Yoane 6
6
Yesu wapa antu ielfu zisano vyakulya
(Mt 14:13-21; Mk 6:30-44; Lk 9:10-17)
1Ichisila cha ifintu fiyo Yesu apita ukuya umbalama yi yemba wi Galilea, nawe uli wa Tibelia. 2Ni umba ikulu linndondela, kuno lyawine ifipesha-mano fino wachitile alwale. 3Nga Yesu akwela uku mwamba, wikala kuo ponga na alondeshi yaakwe. 4Ni Pasaka, uwanda ukulu uwa aYudea walile uwupapamila. 5Nga pano Yesu wakatusya amanso, alola iumba ikulu lilwisa kunali; wanena Filipo, waati: “Tungakala imikate kwi, ukuti antu ya yalye?” 6Wafwansile fiyo uku kumwesha, kuno wamanyile unkola chino akuchita. 7Filipo wannena, waati: “Imikate ya mpia sha dinali imyanda yili yachepa, nanti chila wenga angapiwa kache sile. 8Apa yalondeshi yaakwe wenga i Andelea, unnina wi Simoni Petlo, wannena, waati: 9“Alipo umwanche umwi pa, ali ni mikate isano iya syaili ni nswi siili, leelo chingawa ichani uku yantu yano yafula ndi kuti ya?” 10Yesu wanena, waati: “Yatekini antu yikale.” Na pantu pao pali ilasu tupu; nga antu yikala, ayoshi yano yali elfu sisano ichaponga, 11Nga Yesu watola imikate iyo, wasamalisha, wankanya yano ikasile, ifiyo nu ku nswi kwene wayapa, fino yasitanga. 12Nayo pano yikuta, wanenile alondeshi yaakwe, waati: “Konganikini ifikunyolwa fino fyashala, chitalowa nanti chimwi,” 13Nga yashola, yausha ifiyo ikumi na fiili, ifikunyolwa fya mikate yisano ifya syaili fino fyayasyalila yalye yano yalile. 14Nga pano antu yao yalola ichipesha-mano chino wachita, yalanda yaati: “Umwenemo alawi ilau wiwi wino alwisa kuno ukunsi.”
15Na Yesu wamanile fino yakasime ukwisu nnema nu kumwika uwene, atina, aya uku mwamba kaili, wenga.
Yesu alupita pa mansi
(Mt 14:22-33; Mk 6:45-52)
16Na pano yawa amangusi, alondeshi yaakwe yatentenka ukuya muli yemba. 17Yaakwela um-wato, yalamba yemba ukuya uku Kapenaumu. Ichanda chalile ichinyepa na Yesu achili aye kuno yali, 18Na yemba wakatusha amawimbi kuno unsa wakoma nkani. 19Nga pano yaya uku nkolelo, Kilometa sini nanti sisano, yalola Yesu alupita apa mansi ukuya kuno wato uli, yalola ingofi. 20Nawe wayanena, waati: “Inene, mutachopa.” 21Nga yasita uku mwingisha um-wato, na liyo kwene wato ufika insi kuno yayanga.
22Uwanda wa uwili iumba lino limilile umbalama yi yemba lyawine fino kusi wato uwunji kuo kwene, leelo wonga, na kaili Yesu atalipo ponga na alondeshi yaakwe, leelo alondeshi yaakwe yapisile yonga. 23Leelo yisa mato manina ukufuma uku Tibelia, yaya pipi napano yalile imikate pano uMwene wasamalishe, 24Ngiumba pano lyalola Yesu asiko kuo na alondeshi yaakwe kwene, yingile um-mato, yaya uku Kapenaumu angi yalunsita Yesu.
Yesu, ichulya cha upuma
25Nga pano yanndola umbalama yi yemba, yannena, yaati: “Labi, uwishile ku li?” 26Yesu wayanena, waati: “Umwenemo, umwenemo, ndumunena: umwemwe mulunsita asi kuno mwawine ichipesha-mano, leelo ukuno mwalile imikate mwikuta. 27Mutachiombela unnimo ichulya chino chilusila, leelo ichulya chino chilwikala fika um-upuma wa manda ti, chino Mwana-ntu alumupa; kuno wene uwino watelwa akamanyililo na Tata ali Leesa.” 28Nga yannena, yaati: “Tuchite uli ukuti tuombe imilimo yi Leesa?” 29Yesu wayanena waati: “Unnimo wi Leesa uli u: munsumile wino watumilwe nawe.”
