KUPUTUKA 26
26
Isaka hakupwa kuNgelale
1Zala yakalombolombo yeka yaholokele kulifuci, kexi yize yaholokele hamakumbi aze aApalahamako. Kaha Isaka ayile kuli Avimeleke mwangana wavaFwilixite kuNgelale.
2Yehova alisolwele kuli ikiye, amwambile ngwenyi, Kanda uxikumuka kuEjipituko. Twama mulifuci kana nangukulweza.
3Zuzumana mulifuci lino, kahAmi nangutwama nayove hamwe nakukuwahisa, mwomwo nangukahana mafuci osenawa kuli ove nakuli vaka-tanga yove, nakuzamisa nenu kulixinga kana ngwalixingile kuli iso Apalahama.
4Nangukavulisa vaka-tanga yove vakavule nge vatanganyika vali mwilu. Kaha vaka-tanga yove nangukavahana mafuci osenawa. Kaha #22.18; Ngale. 3.8.muli muka-tanga yove vaka-mafuci osena ahamavu navakamona kutokwa,
5mwomwo Apalahama ononokele mulizu lyami nakulameci ngwamuhanyine kulama, navyevi ngwamulwezele, navilikevi ngwambile, najiximbi jami.
6Isaka atwaminenga muNgelale. Malunga venyembo Vamwihwile pwevo lyenyi.
7Avambile ngwenyi, Ikiye ndumbwami. Mwomwo evwile woma wakwamba ngwenyi, Pwevo lyami, ngwenyi, Kucina malunga venyembo navangujiha hali Laveka. Mwomwo ikiye kumutala apwile wamwaza, xikaho.
8Kaha casolokele, omu aximbwile cikuma muze, Avimeleke mwangana wavaFwilixite atalile munjanena nakumona, kaha tala, Isaka apwile nakusapula napwevo lyenyi Laveka.
9Avimeleke asanyikile Isaka, amwambile ngwenyi, Tala, Camwenemwene ikiye napu pwevo lyove. Ikaze wambilile ngwove, Ikiye ndumbwami? Isaka amwambile ngwenyi, Mwomwo ngwalyambile ngwami, Kucina nangufwa hali ikiye.
10Avimeleke amwambile ngwenyi, Eyi unatulingi ika? Mukwetu umwe kaci nasavala tuhu napwevo lyove, ngoco kaci unatuwanyisa kupaya.
11Avimeleke avalwezele vatu jenyi vosena ngwenyi, Wose mwalinga cuma kuli ou lunga cipwe kuli pwevo lyenyi, mwafwa cakufwa.
12Jino Isaka akuvile mbuto mulifuci lize, kaha hamwaka uze awanyinyineho likulukaji. Yehova amuwahixile.
13Uze mutu atohwele, hakuya nakutohwa palanga nomu atohwele cikumakuma.
14Apwile naluheto lwamautanga avimuna vavandende, naluheto lwamautanga avangombe, navatu vavavulu vakuzuvo yenyi. Kaha vaFwilixite vamwivwilile luxiwuxiwu.
15Jino maxima osenaze vafulile vandungo jaise hamakumbi aise Apalahama, vaFwilixite vawajikile nakuxikilamo mavu.
16Kaha Avimeleke ambile kuli Isaka ngwenyi, Tufume, mwomwo unatuhambakana cikuma ngolo.
17Isaka akatukile kuze, atungile cilombo cenyi kucinema cakuNgelale, atwamine kuze.
18Isaka afululwile maxima ameya aze vafulile hamakumbi aise Apalahama, mwomwo vaFwilixite vawajikile hakufwa caApalahama. Kaha awalukile majinawo majinaze awalukile ise.
19Vandungo jaIsaka vafulile kucinema, vawanyine kaselwoke wameya #26.19:MuuHepeleu ngwavo, meya akuyoya.akuvweluka kuze.
20Tufunga vakuNgelale vavakokojwesele tufunga twaIsaka ngwavo, Meyawa etu. Kaha alukile lijina lyalixima lize ngwenyi, #26.20:Nge ngwenyi, Vikokojola.Eseke, mwomwo vamukokojwesele, xikaho.
21Vafulile lixima lyeka, kaha nalikiko nawa valikokojwelele. Alilukile lijina lyalyo ngwenyi, #26.21:Nge ngwenyi, Kole.Setena.
22Kaha alukile kuze, afulile lixima lyeka, likiko kavalikokojweleleko. Alilukile lijina lyalyo ngwenyi, #26.22:Nge ngwenyi, Kwakunene.Lehovote, ngwenyi, Mwomwo jino Yehova natutalila kwakutwama, kaha natusemunwina mulifuci.
