Luka 16
16
Kakosha njipe uwa fyuma
1Wanena alondeshi yaakwe kaili, wati: “Pali untu wenga unsafi, wino wali nu ntu wa kuisunga; yaya yalanda fino alusewanya ifyuma fyaakwe. 2Nga amwita, annena, ati: ‘Amaswi uli ya yano napulika kunuli? Landa fino fili ifintu fyane fino ukulusunga, kuno ususha unjisunga kaili.’ 3Kasunga wiyo um-mweso wakwe, wati: ‘Nchite uli? Kuno umwene wane wantisha un-kusunga ifintu. Nsina maka ya kulima; kulomba ndulola insoni. 4Manyile chino nanchita, ukuti pano nacha nawingwa ukusunga ifintu, yangampokelela uku mang'anda yao.’ 5Nga awita yano yali nimpa uku mwene wakwe, anena chila wenga, akutangwila uwa ntangulo, ati: ‘Wakofile uli uku mwene wane?’ 6Nawe wati: ‘Nteko sha mafuta umwanda onga.’ wannena, wati: ‘Tola icheti chako, wikala suwa, uwaandike amakumi yasano.’ 7Anena unji kaili, ati: ‘Newe wakofile uli?’ Nawe wati: ‘Maloboto ya ngano umwanda.’ Annena, wati: ‘Tola icheti chako, waandike amakumi nnane.’ 8Umwene wiyo atensha kasunga wiyo njipe, kuno waomba uku mano, kuno antu ya kuno ukushi yaluomba ningo na mano um-ifintu vyao um-mpanda wao, kuluta na ana ya mwengelela.
9“Nene namunena, uchitilini yakatinu uku fyuma fiipe ifya kuno ukushi, ukuti pano ifyuma fyacha fyaula, yamupokelela um-wikalo wa manda yoshi.
Kulela ningo ifyuma
10“Uwa chumi uku finono, ali ni chumi uku chikulu kwene, nu njipe uku chinono waipa, nu kuchikulu kwene. 11Ngi musi ya chumi uku Fyuma fiipe, uwini wino alumpa chimwi uku fyuma fya chumi? 12Nga ngi mutalusunga ningo ifyuma fya ntu unji, uwini wino alumpa ifili fitu?
13“Kusi umuofi angaombela aene yaili, kuno angatuwa wenga nu kukunda wenga; nanti angawila kuli wenga, nu kusula wenga. Mutangi mombele Leesa ni Fyuma.” 14Nga aFaliseo yano yakunda impia, pano yapulika ifintu fiyo, yamsoweka. 15Ayanena, wati: “Mwemwe muli yano mukuluushisha apa maaso ya antu, leelo Leesa amanyile imyenso yino. Kuno chino chachindikwa uku antu, apa maaso yi Leesa chaipa.
16“Intambi na malau fyalipo fika na pali Yoane; ukufuma liyo Iswi-sipe ilya wene-wi-Leesa lilusundwa, na chila ntu aluwingisha uku maka. 17Leelo changupala nkani iyulu ninsi fisile, apa kuti itonontwa lyonga ilya Ntambi litine.
18“Weshi wino wata unchi nu kutola unji aluchita ifya upundu; na wino watola wino iya wata, aluchita ifya upundu.”
Unsafi na Lazalo
19Nga wati: “Pali untu wenga unsafi waswalanga imyenda ya mala ya zambalau nayo imitele, walyanga ifinone manda yoshi. 20Nu mpina wenga ishina lyaakwe i Lazalo; wikalanga apa nnyango wakwe, nawe wali ni filonda tupu. 21Wakumbukanga ukulya ifishalila fino fyapona apa meza ya nsafi wiyo; ni mbwa sisanga silumyanta ifilonda fyaakwe.
22“Ngu mpina wiyo wafwile, yamalaika yamsenda yamtwala apa chifuwa chi Ablahamu. Nu unsafi wiyo nawe afwa, ashikwa. 23Nga uku yasimu pano wali um-machulo, akatusha amaso yaakwe, alola Ablahamu lwa patali, na Lazalo ali apa chifuwa chakwe. 24Alila wafwanga, ati: ‘We tata Ablaamu, ndolele inkumbu, utume Lazalo ativye insongo ya nwe waakwe um-manzi, asusha ululumi lwane, kuno nduchula um-moto uu.’ 25Leelo Ablahamu afwanga, wati: ‘Mwanane, umanye fino uwewe wapokelile ifintu fyako ifisipe uku mikalo yako, ifino na Lazalo wapokelile ifiipe; na kasalaka wene uwi ali pa alupusa, newe chiluwaya. 26Na kaili, apakasi itu, sweswe nemwe, kuli ichilina ichikulu, ukuti yano yalusita ukufuma kuno tuli ukwisa kuno muli, yaatisa, nanti antu ya kuno muli ukulamba kuno tuli.’ 27Nga wati: ‘Lelo tata, ndukulomba, untume uku ng'anda yi tata. 28Kuno ndi na chane yasano, akuti ayasokeshe, yatachi yise apantu pa apa machulo.’ 29Leelo Ablahamu wati: ‘Kuli Mose na malau, yayapulike yao.’ 30Leelo nawe wati: ‘Mwiko ta, tata Ablahamu, leelo ngi waya untu ukufuma uku yafwi, yalufipela.’ 31Leelo annena, wati: ‘Ngi yatapulike Mose na malau, yatalupulika nanti untu angatutuluka uku yafwi.’ ”
Currently Selected:
Luka 16: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
