KUPUTUKA 20
20
Apalahama naAvimeleke
1Apalahama afumine kuze, ayile kulifuci lyakusulo, atwamine hakaci kaKatexe naXule, kaha azuzumanyinenga kuNgelale.
2Apalahama avulukile pwevo lyenyi Sala ngwenyi, Ikiye ndumbwami. Kaha Avimeleke mwangana waNgelale atumine nakutambula Sala.
3Oloze Kalunga ejile kuli Avimeleke naufuku nakumulotesa nakumwamba ngwenyi, Tala, unafu hali ou pwevo unatambula, mwomwo ikiye pwevo lyambala, xikaho.
4Oloze Avimeleke apwile kanda alipandame nenyi, kaha amwambile ngwenyi, Ove Mwata, naujiha nawa muyaci wavaka-kwoloka tahi?
5Ivene lunga kangulwezeleko numba? ngwenyi, Ikiye ndumbwami. Naivene pwevo nawa ambanga ngwenyi, Ikiye ndumbwami. Cuma cino ngunacilingi mukulonga camucima wami, nakuzeneka mulonga wamavoko ami.
6Kalunga amwambile hakumulotesa ngwenyi, Mwomwo vene, ngunatacikiza ngwami, unacilingi mukulonga camucima wove, kahAmi nawa ngunakukingi kucina naungu-vulumuna mulonga, xikaho kangwa-kwitavilile kulipandama nenyiko.
7Xikaho jino, muhilwixile uze lunga pwevo lyenyi, mwomwo ikiye kapolofweto, mwakulombela kaha nauyoya. Oloze nge naukana kumuhilwisa, tacikiza, mwomwo naufwa cakufwa, nayove navatu jove vosena.
8Xikaho Avimeleke amenekele cimenemene, asanyikile vatu jenyi vosena, avambulilile vyuma vyosenevi. Kaha vaze malunga vevwile woma mateli.
9Jino Avimeleke asanyikile Apalahama, amwambile ngwenyi, Eyi unatulingi ika? Ngunakuvulumuna mulihi numba utuvulumwise mulonga waxili waunene ami nawangana wami? Unangulingi vilinga cijila kulinga.
10Avimeleke amwambile nawa Apalahama ngwenyi, Wamonanga ika numba ulinge cumeci?
11Apalahama amwambile ngwenyi, Mwomwo ngwaxinganyekanga ngwami, Camwenemwene, muno kamwexi kumwivwa Kalunga womako, ngwami, navangujiha hali pwevo lyami.
12Kaha nawa, ikiye ndumbwami vene, ikiye mwanatata, Oloze kexi mwanamamako, kaha asombokele kuli ami.
13Kaha casolokele, omu angukatwile Kalunga kuzuvo yatata ngutambwojoke, ngwamwambile ngwami, Eli likiko likoji mukangulweza, ngwami, kwexokwo natukaheta ukanguvuluka ngwove, Ikiye ndumbwami.
14Kaha Avimeleke akwacile mikoko navangombe navandungo vamalunga navava vamapwevo, avahanyine kuli Apalahama, nakumuhilwixila nawa pwevo lyenyi Sala.
15Avimeleke amwambile ngwenyi, Tala, lifuci lyami lili kumeso ove, katwamenga kwexokwo unamono kwamwaza.
16Ambile kuli Sala ngwenyi, Tala, ngunamuhane ndumbwove likombakaji lyajimbongo japalata. Tala, #20.16:MuuHepeleu ngwavo, Cinapu cakukufwika kumeso.jinapu jakukukukila kumeso avatu vosenava vali nayove hamwe, kaha kumeso avosena unasambe.
17Ngoco Apalahama alombele kuli Kalunga, kaha Kalunga ahindwile Avimeleke napwevo lyenyi navandungo jenyi vamapwevo, kaha vasemene vana.
18Mwomwo Yehova alingile najiki lyehi mumajimo amapwevo vamuzuvo yaAvimeleke vosena, mwomwo hali Sala, pwevo lyaApalahama.