23Akatukile kuze, ayile kuMbelexeva.
24Yehova alisolwele kuli ikiye Ufuku uze, amwambile ngwenyi, Ami yami Kalunga kaiso Apalahama. Kanda wivwa womako, mwomwo nguli nayove hamwe, kaha nangukuwahisa, nakuvulisa vaka-tanga yove mwomwo hali ngamba yami Apalahama.
25Atungile lijiko lyakulumbila kuze, asanyikile Yehova halijina lyenyi. Alemene mbalaka yenyi kuze, kaha vandungo jaIsaka vafulile lixima kuze.
26Jino Avimeleke akatukile kuNgelale nakuya kuli ikiye, naAhuzate sepa lyenyi, naFwikole kapitau kajita yenyi.
27Isaka avehwile ngwenyi, Munejila ika kuli ami, hamono munanguhungu, kaha munanguhange?
28Vamwambile ngwavo, Twamonanga kanawa ngwetu, Yehova ali nayove hamwe, kaha twambanga ngwetu, Hakaci ketu hapwenga kulixinga, hakaci ketu nayove, tulixike luxiko nayove,
29ngwetu, kanda ukatulinga mwamupiko, nge omu tunazeneka kukwata hali ove, nomu tunazeneka kukulinga mweka xina mwamwaza kaha, nakukusuwula nakeke, ove yove ou vanawahisa jino kuli Yehova.
30Avatelekelele kulya cacivulu, kaha valile nakunwa.
31Vamenekele cimenemene, valixingile umwe naumwe. Isaka avasuwile, kaha Vakatukile kuze kwenyi nakeke.
32Kaha casolokele, halikumbi lize vene vandungo jaIsaka vejile nakumulweza lixima lize vafulile ngwavo, Tunawanemo meya.
33Alilukile ngwenyi, Xiva. Xikaho lijina lyalimbo lize likiko Mbele-xeva nakulikumbi lyalelo.
34Omu apwile Esau namyaka makumi awana, ambacile pwevo lyenyi Yutete mwanaMbeli kaHete, naMbasemate mwanaElone kaHete.
35Vakivo vevwixilenga Isaka naLaveka kunyengetela mumicima yavo.
Currently Selected:
KUPUTUKA 26: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 26
26
Isaka hakupwa kuNgelale
1Zala yakalombolombo yeka yaholokele kulifuci, kexi yize yaholokele hamakumbi aze aApalahamako. Kaha Isaka ayile kuli Avimeleke mwangana wavaFwilixite kuNgelale.
2Yehova alisolwele kuli ikiye, amwambile ngwenyi, Kanda uxikumuka kuEjipituko. Twama mulifuci kana nangukulweza.
3Zuzumana mulifuci lino, kahAmi nangutwama nayove hamwe nakukuwahisa, mwomwo nangukahana mafuci osenawa kuli ove nakuli vaka-tanga yove, nakuzamisa nenu kulixinga kana ngwalixingile kuli iso Apalahama.
4Nangukavulisa vaka-tanga yove vakavule nge vatanganyika vali mwilu. Kaha vaka-tanga yove nangukavahana mafuci osenawa. Kaha #22.18; Ngale. 3.8.muli muka-tanga yove vaka-mafuci osena ahamavu navakamona kutokwa,
5mwomwo Apalahama ononokele mulizu lyami nakulameci ngwamuhanyine kulama, navyevi ngwamulwezele, navilikevi ngwambile, najiximbi jami.
6Isaka atwaminenga muNgelale. Malunga venyembo Vamwihwile pwevo lyenyi.
7Avambile ngwenyi, Ikiye ndumbwami. Mwomwo evwile woma wakwamba ngwenyi, Pwevo lyami, ngwenyi, Kucina malunga venyembo navangujiha hali Laveka. Mwomwo ikiye kumutala apwile wamwaza, xikaho.
8Kaha casolokele, omu aximbwile cikuma muze, Avimeleke mwangana wavaFwilixite atalile munjanena nakumona, kaha tala, Isaka apwile nakusapula napwevo lyenyi Laveka.
9Avimeleke asanyikile Isaka, amwambile ngwenyi, Tala, Camwenemwene ikiye napu pwevo lyove. Ikaze wambilile ngwove, Ikiye ndumbwami? Isaka amwambile ngwenyi, Mwomwo ngwalyambile ngwami, Kucina nangufwa hali ikiye.
