KULOVOKA 10
10
Vambimba-makumbi
1Yehova ambile kuli Mose ngwenyi, Ingila muli Fwalo, mwomwo ngunalingisa lyehi mucima wenyi kupwa waulemu, namicima yavangamba jenyi nawa, mangana nguhase kulwezevi vinjikizo vyami muli vakivo,
2mangana mukahase kwambulula vyumevi ngunazate muEjipitu, navinjikizo vyami ngunalingi muli vakivo, mumatwitwi avana venu vamalunga nawawa avazukulu jenu, mangana mukangutacikize Ami yami Yehova.
3VaMose naAlone vengilile muli Fwalo, vamwambile ngwavo, Yehova Kalunga kavaHepeleu nambe ngwenyi, Naukana kulinyisa kumeso ami palanga nakumwaka uka? Suwula vatu jami mangana vakanguzacile.
4Mokomoko nge naukana kusuwula vatu jami, tala, hamene nanguneha vambimba-makumbi mulifuci lyove.
5Navapwa kwilu lyamavu kwosena, ngoco mutu kexi kuhasa kumona mavuko. Navalya vikwavo vinasaleho evi yinamisezela vula yamalolwa, kaha navalya mitondo yosena yinasoko mulifuci lyenu.
6Mazuvo ove namazuvo avangamba jove namazuvo avaEjipitu vosena nawasula, cipwe vakaka jenu cipwe vakakuluka jenu kanda vamone lyehi vapwaha, kufumisa haze vapwile hamavu nakulikumbi lyalelo. Kahalumukile, alovokele muli Fwalo.
7Vangamba jaFwalo vamwambile ngwavo, Lungou mwapwanga muheto kuli etu palanga nakumwaka uka? Suwula malunga mangana vakamuzacile Yehova Kalunga kavo. Nyi kanda utacikize? lifuci lyaEjipitu linanongo lyehi.
8VaMose naAlone vavengixile ceka muli Fwalo, kaha avambile ngwenyi, Yenu, mukazacile Yehova Kalunga kenu, oloze ava navaya veya?
9Mose amwambile ngwenyi, Natuya navanyike jetu navakulwane jetu, navana vetu vamalunga navava vamapwevo, namautangetu avimuna vavandende nawawa avangombe, mwomwo catela kuli etu kumulingila Yehova ciwanyino.
10Avambile ngwenyi, Yehova apwenga nayenu, nge omu nangumisuwula navana venu. Lilamenunga, mwomwo kumeso enu kuli lupi.
11Cijiloco! Yenunga jino enu munapu mumalunga mwakula lyehi mukamuzacile Yehova, mwomwo ngoco mumunasake. Kaha vavahangile kumeso aFwalo.
12Yehova ambile kuli Mose ngwenyi, Olola livoko lyove helu lyalifuci lyaEjipitu, usanyike vambimba-makumbi, mangana veze halifuci lyaEjipitu, valyenga vyuma vyamulifuci vyosena vituta, vyosenevi yasezanga vula yamalolwa.
13Mose azundwile mukombo wenyi helu lyalifuci lyaEjipitu, kaha Yehova atumine peho yakufuma kumusamuko yahuhwile halifuci likumbi lize lyosena namusana naufuku. Kahomu kwacele, #Samu 78.46; 105.34.peho yakumusamuko yize yanehele vambimba-makumbi.
14Vambimba-makumbi vejile kulifuci lyaEjipitu kwosena, vatwamine kwosena kwahicile ngiza yaEjipitu. Vapwile vavapi cikuma. Ximbu vapwile vakivo kanda veze kakwapwile vambimba-makumbi nge vazeko, kaha kunyima yavo nawa kakwexi kukapwa vangacizeko.
15Mwomwo vapwile helu lyamavu hosena, ngoco lifuci lyengilile mumilima. Valile vyuma vyamulifuci vyosena vituta, namihako yamitondo yosena yize yasezele vula yamalolwa. Kakwasalile cipwe cuma cimwe citutako, cipwe mutondo cipwe cuma cahamavu cituta, mulifuci lyaEjipitu mwosena.
16Jino Fwalo anguhwixile nakusanyika vaMose naAlone, avambile ngwenyi, Ngunavulumuna mulonga kuli Yehova Kalunga kenu nakuli enu.
17Xikaho jino, aci ngukonekelenu mulonga wami ou kaha, lembelelenu Yehova Kalunga kenu, mangana angufumise kufwa cino kaha.
18Xikaho alovokele muli Fwalo kaha alembelelele Yehova.
