KUPUTUKA 17
17
1Omu apwile Apalama namyaka makumi atanu naawana namyaka yitanu nayiwana, Yehova alisolwele kuli Apalama nakumwamba ngwenyi, Ami yami Kalunga ngukweci ngolo josena. Tambukanga kumeso ami, upwenga uwakulonga.
2Nangulixika luxiko lwami nayove, nakukuvulisa cikuma.
3Apalama alimbilile cameso-hamavu, kaha Kalunga ahanjikile nenyi ngwenyi,
4KahAmi, tala, ngunalixiki lyehi luxiko lwami nayove, kaha naukapwa usevo yaliyongomena lyavaka-mafuci amavulu.
5Kaha nawa, kavexi kukavuluka ceka lijina lyoveko ngwavo, #17.5:Nge ngwavo, Ise-wakuzunduka-helu.Apalama, oloze lijina lyove nalipwanga yove #17.5:Nge ngwavo, Sevo-yaliyongomena.Apalahama, mwomwo #Loma 4.17.ngunakulingisa lyehi kupwa usevo yaliyongomena lyavaka-mafuci amavulu, xikaho.
6Nangukakuhana lusemo cikuma, nakulingisa vaka-tanga yove kupwa vaka-mafuci amavulu, kaha kuli ove nakukasemuka vamyangana.
7Nanguzamisa luxiko lwami ngunalixiki nayove navaka-tanga yove navakakukava mukusemunwina cavo cosena lupwenga luxiko lwakwilila haya myaka yosena, ngupwenga nguKalunga kove, nguKalunga #Ngale. 3.16. kavaka-tanga yove nawa navakakukava.
8Lifuci lino unazuzumana, lifuci lyaKanane lyosena, nangukalihana kuli ove nakuli vaka-tanga yove navakakukava, likapwenga luheto lwavo lwahaya myaka yosena, kahAmi nangukapwanga nguKalunga kavo.
9Kalunga ambile kuli Apalahama ngwenyi, Ove kwove ulamanga luxiko lwami, nayove navaka-tanga yove navakakukava, mukusemunwina cavo cosena.
10 #
Vili. 7.8. Elu lukiko luxiko lwami ngunambe ngwami, mululamanga, elu ngunalixiki nayove navaka-tanga yove navakakukava. Vana vamalunga vosenava vali kuli enu vavajihane.
11Vamyenge mivumbo yenu, kaha nakapwanga katacikijilo kaluxiko ngunalixiki nayenu.
12Vana vali namakumbi atanu naatatu vakavajihane muli enu, malunga vosena mukusemunwina cenu cosena, cipwe wakusemukila muzuvo yove, cipwe wakulanda najimbongo kuli muka-muyaci weka, ou wakuzeneka kupwa wakutanga yove.
13Nayou wakusemukila muzuvo yove, nayou wakulanda najimbongo jove, xina vavajihane. Kaha luxiko lwami nalupwanga kumijimba yenu, lupwenga luxiko lwahaya myaka yosena.
14Oloze lunga uze vanazeneka kwenga muvumbo wenyi, mutu uze navakamutetamo muli vaka-tanga yenyi. Ikiye najihi luxiko lwami.
15Kalunga ambile kuli Apalahama ngwenyi, Pwevo lyove Salai nawa, kanda ukamuvuluka cekako ngwove, Salai, oloze lijina lyenyi lipwenga ikiye #17.15:Nge ngwavo, Mwangana.Sala.
16Nangukamuwahisa, kaha nawa nangukakuhana mwana walunga kuli ikiye. Camwenemwene nangukamuwahisa, kaha mwakapwa nevo yavaka-mafuci amavulu. Kuli ikiye nakukasemuka vamyangana javatu.
17Jino Apalahama alimbilile cameso-hamavu, asehele, alyambile mumucima wenyi ngwenyi, Lunga ali namyaka likulukaji mwakasema mwana numba? Kaha Sala nawa, ou ali namyaka makumi atanu naawana, mwakasema mwana numba?
18Kaha Apalahama ambile kuli Kalunga ngwenyi, Kaci Iximele mwahasa kuyoya kumeso ove!
19Kalunga amwambile ngwenyi, Nduma, oloze pwevo lyove Sala mwakasema nove mwana walunga, kaha ukamuluka lijina lyenyi ngwove, #17.19:Nge ngwavo, Miselo.Isaka. Nangukazamisa luxiko lwami naikiye, lukapwenga luxiko lwahaya myaka yosena hali vaka-tanga yenyi navakamukava.
20Kaha hakuvuluka Iximele, ngunakwivu. Tala, ngunamuwahisa, kaha nangukamuhana lusemo cikuma, nakumuvulisa cikuma. Mwakasema vamyata likumi navavali, kaha nangukamulingisa kupwa muyaci waunene.
21Oloze luxiko lwami nangukaluza-mixila kuli Isaka, ou navakasema kuli Sala hakakweji uno ngunatongola, hamwaka nawizaho.
22Akumixile kuhanjika nenyi, kaha Kalunga ayile mwilu, asezele Apalahama.
23Apalahama atwalile mwanenyi walunga Iximele, navosena vaze vasemukilile kuzuvo yenyi, navosena vaze alanjile najimbongo jenyi, malunga vosena vaze vamuli vatu vamuzuvo yaApalahama, kaha engele mivumbo yavo halikumbi lyolimwe, nge omu vamwambile kuli Kalunga.
24Apalahama apwile namyaka makumi atanu naawana namyaka yitanu nayiwana omu vamwengele muvumbo wenyi.
25Mwanenyi Iximele apwile namyaka likumi nayitatu omu vamwengele muvumbo wenyi.
26Halikumbi lyolimwe vajihanyine Apalahama namwanenyi Iximele.
27Kaha vosena vakuzuvo yenyi, navaze vasemukilile muzuvo yenyi, navaze vakulanda najimbongo jenyi kuli vaka-miyaci yeka, vavajihanyine naikiye hamwe.
Currently Selected:
KUPUTUKA 17: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 17
17
1Omu apwile Apalama namyaka makumi atanu naawana namyaka yitanu nayiwana, Yehova alisolwele kuli Apalama nakumwamba ngwenyi, Ami yami Kalunga ngukweci ngolo josena. Tambukanga kumeso ami, upwenga uwakulonga.
2Nangulixika luxiko lwami nayove, nakukuvulisa cikuma.
3Apalama alimbilile cameso-hamavu, kaha Kalunga ahanjikile nenyi ngwenyi,
4KahAmi, tala, ngunalixiki lyehi luxiko lwami nayove, kaha naukapwa usevo yaliyongomena lyavaka-mafuci amavulu.
5Kaha nawa, kavexi kukavuluka ceka lijina lyoveko ngwavo, #17.5:Nge ngwavo, Ise-wakuzunduka-helu.Apalama, oloze lijina lyove nalipwanga yove #17.5:Nge ngwavo, Sevo-yaliyongomena.Apalahama, mwomwo #Loma 4.17.ngunakulingisa lyehi kupwa usevo yaliyongomena lyavaka-mafuci amavulu, xikaho.
6Nangukakuhana lusemo cikuma, nakulingisa vaka-tanga yove kupwa vaka-mafuci amavulu, kaha kuli ove nakukasemuka vamyangana.
7Nanguzamisa luxiko lwami ngunalixiki nayove navaka-tanga yove navakakukava mukusemunwina cavo cosena lupwenga luxiko lwakwilila haya myaka yosena, ngupwenga nguKalunga kove, nguKalunga #Ngale. 3.16. kavaka-tanga yove nawa navakakukava.
8Lifuci lino unazuzumana, lifuci lyaKanane lyosena, nangukalihana kuli ove nakuli vaka-tanga yove navakakukava, likapwenga luheto lwavo lwahaya myaka yosena, kahAmi nangukapwanga nguKalunga kavo.
