KULOVOKA 8
8
1Yehova ahanjikile kuli Mose ngwenyi, Ingila muli Fwalo, umwambulile ngwove, Yehova nambe ngwenyi, Suwula vatu jami, mangana vakanguzacile.
2Oloze nge naukana kuvasuwula, tala, nanguveta mungiza yove mwosena navimbotwe.
3Mukalwiji namuyonga vimbotwe, navakanduka nakwingila muzuvo yove, namwove mwakusavala, nahakahela kove, namumazuvo avangamba jove, nahali vatu jove, namujifwolonyi jove, namuviwaci vyove vyakucikila mbolo.
4Vimbotwe navakandukila kuli ove nakuli vatu jove, nakuli vangamba jove vosena.
5Yehova ambile kuli Mose ngwenyi, Mwambulile Alone ngwove, Olola livoko lyove namukombo wove helu lyatulwiji nahelu lyatupila nahelu lyamyeji, ukandwise vimbotwe halifuci lyaEjipitu.
6Alone olwele livoko lyenyi helu lyameya aEjipitu, kaha #Samu 78.45; 105.30.vimbotwe vakandukile, vapwile kulifuci lyaEjipitu kwosena.
7Navaka-vipupu nawa valingile mwomumwe nakupanda cavo, vakandwixile vimbotwe halifuci lyaEjipitu.
8Jino Fwalo asanyikile vaMose naAlone, avambile ngwenyi, Lembelelenu Yehova afumise vimbotwe kuli ami nakuli vatu jami, kaha nangusuwula vatu, vayenga vaka-muvatwile Yehova vimuna.
9Mose ambile kuli Fwalo ngwenyi, Lisase hali ami. Nangulembelela hali ove nahali vangamba jove, nahali vatu jove, ngwami, vimbotwe vanonge mwaka uka kuli ove nakumazuvo ove, vasale mukalwiji kaha?
10Avambile ngwenyi, Hamene. Mose amwambile ngwenyi, Cipwenga nge mwaya lizu lyove, mangana utacikize ngwove, kakwexi weka wakufwana nge Yehova Kalunga ketuko.
11Vimbotwe navafuma kuli ove, nakumazuvo ove, nakuli vangamba jove, nakuli vatu jove, navasala mukalwiji kaha.
12VaMose naAlone valovokele muli Fwalo. Mose atetele kuli Yehova hali vimbotwe vaze anehele hali Fwalo.
13Yehova alingile nge mwayile lizu lyaMose, kaha vimbotwe vafwile mumazuvo, namuvipango, namumawande.
14Vavakungwijile milumba, kaha lifuci lyanukile nalivumba lyalipi.
15Oloze omu amwene Fwalo ngwenyi, kuli kuhwima, alingixile mucima wenyi kupwa waulemu, kavevwililileko, nge muze ahanjikile Yehova.
Vajina
16Yehova ambile kuli Mose ngwenyi, Amba kuli Alone ngwove, Olola mukombo wove, uvete lukungu lwahamavu, mangana lwalumuke kupwa vajina mulifuci lyaEjipitu mwosena.
17Valingile ngoco. Alone olwele livoko lyenyi namukombo wenyi, avetele lukungu lwahamavu, kaha kwapwile vajina nahali vatu nahali vimuna. Lukungu lwosena lwahamavu lwalumukile kupwa #Samu 105.31.vajina mulifuci lyaEjipitu mwosena.
18Jino vaka-vipupu nawa valingile mwomumwe nakupanda cavo ngwavo, valovole vajina, oloze kavahaxileko. Kaha kwapwile vajina nahali vatu nahali vimuna.
19Jino vaka-vipupu Vambile kuli Fwalo ngwavo, Ou wou munwe waKalunga. Kaha mucima waFwalo wakakamine, kavevwililileko, nge muze ahanjikile Yehova.
Vajiji
20Yehova ambile kuli Mose ngwenyi, Meneka cimenemene, wimane kumeso aFwalo. Tala, mwalovoka nakuya kumeya. Umwambulile ngwove, Yehova nambe ngwenyi, Suwula vatu jami mangana vakanguzacile.
21Mokomoko, kaci nge kaute kusuwula vatu jami, tala, nangutuma mayongomena avajiji kuli ove nakuli vangamba jove nakuli vatu jove namumazuvo ove. Mumazuvo avaEjipitu namuyangilila mayongomena avajiji, nahamavu nawa oho vanatwame.