19Yehova alumwine peho yangolo cikuma yihuhwe kufuma kumuyakumbi, yikiko yapekumwine vambimba-makumbi, yavambilile mukalungalwiji Ucila. Mwosena mwahita ngiza yaEjipitu kamwasalile mbimba cipwe umweko.
20Oloze Yehova akakamixile mucima waFwalo, kaha kasuwile vana valsaleleko.
Milima
21Yehova ambile kuli Mose ngwenyi, Olola livoko lyove ulitalise kwilu, mangana kulifuci lyaEjipitu kwosena kupwenga milima, #Samu 105.28.vatu vapupucilenga mumilima.
22Mose olwele livoko lyenyi alitalixile kwilu, kaha mulifuci lyaEjipitu mwosena mwapwile milima wi makumbi atatu.
23Vatu kavalimwenengako, kakwapwile cipwe umwe akatukile kumahyenyiko makumbi atatu. Oloze mumazuvo avana vaIsalele vosena mwapwile zwalala.
24Fwalo atambakanyine kuli Mose, amwambile ngwenyi, Yenu, kazacilenu Yehova. Oloze mautangenu avimuna vavandende nawawa avangombe asale, navana venu nawa muyenga navo.
25Mose amwambile ngwenyi, Kuvanga utuhane nawa navimuna tukavatule navava vamawana akulumba, mangana tukahase kumuvatwila Yehova Kalunga ketu vimuna.
26Vimuna jetu nawa natuya navo. Katwexi kuseza cipwe lusende lumwe munyimako. Mwomwo catela kuli etu kukwataho vamwe tukamuzacile Yehova Kalunga ketu. Kaha kuvanga tunahete kuze numba tutacikize ava catela kuli etu kumuzacixila Yehova.
27Oloze Yehova akakamixile mucima waFwalo, ngoco ketavile kuvasuwulako.
28Fwalo ambile kuli Mose ngwenyi, Fuma kuli ami, lilamenga nawa, kanda ukatala ceka meso amiko. Mwomwo halikumbi lize naukamona meso ami, naukafwa.
29Mose amwambile ngwenyi, Unahanjika kanawa, #Hepe. 11.27.kangwexi kukamona ceka meso oveko.
Currently Selected:
KULOVOKA 10: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KULOVOKA 10
10
Vambimba-makumbi
1Yehova ambile kuli Mose ngwenyi, Ingila muli Fwalo, mwomwo ngunalingisa lyehi mucima wenyi kupwa waulemu, namicima yavangamba jenyi nawa, mangana nguhase kulwezevi vinjikizo vyami muli vakivo,
2mangana mukahase kwambulula vyumevi ngunazate muEjipitu, navinjikizo vyami ngunalingi muli vakivo, mumatwitwi avana venu vamalunga nawawa avazukulu jenu, mangana mukangutacikize Ami yami Yehova.
3VaMose naAlone vengilile muli Fwalo, vamwambile ngwavo, Yehova Kalunga kavaHepeleu nambe ngwenyi, Naukana kulinyisa kumeso ami palanga nakumwaka uka? Suwula vatu jami mangana vakanguzacile.
4Mokomoko nge naukana kusuwula vatu jami, tala, hamene nanguneha vambimba-makumbi mulifuci lyove.
5Navapwa kwilu lyamavu kwosena, ngoco mutu kexi kuhasa kumona mavuko. Navalya vikwavo vinasaleho evi yinamisezela vula yamalolwa, kaha navalya mitondo yosena yinasoko mulifuci lyenu.
6Mazuvo ove namazuvo avangamba jove namazuvo avaEjipitu vosena nawasula, cipwe vakaka jenu cipwe vakakuluka jenu kanda vamone lyehi vapwaha, kufumisa haze vapwile hamavu nakulikumbi lyalelo. Kahalumukile, alovokele muli Fwalo.
7Vangamba jaFwalo vamwambile ngwavo, Lungou mwapwanga muheto kuli etu palanga nakumwaka uka? Suwula malunga mangana vakamuzacile Yehova Kalunga kavo. Nyi kanda utacikize? lifuci lyaEjipitu linanongo lyehi.
8VaMose naAlone vavengixile ceka muli Fwalo, kaha avambile ngwenyi, Yenu, mukazacile Yehova Kalunga kenu, oloze ava navaya veya?
9Mose amwambile ngwenyi, Natuya navanyike jetu navakulwane jetu, navana vetu vamalunga navava vamapwevo, namautangetu avimuna vavandende nawawa avangombe, mwomwo catela kuli etu kumulingila Yehova ciwanyino.