9Kalunga ambile kuli Apalahama ngwenyi, Ove kwove ulamanga luxiko lwami, nayove navaka-tanga yove navakakukava, mukusemunwina cavo cosena.
10 #
Vili. 7.8. Elu lukiko luxiko lwami ngunambe ngwami, mululamanga, elu ngunalixiki nayove navaka-tanga yove navakakukava. Vana vamalunga vosenava vali kuli enu vavajihane.
11Vamyenge mivumbo yenu, kaha nakapwanga katacikijilo kaluxiko ngunalixiki nayenu.
12Vana vali namakumbi atanu naatatu vakavajihane muli enu, malunga vosena mukusemunwina cenu cosena, cipwe wakusemukila muzuvo yove, cipwe wakulanda najimbongo kuli muka-muyaci weka, ou wakuzeneka kupwa wakutanga yove.
13Nayou wakusemukila muzuvo yove, nayou wakulanda najimbongo jove, xina vavajihane. Kaha luxiko lwami nalupwanga kumijimba yenu, lupwenga luxiko lwahaya myaka yosena.
14Oloze lunga uze vanazeneka kwenga muvumbo wenyi, mutu uze navakamutetamo muli vaka-tanga yenyi. Ikiye najihi luxiko lwami.
15Kalunga ambile kuli Apalahama ngwenyi, Pwevo lyove Salai nawa, kanda ukamuvuluka cekako ngwove, Salai, oloze lijina lyenyi lipwenga ikiye #17.15:Nge ngwavo, Mwangana.Sala.
16Nangukamuwahisa, kaha nawa nangukakuhana mwana walunga kuli ikiye. Camwenemwene nangukamuwahisa, kaha mwakapwa nevo yavaka-mafuci amavulu. Kuli ikiye nakukasemuka vamyangana javatu.
17Jino Apalahama alimbilile cameso-hamavu, asehele, alyambile mumucima wenyi ngwenyi, Lunga ali namyaka likulukaji mwakasema mwana numba? Kaha Sala nawa, ou ali namyaka makumi atanu naawana, mwakasema mwana numba?
18Kaha Apalahama ambile kuli Kalunga ngwenyi, Kaci Iximele mwahasa kuyoya kumeso ove!
19Kalunga amwambile ngwenyi, Nduma, oloze pwevo lyove Sala mwakasema nove mwana walunga, kaha ukamuluka lijina lyenyi ngwove, #17.19:Nge ngwavo, Miselo.Isaka. Nangukazamisa luxiko lwami naikiye, lukapwenga luxiko lwahaya myaka yosena hali vaka-tanga yenyi navakamukava.
20Kaha hakuvuluka Iximele, ngunakwivu. Tala, ngunamuwahisa, kaha nangukamuhana lusemo cikuma, nakumuvulisa cikuma. Mwakasema vamyata likumi navavali, kaha nangukamulingisa kupwa muyaci waunene.
21Oloze luxiko lwami nangukaluza-mixila kuli Isaka, ou navakasema kuli Sala hakakweji uno ngunatongola, hamwaka nawizaho.
22Akumixile kuhanjika nenyi, kaha Kalunga ayile mwilu, asezele Apalahama.
23Apalahama atwalile mwanenyi walunga Iximele, navosena vaze vasemukilile kuzuvo yenyi, navosena vaze alanjile najimbongo jenyi, malunga vosena vaze vamuli vatu vamuzuvo yaApalahama, kaha engele mivumbo yavo halikumbi lyolimwe, nge omu vamwambile kuli Kalunga.
24Apalahama apwile namyaka makumi atanu naawana namyaka yitanu nayiwana omu vamwengele muvumbo wenyi.
25Mwanenyi Iximele apwile namyaka likumi nayitatu omu vamwengele muvumbo wenyi.
26Halikumbi lyolimwe vajihanyine Apalahama namwanenyi Iximele.
27Kaha vosena vakuzuvo yenyi, navaze vasemukilile muzuvo yenyi, navaze vakulanda najimbongo jenyi kuli vaka-miyaci yeka, vavajihanyine naikiye hamwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.