Oluka 8
8
Moashekyeŋ la a dzi odzi ta la Eyesu
1Ambla fi nga Eyesu a dzi a gre esku ta la anwye esku andandandim. Nga a la a nyum oshpa eshri ba Oreŋ Ahogbrẽ. Moanwyeotum otsko a gre ka la ŋa. 2Moashekyeŋ a mbo baŋ a shaŋ ololo mo, pa la moashekyeŋ baŋ a se egbgabi a sku mo a mbo moa a gre ka la ŋa. Ashekyeŋ ba eshko baŋ e ri Emeri a mbo a wo ma. Moa a bzi ŋa ma Amagadaliya. Moa a se egbgabi efoha egʼba baŋ. 3Ojowana, aŋa a wo ashe Ekuza. Ekuza he lo a wo akyeŋ eshki moandakʼpo ba moanwyeakyuŋ ba Ehirudu. Osuzana pa la moashe ahwõ moa a kpo a ghwo la Eyesu pa la moanwyeotum baŋ la ayakplo ba moa a wo la alo ma.
Egŋe ba arekyeŋ la a ta edgo agbi
4Moare a la a ba okro Eyesu ombamba pyeŋ. Moa a zgi esku andandandim a ba. Ambla moare a shki nzenze nga, Eyesu a ta egŋe a lu mi le,
5Arekyeŋ a gre agbi okyku o ta edgo agbi. Omba baŋ a la a ta nga, eyiebze e gro e gbu ozhẽ, moa a la a pre lo nga awunu a ri lo. 6Eyiebze e gro e gbu awro ezhim ba obiŋ o wo ma nzenze mbo, nga ambla ba moa a zgi a khwo nga, moa a kpu aya rbarba, okyku eshi obiŋ lo o ta efpi mbo. 7Eyiebze e gro e gbu akũ asi afpu. Moa a hlu ta la asi afpu otsotse. Asi afpu a hlu nga a kha lo. 8Eyiebze nga e gro e gbu obiŋ la o wo odzadzi, nga e hlu e kpo ashri adzadzi. Eshriyaŋ a mbo e kpo eyi endgaekyeŋ. Ambla he nga Eyesu a lu mi le, Agimi e ngli atuŋ e gno, o wo bimi e wo la atuŋ ba o gno odlo ma!
Ekplo la e daŋ a ta egŋe
9Moanwyeotum baŋ a zhĩ ŋa eshyẽ ba egŋe lo. 10Eyesu a tno mo ma a lu mi le, Oyioyi ba Oreŋ Ahogbrẽ, moa a hwile lo okyku o da gimi e ka lo e bmye, ambo moa a nye moahwõ la egŋe angyiŋ. Okyku eshi ibu o ka oka a da mo a ka mbo, nga ibu o gno ogno moa a ka a bmye mbo.
Eyesu a sla egŋe ba are la a ta edgo
11Eyesu a lu mi le, Eshyẽ ba egŋe lo angyiŋ e wo hi. Eyi lo angyiŋ e wo odlo ba Ahogbrẽ. 12Eyi la e gro e gbu ozhẽ e dzu eka moare la a yga odlo ba Ahogbrẽ a khwo nga, ba Eshitaŋ e ba e ngʼga lo e sku mo. Nga, e nyom mo a bmi ba adlidzi okyku o da mo a hwiŋ oshla mbo. 13Eyi la e gro e gbu awro ezhim ba obiŋ o wo ma nzenze mbo, e dzu eka moare la a gno odlo Ahogbrẽ nga a yga lo la ovyevye. Ambo moa a yga lo la osheshye eso mo mbo. Okyku eka he nga moa a bmi ba adlidzi okyku omba ple sha. Omba ba obile o ba nga, moare he lo a tsi a gbu. 14Eyi la e gro e gbu okũ asi afpu, e dzu eka moare la a yga odlo ba Ahogbrẽ, ambo aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi, ahi lo a nyom mo o yga odlo lo. Okyku eka he moa a kpo owlamakyeŋ nzenze mbo. 15Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.