10Avambile ngwenyi, Yehova apwenga nayenu, nge omu nangumisuwula navana venu. Lilamenunga, mwomwo kumeso enu kuli lupi.
11Cijiloco! Yenunga jino enu munapu mumalunga mwakula lyehi mukamuzacile Yehova, mwomwo ngoco mumunasake. Kaha vavahangile kumeso aFwalo.
12Yehova ambile kuli Mose ngwenyi, Olola livoko lyove helu lyalifuci lyaEjipitu, usanyike vambimba-makumbi, mangana veze halifuci lyaEjipitu, valyenga vyuma vyamulifuci vyosena vituta, vyosenevi yasezanga vula yamalolwa.
13Mose azundwile mukombo wenyi helu lyalifuci lyaEjipitu, kaha Yehova atumine peho yakufuma kumusamuko yahuhwile halifuci likumbi lize lyosena namusana naufuku. Kahomu kwacele, #Samu 78.46; 105.34.peho yakumusamuko yize yanehele vambimba-makumbi.
14Vambimba-makumbi vejile kulifuci lyaEjipitu kwosena, vatwamine kwosena kwahicile ngiza yaEjipitu. Vapwile vavapi cikuma. Ximbu vapwile vakivo kanda veze kakwapwile vambimba-makumbi nge vazeko, kaha kunyima yavo nawa kakwexi kukapwa vangacizeko.
15Mwomwo vapwile helu lyamavu hosena, ngoco lifuci lyengilile mumilima. Valile vyuma vyamulifuci vyosena vituta, namihako yamitondo yosena yize yasezele vula yamalolwa. Kakwasalile cipwe cuma cimwe citutako, cipwe mutondo cipwe cuma cahamavu cituta, mulifuci lyaEjipitu mwosena.
16Jino Fwalo anguhwixile nakusanyika vaMose naAlone, avambile ngwenyi, Ngunavulumuna mulonga kuli Yehova Kalunga kenu nakuli enu.
17Xikaho jino, aci ngukonekelenu mulonga wami ou kaha, lembelelenu Yehova Kalunga kenu, mangana angufumise kufwa cino kaha.
18Xikaho alovokele muli Fwalo kaha alembelelele Yehova.
19Yehova alumwine peho yangolo cikuma yihuhwe kufuma kumuyakumbi, yikiko yapekumwine vambimba-makumbi, yavambilile mukalungalwiji Ucila. Mwosena mwahita ngiza yaEjipitu kamwasalile mbimba cipwe umweko.
20Oloze Yehova akakamixile mucima waFwalo, kaha kasuwile vana valsaleleko.
Milima
21Yehova ambile kuli Mose ngwenyi, Olola livoko lyove ulitalise kwilu, mangana kulifuci lyaEjipitu kwosena kupwenga milima, #Samu 105.28.vatu vapupucilenga mumilima.
22Mose olwele livoko lyenyi alitalixile kwilu, kaha mulifuci lyaEjipitu mwosena mwapwile milima wi makumbi atatu.
23Vatu kavalimwenengako, kakwapwile cipwe umwe akatukile kumahyenyiko makumbi atatu. Oloze mumazuvo avana vaIsalele vosena mwapwile zwalala.
24Fwalo atambakanyine kuli Mose, amwambile ngwenyi, Yenu, kazacilenu Yehova. Oloze mautangenu avimuna vavandende nawawa avangombe asale, navana venu nawa muyenga navo.
25Mose amwambile ngwenyi, Kuvanga utuhane nawa navimuna tukavatule navava vamawana akulumba, mangana tukahase kumuvatwila Yehova Kalunga ketu vimuna.
26Vimuna jetu nawa natuya navo. Katwexi kuseza cipwe lusende lumwe munyimako. Mwomwo catela kuli etu kukwataho vamwe tukamuzacile Yehova Kalunga ketu. Kaha kuvanga tunahete kuze numba tutacikize ava catela kuli etu kumuzacixila Yehova.
27Oloze Yehova akakamixile mucima waFwalo, ngoco ketavile kuvasuwulako.
28Fwalo ambile kuli Mose ngwenyi, Fuma kuli ami, lilamenga nawa, kanda ukatala ceka meso amiko. Mwomwo halikumbi lize naukamona meso ami, naukafwa.
29Mose amwambile ngwenyi, Unahanjika kanawa, #Hepe. 11.27.kangwexi kukamona ceka meso oveko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.