KULOVOKA 16
16
Kalunga mwavahana mana
1Vakatukile kuElime, kaha lizavu lyavana vaIsalele lyosena lyahetele kupambo Xine, yize yili mukaci kaElime naXinai, halikumbi lyakakweji wamucivali lyakusokesa mulikumi naatanu, kufuma haze vafumine mulifuci lyaEjipitu.
2Kaha lizavu lyavana vaIsalele lyosena lyamutatwokesele Mose naAlone nawa mupambo.
3Vana vaIsalele Vavambile ngwavo, Kaci twafwilile kulivoko lyaYehova mulifuci lyaEjipitu, omu twatwaminenga kujindeho janyama nakulya palanga nakwikuta! mwomwo munatulowela mupambo muno, nakujiha liwuka lyoseneli nazala.
4Yehova ambile kuli Mose ngwenyi, Tala, #Yowa. 6.31; Samu 78.23-25; 105.40.nanguminokesela kulya cakufuma mwilu. Kaha vatu valovoke vakungule kulya calikumbi limwe hakumbi hakumbi, ngoco nguveseke numba nge navatambukanga mujiximbi jami nyi ciku.
5Kaha cisoloke, halikumbi lyamucitanu nalimwe, vakakungule cize navakengisa, kaha cikapwe nge omu veji kukungulanga hakumbi hakumbi kavali.
6VaMose naAlone vambile kuli vana vaIsalele vosena ngwavo, Halikumbi lyacingoloxi numba mutacikize ngwenu, Yehova atulowele mulifuci lyaEjipitu.
7Kaha hacimene numba mumone upahu waYehova, mwomwo Ikiye nevu lyehi kutatwoka cenu munamutakwokesa Yehova. Kahetu tunapu yetu veya numba mututatwo-kesetu?
8Kaha Mose avambile ngwenyi, Omu mwamihana Yehova nyama hacingoloxi mulyenga, nakulya cakumikucisa kucimene, mwomwo Yehova nevu kutatwoka cenu muli nakumutatwokesa. Kahetu tunapu yetu veya? Kutatwoka cenu kamwexi nakututatwokesetuko, Oloze Yehova.
9Mose ambile kuli Alone ngwenyi, Ambulila lizavu lyavana vaIsalele ngwove, Pandamenu kumeso aYehova, mwomwo Ikiye nevu kutatwoka cenu.
10Kaha casolokele, omu ahanjikile Alone kulizavu lyavana vaIsalele lyosena, vatalile meso avo kupambo, kaha kumana, upahu waYehova wasolokele mulivwi.
11Yehova ambile kuli Mose ngwenyi,
12Ngunevu kutatwoka cavana vaIsalele. Vambulile ngwove, Hacingoloxi namulya nyama, kaha hacimene namwikuta kulya. Kaha namungutacikiza Ami yami Yehova Kalunga kenu.
13Ngoco casolokele hacingoloxi, #Samu 78.25; 105.40.vangwali vejile, vapwile kucilombo kwosena. Kaha hakuca mume wapwile hamavu kucilombo jingulwixi.
14Omu walingile mume wapwile hamavu unafumu lyehi, kumana, kwilu lyapambo kwapwile tuvyuma nge mavanda, twatundende nge hanawilila cixika.
15Omu vacimwene vana vaIsalele, valihwojwele ngwavo, Ecize cika? Mwomwo kavacitacikijile cikiko cikako. Mose avambile ngwenyi, Eci cikiko kulya namihane Yehova mulyenga.
16Eci cikiko cuma namilweze Yehova ngwenyi, Mutu himutu akungule nge kutesa nakulya cenyi, #16.16:Cesekelo cakulifuci lize.lumele lumwe kuli mutu, lumele lumwe kuli mutu. Vacikungule nge omu mwaya kuvula cavakwenu, mutu himutu hali vaze vatwama mumbalaka yenyi.
17Vana vaIsalele valingile ngoco, vakungwile vamwe cacivulu veka cacindende.
18Omu vacesekele nalumele, #Koli. 2, 8.15.kuli ou akungwile cacivulu kakwasalilehoko, ou akungwile cacindende kahoneneko. Vacikungwile mutu himutu nge kutesa nakulya cenyi.
19Mose avambile ngwenyi, Cipwe mutu umwe kanda asezaho nahakucako.
20Cipwe ngoco, kavevwililile kuli Moseko. Oloze vamwe vasezeleho nahakuca, kaha hasemenene mavunu, canukile nalivumba lyalipi. Kaha Mose avatenukilile.
21Vacikungwile hakumbi hakumbi nacimene, mutu himutu nge kutesa nakulya cenyi. Oloze hakuca calikumbi cayengunukile.
22Kaha casolokele, halikumbi lyamucitanu nalimwe vakungwile kulya camakumbi avali, jimele jivali kuli mutu himutu. Vakulwane jalizavu vosena vejile, vamulwezele Mose.
23Ikiye avambile ngwenyi, Mukiko mwanambe Yehova ngwenyi, #20.8; 23.12.Hamene hanapu sambata yayilemu, yakujilila Yehova. Ocenu lelo cosenoco namwoca, telekenu cosenoco namuteleka. Kaha cosenoco nacisalaho liswekelenuco nahakuca.