30Yannena, yaati: “Uluchita ichipesha-mano chi leelo, ukuti tulole nu kukusumila? Uluomba unnimo uli? 31Yatata yitu yalile imana un-nusanga ndi fino chaandikwe: wayapile ichulya cha mwiyulu kuti yalye.”
32Yesu wayanena, waati: “Umwenemo, umwenemo, ndumunena: asi Mose wino wamupile ichulya chichi icha mwiyulu, leelo Tata wane uwino alumupa mwemwe ichulya cha ningo, chino chifumile umwiyulu. 33Kuno ichulya chi Leesa ichichi chino chikile ukufuma umwiyulu nu kupa aya kunsi upuma.” 34Nga yannena, yaati: “Mwene, utupe ichulya chiyo manda yoshi.” 35Yesu wayanena, waati: “Nene ndi chulya cha upuma; wino wacha wisa kuli nene, atalulola insala nanti uche, na wino ansumile, atalulola unsala nanti uche. 36Leelo namunenile fino mwandola, leelo mutansumile. 37Yoshi yano Tata wampa, yalwisa ukwane, nanti wensi wino wisa ukwane ntalunjalila ukunsi nanti uche. 38Kuno inene ntisile ukufuma umwiyulu ukuti inchite fino nkasime, leelo fino akasime wino wanumile. 39Na fino akasime wino wantumile ifi: ukuti, pali yano wampile, ntalofya nanti wenga, leelo intutulule uwanda wa chisila. 40Kuno fino akasime Tata ifi, ukuti wensi wino alulola uMwana nu kunsumila, awe nupuma wa manda ti, nene nduntutulula uwanda wa chisila.
41Apano aYudea yanwinwintika, kuno waati: “Nene ndi chulya chino chafumile umwiyulu.” 42Yalanda, yaati: “Ala wi asi Yesu umwana wi Yosefu, wino tumanile isi na nyina? Nga alulanda uli wi, ukuti: ‘nikile ukufumu umwiyulu?’ ”
43Nga Yesu wayanena, waati: “Mutachi nwinwintika. 44Kusi untu wino angisa kunondi, ndi Tata wino wantumile, atannesile-ko; nene ndumtutulula uwanda wa chisila. 45Chaandikwe um-malau: ‘Na yoshi yaluwa yasambilishiwa na Leesa.’ Ichino wensi wino wapulika nu kusambilila kuli Tata, akulwisa kunondi. 46Asi kuti umwi walola Tata, leelo wino wafuma kuli Tata, wene uwino walola Tata. 47Umwenemo, umwenemo, ndumunena: Wino ansumile ali nupuma wa manda ti.
48“Nene ndi chulya cha upuma. 49Yaso ino yalile imana un-nusanga, yafwa. 50Alachi ichulya chino chikile ukufuma umwiyulu, ukuti untu ndi walya, atafwa. 51Nene ndi chulya cha upuma chino chikile ukufuma umwiyulu; untu ndi walya ichulya chi, alwikala manda yoshi. Ni chulya chino nanfima nene, umwili wane, uku upuma wa yantu yoshi.”
52Chaleka aYudea yampashana akola na akola, yaati: “Untu wi, angatupa uli umwili waakwe kuti tulye?” 53Nga Yesu wayanena, waati: “Umwenemo, umwenemo, ndumunena: ngi mutalile umwili wa Mwana-ntu nu kunwa uwazi wakwe, mushi nu upuma mukashi yino. 54Wino alulya umwili wane nu kunwa uwasi wane ali nu upuma wa manda ti; nene ndumtutulula uwanda wa chisila. 55Kuno umwili wane ichulya cha mpomvu, nu wazi wane ichakunwa cha mpomvu. 56Wino alulya umwili wane nu kunwa uwazi wane, alwikala muli nene, nene ndwikala um-unkola. 57Ndi fino Tata uwa upuma wantumile nene, nene ndi nupuma kuli Tata. Ifino na wino wandya, aluwa nupuma kuli nene. 58Alachi chakulya chino chikile ukufuma umwiyulu. Chisi wi yaso yano yalile yafwa; leelo wino walya ichakulya chiyo, aluwa nupuma manda yoshi.”
