi le, O wo bimi e ka etabro e zgi egi etne e ba, agimi e la e lu mi ma ogbu ó ba, ogbu o ba eka he lo. 55Omba ba ogbga o hlu o zgi agʼbaha ba egi etne ta la egi osu angyiŋ o ba le, agimi e la e lu mi ma okro ó bmye ovo, nga o dzu eka he lo. 56Agimi abibli moarehwi! Agimi e la e ka obiŋ hi ta la ahrẽ nga e la e lu eka ekplo la e wo ma e gbu. O wo eka he angyiŋ bgu le, okyku eshi agimi e ka eshyẽ ba omba he lo e bmye mbo?
O nyuŋ o kpo pa la moafpu ŋo
57Okyku eshi aŋo o sla ekplo la e wo edzi ba o kpo-kpo? 58O wo ba arekyeŋ a klo odlo ka la ŋo, nga baŋ a shri ŋo a gre akuombgu le, o zga gble nga o nyuŋ odlo lo o kpo ka la ŋa omba bimi e gre akuombgu a wo mbo, okyku o daŋ a kpo ŋo ewu egi ayi ba are la a sõ ombgu mbo. Aŋa á shri ŋo á da moanwyeapi, moanwyeapi nga á shri ŋo á ta aku. 59Ame e lu e doŋ aŋa á se ŋo mbo o wo le aŋo ó hre engre lo pyeŋ ó khwo ayga dne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria