Luka 19
19
Yesu na Zakayo
1Nawe pano wingile um-Yeliko wapisile unzi apakasi. 2Nga lolini, kwali umwi ishina lyaakwe i Zakayo; wali unkulu wenga pali yakalifya yikodi, walu nsafi. 3Wene wasitanga ukulola Yesu untu wa uli, leelo atachili annole uku winji wa antu, kuno wali umwimpi. 4Nga akolela ulwilo uku nkolelo, akwela unku kuti annole, kuno wamwisa apite un-nsila iyo. 5Nga pano Yesu wafika penepo, alingamila kweneko umwiyulu, annena, ati: “Zakayo, wika suwa, kuno ilelo chindungime kwiza uku ng'anda ukwako.” 6Nga akalauka ukwika suwa, ampokelela uku kuchimba. 7Nga pano antu yalola, yang'wing'wintika yoshi, yaati: “Wayuwikala kwa untu wa maifyo.” 8Leelo Zakayo awimilila, anena uMwene, wati: “Lola, Mwene, namwankanya apakasi usafi wane, mpe apina, na ngi napoka untu chimwi uku uchenjesu, imweseshe amaila yani.” 9Nga Yesu wannena, waati: “Lelo ufyusi wisa un-nganda ii, kuno na wi kwene umwana wi Ablahamu. 10Kuno uMwana-ntu wisilu shita nu kufyusha chino chalowa.”
Asha ni mpia sha mwene wao
(Mt 25:14-30)
11Nga pano yapulika ifintu vi, aungilisha kufwanga unnumbe, pano watapalamila uku Yelusalemu, nayo wene yatangi palumwi uwene-wi-Leesa ukuloleka suwa. 12Nga wati: “Untu umwi unkulu wapisile um-masi, kuti akapokelele uwene nu kuwela. 13Nga awita antu ikumi apa aomfi yaakwe, ayapa chila wenga impia simwi, ayanena, ati: ‘Chulushangi fika na lino nduwela.’ 14Leelo antu ya un-nsi waakwe yamtuwa, yatuma antu ukunnondela, yaati: ‘Tutamkasime wi ukutulâsa.’
15“Walangi lino wawela, watapokelela uwene wakwe, asita kuti aomvi yano wapile mpia shaakwe, yitwe kunali, ukuti amanye chino yafyasha uku uchulusi wao. 16Nga awisa uwa ntangulo, wati: ‘Mwene, impia shako nafyasha maila ikumi kuluta.’ 17Nga annena, wati: ‘Wasifya, we umuofi wino wasipa; kuno wawa wa kutailwa uku ifintu finono, newe ulâse imisi ikumi.’ 18Awisa nu wa uwili, ati: ‘Mwene, impia shako nafyasha maila yasano kuluta.’ 19Nga anena na wiyo kwene, wati: ‘Ulâse newe imisi isano.’
20“Nga awisa nunji, ati: ‘Mwene, impia shako sino nawisile un-chitambala isi. 21Nofile kuno we ntu wino watala; ukutola chino utawisile, ukusakata chino utapesile.’ 22Nga wene annena, wati: ‘Uku nnomo wako nakuputwila unnandu, umuofi unjipe we. Ummanyile fino nene ntu natala, nkutola chino ntawisile, nkukumbula chino ntapesile. 23Ali, nga uku chani utatwasile mpia zyane uku yachulusi, ukuti pano nisa yampe ponga na chino yafyasha?’ 24Anena yano yimilile lwa pipi, ati: ‘Mpokini impia siyo, mpe wino ali nasho ikumi.’ 25Nayo yaati: ‘Mwene, ali nasho ikumi!’ 26‘Ndumunena, wensi wino ali na chimwi, alupiwa, leelo wino atakwite chimwi, na chino ali nacho kwene alupokwa. 27Na kaili asiluembu yane yano yatakasime kuti njalâse, yaletini pa, myafyule apa maaso yane.’ ”
Yesu wingila um-Yelusalemu
(Mt 21:1-11; Mk 11:1-11; Yn 12:12-19)
28Nga pano wafwanga fiyo, ayakolelela ukupita ukuya uku Yelusalemu.
29Walangi pano wapalamila uku Betfage ni Betania, ukuya uku mwamba uno yakuluti Mizeituni, atuma yaili apa alondeshi yaakwe, 30wati: “Yangini uku nsi uu uno upalamile, na pano mwaya mwenemo, mwansana umwana-mpunda unyepe, wino umwi atachili ankwele, nsapulini, mndete pa. 31Ngi umwi wamutondosha, waati: ‘Uku chani mulunsapula,’ muti: ‘Umwene alunsita.’ ” 32Na yano yatumilwe yaya yalola ndi fino ayanenile. 33Nga pano yalusapula umwana-mpunda, akola yayanena, yaati: “Uku chani mulusapula umwana-mpunda?” 34Yaati: “Umwene alunshita.” 35Nga yantwala kuli Yesu, yala ni myenda yao apiyulu apa mwana-mpunda, nga yaakwesha Yesu. 36Nga lino yalupita, yala imyenda yao un-nsila.