Currently Selected:
KUPUTUKA 20: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 20
20
Apalahama naAvimeleke
1Apalahama afumine kuze, ayile kulifuci lyakusulo, atwamine hakaci kaKatexe naXule, kaha azuzumanyinenga kuNgelale.
2Apalahama avulukile pwevo lyenyi Sala ngwenyi, Ikiye ndumbwami. Kaha Avimeleke mwangana waNgelale atumine nakutambula Sala.
3Oloze Kalunga ejile kuli Avimeleke naufuku nakumulotesa nakumwamba ngwenyi, Tala, unafu hali ou pwevo unatambula, mwomwo ikiye pwevo lyambala, xikaho.
4Oloze Avimeleke apwile kanda alipandame nenyi, kaha amwambile ngwenyi, Ove Mwata, naujiha nawa muyaci wavaka-kwoloka tahi?
5Ivene lunga kangulwezeleko numba? ngwenyi, Ikiye ndumbwami. Naivene pwevo nawa ambanga ngwenyi, Ikiye ndumbwami. Cuma cino ngunacilingi mukulonga camucima wami, nakuzeneka mulonga wamavoko ami.
6Kalunga amwambile hakumulotesa ngwenyi, Mwomwo vene, ngunatacikiza ngwami, unacilingi mukulonga camucima wove, kahAmi nawa ngunakukingi kucina naungu-vulumuna mulonga, xikaho kangwa-kwitavilile kulipandama nenyiko.
7Xikaho jino, muhilwixile uze lunga pwevo lyenyi, mwomwo ikiye kapolofweto, mwakulombela kaha nauyoya. Oloze nge naukana kumuhilwisa, tacikiza, mwomwo naufwa cakufwa, nayove navatu jove vosena.
8Xikaho Avimeleke amenekele cimenemene, asanyikile vatu jenyi vosena, avambulilile vyuma vyosenevi. Kaha vaze malunga vevwile woma mateli.
9Jino Avimeleke asanyikile Apalahama, amwambile ngwenyi, Eyi unatulingi ika? Ngunakuvulumuna mulihi numba utuvulumwise mulonga waxili waunene ami nawangana wami? Unangulingi vilinga cijila kulinga.
10Avimeleke amwambile nawa Apalahama ngwenyi, Wamonanga ika numba ulinge cumeci?
11Apalahama amwambile ngwenyi, Mwomwo ngwaxinganyekanga ngwami, Camwenemwene, muno kamwexi kumwivwa Kalunga womako, ngwami, navangujiha hali pwevo lyami.
12Kaha nawa, ikiye ndumbwami vene, ikiye mwanatata, Oloze kexi mwanamamako, kaha asombokele kuli ami.
13Kaha casolokele, omu angukatwile Kalunga kuzuvo yatata ngutambwojoke, ngwamwambile ngwami, Eli likiko likoji mukangulweza, ngwami, kwexokwo natukaheta ukanguvuluka ngwove, Ikiye ndumbwami.
14Kaha Avimeleke akwacile mikoko navangombe navandungo vamalunga navava vamapwevo, avahanyine kuli Apalahama, nakumuhilwixila nawa pwevo lyenyi Sala.
15Avimeleke amwambile ngwenyi, Tala, lifuci lyami lili kumeso ove, katwamenga kwexokwo unamono kwamwaza.
16Ambile kuli Sala ngwenyi, Tala, ngunamuhane ndumbwove likombakaji lyajimbongo japalata. Tala, #20.16:MuuHepeleu ngwavo, Cinapu cakukufwika kumeso.jinapu jakukukukila kumeso avatu vosenava vali nayove hamwe, kaha kumeso avosena unasambe.
17Ngoco Apalahama alombele kuli Kalunga, kaha Kalunga ahindwile Avimeleke napwevo lyenyi navandungo jenyi vamapwevo, kaha vasemene vana.
18Mwomwo Yehova alingile najiki lyehi mumajimo amapwevo vamuzuvo yaAvimeleke vosena, mwomwo hali Sala, pwevo lyaApalahama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.