Emgbuovo moa zhiŋ atku a shum lo
16Eyesu a sa a lu mi le, Arekyeŋ a la a ta ovo emgbuovo nga a shum lo la eshyẽ mbo. Á shri lo á zga okũ amgbla ba olom ma mbo. Ambo á shri lo á kha eshum okyku o da areyaŋ a mbo a ka ayimom omba baŋ a ba odne lo. 17Ekployaŋ a mbo moa a kpo lo a ghre le, é gbu edzi pyeŋ. Nga ekployaŋ a mbo ba moa a pre lo odga, é gbu edzi.
18Okyku eka he agimi e nyuŋ e kpo-kpo la ayakplo bimi e gno. Okyku eshi are la a wo ekplokyeŋ ma le, moa á shri á ta ŋa ma. Ambo are la a wo emakyeŋ ma mbo le, moa á ngʼga ela fi baŋ a wo la alo ma a mbo á sku ŋa.
Anaŋ Eyesu pa la moanáŋ
19Anaŋ Eyesu, pa la moanáŋ moa a ba okro baŋ. Ambo moa a kpo a gbu ba o ka ŋa mbo okyku eshi moare a shki a gre eshri. 20Arekyeŋ a ka eka he nga, a nyuŋ Eyesu a lu mi le, Anoŋ, pa la moanóŋ moa a klo o ka ŋo, moa a dzu a bli ŋo ekpazhi. 21Ambo Eyesu a tno ma a lu a da mo mvye a lu mi le, Anungu, pa la moanime angyiŋ a wo moare la a gno odlo me nga a la a kpaŋ lo.
Eyesu a da ogbga ogbu o dum
22Olum ondakyeŋ nga Eyesu a gre amgblami pa la moanwyeotum baŋ nga a nyuŋ mo a lu mi le, Agimi e da gi e bmyi e yi ongre ba atam. Moa a bmyi a yi ongre ohwõ. 23Omba ba moa a bmyi a yi nga, enu e vu ŋa. Omba he lo, anyuŋ ogbga ogbu o la o hlu atam lo, nga amgblami a kpo o bli la ami. O dzu ekplo ba eso e ngʼba. 24Moanwyeotum a ba okro ba Eyesu nga moa a kso ŋa enu. Moa a bzi ŋa a lu mi le, Andakʼpo, Andakʼpo! O ka, agi e kpo e jyijygi ba! Eyesu a kso nga a shrom ogbga ogbu ta la ondzami a da lo o dum. O tspi o khwo nga, okro o dum. 25Ambla he nga Eyesu a zhĩ moanwyeotum baŋ a lu mi le, Agimi e shri obmi ba adlidzi bimi e kpo eshi? Ambo moanwyeotum baŋ moa a ka egbregbre nga moa a kpo eyli. Moa a lu ta la emo a lu mi le, Alom he lo a wo ayi angyiŋ baŋ a shrom ogbga ogbu ta la ondz ami a mbo a gbu nga moa a la a gno ŋa?
Eyesu a shaŋ alomakyeŋ ba egbgabi e kpo otum ka la ŋa
26Moa a bmyi amgblami a gre obiŋ ba Egegaseni. O wo ongre ohwõ la obiŋ ba Egalili. 27Omba ba Eyesu a gile akaŋ atam eka he nga, alomakyeŋ ba egbgabi e kpo otum ka la ŋa a ba okro baŋ. A zgi osku he lo. Omba o dga ple baŋ a la a dzi ososo ototno. A dzu odne mbo, nga a lom ekro ba moa a la a ngybi moare ma. 28Omba baŋ a ka Eyesu nga, a ta enzi angyangyeŋ mgbʼba nga a kʼpu obiŋ egi ayi Eyesu nga a lu mi le, Eyesu, Aŋo Anwye Ahogbrẽ la a wo Esesla a gre pyeŋ! Aŋo o klo o kpo me eshi? Ame e vẽ ŋo, o wo boŋ o bmi le, o kpo me ewu mbo! 29A lu eka he okyku eshi Eyesu a shrom ogbgabi a lu mi ma alo o zgi o sku ŋa. Engyi oshushku o la o bʼbu alom he lo. Moa a ta ŋa aslika abgo ta la adga. Ekakahelo a mbo, aŋa a sheŋ aslika lo, nga ogbgabi o shri ŋa o gre akla. 30Eyesu a zhĩ ŋa a lu mi le, Eshko boŋ e ri ayi? A tno ma a lu mi le, Ame e ri Nzenze, okyku eshi egbgabi nzenze angyiŋ e kpo otum ka la ŋa. 31Egbgabi lo e vẽ Eyesu okyku o daŋ a kyku mo, a da mo a yi a gre enzhe la e wo mgbyimgbyimgbyiŋ mbo.