22Kaha halikumbi olyo #9.4, 6, 26; 10.23; 11.7.nanguhandula lifuci Ngoxene mwatwama vatu jami, muze kamwexi kupwa mayongomena avajijiko, mangana ungutacikize Ami, #9.29; 19.5; 20.11.yami Yehova muli vaka-mavu.
23Nanguhandununa mukaci kavatu jami navatu jove. Hamene nakusoloka cinjikizo kana.
24Yehova alingile ngoco. Kwejile mayongomena avajiji amavulu, muzuvo yaFwalo, namumazuvo avangamba jenyi. Mulifuci lyaEjipitu lyosena #Samu 78.45; 105.31.lifuci valyenyekele namayongomena avajiji aze.
25Fwalo asanyikile vaMose naAlone, avambile ngwenyi, Yenu mukamuvatwile Kalunga kenu vimuna mulifuci lino.
26Mose amwambile ngwenyi, Kacawahile kulinga ngocoko. Mwomwo natumuvatwila Yehova Kalunga ketu vize vyakwivwisa vaEjipitu unyengwe. Tala, vize vyakwivwisa vaEjipitu unyengwe kaci nge natuvivatwila kumeso avo, kavexi kutwasa malolwako, numba?
27Natuya mupambo, kutambuka makumbi atatu, kaha natukamuvatwila Yehova Kalunga ketu vimuna, nge omu mwakatulweza.
28Fwalo avambile ngwenyi, Nangumisuwula mangana mukamuvatwile Yehova Kalunga kenu mupambo. Oloze kanda muya kwakusukuko. Lembelela hali ami.
29Mose amwambile ngwenyi, Tala, nangulovoka kuli ove, kaha nangulembelela Yehova mangana mayongomena avajiji afume kuli ove Fwalo, nakuli vangamba jove, nakuli vatu jove hamene. Oloze Fwalo kanda atangisa cekako hakukana kusuwula vatu vakamuvatwile Yehova vimuna.
30Mose alovokele muli Fwalo, alembelelele Yehova.
31Kaha Yehova alingile nge mwayile lizu lyaMose. Afumixile mayongomena avajiji kuli Fwalo, nakuli vangamba jenyi, nakuli vatu jenyi, kakwasalile cipwe umweko.
32Kaha Fwalo alingixile ceka mucima wenyi kupwa waulemu, kasuwile vatuko.
Musongo wavimuna
Currently Selected:
KULOVOKA 8: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KULOVOKA 8
8
1Yehova ahanjikile kuli Mose ngwenyi, Ingila muli Fwalo, umwambulile ngwove, Yehova nambe ngwenyi, Suwula vatu jami, mangana vakanguzacile.
2Oloze nge naukana kuvasuwula, tala, nanguveta mungiza yove mwosena navimbotwe.
3Mukalwiji namuyonga vimbotwe, navakanduka nakwingila muzuvo yove, namwove mwakusavala, nahakahela kove, namumazuvo avangamba jove, nahali vatu jove, namujifwolonyi jove, namuviwaci vyove vyakucikila mbolo.
4Vimbotwe navakandukila kuli ove nakuli vatu jove, nakuli vangamba jove vosena.
5Yehova ambile kuli Mose ngwenyi, Mwambulile Alone ngwove, Olola livoko lyove namukombo wove helu lyatulwiji nahelu lyatupila nahelu lyamyeji, ukandwise vimbotwe halifuci lyaEjipitu.
6Alone olwele livoko lyenyi helu lyameya aEjipitu, kaha #Samu 78.45; 105.30.vimbotwe vakandukile, vapwile kulifuci lyaEjipitu kwosena.
7Navaka-vipupu nawa valingile mwomumwe nakupanda cavo, vakandwixile vimbotwe halifuci lyaEjipitu.
8Jino Fwalo asanyikile vaMose naAlone, avambile ngwenyi, Lembelelenu Yehova afumise vimbotwe kuli ami nakuli vatu jami, kaha nangusuwula vatu, vayenga vaka-muvatwile Yehova vimuna.
9Mose ambile kuli Fwalo ngwenyi, Lisase hali ami. Nangulembelela hali ove nahali vangamba jove, nahali vatu jove, ngwami, vimbotwe vanonge mwaka uka kuli ove nakumazuvo ove, vasale mukalwiji kaha?
10Avambile ngwenyi, Hamene. Mose amwambile ngwenyi, Cipwenga nge mwaya lizu lyove, mangana utacikize ngwove, kakwexi weka wakufwana nge Yehova Kalunga ketuko.
11Vimbotwe navafuma kuli ove, nakumazuvo ove, nakuli vangamba jove, nakuli vatu jove, navasala mukalwiji kaha.
