Milimo 9
9
Saulo wafyushiwa
(Mil 22:6-16; 26:12-18)
1Leelo Saulo alusya ukofya nu kusita ukumola alondeshi ya Mwene, aya kuli Kapela-nkulu. 2Asita ampe imbaluwa sha kuila uku Damaski zino shandikilwe ukuya ku mang'anda yao iyi Leesa, ukuti ndi walola antu ya nzila iyo, ayonsi nanti ayanachi, ayanyepe nu kuyaleta uku Yelusalemu.
3Nga pano wapitanga, lino wapalamila uku Damaski, zuwa umwengelela ukufuma umwiyulu wamochelesha. 4Apona apansi, apulika iswi lilunnena, liluti: “Saulo, Saulo, ifino wasunya?” 5Ati: “We weni, Mwene?” Nawe ati: “Nene Yesu wino wanzunya wewe. 6Leelo katuka uye umunzi, newe wannenwa icha kuomba.” 7Na antu yano yapisile nawe, imilila chele, yalupulikisya iswi, leelo yatalola umwi. 8Saulo akatuka apansi, na maaso yaakwe pano yakupuka, atalola chimwi. Yannema ikasa, yanneta uku Damaski. 9Walinda amanda yatatu atalulola; atalulya nanti ukunwa.
10Ngu uku Damaski kwali unnondeshi wenga ishina lyaakwe Anania. uMwene annena uku malele, ati: “Anania!” Nawe ati: “Ndipo Mwene.” 11uMwene wannena, waati: “Wimilila, pita kunsila ino yakuluti: yololoka; ukatondosye ung'anda i Yuda, untu wino yakuluti Saulo uwa ku Talso, kuno, lola, alupepa. 12Nawe watalola untu izina lyaakwe i Anania, aluya ukumwikila amakasa pa ntwe wakwe, kuti annola kaili.” 13Leelo Anania ati: “Mwene, napulika ifyafula uku ntu wi uku yantu tupu, ifiipe tupu fino wachitila aswefiwa yako uku Yelusalemu. 14Na pa kwene ali na maka kufuma uku ayikolo iyakapela, ukuti anyepe yoshi yano yazumile izina lyako.” 15Leelo uMwene annena, ati: “Pitanga, kuno wiyo ichivya chizipe kunondi, asende izina lyane apa maaso ya akulukuwa na ene na ana ya Islaeli. 16Kuno namnanga ifyafula fino vinnungime ukuchula ukwisina lyane.”
17Anania apita, aya awingila un-ng'anda iyo, amwikila amakasa pa ntwe wakwe, ati: “Saulo, wachane, uMwene Yesu wantuma, wino wauswelwile kuno uli un-nsila ino wizile, kuti unnola kaili, ushule uMweso Nswefu.” 18Liyo kwene fipona fimwi um-manso yaakwe fikozile amamba, nga alola, awimilila, abatishiwa. 19Alya ichulya, awa na maka.
Saulo alusunda uku Damaski
Awikala kweneko amanda yamwi ponga na alondeshi yano yali uku Damaski. 20Atampa liyo kwene ukusunda amaswi yi Yesu un-ng'anda shao ishi Leesa, fino Yesu uMwana wi Leesa. 21Na yoshi yano yapulika, yasunguka, yaati: “Asuli wi wino wazunyanga yano yatakanga izina li uku Yelusalemu? Na pa kwene ichino wizile, ayanyepe nu kuyatwala uku ikolo iyakapela?” 22Saulo wawa na maka, wasakamika aYudea yano yatenzi uku Damaski, alanga fino ala wiyo uli Klisto.
23Nga pano amanda tupu yasila, aYudea yamba ukuti yamumole. 24Leelo Saulo amanya ichintu chiyo. Angi yalulolela um-milyango yilinga usiku nu nsanya, kuti yamumole. 25Leelo usiku alondeshi yaakwe yamtola yamwisya uku usimbi, yamwisya um-mpânda.
Saulo wawela uku Yelusalemu
26Nga Saulo lino wafika uku Yelusalemu, awesha ukuuminkanya na alondeshi. Nayo yamopanga yoshi, nanti kusumila fino nawe kwene unnondeshi. 27Leelo Balanaba amkumbukila, amtwala uku mitume, ayalandila fino wawine uMwene un-nzila, nukuti wavwanzile nawe, na fino wasunzile uku chiposye um-Damaski ukwizina li Yesu. 28Nga awa ponga nayo um-Yelusalemu, awingila nu kufuma. 29Asunda ukwizina lya Mwene uku chiposye, afwanga nu kupashana na aYudea ya chiGliki; leelo yasita ukumumola. 30Leelo pano achakwe yachimanya, yamsenda uku Kaisalia, yamtuma aye uku Talso.