32Okóko nzenze o wo ma akũ-akyeŋ osusku ahe lo, okyku eka he nga egbgabi lo e vẽ Eyesu okyku o daŋ a bmi a da mo a yi a gre egʼba ba okóko. A bmi a da mo a gre egʼba ba okóko he lo. 33Egbgabi lo e zgi e sku egʼba alom lo, e gre egʼba okóko he lo. Okóko pyeŋ o knye o gile aku lo nga o gre atam nga o kpu.
34Moare la a kpaŋ okóko a ka eka ekplo la e kpo, okyku eka he moa a knye a gre osku eshyẽ ta la anwye esku nga moa a lu oshpa ekplo la e kpo a da moare. 35Moare a gre nga okyku o ka ekplo la e kpo. Moa a ba okro ba Eyesu nga moa a ka alom ba egbgabi e zgi e sku ŋa a ygi aknye a dzu obiŋ egi ayi baŋ la eda zhezheŋ. Moare pyeŋ moa a kpo eyli. 36Moare la a ka eka ekplo la e kpo moa a lu a da moare eka moa a shaŋ alom lo. 37Ambla he nga moare pyeŋ ba obiŋ ba Egegaseni a vẽ Eyesu okyku o daŋ a kso a sku obiŋ mo. Moa a kpo eyli baŋ nzenze. Eyesu a gre amgblami nga a zhiŋ eŋa ogbu. 38Alom ba Eyesu a shaŋ ŋa a vẽ Eyesu ma a bmi a daŋ a lu ŋa ma. Ambo Eyesu a bmi mbo. A nyuŋ ŋa a lu mi le, 39O bla o yi odne, nga o lu oshpa anyuŋ ekplo ba Ahogbrẽ a kpo okyku ŋo o da moa-odne. Aŋa a zhiŋ ogbu a gre nga a su osu osku lo pyeŋ eka anyuŋ ekplo ba Eyesu a kpo ŋa.
Oshpa ba anwye-alashle Ojayiru ta la ashe la tka oknye ba Eyesu
40Omba ba Eyesu a bla a gre ongre ohwõ ba atam lo nga, moare nzenze moa a yga ŋa la ovyevye, okyku eshi moa a ka ayi ozhẽ okyku ŋa. 41Omba he lo nga, alomakyeŋ moa a bzi ŋa ma Ojayiru a gbu. A wo andakʼpo ba anwyeakulu. A ba a kŋe a shki obiŋ egi ayi Eyesu nga a vẽ ŋa okyku o daŋ a yi odne baŋ. 42Okyku eshi anwye-alashle baŋ akyakyeŋ la a kpo eyi otsko, a wo anyu eku. Omba ba Eyesu a la a yi nga, moare a ta ŋa a kpaŋ nzenze. 43Ashekyeŋ la a wo egi ehwõ a wo ma. Alo o kpo nga a zhiŋ a dzu ololo. A kpo eyi otsko la alo. A tpi amgbaŋ baŋ a wo la alo ma ayi pyeŋ okyku agum, ambo a shaŋ mbo.
44Ashe lo a ba egi okũ Eyesu nga a tka oknye baŋ. Omba he lo nga aŋa a shaŋ. 45Eyesu a ka a tspi nga a zhĩ a lu mi le, Ayi a tka me? Areyaŋ a mbo a dzu evom. Ebitru a lu mi le, Andakʼpo, aŋo o ka moare nzenze a fye ŋo kpate mbo? 46Ambo Eyesu a tno ma a lu mi le, Arekyeŋ a tka me. Ame e ka e tspi omba ba ekʼpo e zgi e sku me. 47Ashe lo a ka ba ekplo baŋ a kpo e ghre e gbu mbo, okyku eka he a ba la egʼba ezhgara, nga a kŋe a shki obiŋ egi ayi ba Eyesu. Egi ayi areyaŋ a mbo nga, a lu ekplo la e daŋ a tka ŋa a daŋ, nga a lu eka baŋ a gba a shaŋ. 48Eyesu a nyuŋ ŋa a lu mi le, Anwye-alashle me, obmi ba adlidzi boŋ o shaŋ ŋo. O yi eŋo la eso ekyle.
