KULOVOKA 4
4
1Mose amukumbulwile, amwambile ngwenyi, Oloze tala, kavexi kukangwitavako, cipwe kwivwilila mulizu lyami. Mwomwo navakangwamba ngwavo, Yehova kalisolwele kuli oveko.
2Yehova amwambile ngwenyi, Owo uli mulivoko lyove uka? Amwambile ngwenyi, Mukombo.
3Yehova amwambile ngwenyi, Umbile hamavu. Aumbilile hamavu kaha walumukile kupwa linoka, kaha Mose amucinyine.
4Yehova ambile kuli Mose ngwenyi, Olola livoko lyove, umukwate kumukila. (Olwele livoko lyenyi, amukwacile, kaha alumukile kupwa mukombo mulivoko lyenyi.)
5Mangana vaketave ngwavo, Yehova nalisolola kuli ove, Kalunga kavakaka javo, Ou Kalunga kaApalahama, Kalunga kaIsaka, Kalunga kaYakova.
6Yehova amwambile nawa ngwenyi, Ingisa jino livoko lyove hatulo yove. Engixile livoko lyenyi hatulo yenyi, kahomu alilowele, kumana, livoko lyenyi lyapwile nambumba, litoma to nge vula yacixika.
7Amwambile ngwenyi, Ingisa ceka livoko lyove hatulo yove. (Engixile ceka livoko lyenyi hatulo yenyi. Kahomu alifumixile hatulo yenyi, kumana, linalumuka ceka kupwa nge nyama yenyi yikwavo.)
8Kaha nacikasoloka, kaci nge kavexi kukakwitavako, cipwe kwivwilila mulizu lyacinjikizo cakulivanga, kaha navaketava lizu lyacinjikizo cakukuminyina.
9Kaha cikasoloke, kaci nge kavexi kwitava cipwe vinjikizo evi vivaliko, cipwe kwivwilila mulizu lyove, kaha ukaswita meya mukalwiji, ukawahingunwine hatunda, kaha meyaze naukaswita mukalwiji hinawalumuka kupwa manyinga hatunda.
10Mose ambile kuli Yehova ngwenyi, Ove Mwata kangwexi ngumutu wamazu amavuluko, cipwe hamwaka, cipwe kufumisoho unahanjika kuli ami ngamba yove. Oloze ngumutu wakuhanjika cikoki, nalilimi lyami lyalilemu.
11Yehova amwambile ngwenyi, #Samu 94.9; 146.8; Mateu 11.5; Luka 1.20, 64.Iyaze natenge kanwa kamutu? Iyaze ou mwalingisa mutu kupwa kamama cipwe wakujika matwitwi, cipwe wakutona cipwe kapuputa? Yami Yehova, nyi?
12Xikaho jino, yako, kaha nangupwanga nakanwa kove, #Mateu 10.9, 20; Mako 13.11; Luka 12.11, 12; 21.14, 15.nangukunangulomu naukahanjika.
13Amwambile ngwenyi, Ove Mwata, aci tume mwane halivoko lyayou nausaka kutuma.
14Yehova akwacile utenu hali Mose, amwambile ngwenyi, Yayove Alone kaLevi kwali, nyi? Ngunatacikiza ngwami, ikiye nahase kuhanjika kanawa. Kaha nawa, tala, ali nakwiza nakulihumangana nayove. Omu mwakakumona, mwakawahilila mumucima wenyi.
15Ove naukahanjika kuli ikiye, ukahake mazu mukanwa kenyi kaha nangukapwanga nakanwa kove nakanwa kenyi, nakuminangulomu namukalinga.
16Ikiye mwakahanjika mazu ove kuli vatu, kaha nacikasoloka, ikiye mwakapwa kanwa hali ove, kahove naukapwa nge Kalunga kuli ikiye.
17Yako namukombo ou mulivoko lyove, ukiko naukalinga nawo vinjikizo.
Mose mwakinduluka ceka kuEjipitu
18Mose ayile, akindulukile kuli isewenu Yetelo, amwambile ngwenyi, Acitave mwane nguyenga ngukinduluke kuli vausoko wami vali muEjipitu, ngukatale numba nge vacili vavatonyi. Yetelo ambile kuli Mose ngwenyi, Yakonga nakeke.
19Yehova ambile kuli Mose muMicane ngwenyi, Yako, kinduluka kuEjipitu, mwomwo malunga vosena vaze vasakile vakujihe vanafu lyehi.