24Valiswekeleleco nahakuca, nge omu avalwezele Mose. Kaha kacanukile nalivumba lyalipiko, cipwe mavunu kavapwilemoko.
25Mose avambile ngwenyi, Lyenu lelo eci, mwomwo lelo linapu sambata kuli Yehova. Lelo kamwexi kuciwana kucipapako.
26Mucikungulenga hamakumbi atanu nalimwe, oloze halikumbi lyamucitanu naavali hali sambata, hakiko kakwexi kukapwa cimweko.
27Kaha casolokele, halikumbi lyamucitanu naavali, kwalovokele vatu vamwe ngwavo, vakungule; oloze kavawanyine cipwe cimweko.
28Yehova ambile kuli Mose ngwenyi, Namukana kulamevi ngunamilweze najiximbi jami palanga nakumwaka uka?
29Talenu, mwomwo Yehova namihane sambata, xikaho likumbi lyamucitanu nalimwe mwamihana kulya camakumbi avali. Twamenu mutu himutu kumahyenyi, cipwe mutu umwe kanda akafuma kwenyi halikumbi lyamucitanu naavaliko.
30Ngoco vatu vanokele halikumbi lyamucitanu naavali.
31Xikaho vaze vakuzuvo aIsalele vacilukile ngwavo, Mana. Cikiko capwile nge mbuto jakolyande, citoma, kaha kucimakila capwile nge jimbolo jajilelu jakusunga nawuci.
32Mose avambile ngwenyi, Eci cikiko cuma natulweze Yehova, ngwenyi, Valamenga lumele lwaco mukusemunwina cenu cosena, mangana vakamone kulya kana ngwamilixilenga mupambo, omu ngwamilowele mulifuci lyaEjipitu.
33Mose ambile kuli Alone ngwenyi, #Hepe. 9.4.Mbata ndeho uhakemo lumele lwamana lwato, uyitumbike kumeso aYehova vayilamenga mukusemunwina cenu cosena.
34Nge omu valwezele Mose kuli Yehova, ngoco mwayitumbikile Alone kulutwe #25.16; 27.21.lwaUnjiho, mangana vayilamenga.
35 #
Yoxu. 5.12. Kaha vana vaIsalele valilenga mana myaka makumi awana palanga nomu vahetele kulifuci kwatwamine vatu. Valilenga mana palanga nomu vahetele mungiza yalifuci lyaKanane.
36Jino jimele likumi jinapu lifwa limwe.
Currently Selected:
KULOVOKA 16: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KULOVOKA 16
16
Kalunga mwavahana mana
1Vakatukile kuElime, kaha lizavu lyavana vaIsalele lyosena lyahetele kupambo Xine, yize yili mukaci kaElime naXinai, halikumbi lyakakweji wamucivali lyakusokesa mulikumi naatanu, kufuma haze vafumine mulifuci lyaEjipitu.
2Kaha lizavu lyavana vaIsalele lyosena lyamutatwokesele Mose naAlone nawa mupambo.
3Vana vaIsalele Vavambile ngwavo, Kaci twafwilile kulivoko lyaYehova mulifuci lyaEjipitu, omu twatwaminenga kujindeho janyama nakulya palanga nakwikuta! mwomwo munatulowela mupambo muno, nakujiha liwuka lyoseneli nazala.
4Yehova ambile kuli Mose ngwenyi, Tala, #Yowa. 6.31; Samu 78.23-25; 105.40.nanguminokesela kulya cakufuma mwilu. Kaha vatu valovoke vakungule kulya calikumbi limwe hakumbi hakumbi, ngoco nguveseke numba nge navatambukanga mujiximbi jami nyi ciku.
5Kaha cisoloke, halikumbi lyamucitanu nalimwe, vakakungule cize navakengisa, kaha cikapwe nge omu veji kukungulanga hakumbi hakumbi kavali.
6VaMose naAlone vambile kuli vana vaIsalele vosena ngwavo, Halikumbi lyacingoloxi numba mutacikize ngwenu, Yehova atulowele mulifuci lyaEjipitu.
7Kaha hacimene numba mumone upahu waYehova, mwomwo Ikiye nevu lyehi kutatwoka cenu munamutakwokesa Yehova. Kahetu tunapu yetu veya numba mututatwo-kesetu?
8Kaha Mose avambile ngwenyi, Omu mwamihana Yehova nyama hacingoloxi mulyenga, nakulya cakumikucisa kucimene, mwomwo Yehova nevu kutatwoka cenu muli nakumutatwokesa. Kahetu tunapu yetu veya? Kutatwoka cenu kamwexi nakututatwokesetuko, Oloze Yehova.
9Mose ambile kuli Alone ngwenyi, Ambulila lizavu lyavana vaIsalele ngwove, Pandamenu kumeso aYehova, mwomwo Ikiye nevu kutatwoka cenu.
10Kaha casolokele, omu ahanjikile Alone kulizavu lyavana vaIsalele lyosena, vatalile meso avo kupambo, kaha kumana, upahu waYehova wasolokele mulivwi.
