KUPUTUKA 13
13
Apalama naLote navalihandununa
1Apalama afumine muEjipitu, naikiye napwevo lyenyi navize ahetele vyosena naLote nawa hamwe, nakuya kulifuci lyaKanane kuSulo.
2Apalama apwile navikumba vyavivulu, navimuna napalata naulu.
3Ayile nakunungwojoka kufuma kuSulo palanga nakuMbetele, kuze atungile mbalaka yenyi hakavanga, hakaci kaMbetele naAi,
4kuze kwapwile lijiko lyakulumbila lize atungile hakutetekela. Apalama asanyikile Yehova halijina lyenyi kuze.
5NaLote nawa, ou ayilenga naApalama, apwile namautanga avimuna vavandende nawawa avangombe, najimbalaka.
6Kaha lifuci kalyavahaxile numba vatwame hamweko; Mwomwo vikumba vyavo vyavulile, ngoco kavahaxile kutwama hamweko.
7Jino tufunga twavimuna jaApalama valizungile natufunga twavimuna jaLote. VaKanane navaPeliji vatwaminenga makumbi aze mulifuci.
8Apalama ambile kuli Lote ngwenyi, Ngunakusakwilila mwane, kanda tulizunga nayoveko, cipwe tufunga twove natufunga twami kanda valizungako, mwomwo etu muusoke wetu.
9Lifuci lyosena kalyexi kumeso oveko numba? Tulihandunune nayove. Nge ove nausakula kumutamba wakulivoko lyacimoswe, kahami nanguya kumutamba wakulivoko lyacilyo. Mokomoko, nge ove nauya kumutamba wakulivoko lyacilyo, kahami nanguya kumutamba wakulivoko lyacimoswe.
10Lote andwile meso enyi, amwene cana caYotau cosena, cikiko capwile nameya kanawa kwosena ximbu kwapwile kanda Yehova anongese Sotome naNgomola, nge milemba yaYehova, nge lifuci lyaEjipitu, omu nauya kuZowale.
11Ngoco Lote alisakwilile cana caYotau cosena. Lote ayile kumusamuko, kaha valihandunwine.
12Apalama atwaminenga mulifuci lyaKanane, kaha Lote atwaminenga mumembo akucana, nakunungwojola mbalaka yenyi palanga nakuSotome.
13Jino vatu vakuSotome vapwile vaka-kuhuka, vapwile vaka-xili vakumuvulumuna Yehova cikuma.
14Jino omu alingile Lote hanalihandununa lyehi naApalama, Yehova ambile kuli Apalama ngwenyi, Andula meso ove utale kufumisoku unemana, utale kunote, nakusulo, nakumusamuko, nakumulauko,
15mwomwo lifuci lyoseneli uli nakutala nangukalihana kuli ove nakuli vaka-tanga yove haya myaka yosena.
16Vaka-tanga yove nangukavavulisa nge lukungu lwahamavu, ngoco kaci mutu mwahasa kulava lukungu lwahamavu, kaha mwakahasa nawa kulava vaka-tanga yove.
17Katuka, tambwojoka mulifuci namukusuhwa calyo namukutohwa calyo, mwomwo nangukakuhanalyo.
18Apalama anungulwile mbalaka yenyi, ayile nakutwama kumitelevinde yaMamele yize yili kuHevelone. Kaha amutungilile Yehova lijiko lyakulumbila kuze.
Currently Selected:
KUPUTUKA 13: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 13
13
Apalama naLote navalihandununa
1Apalama afumine muEjipitu, naikiye napwevo lyenyi navize ahetele vyosena naLote nawa hamwe, nakuya kulifuci lyaKanane kuSulo.
2Apalama apwile navikumba vyavivulu, navimuna napalata naulu.
3Ayile nakunungwojoka kufuma kuSulo palanga nakuMbetele, kuze atungile mbalaka yenyi hakavanga, hakaci kaMbetele naAi,
4kuze kwapwile lijiko lyakulumbila lize atungile hakutetekela. Apalama asanyikile Yehova halijina lyenyi kuze.
5NaLote nawa, ou ayilenga naApalama, apwile namautanga avimuna vavandende nawawa avangombe, najimbalaka.
6Kaha lifuci kalyavahaxile numba vatwame hamweko; Mwomwo vikumba vyavo vyavulile, ngoco kavahaxile kutwama hamweko.
7Jino tufunga twavimuna jaApalama valizungile natufunga twavimuna jaLote. VaKanane navaPeliji vatwaminenga makumbi aze mulifuci.
8Apalama ambile kuli Lote ngwenyi, Ngunakusakwilila mwane, kanda tulizunga nayoveko, cipwe tufunga twove natufunga twami kanda valizungako, mwomwo etu muusoke wetu.
9Lifuci lyosena kalyexi kumeso oveko numba? Tulihandunune nayove. Nge ove nausakula kumutamba wakulivoko lyacimoswe, kahami nanguya kumutamba wakulivoko lyacilyo. Mokomoko, nge ove nauya kumutamba wakulivoko lyacilyo, kahami nanguya kumutamba wakulivoko lyacimoswe.
10Lote andwile meso enyi, amwene cana caYotau cosena, cikiko capwile nameya kanawa kwosena ximbu kwapwile kanda Yehova anongese Sotome naNgomola, nge milemba yaYehova, nge lifuci lyaEjipitu, omu nauya kuZowale.
11Ngoco Lote alisakwilile cana caYotau cosena. Lote ayile kumusamuko, kaha valihandunwine.
12Apalama atwaminenga mulifuci lyaKanane, kaha Lote atwaminenga mumembo akucana, nakunungwojola mbalaka yenyi palanga nakuSotome.
13Jino vatu vakuSotome vapwile vaka-kuhuka, vapwile vaka-xili vakumuvulumuna Yehova cikuma.
14Jino omu alingile Lote hanalihandununa lyehi naApalama, Yehova ambile kuli Apalama ngwenyi, Andula meso ove utale kufumisoku unemana, utale kunote, nakusulo, nakumusamuko, nakumulauko,
15mwomwo lifuci lyoseneli uli nakutala nangukalihana kuli ove nakuli vaka-tanga yove haya myaka yosena.
16Vaka-tanga yove nangukavavulisa nge lukungu lwahamavu, ngoco kaci mutu mwahasa kulava lukungu lwahamavu, kaha mwakahasa nawa kulava vaka-tanga yove.
17Katuka, tambwojoka mulifuci namukusuhwa calyo namukutohwa calyo, mwomwo nangukakuhanalyo.
18Apalama anungulwile mbalaka yenyi, ayile nakutwama kumitelevinde yaMamele yize yili kuHevelone. Kaha amutungilile Yehova lijiko lyakulumbila kuze.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.