10Avimeleke amwambile ngwenyi, Eyi unatulingi ika? Mukwetu umwe kaci nasavala tuhu napwevo lyove, ngoco kaci unatuwanyisa kupaya.
11Avimeleke avalwezele vatu jenyi vosena ngwenyi, Wose mwalinga cuma kuli ou lunga cipwe kuli pwevo lyenyi, mwafwa cakufwa.
12Jino Isaka akuvile mbuto mulifuci lize, kaha hamwaka uze awanyinyineho likulukaji. Yehova amuwahixile.
13Uze mutu atohwele, hakuya nakutohwa palanga nomu atohwele cikumakuma.
14Apwile naluheto lwamautanga avimuna vavandende, naluheto lwamautanga avangombe, navatu vavavulu vakuzuvo yenyi. Kaha vaFwilixite vamwivwilile luxiwuxiwu.
15Jino maxima osenaze vafulile vandungo jaise hamakumbi aise Apalahama, vaFwilixite vawajikile nakuxikilamo mavu.
16Kaha Avimeleke ambile kuli Isaka ngwenyi, Tufume, mwomwo unatuhambakana cikuma ngolo.
17Isaka akatukile kuze, atungile cilombo cenyi kucinema cakuNgelale, atwamine kuze.
18Isaka afululwile maxima ameya aze vafulile hamakumbi aise Apalahama, mwomwo vaFwilixite vawajikile hakufwa caApalahama. Kaha awalukile majinawo majinaze awalukile ise.
19Vandungo jaIsaka vafulile kucinema, vawanyine kaselwoke wameya #26.19:MuuHepeleu ngwavo, meya akuyoya.akuvweluka kuze.
20Tufunga vakuNgelale vavakokojwesele tufunga twaIsaka ngwavo, Meyawa etu. Kaha alukile lijina lyalixima lize ngwenyi, #26.20:Nge ngwenyi, Vikokojola.Eseke, mwomwo vamukokojwesele, xikaho.
21Vafulile lixima lyeka, kaha nalikiko nawa valikokojwelele. Alilukile lijina lyalyo ngwenyi, #26.21:Nge ngwenyi, Kole.Setena.
22Kaha alukile kuze, afulile lixima lyeka, likiko kavalikokojweleleko. Alilukile lijina lyalyo ngwenyi, #26.22:Nge ngwenyi, Kwakunene.Lehovote, ngwenyi, Mwomwo jino Yehova natutalila kwakutwama, kaha natusemunwina mulifuci.
23Akatukile kuze, ayile kuMbelexeva.
24Yehova alisolwele kuli ikiye Ufuku uze, amwambile ngwenyi, Ami yami Kalunga kaiso Apalahama. Kanda wivwa womako, mwomwo nguli nayove hamwe, kaha nangukuwahisa, nakuvulisa vaka-tanga yove mwomwo hali ngamba yami Apalahama.
25Atungile lijiko lyakulumbila kuze, asanyikile Yehova halijina lyenyi. Alemene mbalaka yenyi kuze, kaha vandungo jaIsaka vafulile lixima kuze.
26Jino Avimeleke akatukile kuNgelale nakuya kuli ikiye, naAhuzate sepa lyenyi, naFwikole kapitau kajita yenyi.
27Isaka avehwile ngwenyi, Munejila ika kuli ami, hamono munanguhungu, kaha munanguhange?
28Vamwambile ngwavo, Twamonanga kanawa ngwetu, Yehova ali nayove hamwe, kaha twambanga ngwetu, Hakaci ketu hapwenga kulixinga, hakaci ketu nayove, tulixike luxiko nayove,
29ngwetu, kanda ukatulinga mwamupiko, nge omu tunazeneka kukwata hali ove, nomu tunazeneka kukulinga mweka xina mwamwaza kaha, nakukusuwula nakeke, ove yove ou vanawahisa jino kuli Yehova.
30Avatelekelele kulya cacivulu, kaha valile nakunwa.
31Vamenekele cimenemene, valixingile umwe naumwe. Isaka avasuwile, kaha Vakatukile kuze kwenyi nakeke.
32Kaha casolokele, halikumbi lize vene vandungo jaIsaka vejile nakumulweza lixima lize vafulile ngwavo, Tunawanemo meya.
33Alilukile ngwenyi, Xiva. Xikaho lijina lyalimbo lize likiko Mbele-xeva nakulikumbi lyalelo.
34Omu apwile Esau namyaka makumi awana, ambacile pwevo lyenyi Yutete mwanaMbeli kaHete, naMbasemate mwanaElone kaHete.
35Vakivo vevwixilenga Isaka naLaveka kunyengetela mumicima yavo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.