11Yehova ambile kuli Mose ngwenyi,
12Ngunevu kutatwoka cavana vaIsalele. Vambulile ngwove, Hacingoloxi namulya nyama, kaha hacimene namwikuta kulya. Kaha namungutacikiza Ami yami Yehova Kalunga kenu.
13Ngoco casolokele hacingoloxi, #Samu 78.25; 105.40.vangwali vejile, vapwile kucilombo kwosena. Kaha hakuca mume wapwile hamavu kucilombo jingulwixi.
14Omu walingile mume wapwile hamavu unafumu lyehi, kumana, kwilu lyapambo kwapwile tuvyuma nge mavanda, twatundende nge hanawilila cixika.
15Omu vacimwene vana vaIsalele, valihwojwele ngwavo, Ecize cika? Mwomwo kavacitacikijile cikiko cikako. Mose avambile ngwenyi, Eci cikiko kulya namihane Yehova mulyenga.
16Eci cikiko cuma namilweze Yehova ngwenyi, Mutu himutu akungule nge kutesa nakulya cenyi, #16.16:Cesekelo cakulifuci lize.lumele lumwe kuli mutu, lumele lumwe kuli mutu. Vacikungule nge omu mwaya kuvula cavakwenu, mutu himutu hali vaze vatwama mumbalaka yenyi.
17Vana vaIsalele valingile ngoco, vakungwile vamwe cacivulu veka cacindende.
18Omu vacesekele nalumele, #Koli. 2, 8.15.kuli ou akungwile cacivulu kakwasalilehoko, ou akungwile cacindende kahoneneko. Vacikungwile mutu himutu nge kutesa nakulya cenyi.
19Mose avambile ngwenyi, Cipwe mutu umwe kanda asezaho nahakucako.
20Cipwe ngoco, kavevwililile kuli Moseko. Oloze vamwe vasezeleho nahakuca, kaha hasemenene mavunu, canukile nalivumba lyalipi. Kaha Mose avatenukilile.
21Vacikungwile hakumbi hakumbi nacimene, mutu himutu nge kutesa nakulya cenyi. Oloze hakuca calikumbi cayengunukile.
22Kaha casolokele, halikumbi lyamucitanu nalimwe vakungwile kulya camakumbi avali, jimele jivali kuli mutu himutu. Vakulwane jalizavu vosena vejile, vamulwezele Mose.
23Ikiye avambile ngwenyi, Mukiko mwanambe Yehova ngwenyi, #20.8; 23.12.Hamene hanapu sambata yayilemu, yakujilila Yehova. Ocenu lelo cosenoco namwoca, telekenu cosenoco namuteleka. Kaha cosenoco nacisalaho liswekelenuco nahakuca.
24Valiswekeleleco nahakuca, nge omu avalwezele Mose. Kaha kacanukile nalivumba lyalipiko, cipwe mavunu kavapwilemoko.
25Mose avambile ngwenyi, Lyenu lelo eci, mwomwo lelo linapu sambata kuli Yehova. Lelo kamwexi kuciwana kucipapako.
26Mucikungulenga hamakumbi atanu nalimwe, oloze halikumbi lyamucitanu naavali hali sambata, hakiko kakwexi kukapwa cimweko.
27Kaha casolokele, halikumbi lyamucitanu naavali, kwalovokele vatu vamwe ngwavo, vakungule; oloze kavawanyine cipwe cimweko.
28Yehova ambile kuli Mose ngwenyi, Namukana kulamevi ngunamilweze najiximbi jami palanga nakumwaka uka?
29Talenu, mwomwo Yehova namihane sambata, xikaho likumbi lyamucitanu nalimwe mwamihana kulya camakumbi avali. Twamenu mutu himutu kumahyenyi, cipwe mutu umwe kanda akafuma kwenyi halikumbi lyamucitanu naavaliko.
30Ngoco vatu vanokele halikumbi lyamucitanu naavali.
31Xikaho vaze vakuzuvo aIsalele vacilukile ngwavo, Mana. Cikiko capwile nge mbuto jakolyande, citoma, kaha kucimakila capwile nge jimbolo jajilelu jakusunga nawuci.
32Mose avambile ngwenyi, Eci cikiko cuma natulweze Yehova, ngwenyi, Valamenga lumele lwaco mukusemunwina cenu cosena, mangana vakamone kulya kana ngwamilixilenga mupambo, omu ngwamilowele mulifuci lyaEjipitu.
33Mose ambile kuli Alone ngwenyi, #Hepe. 9.4.Mbata ndeho uhakemo lumele lwamana lwato, uyitumbike kumeso aYehova vayilamenga mukusemunwina cenu cosena.
34Nge omu valwezele Mose kuli Yehova, ngoco mwayitumbikile Alone kulutwe #25.16; 27.21.lwaUnjiho, mangana vayilamenga.
35 #
Yoxu. 5.12. Kaha vana vaIsalele valilenga mana myaka makumi awana palanga nomu vahetele kulifuci kwatwamine vatu. Valilenga mana palanga nomu vahetele mungiza yalifuci lyaKanane.
36Jino jimele likumi jinapu lifwa limwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.