59Amaswi yao wayafwasile un-ng'anda yi Leesa, pano wasambilishanga uku Kapenaumu.
Antu yawela uku chisila
60Nga antu tupu apa yalondeshi yaakwe pano yapulika, yalanda, yaati: “Iswi li lyakoma, uwini wino angalipulika?” 61Leelo Yesu amanya um-mweso waakwe fino alondeshi yaakwe yanwinintika ukwiswi liyo, wayanena, waati: “Chene! iswi liyo ilya mifulo? 62Chamuwa uli fwandi, pano mwalola uMwana-ntu wakwela kuno wali inkolelo? 63uMweso uwuno ukulutela upuma, umwili utaomfile chimwi. Amaswi yao yano namunena, aya mweso kaili upuma. 64Leelo kuli yamwi pali mwemwe yano yatasumile.” Kuno Yesu wamanyile ukufuma inkolelo ayani yano yatasumile, nawe uwini wino alunfima. 65Walanda, waati: “Ichaleka namunena fino kusi untu wino angisa kunondi ngi Tata atannesile-ko.”
66Uku maswi yao ainji apa alondeshi yaakwe, yawelela uku chisila, yatachipita nawe kaili.
67Chaleka Yesu wanena yaya ikumi na yaili, waati: “Chene! nemwe kwene mulusita mupite?” 68Nga Simoni Petlo wannena, waati: “Mwene, tuye kuli wini? Wewe uli na maswi ya upuma wa manda ti. 69Neswe tusumile, kaili tumanile fino wewe uli Nswefu wi Leesa.” 70Yesu wayanena, waati: “Chene! nene ntamusolwile mwemwe ikumi na yaili, na wenga pali mwemwe iSyetani?” 71Watakanga Yuda, umwana wi Simoni Iskaliote, kuno wiyo uwino alumfima, nawe ali wikumi na yaili.
Currently Selected:
Yoane 6: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
Yoane 6
6
Yesu wapa antu ielfu zisano vyakulya
(Mt 14:13-21; Mk 6:30-44; Lk 9:10-17)
1Ichisila cha ifintu fiyo Yesu apita ukuya umbalama yi yemba wi Galilea, nawe uli wa Tibelia. 2Ni umba ikulu linndondela, kuno lyawine ifipesha-mano fino wachitile alwale. 3Nga Yesu akwela uku mwamba, wikala kuo ponga na alondeshi yaakwe. 4Ni Pasaka, uwanda ukulu uwa aYudea walile uwupapamila. 5Nga pano Yesu wakatusya amanso, alola iumba ikulu lilwisa kunali; wanena Filipo, waati: “Tungakala imikate kwi, ukuti antu ya yalye?” 6Wafwansile fiyo uku kumwesha, kuno wamanyile unkola chino akuchita. 7Filipo wannena, waati: “Imikate ya mpia sha dinali imyanda yili yachepa, nanti chila wenga angapiwa kache sile. 8Apa yalondeshi yaakwe wenga i Andelea, unnina wi Simoni Petlo, wannena, waati: 9“Alipo umwanche umwi pa, ali ni mikate isano iya syaili ni nswi siili, leelo chingawa ichani uku yantu yano yafula ndi kuti ya?” 10Yesu wanena, waati: “Yatekini antu yikale.” Na pantu pao pali ilasu tupu; nga antu yikala, ayoshi yano yali elfu sisano ichaponga, 11Nga Yesu watola imikate iyo, wasamalisha, wankanya yano ikasile, ifiyo nu ku nswi kwene wayapa, fino yasitanga. 12Nayo pano yikuta, wanenile alondeshi yaakwe, waati: “Konganikini ifikunyolwa fino fyashala, chitalowa nanti chimwi,” 13Nga yashola, yausha ifiyo ikumi na fiili, ifikunyolwa fya mikate yisano ifya syaili fino fyayasyalila yalye yano yalile. 14Nga pano antu yao yalola ichipesha-mano chino wachita, yalanda yaati: “Umwenemo alawi ilau wiwi wino alwisa kuno ukunsi.”