31Apano ikongani lyatekana um-Yudea yoshi ni Galilea ni Samalia; lyawa liluwa nu kukula un-chopo cha Mwene nu utekano wa Mweso Nswefu.
Ainea na Dolkasi
32Nga pano Petlo wapitananga monsi, aya uku aswefiwa yano yatenzi uku Luda. 33Alola untu umwi kweneko isina lyaakwe i Ainea, untu wiyo walala apa chitala imyaka nnane, kuno walile wikala itenda. 34Nga Petlo annena, ati: “Ainea, Yesu Klisto wakuposha; katuka ukonze chitala chako.” Liyo kwene ankatuka. 35Na antu yoshi yano yatesi uku Luda ni Saloni yannola, yasenukila uku Mwene.
36Nu nndondeshi umwi wali uku Yafa, ishina lyaakwe i Tabita—ukusenula i Dolkasi, alikuti: Nswela—umwanachi wi waombanga imilimo misipe na mawila yano wafimanga. 37Nga chali um-manda yalye alwala afwa, na pano yamfula yamwika un-chumba cha piyulu. 38Na kuno unzi wa Luda wapalamine ni Yafa, na alondeshi yapulika fino Petlo ukuno ali, yatuma antu yaili kunali, ukunnomba ukuti: “Utachisimba ukwisa kuno tuli.” 39Petlo afuma alondekana nayo. Pano wafika, yantwala un-chumba cha piyulu; afwilwa yoshi yimilila pipi nawe, angi yalulila nu kunnanga inkanjo ni myenda ino Dolkasi wasumile amanda yano walipo ponga nayo. 40Petlo wayafumya yoshi apanzi, wafukama, walomba; nga alungama uku chala chiyo, avwanga ati: “Tabita, katuka!” Nawe pano wakupula amaso yaakwe nga walola Petlo, wakatuka, wikala. 41Ampi kasa, ankatusya; nga pano wita aswefiwa nafwilwa, amwika pano yali angi umpuma. 42Chimanyika umunsi onsi wa Yafa, na antu tupu yasumila um-Mwene. 43Nga Petlo awikala manda tupu kweneko uku Yafa, un-ng'anda ya ntu umwi, izina lyaakwe Simoni, kanyuka wa mikwela.
Currently Selected:
Milimo 9: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
Milimo 9
9
Saulo wafyushiwa
(Mil 22:6-16; 26:12-18)
1Leelo Saulo alusya ukofya nu kusita ukumola alondeshi ya Mwene, aya kuli Kapela-nkulu. 2Asita ampe imbaluwa sha kuila uku Damaski zino shandikilwe ukuya ku mang'anda yao iyi Leesa, ukuti ndi walola antu ya nzila iyo, ayonsi nanti ayanachi, ayanyepe nu kuyaleta uku Yelusalemu.
3Nga pano wapitanga, lino wapalamila uku Damaski, zuwa umwengelela ukufuma umwiyulu wamochelesha. 4Apona apansi, apulika iswi lilunnena, liluti: “Saulo, Saulo, ifino wasunya?” 5Ati: “We weni, Mwene?” Nawe ati: “Nene Yesu wino wanzunya wewe. 6Leelo katuka uye umunzi, newe wannenwa icha kuomba.” 7Na antu yano yapisile nawe, imilila chele, yalupulikisya iswi, leelo yatalola umwi. 8Saulo akatuka apansi, na maaso yaakwe pano yakupuka, atalola chimwi. Yannema ikasa, yanneta uku Damaski. 9Walinda amanda yatatu atalulola; atalulya nanti ukunwa.
10Ngu uku Damaski kwali unnondeshi wenga ishina lyaakwe Anania. uMwene annena uku malele, ati: “Anania!” Nawe ati: “Ndipo Mwene.” 11uMwene wannena, waati: “Wimilila, pita kunsila ino yakuluti: yololoka; ukatondosye ung'anda i Yuda, untu wino yakuluti Saulo uwa ku Talso, kuno, lola, alupepa. 12Nawe watalola untu izina lyaakwe i Anania, aluya ukumwikila amakasa pa ntwe wakwe, kuti annola kaili.” 13Leelo Anania ati: “Mwene, napulika ifyafula uku ntu wi uku yantu tupu, ifiipe tupu fino wachitila aswefiwa yako uku Yelusalemu. 14Na pa kwene ali na maka kufuma uku ayikolo iyakapela, ukuti anyepe yoshi yano yazumile izina lyako.” 15Leelo uMwene annena, ati: “Pitanga, kuno wiyo ichivya chizipe kunondi, asende izina lyane apa maaso ya akulukuwa na ene na ana ya Islaeli. 16Kuno namnanga ifyafula fino vinnungime ukuchula ukwisina lyane.”