49Omba ba Eyesu a la a lu eka he nga, arekyeŋ ba moa a hom otum a zgi odne Ojayiru a gbu. A nyuŋ Ojayiru a lu mi le, Aŋo o kpo Andakʼpo ewu nga mbo, okyku eshi anwye-alashle boŋ a sheŋ a kpu bgu. 50Eyesu a gno otum ba moa a lu a da Ojayiru nga a nyuŋ Ojayiru a lu mi le, Aŋo o da eso e tpi ŋo ayi mbo. O bmi ba adlidzi. Anwyeshe lo á shaŋ. 51Omba ba Eyesu a gbu odne lo nga, a da arekyeŋ a gre aku lo eshyẽ ka la ŋa mbo, o wo le Ebitru, ta la Eyakubu, ta la Eyohana, ta la adaŋ anwyeshe, ta la anaŋ anwyeshe lo sha a gre eshyẽ ka la ŋa. 52Areyaŋ a mbo ahe lo nga, a la a wu okũ okyku anwye lo. Ambo Eyesu a nyuŋ mo a lu mi le, Agimi e wu okũ mbo. Anwye lo a kpu-kpu angyiŋ mbo. A ndze enu angyiŋ! 53Ambo moare a tsi odlo ba Eyesu a lu a ghwo ayi mbo, okyku eshi moa a yi ba anwye lo a kpu. 54Eyesu a vu anwye lo obgo nga a nyuŋ ŋa a lu mi le, Anwye, o kso angyeŋ! 55Anwye lo a ta ayaŋ a khwo nga, a kso. Ambla he nga Eyesu a da mo a shri algo a da anwyeshe okyku o daŋ a ri. 56Moadaŋ moa a ka ekplo egbregbre a gre eshri. Ambo Eyesu a shĩ mo a lu mi ma moa a lu ekplo la e kpo a da arekyeŋ mbo ku-ku.
Currently Selected:
Oluka 8: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Oluka 8
8
Moashekyeŋ la a dzi odzi ta la Eyesu
1Ambla fi nga Eyesu a dzi a gre esku ta la anwye esku andandandim. Nga a la a nyum oshpa eshri ba Oreŋ Ahogbrẽ. Moanwyeotum otsko a gre ka la ŋa. 2Moashekyeŋ a mbo baŋ a shaŋ ololo mo, pa la moashekyeŋ baŋ a se egbgabi a sku mo a mbo moa a gre ka la ŋa. Ashekyeŋ ba eshko baŋ e ri Emeri a mbo a wo ma. Moa a bzi ŋa ma Amagadaliya. Moa a se egbgabi efoha egʼba baŋ. 3Ojowana, aŋa a wo ashe Ekuza. Ekuza he lo a wo akyeŋ eshki moandakʼpo ba moanwyeakyuŋ ba Ehirudu. Osuzana pa la moashe ahwõ moa a kpo a ghwo la Eyesu pa la moanwyeotum baŋ la ayakplo ba moa a wo la alo ma.
Egŋe ba arekyeŋ la a ta edgo agbi
4Moare a la a ba okro Eyesu ombamba pyeŋ. Moa a zgi esku andandandim a ba. Ambla moare a shki nzenze nga, Eyesu a ta egŋe a lu mi le,
5Arekyeŋ a gre agbi okyku o ta edgo agbi. Omba baŋ a la a ta nga, eyiebze e gro e gbu ozhẽ, moa a la a pre lo nga awunu a ri lo. 6Eyiebze e gro e gbu awro ezhim ba obiŋ o wo ma nzenze mbo, nga ambla ba moa a zgi a khwo nga, moa a kpu aya rbarba, okyku eshi obiŋ lo o ta efpi mbo. 7Eyiebze e gro e gbu akũ asi afpu. Moa a hlu ta la asi afpu otsotse. Asi afpu a hlu nga a kha lo. 8Eyiebze nga e gro e gbu obiŋ la o wo odzadzi, nga e hlu e kpo ashri adzadzi. Eshriyaŋ a mbo e kpo eyi endgaekyeŋ. Ambla he nga Eyesu a lu mi le, Agimi e ngli atuŋ e gno, o wo bimi e wo la atuŋ ba o gno odlo ma!