37Nga lino wapalamila uku tentenka um-mwamba wa Mizeituni, iumba lyonsi ilya alondeshi yatampa ukuchimba nu kutensha Leesa uku maswi makulu, uku milimo yoshi iya maka ino yawine. 38Yaati: “Wapepelelwa uMwene wino alwisa ukwisina lya Mwene: ukuweleshana umwiyulu nu tensho ukwiyulu!”
39aFaliseo yamwi umwi umba yannena, yaati: “Kasambilisha, lesha alondeshi yako.” 40Ayanena ati: “Namunena, ndi ya yatusha, amafinga yamwangula.”
41Nga lino wapalamila apipi, alola unsi, aulilila. 42Ati: “Nga ngi umanyile apa wanda u, newe kwene, ivyakuweleshanya; leelo fifisime apa kasalaka uku maaso yako. 43Kuno amanda yalwisa, pano yasileumbu yako yalukukulila ilinga likulishe nu kuku yalikisha konsi. 44Yalukuponya pansi wewe na anako munuli, yatalusha ifinga nanti limwi apa linina, kuno utamanyile ngi li, lino Leesa wisile akutule.”
Yesu waswefya ng'anda-nkulu-iyi-Leesa
(Mt 21:12-17; Mk 11:15-19; Yn 2:13-22)
45Nga awingila un-ng'anda-nkulu-iyi-Leesa, atampa ukuwinga yaya yano yachulushanga mwenemo. 46Wayanena, ati: “Chaandikwe: ‘Ing'anda yane yamwa iya kupepela!’ Leelo mwemwi umuichita ichele lyi yakapoka-fya-antu.” 47Nga wasambilishanga manda yoshi un-ng'anda yi Leesa. Leelo ayikolo iyakapela na yakaandika, ponga na ikolo ya antu yasitanga insila yakuti yamumole. 48Leelo yatawine ichakuchita, kuno antu yoshi yawanga ponga nawe, angi yalumpulikisha.
Currently Selected:
Luka 19: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
Luka 19
19
Yesu na Zakayo
1Nawe pano wingile um-Yeliko wapisile unzi apakasi. 2Nga lolini, kwali umwi ishina lyaakwe i Zakayo; wali unkulu wenga pali yakalifya yikodi, walu nsafi. 3Wene wasitanga ukulola Yesu untu wa uli, leelo atachili annole uku winji wa antu, kuno wali umwimpi. 4Nga akolela ulwilo uku nkolelo, akwela unku kuti annole, kuno wamwisa apite un-nsila iyo. 5Nga pano Yesu wafika penepo, alingamila kweneko umwiyulu, annena, ati: “Zakayo, wika suwa, kuno ilelo chindungime kwiza uku ng'anda ukwako.” 6Nga akalauka ukwika suwa, ampokelela uku kuchimba. 7Nga pano antu yalola, yang'wing'wintika yoshi, yaati: “Wayuwikala kwa untu wa maifyo.” 8Leelo Zakayo awimilila, anena uMwene, wati: “Lola, Mwene, namwankanya apakasi usafi wane, mpe apina, na ngi napoka untu chimwi uku uchenjesu, imweseshe amaila yani.” 9Nga Yesu wannena, waati: “Lelo ufyusi wisa un-nganda ii, kuno na wi kwene umwana wi Ablahamu. 10Kuno uMwana-ntu wisilu shita nu kufyusha chino chalowa.”
Asha ni mpia sha mwene wao
(Mt 25:14-30)
11Nga pano yapulika ifintu vi, aungilisha kufwanga unnumbe, pano watapalamila uku Yelusalemu, nayo wene yatangi palumwi uwene-wi-Leesa ukuloleka suwa. 12Nga wati: “Untu umwi unkulu wapisile um-masi, kuti akapokelele uwene nu kuwela. 13Nga awita antu ikumi apa aomfi yaakwe, ayapa chila wenga impia simwi, ayanena, ati: ‘Chulushangi fika na lino nduwela.’ 14Leelo antu ya un-nsi waakwe yamtuwa, yatuma antu ukunnondela, yaati: ‘Tutamkasime wi ukutulâsa.’