17Anania apita, aya awingila un-ng'anda iyo, amwikila amakasa pa ntwe wakwe, ati: “Saulo, wachane, uMwene Yesu wantuma, wino wauswelwile kuno uli un-nsila ino wizile, kuti unnola kaili, ushule uMweso Nswefu.” 18Liyo kwene fipona fimwi um-manso yaakwe fikozile amamba, nga alola, awimilila, abatishiwa. 19Alya ichulya, awa na maka.
Saulo alusunda uku Damaski
Awikala kweneko amanda yamwi ponga na alondeshi yano yali uku Damaski. 20Atampa liyo kwene ukusunda amaswi yi Yesu un-ng'anda shao ishi Leesa, fino Yesu uMwana wi Leesa. 21Na yoshi yano yapulika, yasunguka, yaati: “Asuli wi wino wazunyanga yano yatakanga izina li uku Yelusalemu? Na pa kwene ichino wizile, ayanyepe nu kuyatwala uku ikolo iyakapela?” 22Saulo wawa na maka, wasakamika aYudea yano yatenzi uku Damaski, alanga fino ala wiyo uli Klisto.
23Nga pano amanda tupu yasila, aYudea yamba ukuti yamumole. 24Leelo Saulo amanya ichintu chiyo. Angi yalulolela um-milyango yilinga usiku nu nsanya, kuti yamumole. 25Leelo usiku alondeshi yaakwe yamtola yamwisya uku usimbi, yamwisya um-mpânda.
Saulo wawela uku Yelusalemu
26Nga Saulo lino wafika uku Yelusalemu, awesha ukuuminkanya na alondeshi. Nayo yamopanga yoshi, nanti kusumila fino nawe kwene unnondeshi. 27Leelo Balanaba amkumbukila, amtwala uku mitume, ayalandila fino wawine uMwene un-nzila, nukuti wavwanzile nawe, na fino wasunzile uku chiposye um-Damaski ukwizina li Yesu. 28Nga awa ponga nayo um-Yelusalemu, awingila nu kufuma. 29Asunda ukwizina lya Mwene uku chiposye, afwanga nu kupashana na aYudea ya chiGliki; leelo yasita ukumumola. 30Leelo pano achakwe yachimanya, yamsenda uku Kaisalia, yamtuma aye uku Talso.
31Apano ikongani lyatekana um-Yudea yoshi ni Galilea ni Samalia; lyawa liluwa nu kukula un-chopo cha Mwene nu utekano wa Mweso Nswefu.
Ainea na Dolkasi
32Nga pano Petlo wapitananga monsi, aya uku aswefiwa yano yatenzi uku Luda. 33Alola untu umwi kweneko isina lyaakwe i Ainea, untu wiyo walala apa chitala imyaka nnane, kuno walile wikala itenda. 34Nga Petlo annena, ati: “Ainea, Yesu Klisto wakuposha; katuka ukonze chitala chako.” Liyo kwene ankatuka. 35Na antu yoshi yano yatesi uku Luda ni Saloni yannola, yasenukila uku Mwene.
36Nu nndondeshi umwi wali uku Yafa, ishina lyaakwe i Tabita—ukusenula i Dolkasi, alikuti: Nswela—umwanachi wi waombanga imilimo misipe na mawila yano wafimanga. 37Nga chali um-manda yalye alwala afwa, na pano yamfula yamwika un-chumba cha piyulu. 38Na kuno unzi wa Luda wapalamine ni Yafa, na alondeshi yapulika fino Petlo ukuno ali, yatuma antu yaili kunali, ukunnomba ukuti: “Utachisimba ukwisa kuno tuli.” 39Petlo afuma alondekana nayo. Pano wafika, yantwala un-chumba cha piyulu; afwilwa yoshi yimilila pipi nawe, angi yalulila nu kunnanga inkanjo ni myenda ino Dolkasi wasumile amanda yano walipo ponga nayo. 40Petlo wayafumya yoshi apanzi, wafukama, walomba; nga alungama uku chala chiyo, avwanga ati: “Tabita, katuka!” Nawe pano wakupula amaso yaakwe nga walola Petlo, wakatuka, wikala. 41Ampi kasa, ankatusya; nga pano wita aswefiwa nafwilwa, amwika pano yali angi umpuma. 42Chimanyika umunsi onsi wa Yafa, na antu tupu yasumila um-Mwene. 43Nga Petlo awikala manda tupu kweneko uku Yafa, un-ng'anda ya ntu umwi, izina lyaakwe Simoni, kanyuka wa mikwela.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.