Ekplo la e daŋ a ta egŋe
9Moanwyeotum baŋ a zhĩ ŋa eshyẽ ba egŋe lo. 10Eyesu a tno mo ma a lu mi le, Oyioyi ba Oreŋ Ahogbrẽ, moa a hwile lo okyku o da gimi e ka lo e bmye, ambo moa a nye moahwõ la egŋe angyiŋ. Okyku eshi ibu o ka oka a da mo a ka mbo, nga ibu o gno ogno moa a ka a bmye mbo.
Eyesu a sla egŋe ba are la a ta edgo
11Eyesu a lu mi le, Eshyẽ ba egŋe lo angyiŋ e wo hi. Eyi lo angyiŋ e wo odlo ba Ahogbrẽ. 12Eyi la e gro e gbu ozhẽ e dzu eka moare la a yga odlo ba Ahogbrẽ a khwo nga, ba Eshitaŋ e ba e ngʼga lo e sku mo. Nga, e nyom mo a bmi ba adlidzi okyku o da mo a hwiŋ oshla mbo. 13Eyi la e gro e gbu awro ezhim ba obiŋ o wo ma nzenze mbo, e dzu eka moare la a gno odlo Ahogbrẽ nga a yga lo la ovyevye. Ambo moa a yga lo la osheshye eso mo mbo. Okyku eka he nga moa a bmi ba adlidzi okyku omba ple sha. Omba ba obile o ba nga, moare he lo a tsi a gbu. 14Eyi la e gro e gbu okũ asi afpu, e dzu eka moare la a yga odlo ba Ahogbrẽ, ambo aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi, ahi lo a nyom mo o yga odlo lo. Okyku eka he moa a kpo owlamakyeŋ nzenze mbo. 15Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.
Emgbuovo moa zhiŋ atku a shum lo
16Eyesu a sa a lu mi le, Arekyeŋ a la a ta ovo emgbuovo nga a shum lo la eshyẽ mbo. Á shri lo á zga okũ amgbla ba olom ma mbo. Ambo á shri lo á kha eshum okyku o da areyaŋ a mbo a ka ayimom omba baŋ a ba odne lo. 17Ekployaŋ a mbo moa a kpo lo a ghre le, é gbu edzi pyeŋ. Nga ekployaŋ a mbo ba moa a pre lo odga, é gbu edzi.
18Okyku eka he agimi e nyuŋ e kpo-kpo la ayakplo bimi e gno. Okyku eshi are la a wo ekplokyeŋ ma le, moa á shri á ta ŋa ma. Ambo are la a wo emakyeŋ ma mbo le, moa á ngʼga ela fi baŋ a wo la alo ma a mbo á sku ŋa.
Anaŋ Eyesu pa la moanáŋ
19Anaŋ Eyesu, pa la moanáŋ moa a ba okro baŋ. Ambo moa a kpo a gbu ba o ka ŋa mbo okyku eshi moare a shki a gre eshri. 20Arekyeŋ a ka eka he nga, a nyuŋ Eyesu a lu mi le, Anoŋ, pa la moanóŋ moa a klo o ka ŋo, moa a dzu a bli ŋo ekpazhi. 21Ambo Eyesu a tno ma a lu a da mo mvye a lu mi le, Anungu, pa la moanime angyiŋ a wo moare la a gno odlo me nga a la a kpaŋ lo.
Eyesu a da ogbga ogbu o dum
22Olum ondakyeŋ nga Eyesu a gre amgblami pa la moanwyeotum baŋ nga a nyuŋ mo a lu mi le, Agimi e da gi e bmyi e yi ongre ba atam. Moa a bmyi a yi ongre ohwõ. 23Omba ba moa a bmyi a yi nga, enu e vu ŋa. Omba he lo, anyuŋ ogbga ogbu o la o hlu atam lo, nga amgblami a kpo o bli la ami. O dzu ekplo ba eso e ngʼba. 24Moanwyeotum a ba okro ba Eyesu nga moa a kso ŋa enu. Moa a bzi ŋa a lu mi le, Andakʼpo, Andakʼpo! O ka, agi e kpo e jyijygi ba! Eyesu a kso nga a shrom ogbga ogbu ta la ondzami a da lo o dum. O tspi o khwo nga, okro o dum. 25Ambla he nga Eyesu a zhĩ moanwyeotum baŋ a lu mi le, Agimi e shri obmi ba adlidzi bimi e kpo eshi? Ambo moanwyeotum baŋ moa a ka egbregbre nga moa a kpo eyli. Moa a lu ta la emo a lu mi le, Alom he lo a wo ayi angyiŋ baŋ a shrom ogbga ogbu ta la ondz ami a mbo a gbu nga moa a la a gno ŋa?