12VaMose naAlone valovokele muli Fwalo. Mose atetele kuli Yehova hali vimbotwe vaze anehele hali Fwalo.
13Yehova alingile nge mwayile lizu lyaMose, kaha vimbotwe vafwile mumazuvo, namuvipango, namumawande.
14Vavakungwijile milumba, kaha lifuci lyanukile nalivumba lyalipi.
15Oloze omu amwene Fwalo ngwenyi, kuli kuhwima, alingixile mucima wenyi kupwa waulemu, kavevwililileko, nge muze ahanjikile Yehova.
Vajina
16Yehova ambile kuli Mose ngwenyi, Amba kuli Alone ngwove, Olola mukombo wove, uvete lukungu lwahamavu, mangana lwalumuke kupwa vajina mulifuci lyaEjipitu mwosena.
17Valingile ngoco. Alone olwele livoko lyenyi namukombo wenyi, avetele lukungu lwahamavu, kaha kwapwile vajina nahali vatu nahali vimuna. Lukungu lwosena lwahamavu lwalumukile kupwa #Samu 105.31.vajina mulifuci lyaEjipitu mwosena.
18Jino vaka-vipupu nawa valingile mwomumwe nakupanda cavo ngwavo, valovole vajina, oloze kavahaxileko. Kaha kwapwile vajina nahali vatu nahali vimuna.
19Jino vaka-vipupu Vambile kuli Fwalo ngwavo, Ou wou munwe waKalunga. Kaha mucima waFwalo wakakamine, kavevwililileko, nge muze ahanjikile Yehova.
Vajiji
20Yehova ambile kuli Mose ngwenyi, Meneka cimenemene, wimane kumeso aFwalo. Tala, mwalovoka nakuya kumeya. Umwambulile ngwove, Yehova nambe ngwenyi, Suwula vatu jami mangana vakanguzacile.
21Mokomoko, kaci nge kaute kusuwula vatu jami, tala, nangutuma mayongomena avajiji kuli ove nakuli vangamba jove nakuli vatu jove namumazuvo ove. Mumazuvo avaEjipitu namuyangilila mayongomena avajiji, nahamavu nawa oho vanatwame.
22Kaha halikumbi olyo #9.4, 6, 26; 10.23; 11.7.nanguhandula lifuci Ngoxene mwatwama vatu jami, muze kamwexi kupwa mayongomena avajijiko, mangana ungutacikize Ami, #9.29; 19.5; 20.11.yami Yehova muli vaka-mavu.
23Nanguhandununa mukaci kavatu jami navatu jove. Hamene nakusoloka cinjikizo kana.
24Yehova alingile ngoco. Kwejile mayongomena avajiji amavulu, muzuvo yaFwalo, namumazuvo avangamba jenyi. Mulifuci lyaEjipitu lyosena #Samu 78.45; 105.31.lifuci valyenyekele namayongomena avajiji aze.
25Fwalo asanyikile vaMose naAlone, avambile ngwenyi, Yenu mukamuvatwile Kalunga kenu vimuna mulifuci lino.
26Mose amwambile ngwenyi, Kacawahile kulinga ngocoko. Mwomwo natumuvatwila Yehova Kalunga ketu vize vyakwivwisa vaEjipitu unyengwe. Tala, vize vyakwivwisa vaEjipitu unyengwe kaci nge natuvivatwila kumeso avo, kavexi kutwasa malolwako, numba?
27Natuya mupambo, kutambuka makumbi atatu, kaha natukamuvatwila Yehova Kalunga ketu vimuna, nge omu mwakatulweza.
28Fwalo avambile ngwenyi, Nangumisuwula mangana mukamuvatwile Yehova Kalunga kenu mupambo. Oloze kanda muya kwakusukuko. Lembelela hali ami.
29Mose amwambile ngwenyi, Tala, nangulovoka kuli ove, kaha nangulembelela Yehova mangana mayongomena avajiji afume kuli ove Fwalo, nakuli vangamba jove, nakuli vatu jove hamene. Oloze Fwalo kanda atangisa cekako hakukana kusuwula vatu vakamuvatwile Yehova vimuna.
30Mose alovokele muli Fwalo, alembelelele Yehova.
31Kaha Yehova alingile nge mwayile lizu lyaMose. Afumixile mayongomena avajiji kuli Fwalo, nakuli vangamba jenyi, nakuli vatu jenyi, kakwasalile cipwe umweko.
32Kaha Fwalo alingixile ceka mucima wenyi kupwa waulemu, kasuwile vatuko.
Musongo wavimuna
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.