15“Walangi lino wawela, watapokelela uwene wakwe, asita kuti aomvi yano wapile mpia shaakwe, yitwe kunali, ukuti amanye chino yafyasha uku uchulusi wao. 16Nga awisa uwa ntangulo, wati: ‘Mwene, impia shako nafyasha maila ikumi kuluta.’ 17Nga annena, wati: ‘Wasifya, we umuofi wino wasipa; kuno wawa wa kutailwa uku ifintu finono, newe ulâse imisi ikumi.’ 18Awisa nu wa uwili, ati: ‘Mwene, impia shako nafyasha maila yasano kuluta.’ 19Nga anena na wiyo kwene, wati: ‘Ulâse newe imisi isano.’
20“Nga awisa nunji, ati: ‘Mwene, impia shako sino nawisile un-chitambala isi. 21Nofile kuno we ntu wino watala; ukutola chino utawisile, ukusakata chino utapesile.’ 22Nga wene annena, wati: ‘Uku nnomo wako nakuputwila unnandu, umuofi unjipe we. Ummanyile fino nene ntu natala, nkutola chino ntawisile, nkukumbula chino ntapesile. 23Ali, nga uku chani utatwasile mpia zyane uku yachulusi, ukuti pano nisa yampe ponga na chino yafyasha?’ 24Anena yano yimilile lwa pipi, ati: ‘Mpokini impia siyo, mpe wino ali nasho ikumi.’ 25Nayo yaati: ‘Mwene, ali nasho ikumi!’ 26‘Ndumunena, wensi wino ali na chimwi, alupiwa, leelo wino atakwite chimwi, na chino ali nacho kwene alupokwa. 27Na kaili asiluembu yane yano yatakasime kuti njalâse, yaletini pa, myafyule apa maaso yane.’ ”
Yesu wingila um-Yelusalemu
(Mt 21:1-11; Mk 11:1-11; Yn 12:12-19)
28Nga pano wafwanga fiyo, ayakolelela ukupita ukuya uku Yelusalemu.
29Walangi pano wapalamila uku Betfage ni Betania, ukuya uku mwamba uno yakuluti Mizeituni, atuma yaili apa alondeshi yaakwe, 30wati: “Yangini uku nsi uu uno upalamile, na pano mwaya mwenemo, mwansana umwana-mpunda unyepe, wino umwi atachili ankwele, nsapulini, mndete pa. 31Ngi umwi wamutondosha, waati: ‘Uku chani mulunsapula,’ muti: ‘Umwene alunsita.’ ” 32Na yano yatumilwe yaya yalola ndi fino ayanenile. 33Nga pano yalusapula umwana-mpunda, akola yayanena, yaati: “Uku chani mulusapula umwana-mpunda?” 34Yaati: “Umwene alunshita.” 35Nga yantwala kuli Yesu, yala ni myenda yao apiyulu apa mwana-mpunda, nga yaakwesha Yesu. 36Nga lino yalupita, yala imyenda yao un-nsila.
37Nga lino wapalamila uku tentenka um-mwamba wa Mizeituni, iumba lyonsi ilya alondeshi yatampa ukuchimba nu kutensha Leesa uku maswi makulu, uku milimo yoshi iya maka ino yawine. 38Yaati: “Wapepelelwa uMwene wino alwisa ukwisina lya Mwene: ukuweleshana umwiyulu nu tensho ukwiyulu!”
39aFaliseo yamwi umwi umba yannena, yaati: “Kasambilisha, lesha alondeshi yako.” 40Ayanena ati: “Namunena, ndi ya yatusha, amafinga yamwangula.”
41Nga lino wapalamila apipi, alola unsi, aulilila. 42Ati: “Nga ngi umanyile apa wanda u, newe kwene, ivyakuweleshanya; leelo fifisime apa kasalaka uku maaso yako. 43Kuno amanda yalwisa, pano yasileumbu yako yalukukulila ilinga likulishe nu kuku yalikisha konsi. 44Yalukuponya pansi wewe na anako munuli, yatalusha ifinga nanti limwi apa linina, kuno utamanyile ngi li, lino Leesa wisile akutule.”
Yesu waswefya ng'anda-nkulu-iyi-Leesa
(Mt 21:12-17; Mk 11:15-19; Yn 2:13-22)
45Nga awingila un-ng'anda-nkulu-iyi-Leesa, atampa ukuwinga yaya yano yachulushanga mwenemo. 46Wayanena, ati: “Chaandikwe: ‘Ing'anda yane yamwa iya kupepela!’ Leelo mwemwi umuichita ichele lyi yakapoka-fya-antu.” 47Nga wasambilishanga manda yoshi un-ng'anda yi Leesa. Leelo ayikolo iyakapela na yakaandika, ponga na ikolo ya antu yasitanga insila yakuti yamumole. 48Leelo yatawine ichakuchita, kuno antu yoshi yawanga ponga nawe, angi yalumpulikisha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.