Eyesu a shaŋ alomakyeŋ ba egbgabi e kpo otum ka la ŋa
26Moa a bmyi amgblami a gre obiŋ ba Egegaseni. O wo ongre ohwõ la obiŋ ba Egalili. 27Omba ba Eyesu a gile akaŋ atam eka he nga, alomakyeŋ ba egbgabi e kpo otum ka la ŋa a ba okro baŋ. A zgi osku he lo. Omba o dga ple baŋ a la a dzi ososo ototno. A dzu odne mbo, nga a lom ekro ba moa a la a ngybi moare ma. 28Omba baŋ a ka Eyesu nga, a ta enzi angyangyeŋ mgbʼba nga a kʼpu obiŋ egi ayi Eyesu nga a lu mi le, Eyesu, Aŋo Anwye Ahogbrẽ la a wo Esesla a gre pyeŋ! Aŋo o klo o kpo me eshi? Ame e vẽ ŋo, o wo boŋ o bmi le, o kpo me ewu mbo! 29A lu eka he okyku eshi Eyesu a shrom ogbgabi a lu mi ma alo o zgi o sku ŋa. Engyi oshushku o la o bʼbu alom he lo. Moa a ta ŋa aslika abgo ta la adga. Ekakahelo a mbo, aŋa a sheŋ aslika lo, nga ogbgabi o shri ŋa o gre akla. 30Eyesu a zhĩ ŋa a lu mi le, Eshko boŋ e ri ayi? A tno ma a lu mi le, Ame e ri Nzenze, okyku eshi egbgabi nzenze angyiŋ e kpo otum ka la ŋa. 31Egbgabi lo e vẽ Eyesu okyku o daŋ a kyku mo, a da mo a yi a gre enzhe la e wo mgbyimgbyimgbyiŋ mbo.
32Okóko nzenze o wo ma akũ-akyeŋ osusku ahe lo, okyku eka he nga egbgabi lo e vẽ Eyesu okyku o daŋ a bmi a da mo a yi a gre egʼba ba okóko. A bmi a da mo a gre egʼba ba okóko he lo. 33Egbgabi lo e zgi e sku egʼba alom lo, e gre egʼba okóko he lo. Okóko pyeŋ o knye o gile aku lo nga o gre atam nga o kpu.
34Moare la a kpaŋ okóko a ka eka ekplo la e kpo, okyku eka he moa a knye a gre osku eshyẽ ta la anwye esku nga moa a lu oshpa ekplo la e kpo a da moare. 35Moare a gre nga okyku o ka ekplo la e kpo. Moa a ba okro ba Eyesu nga moa a ka alom ba egbgabi e zgi e sku ŋa a ygi aknye a dzu obiŋ egi ayi baŋ la eda zhezheŋ. Moare pyeŋ moa a kpo eyli. 36Moare la a ka eka ekplo la e kpo moa a lu a da moare eka moa a shaŋ alom lo. 37Ambla he nga moare pyeŋ ba obiŋ ba Egegaseni a vẽ Eyesu okyku o daŋ a kso a sku obiŋ mo. Moa a kpo eyli baŋ nzenze. Eyesu a gre amgblami nga a zhiŋ eŋa ogbu. 38Alom ba Eyesu a shaŋ ŋa a vẽ Eyesu ma a bmi a daŋ a lu ŋa ma. Ambo Eyesu a bmi mbo. A nyuŋ ŋa a lu mi le, 39O bla o yi odne, nga o lu oshpa anyuŋ ekplo ba Ahogbrẽ a kpo okyku ŋo o da moa-odne. Aŋa a zhiŋ ogbu a gre nga a su osu osku lo pyeŋ eka anyuŋ ekplo ba Eyesu a kpo ŋa.