20Mose ayile napwevo lyenyi #18.3; Vili. 7.29.navana venyi vamalunga, avatwamixile hacimbulu, akindulukile kulifuci lyaEjipitu, kaha Mose ayile namukombo waKalunga mulivoko lyenyi.
21Yehova ambile kuli Mose ngwenyi, Omu naukinduluka kuEjipitu, anuka ukalinge vyuma vyakukomwesa vyosena vize ngunakuhane mulivoko lyove kumeso aFwalo. Oloze nangukakakamisa mucima wenyi, kaha kexi kukasuwula vatuko.
22Kaha ukambulula kuli Fwalo ngwove, Yehova nambe ngwenyi, Isalele napu mwanami, ikiye mwanami watwatwa.
23Kaha ngunakwambe ngwami, Suwula mwanami mangana unguzacilenga. Oloze unakane kumusuwula. Tala, nangujiha mwanove walunga, mwanove watwatwa.
24Kaha casolokele mujila, kucilombo, Yehova amuwanyine, asakile amujihe.
25Jino Jipola anonele litale, engele muvumbo wamwanenyi walunga, aumbilile kumahinji enyi, kaha amwambile ngwenyi, Camwenemwene, ove unapu ulunga wamanyinga kuli ami.
26Ngoco Kalunga amwecele. Kaha pwevo amwambile ngwenyi, Ove unapu ulunga wamanyinga, mwomwo haungalami.
27Yehova ambile kuli Alone ngwenyi, Yako mupambo ukalihumangane naMose. Ayile, alihumanganyine nenyi kupili yaKalunga, kaha amusweswenyele.
28Mose amwambulilile Alone mazu aYehova osenaze amutumine nawo, navinjikizo vyosena vize amulwezele.
29VaMose naAlone vayile, vakungulwile vakulwane javana vaIsalele vosena.
30Alone ambulwile mazu osenaze ahanjikile Yehova kuli Mose, alingile vize vinjikizo kumeso avatu.
31Vatu vetavile, kahomu vevwile ngwavo, Yehova nalakana vana vaIsalele, ngwavo, namono malwavo, vanongamine mitwe yavo nakulifukula.
VaMose naAlone navemana kumeso aFwalo
Currently Selected:
KULOVOKA 4: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KULOVOKA 4
4
1Mose amukumbulwile, amwambile ngwenyi, Oloze tala, kavexi kukangwitavako, cipwe kwivwilila mulizu lyami. Mwomwo navakangwamba ngwavo, Yehova kalisolwele kuli oveko.
2Yehova amwambile ngwenyi, Owo uli mulivoko lyove uka? Amwambile ngwenyi, Mukombo.
3Yehova amwambile ngwenyi, Umbile hamavu. Aumbilile hamavu kaha walumukile kupwa linoka, kaha Mose amucinyine.
4Yehova ambile kuli Mose ngwenyi, Olola livoko lyove, umukwate kumukila. (Olwele livoko lyenyi, amukwacile, kaha alumukile kupwa mukombo mulivoko lyenyi.)
5Mangana vaketave ngwavo, Yehova nalisolola kuli ove, Kalunga kavakaka javo, Ou Kalunga kaApalahama, Kalunga kaIsaka, Kalunga kaYakova.
6Yehova amwambile nawa ngwenyi, Ingisa jino livoko lyove hatulo yove. Engixile livoko lyenyi hatulo yenyi, kahomu alilowele, kumana, livoko lyenyi lyapwile nambumba, litoma to nge vula yacixika.
7Amwambile ngwenyi, Ingisa ceka livoko lyove hatulo yove. (Engixile ceka livoko lyenyi hatulo yenyi. Kahomu alifumixile hatulo yenyi, kumana, linalumuka ceka kupwa nge nyama yenyi yikwavo.)
8Kaha nacikasoloka, kaci nge kavexi kukakwitavako, cipwe kwivwilila mulizu lyacinjikizo cakulivanga, kaha navaketava lizu lyacinjikizo cakukuminyina.
9Kaha cikasoloke, kaci nge kavexi kwitava cipwe vinjikizo evi vivaliko, cipwe kwivwilila mulizu lyove, kaha ukaswita meya mukalwiji, ukawahingunwine hatunda, kaha meyaze naukaswita mukalwiji hinawalumuka kupwa manyinga hatunda.
10Mose ambile kuli Yehova ngwenyi, Ove Mwata kangwexi ngumutu wamazu amavuluko, cipwe hamwaka, cipwe kufumisoho unahanjika kuli ami ngamba yove. Oloze ngumutu wakuhanjika cikoki, nalilimi lyami lyalilemu.
11Yehova amwambile ngwenyi, #Samu 94.9; 146.8; Mateu 11.5; Luka 1.20, 64.Iyaze natenge kanwa kamutu? Iyaze ou mwalingisa mutu kupwa kamama cipwe wakujika matwitwi, cipwe wakutona cipwe kapuputa? Yami Yehova, nyi?
12Xikaho jino, yako, kaha nangupwanga nakanwa kove, #Mateu 10.9, 20; Mako 13.11; Luka 12.11, 12; 21.14, 15.nangukunangulomu naukahanjika.
13Amwambile ngwenyi, Ove Mwata, aci tume mwane halivoko lyayou nausaka kutuma.
14Yehova akwacile utenu hali Mose, amwambile ngwenyi, Yayove Alone kaLevi kwali, nyi? Ngunatacikiza ngwami, ikiye nahase kuhanjika kanawa. Kaha nawa, tala, ali nakwiza nakulihumangana nayove. Omu mwakakumona, mwakawahilila mumucima wenyi.
15Ove naukahanjika kuli ikiye, ukahake mazu mukanwa kenyi kaha nangukapwanga nakanwa kove nakanwa kenyi, nakuminangulomu namukalinga.
16Ikiye mwakahanjika mazu ove kuli vatu, kaha nacikasoloka, ikiye mwakapwa kanwa hali ove, kahove naukapwa nge Kalunga kuli ikiye.
17Yako namukombo ou mulivoko lyove, ukiko naukalinga nawo vinjikizo.
Mose mwakinduluka ceka kuEjipitu
18Mose ayile, akindulukile kuli isewenu Yetelo, amwambile ngwenyi, Acitave mwane nguyenga ngukinduluke kuli vausoko wami vali muEjipitu, ngukatale numba nge vacili vavatonyi. Yetelo ambile kuli Mose ngwenyi, Yakonga nakeke.
19Yehova ambile kuli Mose muMicane ngwenyi, Yako, kinduluka kuEjipitu, mwomwo malunga vosena vaze vasakile vakujihe vanafu lyehi.
20Mose ayile napwevo lyenyi #18.3; Vili. 7.29.navana venyi vamalunga, avatwamixile hacimbulu, akindulukile kulifuci lyaEjipitu, kaha Mose ayile namukombo waKalunga mulivoko lyenyi.
21Yehova ambile kuli Mose ngwenyi, Omu naukinduluka kuEjipitu, anuka ukalinge vyuma vyakukomwesa vyosena vize ngunakuhane mulivoko lyove kumeso aFwalo. Oloze nangukakakamisa mucima wenyi, kaha kexi kukasuwula vatuko.
22Kaha ukambulula kuli Fwalo ngwove, Yehova nambe ngwenyi, Isalele napu mwanami, ikiye mwanami watwatwa.
23Kaha ngunakwambe ngwami, Suwula mwanami mangana unguzacilenga. Oloze unakane kumusuwula. Tala, nangujiha mwanove walunga, mwanove watwatwa.
24Kaha casolokele mujila, kucilombo, Yehova amuwanyine, asakile amujihe.
25Jino Jipola anonele litale, engele muvumbo wamwanenyi walunga, aumbilile kumahinji enyi, kaha amwambile ngwenyi, Camwenemwene, ove unapu ulunga wamanyinga kuli ami.
26Ngoco Kalunga amwecele. Kaha pwevo amwambile ngwenyi, Ove unapu ulunga wamanyinga, mwomwo haungalami.
27Yehova ambile kuli Alone ngwenyi, Yako mupambo ukalihumangane naMose. Ayile, alihumanganyine nenyi kupili yaKalunga, kaha amusweswenyele.
28Mose amwambulilile Alone mazu aYehova osenaze amutumine nawo, navinjikizo vyosena vize amulwezele.
29VaMose naAlone vayile, vakungulwile vakulwane javana vaIsalele vosena.
30Alone ambulwile mazu osenaze ahanjikile Yehova kuli Mose, alingile vize vinjikizo kumeso avatu.
31Vatu vetavile, kahomu vevwile ngwavo, Yehova nalakana vana vaIsalele, ngwavo, namono malwavo, vanongamine mitwe yavo nakulifukula.
VaMose naAlone navemana kumeso aFwalo
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.