15Na Yesu wamanile fino yakasime ukwisu nnema nu kumwika uwene, atina, aya uku mwamba kaili, wenga.
Yesu alupita pa mansi
(Mt 14:22-33; Mk 6:45-52)
16Na pano yawa amangusi, alondeshi yaakwe yatentenka ukuya muli yemba. 17Yaakwela um-wato, yalamba yemba ukuya uku Kapenaumu. Ichanda chalile ichinyepa na Yesu achili aye kuno yali, 18Na yemba wakatusha amawimbi kuno unsa wakoma nkani. 19Nga pano yaya uku nkolelo, Kilometa sini nanti sisano, yalola Yesu alupita apa mansi ukuya kuno wato uli, yalola ingofi. 20Nawe wayanena, waati: “Inene, mutachopa.” 21Nga yasita uku mwingisha um-wato, na liyo kwene wato ufika insi kuno yayanga.
22Uwanda wa uwili iumba lino limilile umbalama yi yemba lyawine fino kusi wato uwunji kuo kwene, leelo wonga, na kaili Yesu atalipo ponga na alondeshi yaakwe, leelo alondeshi yaakwe yapisile yonga. 23Leelo yisa mato manina ukufuma uku Tibelia, yaya pipi napano yalile imikate pano uMwene wasamalishe, 24Ngiumba pano lyalola Yesu asiko kuo na alondeshi yaakwe kwene, yingile um-mato, yaya uku Kapenaumu angi yalunsita Yesu.
Yesu, ichulya cha upuma
25Nga pano yanndola umbalama yi yemba, yannena, yaati: “Labi, uwishile ku li?” 26Yesu wayanena, waati: “Umwenemo, umwenemo, ndumunena: umwemwe mulunsita asi kuno mwawine ichipesha-mano, leelo ukuno mwalile imikate mwikuta. 27Mutachiombela unnimo ichulya chino chilusila, leelo ichulya chino chilwikala fika um-upuma wa manda ti, chino Mwana-ntu alumupa; kuno wene uwino watelwa akamanyililo na Tata ali Leesa.” 28Nga yannena, yaati: “Tuchite uli ukuti tuombe imilimo yi Leesa?” 29Yesu wayanena waati: “Unnimo wi Leesa uli u: munsumile wino watumilwe nawe.”
30Yannena, yaati: “Uluchita ichipesha-mano chi leelo, ukuti tulole nu kukusumila? Uluomba unnimo uli? 31Yatata yitu yalile imana un-nusanga ndi fino chaandikwe: wayapile ichulya cha mwiyulu kuti yalye.”
32Yesu wayanena, waati: “Umwenemo, umwenemo, ndumunena: asi Mose wino wamupile ichulya chichi icha mwiyulu, leelo Tata wane uwino alumupa mwemwe ichulya cha ningo, chino chifumile umwiyulu. 33Kuno ichulya chi Leesa ichichi chino chikile ukufuma umwiyulu nu kupa aya kunsi upuma.” 34Nga yannena, yaati: “Mwene, utupe ichulya chiyo manda yoshi.” 35Yesu wayanena, waati: “Nene ndi chulya cha upuma; wino wacha wisa kuli nene, atalulola insala nanti uche, na wino ansumile, atalulola unsala nanti uche. 36Leelo namunenile fino mwandola, leelo mutansumile. 37Yoshi yano Tata wampa, yalwisa ukwane, nanti wensi wino wisa ukwane ntalunjalila ukunsi nanti uche. 38Kuno inene ntisile ukufuma umwiyulu ukuti inchite fino nkasime, leelo fino akasime wino wanumile. 39Na fino akasime wino wantumile ifi: ukuti, pali yano wampile, ntalofya nanti wenga, leelo intutulule uwanda wa chisila. 40Kuno fino akasime Tata ifi, ukuti wensi wino alulola uMwana nu kunsumila, awe nupuma wa manda ti, nene nduntutulula uwanda wa chisila.
41Apano aYudea yanwinwintika, kuno waati: “Nene ndi chulya chino chafumile umwiyulu.” 42Yalanda, yaati: “Ala wi asi Yesu umwana wi Yosefu, wino tumanile isi na nyina? Nga alulanda uli wi, ukuti: ‘nikile ukufumu umwiyulu?’ ”
43Nga Yesu wayanena, waati: “Mutachi nwinwintika. 44Kusi untu wino angisa kunondi, ndi Tata wino wantumile, atannesile-ko; nene ndumtutulula uwanda wa chisila. 45Chaandikwe um-malau: ‘Na yoshi yaluwa yasambilishiwa na Leesa.’ Ichino wensi wino wapulika nu kusambilila kuli Tata, akulwisa kunondi. 46Asi kuti umwi walola Tata, leelo wino wafuma kuli Tata, wene uwino walola Tata. 47Umwenemo, umwenemo, ndumunena: Wino ansumile ali nupuma wa manda ti.
48“Nene ndi chulya cha upuma. 49Yaso ino yalile imana un-nusanga, yafwa. 50Alachi ichulya chino chikile ukufuma umwiyulu, ukuti untu ndi walya, atafwa. 51Nene ndi chulya cha upuma chino chikile ukufuma umwiyulu; untu ndi walya ichulya chi, alwikala manda yoshi. Ni chulya chino nanfima nene, umwili wane, uku upuma wa yantu yoshi.”
52Chaleka aYudea yampashana akola na akola, yaati: “Untu wi, angatupa uli umwili waakwe kuti tulye?” 53Nga Yesu wayanena, waati: “Umwenemo, umwenemo, ndumunena: ngi mutalile umwili wa Mwana-ntu nu kunwa uwazi wakwe, mushi nu upuma mukashi yino. 54Wino alulya umwili wane nu kunwa uwasi wane ali nu upuma wa manda ti; nene ndumtutulula uwanda wa chisila. 55Kuno umwili wane ichulya cha mpomvu, nu wazi wane ichakunwa cha mpomvu. 56Wino alulya umwili wane nu kunwa uwazi wane, alwikala muli nene, nene ndwikala um-unkola. 57Ndi fino Tata uwa upuma wantumile nene, nene ndi nupuma kuli Tata. Ifino na wino wandya, aluwa nupuma kuli nene. 58Alachi chakulya chino chikile ukufuma umwiyulu. Chisi wi yaso yano yalile yafwa; leelo wino walya ichakulya chiyo, aluwa nupuma manda yoshi.”
59Amaswi yao wayafwasile un-ng'anda yi Leesa, pano wasambilishanga uku Kapenaumu.
Antu yawela uku chisila
60Nga antu tupu apa yalondeshi yaakwe pano yapulika, yalanda, yaati: “Iswi li lyakoma, uwini wino angalipulika?” 61Leelo Yesu amanya um-mweso waakwe fino alondeshi yaakwe yanwinintika ukwiswi liyo, wayanena, waati: “Chene! iswi liyo ilya mifulo? 62Chamuwa uli fwandi, pano mwalola uMwana-ntu wakwela kuno wali inkolelo? 63uMweso uwuno ukulutela upuma, umwili utaomfile chimwi. Amaswi yao yano namunena, aya mweso kaili upuma. 64Leelo kuli yamwi pali mwemwe yano yatasumile.” Kuno Yesu wamanyile ukufuma inkolelo ayani yano yatasumile, nawe uwini wino alunfima. 65Walanda, waati: “Ichaleka namunena fino kusi untu wino angisa kunondi ngi Tata atannesile-ko.”
66Uku maswi yao ainji apa alondeshi yaakwe, yawelela uku chisila, yatachipita nawe kaili.
67Chaleka Yesu wanena yaya ikumi na yaili, waati: “Chene! nemwe kwene mulusita mupite?” 68Nga Simoni Petlo wannena, waati: “Mwene, tuye kuli wini? Wewe uli na maswi ya upuma wa manda ti. 69Neswe tusumile, kaili tumanile fino wewe uli Nswefu wi Leesa.” 70Yesu wayanena, waati: “Chene! nene ntamusolwile mwemwe ikumi na yaili, na wenga pali mwemwe iSyetani?” 71Watakanga Yuda, umwana wi Simoni Iskaliote, kuno wiyo uwino alumfima, nawe ali wikumi na yaili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.