Oshpa ba anwye-alashle Ojayiru ta la ashe la tka oknye ba Eyesu
40Omba ba Eyesu a bla a gre ongre ohwõ ba atam lo nga, moare nzenze moa a yga ŋa la ovyevye, okyku eshi moa a ka ayi ozhẽ okyku ŋa. 41Omba he lo nga, alomakyeŋ moa a bzi ŋa ma Ojayiru a gbu. A wo andakʼpo ba anwyeakulu. A ba a kŋe a shki obiŋ egi ayi Eyesu nga a vẽ ŋa okyku o daŋ a yi odne baŋ. 42Okyku eshi anwye-alashle baŋ akyakyeŋ la a kpo eyi otsko, a wo anyu eku. Omba ba Eyesu a la a yi nga, moare a ta ŋa a kpaŋ nzenze. 43Ashekyeŋ la a wo egi ehwõ a wo ma. Alo o kpo nga a zhiŋ a dzu ololo. A kpo eyi otsko la alo. A tpi amgbaŋ baŋ a wo la alo ma ayi pyeŋ okyku agum, ambo a shaŋ mbo.
44Ashe lo a ba egi okũ Eyesu nga a tka oknye baŋ. Omba he lo nga aŋa a shaŋ. 45Eyesu a ka a tspi nga a zhĩ a lu mi le, Ayi a tka me? Areyaŋ a mbo a dzu evom. Ebitru a lu mi le, Andakʼpo, aŋo o ka moare nzenze a fye ŋo kpate mbo? 46Ambo Eyesu a tno ma a lu mi le, Arekyeŋ a tka me. Ame e ka e tspi omba ba ekʼpo e zgi e sku me. 47Ashe lo a ka ba ekplo baŋ a kpo e ghre e gbu mbo, okyku eka he a ba la egʼba ezhgara, nga a kŋe a shki obiŋ egi ayi ba Eyesu. Egi ayi areyaŋ a mbo nga, a lu ekplo la e daŋ a tka ŋa a daŋ, nga a lu eka baŋ a gba a shaŋ. 48Eyesu a nyuŋ ŋa a lu mi le, Anwye-alashle me, obmi ba adlidzi boŋ o shaŋ ŋo. O yi eŋo la eso ekyle.
49Omba ba Eyesu a la a lu eka he nga, arekyeŋ ba moa a hom otum a zgi odne Ojayiru a gbu. A nyuŋ Ojayiru a lu mi le, Aŋo o kpo Andakʼpo ewu nga mbo, okyku eshi anwye-alashle boŋ a sheŋ a kpu bgu. 50Eyesu a gno otum ba moa a lu a da Ojayiru nga a nyuŋ Ojayiru a lu mi le, Aŋo o da eso e tpi ŋo ayi mbo. O bmi ba adlidzi. Anwyeshe lo á shaŋ. 51Omba ba Eyesu a gbu odne lo nga, a da arekyeŋ a gre aku lo eshyẽ ka la ŋa mbo, o wo le Ebitru, ta la Eyakubu, ta la Eyohana, ta la adaŋ anwyeshe, ta la anaŋ anwyeshe lo sha a gre eshyẽ ka la ŋa. 52Areyaŋ a mbo ahe lo nga, a la a wu okũ okyku anwye lo. Ambo Eyesu a nyuŋ mo a lu mi le, Agimi e wu okũ mbo. Anwye lo a kpu-kpu angyiŋ mbo. A ndze enu angyiŋ! 53Ambo moare a tsi odlo ba Eyesu a lu a ghwo ayi mbo, okyku eshi moa a yi ba anwye lo a kpu. 54Eyesu a vu anwye lo obgo nga a nyuŋ ŋa a lu mi le, Anwye, o kso angyeŋ! 55Anwye lo a ta ayaŋ a khwo nga, a kso. Ambla he nga Eyesu a da mo a shri algo a da anwyeshe okyku o daŋ a ri. 56Moadaŋ moa a ka ekplo egbregbre a gre eshri. Ambo Eyesu a shĩ mo a lu mi ma moa a lu ekplo la e kpo a da arekyeŋ mbo ku-ku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria